بناااات help help كل ما طبخت ريحه البيت ........... ابي حل

[sugar&spice]

السلام عليكم

شلونكم بنااات

انا الصراحه اطبخ غداااي مال باجر من الليل,,,,,,,,,,, لأني موظفه طبعا ودوامي لي العصر

المشكله ,,,,,,,, اني من اطبخ شي حتى لو بسيط,,,,,,,,,,الريحه تترس الشقه :0bee2e8d89:

وانا لما اطبخ اسكر باب المطبخ وابطل الشفاااط والدرايش بعد بس هم ماكو فايده :eh_s(14)::eh_s(14):

امس بس خلاص صج صج لاعت جبدي,,,,,,,,,,,ريلي يبي ستيك,,,,,,,سويته وترست البيت ريحه الاكل

وعيزت احط بخووور بس ماكو فايده والشموع الصغيره المعطره ماتسوي شي كلش :krkrkr:

واااي اليوم الصبح قعدت,,,,,, للحين الريحه بالبيت البخور رااح وريحه الاكل للحين,,,ووجبدي قامت تقلب :0bee2e8d89:


شسوي بنااات بليز اللي تعرف نوع معطر بخور قوي اي طريقه اطير ريحه الاكل فيها تقولي بلييييييييز




:33_1185028183:

 

[ريكاتو]

حبيبتي بطلي الدرايش في اليوم الثاني الصبح وانتي رايحة الدوام لأن انا مطبخي مفتوح على الصالية وكل ما اطبخ اخلية عادي باليل بس اول ما اقوم ابطل الدريشة واروح الدوام وبعد ما ارجع اسكرها وابخر تطلع الريحة عجيبة ولا اكل ولا زفرة

 

[عزااااايز]

بطلي الدرايش
حرقي ميرامية على الجولة

 

[al-zabarjad]

اي والله انتي نفس مشكلتي

بس مو انا اللي اطبخ لا الجيران يطبخون وتدخل علي ريحة الأكل وييييع

مادري شسوي عشان تروح الريحة
:0bee2e8d89:
وبعض الغرف عندي اللي اطل على مطابخ الجيران تصبغ فيها الريحة

شسوي

 

[sugar&spice]

مشكورين حبايبي

واللي تعرف جان زين تفيدنا,,,,,,,,,,,,,

الدرايش مبطله من الصبح وتوني راده البيت للحين الريحه بالبيت

 

[دلوعة ماما]

وانا بعد عندي نفس المشكلة... مو عارفة شسوي

 

[مسك أبيض]

انا بعد الطبخ ابخر البيت باللبان وبعدها ابخره بخور حلو وعندي في المطبخ جهاز التعطير الاوتوماتيكي ...

 

[ريوف22]

انا بعد الطبخ احط على حراره الجوله فانيلا وشوفي الريحه وشلون تختفي

 

[sugar&spice]

من وين الفانييلا مالت الحلويااات؟؟؟؟؟؟؟؟؟؟

 

[al-zabarjad]

تصدقووون

يقولون شبو رمث مثل البخوووور

تمص الريحة مص وبعدين بخروووو وعطرووو البيت

 

[السفيرة عزيزه]

آنا بعد اللي أعرفه تحطين لج مقلاة او جدر ماي على النار وتحطين فيه فانيليا مالت الكيك وبسرعه تسحب الريحه جربيها وقولي لنا النتيجه

 

[منارة الإيمان]

حبيبتى .. اشتري بخورالجاوي من عند الحواج .. الأحمر أو الرمادي وليس الأبيض ... البيض يطفي الجمر .. وكسريه كسرات كبيرة .. يعني لا تنعمينه حيييل لأنه هم بيطفي لج الفحم .. فاخليه قطع كبيييره افضل ...
أولا الجاوي عموما هو مطهر للجو ألي فيه الطبخ والروائح الغير مستحبة ..
ثانيا يمص جمييييع الروائح الغير مرغوب فيها بالبيت وخاااااصة الشقق ..
حتى الأثاث ألي عندج بالبيت راح يتشبع من ريحته ويقضي على الروائح ألي عليه ..
وبعد ما تبخرين بالجاوي جيدا .. بخري مرة ثانية أي بخور محبب عندج ..
راح تشوفيين اشلون ريحة بيتج عجييبة .. الله يوفقج ..

 

[sugar&spice]

مشكورين حبايبي ماقصرتوا

راح اجرب واقولكم النتيجه

 

[pink Flamingo]

افففففف و انا اعاني من نفس المشكله
شسوي ؟؟؟

 

[مهاوي البحرين]

حطي لوميه سوده على الجوله وبعدين بخري البيت

 

[MaZaji CoOL]

خوووش افكااار والله. ...

 

[احساس طفلهـ]

انا احط ليمون فى قدر واخليها تطبخ على الفرن ومرات احط دراسين تشف ط الريحه


بس مو حيل يعنى وربى ابى حل جيرانى اربع وعشرين ساعه طبخ وجنونن المباخر 5 على طول اليوم ماكو فايده

 

[عطر البحرين]

اختي لما تطبخين حطي فحمه مولعه جنب الجوله او قلاص صغير وحطي فيه شويه حليب وماتطلع الريحه ابد تحياتي

 

[love love]

ياقلبي ذكرتيني بمعناتي بشقتي القدييمه حتى لو اقلي همبرغر ريحته تترس الشقه كللها وتنزل عند خالته فشلللللللله

عاد الحين الحل النهائي سوييته شوفي صكري باب المطبخ وحطي لج شفااط قوي والله مو غالييين يمكن 50 او اقل بس يشفط الريحه عدل لانه الشفاط العادي مايسوي شي بو طقه

 

[sugar&spice]

مشكورين حبايبي