بناااات كلية الهندسه و البترول <<<و لا ماكو مهندسات بالمنتدى :p

[LiBra LaDy]

قوة بنااات شلوونكم
بس مستغربه كل الكليات حاطينلها موضوع الا الهندسه
شنو المهندسات الظاهر من كثر التكدش و الهومووركاات و البلاوي ما عندهم وقت لول

المهم اذا في مهندسااات انا حابه نعرف على بعض
و نسووولف و كل وحده تقووول همومها و مواقفها مع الدكاتره و المواد و المهندسيييين
و شنو تخصصها طبعن

يلااااا لااا تدقرووني و يطلع صج ماكو مهندسات

 

[Pink Doughnut]

ed3eeli anqibil oo ayii ashki lich hni :'(

 

[LiBra LaDy]

هههههههه
انزين شفييج زعلاااانه
انشالله تنقبلييييييييين ياااااارب
عاد اول سنه مليقه الله يعينج

 

[•´мs.B A S H O R A`•]

موضوع جميل ليبرا ليدي
أنا اذا في نصيب انقبل بالهندسة فراح اجي ركض عالموضوع عشان اخذ معلومات منج
لووووووووول
انا حاطتها رغبتي الثانية من بعد العلوم الطبية
بس انا حاسة اني راح انقبل بالادارية الي اهي رغبتي الثالثة

اوكي حبيبي كلميني انتي اي سنة و لا مستجدة؟؟
و قوليلي جم كان معدلج المكافئ ؟؟؟

و يعطيج العافية حووبي
:")

 

[LiBra LaDy]

الله يعافيج و انشالله تنقبلين

وانا بروح سنه ثالثه تخصصي كهربا و اذا انقبلتي ما انصحج فيه لووول
و معدلي المكافيء كان التسعينات بس ماذكر جم

على ايامنه كان القبووول الفوري 86 الحين رااافعييينه جنه ؟؟
جم صاااااير؟؟

 

[•´мs.B A S H O R A`•]

على ما اعتقد 88

اوكي قوليلي جم ادني معدل مكافئ للقبول؟
انا معدلي المكافئ 76 انا اعتقد 83 بس حبي استفسر منج و هل تتوقعين يقبلوني يعني في امل و لا نو واي ؟؟

:")

 

[LiBra LaDy]

والله ما ادري

انا اخووي مقدم و معدله المكافئ مثلج 76

اللي اعرفه انه لازم تكون نسبتج بالثنويه فوووق ال 80

بس والله ما ادري اذا تنقبلين او لاء سوري"^^

 

[•´мs.B A S H O R A`•]

انا معدلي بالثانوية 86.6
بس القدرات و ما ادراك ما القدرات
صج صج ظلم


و مشكورة حياتي

 

[LiBra LaDy]

ايييييييييييييييييييييييييي والله

انا امتحنت 3 مراااااااااااات
و كل مره اخس من اللي قبلها
اخر مره قلت خلاص بقعد ادرسله كل يوم كل يووم

اشوه الحمدالله يبت معدل زيين

لـأني كنت ناويه ادش طب بس بعدين غيرت رااايي
بس يلا ما عليه لا تحاتين و اللي الله كاتبه بيصير و اذا بخاطرج هندسه دشي اي كليه و حولي
بس لازم تشدين حييييلج

موفقه حبيبتي

 

[•´мs.B A S H O R A`•]

اهاا انا امتحنت 3 مرات
نجحت بالرياضيات و الكيميا عالحفة
و الانجليزي ما نجحت فيه

و الكل يقولي دشي علوم و حولي ماراح يطوفج شي
بس موضوع التحويل احاتيه
و كنت مسوية سيرتش عن الكليات و اقتنعت بالادارية
فعشان جذي حطيتها الثالثة
اما الرابعة علوم رياضية عشان التحويل لا سمح الله

:")

 

[LiBra LaDy]

