بناااات كلية الهندسه و البترول <<<و لا ماكو مهندسات بالمنتدى :p

[Red carpet]

انا اخذت السي دي
بس تطلعلي شاشه سوده
و مكان عشان اكتب فيه المساله
مادري احس مو جذي المفروض يكون
او يمكن لاني مو عارفتله

 

[م.كنتوسه]

انا مادري شسالفه السي دي هذي !!!

و حمدلله خلصت حليته بعد عناء طويل

اخر شي ضبطت معاي حمدلله

و افتكينا منه

 

[نايفة الوصوف]

ريد كاربت ليش تطلع لش شاشه سودا؟؟؟
المفروض تطلع ارقام المسائل والحلول على طول

 

[معبوجة]

امبله صح تطلعلج شاشة سودة وتحطين الارقام بس

وبنات اللي ماعرفوا السي دي .. اهمه عندهم موقع اذا لقيته اعطيكم اياه اوكي

 

[معبوجة]

بنات حبيت ابلغكم اني قاعدة اسوي جرد عالكتب والنوتات والمذكرات والامتحانات لانهم اذوني وايد
ادري اني شوي متأخرة بس يلا عادي
اللي تبي اي شي من اللي بحطهم الحين تدزلي رسالة بالخاص

بسم الله
اول شي الكتب:
كتاب فيزيا1 وكتاب فيزيا 2
كتاب كالكلس (حسبان)
كتاب انجليزي 123 الصغير الاخضر اسمه eNGLISH FOR SCIENCE مو الاصفر مال الوورك بوك

ثانيا المذكرات
مذكرات خالد الباش مالت فيزيا1 كاااملة (بصراحة انا مادرست الا منها لانه فيها شرح وحل مسائل يعني تغنيج عن الكتاب والدكتور :eh_s(6)
مذكرات بوعلي حق حسبان 1 و2 (هم هذي تغنيج عن الكتاب والدكتور وكل شي )

اخيرا الريبورتات
ريبورتات لاب فيزيا1
ريبورتات لاب فيزيا 2


بنات حبيت اقولكم شي امانة
كتب الفيزيا والحسبان انا مادري عنهم ولا عمري بطلتهم (وهذا الحال مع اغلبية الطلبة) يعني ماتفيدكم الا في حالات نادرة جدااااا
ثاني شي بخصوص الريبورتات ... اهمة مو مهمين حيل بس ساعات تحتاجونهم اذا ماعرفتوا شيي او حبيتوا تتأكدون من شي.. يعني خلوا عندكم احتياط
وثالث شي بخصوص المذكرات .... انا راح احطهم بتصوير البنات بالهندسة عشان الكل يستفيد منهم مو بس احنا وراح احطهم باسم معبوجة :eh_s(6):عشان حقوق الحفظ خخخخ

ونسيت اقولكم عندي امتحاناتي ملوت انجليش 123 اول امتحان والثاني والثالث راح اعطيهم حق اللي تدزلي رسالة اول شي

واخييييييييييرا ادري طولت
لاتصورون مذكرات بوعلي ملوت القوائم لانهم مو مرتبين ومطشرين ويلوعون الجبد والخط مو واضح
صوروا ملوتي او ملوت اي طالبة يايبه المدرس بجروب لانها اصلية من بوعلي ومرتبة

وآسفة عالاطالة وحياكم الله
الاولوية في الكتب للي تدزلي رسالة اول​

 

[ღ جًٍـوًٍجًٍـو ღ]

8
8
8
يعطييييج العافيه اختي معبوجة:eh_s(7):
راحت علي لوول ماخذه الكتب و طبعي ماحب احل امتحانات اتعقد :dddds:
اما المذكرات ان شاء الله باجر بالبريك بروح آخذهم :ggdw:
مششكورة و ماقصرتي:eh_s(17):

امبله صح تطلعلج شاشة سودة وتحطين الارقام بس

وبنات اللي ماعرفوا السي دي .. اهمه عندهم موقع اذا لقيته اعطيكم اياه اوكي

قصدج هذا؟:
http://www.q8eng.com/index.htm
>بس مافي شرح حق البرنامج بالموقع


> بنات انا الفيزيا مانزلنا ولا اسايمنت لي الحين!:eh_s(10):
مادري انا مضيعه ولا اهو :eh_s(10):

 

[نايفة الوصوف]

غريبه انا السيديات اللي عندي فيها الاجابه على طول مو شاشه سودا مثلكم حسافه لو عندي سيدي الفيزيا حطيته لكم بالكوبي سنتر

 

[معبوجة]

بنات اتوقع في كذا طريقة حق حلول الفيزيا
بس اللي كنت اقصده انا اللي على ايامنا نستخدمه هذا
http://jimmar.net/
شوفوا دشوا عليه وحوسوا راح تلقون
جوجو عادي اذا دكتورج دايخ ومانزل اسايمنت اريح بعد لوول
​

 

[ღ جًٍـوًٍجًٍـو ღ]

ههههههه شكله جذي لان يوم الخميس قالنا ان توا فعل الآي دي ماله خخخخ

لمن ينزل الاسايمنت و اتوهق فيه راح اشوف سالفه السي دي و البرنامج
يعطيكم العافيه

 

[MaRyoMe]

أنا الحمدلله حليته .. ما دريت ان فيه سيديات و برامج ..

