بناااات كلية الهندسه و البترول <<<و لا ماكو مهندسات بالمنتدى :p

[m!ss_foOoshi]

وينكم بنوتات

شلونكم شخباركم

 

[آلآرجـُوآنْ]

تمام حبوبه شخبارالاستعداد للجامعه

 

[m!ss_foOoshi]

تمام عال العال

رحلنا جولات بالجامعه صج تعب

بس ونااااااااسه و متحمسين وايد بنات

 

[Layz]

بنات الحين 16-9 اللقاء التنويري ؟

اليوم في بنات أعرفهم رايحين الجامعة ( كلية الهندسة ) بس ما قدرت أروح لأني الفير رديت من السفر ..

من جم يوم وحدة دازة لي مسج : معاج ( ... ) من قائمة ( ... ) مبروك قبولج و شنو المواد اللي سجلتيها و عند منو ..

عاد ما رديت عليها مالي خلق سوالف قوائم ..

 

[fun]

عاد الحين الله يعينج عالقوائم بس هالكورس و بعديين يمرون يمج بالجامعه حتى سلام ما يسلموون




جنه نطر منهم و لي بغوا شي دقوا علييج

 

[Layz]

إي أنا قلت أفك عمري من الحين أحسن ..

الله يعينا ..

 

[آلآرجـُوآنْ]

الله يعينكم وموفقييين حبايبي

 

[شمعة الكويت]

قوة


شللووونكم


شرايكم نشتري كتب من الحين ولا لما نداوم ؟؟




تحياتي :

شمعة الكويت

 

[^رؤى^]

اهلين شمعة الكويت

لاحقة حبيبتي على الكتب اغلب كتبنا مانبطلها على نوتات الدكاتره و الدورات والمدرسين الخصوصيين

ودايم القوائم يسوون خصم على الكتب

وهذا رايي وانتي على راحتج ياالغاليه

 

[m!ss_foOoshi]

انا شريت الكتب و خلصت

بس باجي الاختياري عند الدكتور

 

[آلآرجـُوآنْ]

نصيييييييحه بنات لا تشترون كتب ما تستفيدون منها شوفي احد عندج عندكتب اما انج تشترينها لا

 

[q8-eng]

وناسه احمدك يارب لقيت موضوع عن كليتي:ggdw:


انا دفعت 2007 وتخصصت ميكانيك

 

[آلآرجـُوآنْ]

هلا حبيبتي موفقه

 

[شمعة الكويت]

بناااااااااااااااات الهندسة


في بنات قعد يوزعون كتب ببلاش


اللي تاخذ كتب تدزلي رساله خاصة

تكتب ايميلها او رقمها

اي شي تبونه راح يساعدونكم


تحياتي

 

[q8-eng]

منو الي قاعد يوزع كتب ببلاش؟

 

[آلآرجـُوآنْ]

صج منو اللي يوزع كتب ببلاش لا يكون مستعمله

 

[^رؤى^]

وناسه احمدك يارب لقيت موضوع عن كليتي:ggdw:


انا دفعت 2007 وتخصصت ميكانيك

:68_asmilies-com:

:eh_s(8):

وناسة لقيت نفس تخصصي حياج حبيبتي بالتجمع

 

[^رؤى^]

بناااااااااااااااات الهندسة


في بنات قعد يوزعون كتب ببلاش


اللي تاخذ كتب تدزلي رساله خاصة

تكتب ايميلها او رقمها

اي شي تبونه راح يساعدونكم


تحياتي

اي قائمه ؟؟؟

بس اكيد مو لنا بس حق المستجدين

 

[آلآرجـُوآنْ]

اكيد رؤى حق المستجدين ما اتوقع المستمرين

الا رؤى بسألج عن تخصصج حلو ولا صعب

 

[^رؤى^]

هلا بالصمت الحنون

القسم حلو للي يحبه وصعب للي مايحبه
سمعته بكليتنا موزينه لان اغلب اللي داشينه مايبونه ومو ميولها القسم عاد شوفي شتقول عنه تمسح فيه القاع لوووول


قبل لا اتخصصه رفيجاتي يقولون خليه عنج لو القسم فيه خير جان مو يظل لي ثلاث سنوات مايتسكر وسألت في السالفة في كذا مكان القسم مايسكر مو لان مافي احد لأ بالعكس القسم عقب مادشيته بينفجر من الطلبه بس الكليه من البدايه تحدد المقاعد لكل تخصص واكثر مقاعد تلقينها بالميكانيك والكهربا ويكون عددها دبل التخصصات الثانية عشان جذي مايسكر ,,

ومن ناحية الدكاتره ,,
واغلب اللي قالوا اغلب دكاترتنا يخرعون وفيهم عقد معاهم حق بس هذا الكلام مو الحين هذا قبل
اما الحين القسم انقلب 180 درجة لان الدكاتره تغيروا دشوا الدكاتره الشباب واغلبهم يقول الزين عندي من شرح وتعامل واسلوب
طبعا للحين باقي من دكاتره العصر القديم بس هم قله والحمدالله ماانحديت عندهم مضبطه جداولي عدل

و يسمونه ام الهندسة لان لازم يكون عند المهندس الميكانيكي خلفية عن قسم الهندسة الكهربائية والكيميائية وتخصص الهندسة الصناعية تخصص فرعي له والهندسة المدنية الاساس مال شغلهم كله نعرفه لان اهم يدرسون تأثير القوى في حالة الثبات واحنا ندرس تأثير القوى في حالة الحركة

ومن ناحية الوظيفة ,,
وين ماتقطينه يمشي مامر علي مكان قالوا لي مانبيكم مرغوب في كل مكان


ومن ناحية الدراسات العليا,,
اهو تخصص حيييييل واسع فجنج تردين تتخصصين مره ثانيه يعني ماكو شي اسمه والله ندمت على التخصص
(التخصص من اوسع التخصصات اساسا اغلب الكليات ماتدرس ميكانيك بكبره لأ تدرس التخصصات الفرعية له بس كليتنا اللي جذي وجم كليه بس هم هذا لمصلحتنا لان ليما تتخرج اي تخصص فرعي له انا اقدر اشتغل فيه )


وبالاخير اقول تخصصنا للي يحب الثيرمو والفيزيا والتصميم