هههه
مادري عاد انتي و ميووولج
انا عندي مواااد العلووم كانت حدهااا سهله و حلوه مع ان الكل بالكليه يكرهها

تقريبن اكثر المواد المطلوبه للتحويل خذيت فيهم A- و B+

انتي اذا شايفه نفسج بالريياضيات و الفيزيا ماشيه بسهوووله ترا التحويييل ما يكون صعب كلش

 

[•´мs.B A S H O R A`•]

لا تقولين فيزيا

لوووووووووووول

انا بدعت بالفاينال بالثانوية و عمري ما يبت فيه A

الله يوفقج غلاي
:")

 

[آلآرجـُوآنْ]

ليبرا ليدي صراحه اول وحده تقول مواد العلوم سهله والله انا الفيزيا طير عيوني نسي اقولج انا معاج بالهندسه

 

[!!wawie!!]

قوه بنات..
انا ابي ادش هندسه ان شاء الله..
بس بقالي اخر سنه بالثانويه..
ونسبتي زينه الحمد لله ..
بس مشكلتي بالانجليزي..
انا كلش مو زود بالانجليزي..
فحبيت اسألكم..اذا انتو من قبل لاتدشون الهندسه كنتو اوكي بالانجلش ولا لا..
واذا لا..حسيتو بصعوبه وماقدرتو تكملون ولا عادي..
لان في ناس يقولون لي لما تدشين تتعلمين.
مادري؟؟ شتنصحوني فيه؟؟.

 

[آلآرجـُوآنْ]

حبيبتي اللي اشوفه مو الكل بالانجلبزي بلبل عادي بتعودين اول ما تدخلين فلا تحاتين

 

[LiBra LaDy]

الصمت الحنون >>> والله عاد تصدقين من يووم ما بلشت بمواد الهندسه معدلي نزل ليل ارض
الظاهر كان مفروض ادش علوم مو هندسه العلوووم لا هومورك لا بروجكت لا ريبورت قبل الامتحان بيومين درسي و خلاص

اما الهندسه عذااات و تكدش و ما تذوقين فيها طعم الراحه
ماقلنيلي شنو تحصصج و لا ما تخصصتي؟؟؟


واوي >>> انا بالنجليزي مثلج مو ذاك الزووود و في محاظرات ما فج حلجي فيها لأن الدكتور اجنبي لووول
عادي انتي اذا ماشيه زين بالفيزيا و الرياضيات مافي شي راح يردعج الله يوفقج

 

[آلآرجـُوآنْ]

حبيبتي توني محوله وشكلهم بيحطوني هندشه كهربائيه وانا كارهه هالتخصص وان شاءالله بتخصص بين الكيميائيه و المدني انتي قولي شرايج بهالتخصصات

 

[LiBra LaDy]

ما اتوقع ينفتحلج المدني ... لأنه طق مطاقق عليه
اما الكيميا فاللي اعرفه انه وايد سهل ...
انا تخصصي كهربا و الصراحه الكورس اللي طاااف كرهت نفسيي وايد صعب ...
بس انشالله تحصلين تخصصات احسن
و اي شي تبين انا حاظره

 

[آلآرجـُوآنْ]

انتي دفعه 2006 صح شوفي بحتاجج بالدكاتره لان نص ونص ما اعرففهم كلهم زين بسألج عن ماده اسس هندسه كهربائيه شرايج فيها ودي اخذها وافتك منها

 

[LiBra LaDy]

والله الماده مو سهله للي مو كهربا

و دكاترة الكهربا ماشالله تكدش و هومووركات 15 16 سؤال بالاسبووع
بس اذا كنتي بتتخصصين كهربا انصحج تاخذينها عند دكتور يشرح عدل
انا خذيتها عند عبدالعزيز العمر صج هلكنا طول الكورس بس ماشالله شرحه فظيييع صج طلعت من الماده فاهمه
و ترا راح تعتمد علييها كل مواااااد التخصص بعدين

اي انا دفعة 2006
انتي بعد؟؟