خرعوني قالولي البنات اذا دشيتي الموقع ودشيتي على الهوم أسايمنت يطلع حق الدكتور انج غاشته هههههه..

فقلت أحل بروحي وأنقص ولا أتفشل وأنفضح خخخخخ..

حليته ويبت فيه 98.2 لأني غلطت بجم سؤال..

بس من وين سيدي الحل عشان الأسايمنت الثاني ان شاء الله ؟؟

 

[ღ جًٍـوًٍجًٍـو ღ]

8
8
تلقينه عند بنات القوائم"القائمة العلميه":eh_s(6):

وثالث شي بخصوص المذكرات .... انا راح احطهم بتصوير البنات بالهندسة عشان الكل يستفيد منهم مو بس احنا وراح احطهم باسم معبوجة عشان حقوق الحفظ خخخخ

Help
معبوووووووجه رحت تصوير الهندسه و دورت على المذكرات بالارفف اللي حاطينهم عند الباب مالقيتهم
قلت اكيد حاطتهم عند اللي يصورون
وافتششششششلت اقولها المذكرات اللي باسم معبوجه لان كان في وايد بنات ويعني استحيت
شسوي ابيهم خخخخ
عساج ع القوة

 

[م.كنتوسه]

اي حتى انا ما لقيته بالمكتبه ... شالسالفه معبوجه
ابيهم

 

[معبوجة]

بنات شفيكم والله حاطتهم بالضبط الساعة 2وثلث
اول ماتدشون التصوير روحوا حق الفليبينية نورما مو تسألون الهنديات مايعرفون
انزين سألوها عن بنية حاطة نوتات كالكلسaوb ملوت بوعلي ونوت فيزيا مال خالد الباش
مو اله تقولون معبوجة لووول بس قولوها اللي يت امس وحطتهم مع ريبورتات لاب فيزيا ونوت جماليات ادب وراح تعرف وتعطيكم انشاالله لانه خاشتهم عندها مو بالستاندات (الارفف)
اي وحاطتهم بفايلات ملوت قوائم..الا نوت كالكلس حاطته بظرف كبير

روحوا الصبح مبجر 8 او 9 ماكو احد
واذا مالقيتوا سألواااا موتستحون​

 

[ღ جًٍـوًٍجًٍـو ღ]

لوووول وانا شاده حيلي رايحه من صباح الله خير قبل ماتبدا محاضراتي:dddds:
يالله ان شاء الله باجر اروح واسأل :ggdw:
يعطيج العافيه تعبناج ويانا:eh_s(22):

 

[Ψ Faith Ψ]

مشكووره معبوجه عساج عالقوه ^_^
ان شاءالله باجر اصورهم ,,,
بس الريبورتات مالوت الفيزيا موجودين التصوير بعد ؟

 

[Ψ Faith Ψ]

جوجو حتى دكتورنا الفيزيا ماعطانا هوموورك
شكلج معاي بالشعبه =)

 

[ღ جًٍـوًٍجًٍـو ღ]

8
8
لوول حسن سعد؟

 

[معبوجة]

حياكم الله بنات
اي حتى الريبورتات معاهم..واتوقع في ريبورتات ناس ثانية بعد

 

[Ψ Faith Ψ]

اي عند حسن =)
انا 2 4
بس يمكن مومعاي تقولين الخميس قالكم عن الاي دي
وانا الخميس ماعندي فيزيا >> توها تستوعب لوووول

اوكي معبوجه ماقصرتي هاللاب موبالعته كلش ;p

 

[ღ جًٍـوًٍجًٍـو ღ]

8
8
اي لاني الاحد و الثلاثا و الخميس



رحت التصوير و صورت كالكولس a مالت بو علي:ggdw:
اول ماشفت اسم"معبوجة" على الظرف قعدت اضضضضحك لووول:eh_s(6):
و الاوراق ما شاء الله وايد فرفيجتي بعدين شافتني و قام تقولي انتي منصجج بتدرسين كل هذا شصاير و مادري شنو و قام تتمصخر
المهم بعدين جان تقول انا ابي مذكرات بوعلي الكالكولس وايد يمدحونه:eh_s(1):
جان اقولها ترى هالاوراق اللي صارلج ساعه تهأزئيني عليهم ملوت بوعلي :dddds:
وااااااااااك انصدمت قالت امبييي منصجج وايد شسوي فيهم

بس صج ماقصرتي يعطيج العافيه يامعبوجه