بنااات الانجليزي هلموااا الي محتاجه رايكم

[حلو الذكريات]

مـــــــــــــــــــرحبااااا


شلونكم صبايا ان شالله بخير
وشلون استعدادكم للفصل الصيفي..
بنات بغيت اسأل عندي كذا مجموعه بالميجر شيت
مجموعة الشعر والمجموعه الثانيه قصص عرض تاريخي والثالثه شيكسبير <<<<مستحيييييل اخذه
فأنا بغيت رايكم اي مجموعه اسهل الشعر ولا القصص
ومشكوووووووورين مقدمااا



اي صح نسيت سجلت قياس وتقويم عند صلاح مراد منو سامعه فيه
وااللي ماخذه عنده ياريت تقولي شلون طريقته
ادري طولت فدييييييييييييييييتكم

 

[Whisper ~]

انا خذيت الشعر وبالنسبه لي حسيته أسهل من القصص
حتى رفيجاتي اللي مآخذين قصص حسيتهم مكروفين حييل أكثر من اللي ماخذين شعر
من ناحية الشعر .. خذينا مجموعة شعار بكل حقبه < متعوب على حقبه :$
اللي هم الفكتوريان والرومانتك .. والفروق بين الحقبات والشعار واللي يتميز فيه كل شاعر وقصة كل قصيده .. والامتحانات نوعية الاسئله تكون شيقصد الشاعر بكلمة كذا أو شنو موضوع قصيدة كذا وشاللي تتميز فيه الحقبه الفلانيه
احياناً حتى كنت أروح الامتحان مو دارسه لأنه يعتمد على فهمج للقصيده

اما صلاح مراد خذيت عنده قياس وتقويم والدكتور حليوو بس الماده مليغه ودسمه .. يبيلها روائة بال
من ناحية الامتحانات ناسيه شلون الطريقه .. بس طلب منا مشروع نسوي امتحان ونروح مدرسه من المدارس ونمتحنهم ونقعد نقيس ونقوم الدرجات وما الى ذلك
بس من ناحية الدكتور ماعليه كلام ترى

 

[حلو الذكريات]

وسبر يعطيج الف الف عافيه حياتي ماقصرتي
بس انا سسجلت مادة قياس صيفي فماراح يطلب منا نروح مدارس<<<<<صيفي وين تلقين مدرسه مفتوحه
مشكوووووووورة حبيبتي