بناااات كلية الهندسه و البترول <<<و لا ماكو مهندسات بالمنتدى :p

[Layz]

مبنى 20 بالهندسة جنه ..
بس بعييييييييد عن مبنى 11 ..
لازم تدشين المبنى الخشبي و عقبه المستوصف .. و بعدين تلقين يم المصافط مظلة تمشين سيييييدا تلقين مبنى 11 بويهج ..

اليوم قاعدين نمشي أنا و رفيجتي .. عاد كنا بنتأكد طريجنا صح ولا لا .. كان جدامنا مبنى 11 بس بعيد شوي ..
سألنا بنت ولا تقول لا مبنى 11 ورا الصوب الثاني !!
سألنا مرة ثانية طلع طريجنا صح ..

بس صج صج أشكالنا عبيطة اليوم ..


بنات منو اليوم كان عندها مدخل إلى برامج الهندسة ؟

 

[من بعيد]

لا تخافون الزحمة أول اسبوع ، عشان المستجدين : d
يجون كل العائلة الكريمة مع المستجد ههههههههههههه

راح تخف الزحمة ان شاء الله شوي شوي

بس اطلعوا قبل المحاضرة بأكثر من ساعة !

لأني وقفت عند إشارة جسر الجامعة لين وصلت بوابة 1 أكثر من 20 دقييييييييقة !!!

 

[آلآرجـُوآنْ]

من بعيد وربي موتيني ضحك هههههههههههههههههههههههههههه

صج بسألج وين مبنى 56 حق لابات البرمجه

 

[السن الازرق]

يمكن تستفيدون منها

منقوووله

 

[آلآرجـُوآنْ]

مشكووووره السن الازرق قلبو

 

[arrooma]

سلام عليكم ..

وياكم هندسه كمبيوتر .. دفعه 2006 ..


بنات حابه اسلم عليكم

واقولكم شنو انطباعكم عن الانتخابات ؟ حق مو بتصوتون انشالله ؟

 

[من بعيد]

علمية يابنات
مايحتاج تفكير: )

 

[آلآرجـُوآنْ]

بنات علميه تبع الائتلافيه صح لان بصوت للائتلاقيه وبس

 

[فوشية]

منو سنه رابعه اهنيه بهندسة بتروليه؟

 

[من بعيد]

إي صح علمية تبع الائتلافية

فوشية، رفيجتي سنة خامسة بترول
تبين أسألها عن شي؟

 

[Layz]

اليوم ليش صاكين الدوار اللي جدام بوابة 1 !!
حدهم مسوين زحمة !

بنات بسألكم .. الحين تخلون الكشكول حق أكثر من مادة ولا كل مادة كشكول لأني مو عارفة شسوي << تحسون صج وحدة مستجدة خخخخ ..

 

[Layz]

بنات شلون دكتورة الإنجليزي ( بشرى ) ؟

 

[arrooma]

انا ما اخذلي كشكول .. اكتب بوراق .. واحطهم بالفايل .. لاني مادري شكبر الكشكول اللي باخذه ..

انشالله هالسنه هندسيه :$

 

[آلآرجـُوآنْ]

لا انا احط لكل ماده نوت لان اخلي معاها التوتوريال احسن

ان شاالله علميه

 

[m!ss_foOoshi]

قووووووووووه بنات


شخباركم

 

[!!wawie!!]

قوه بنات الهندسه..
انا اخر سنه بالثانوي..ادعولي اييب نسبه وادخل الهندسه..
بنات شنو لازم اخذ غير القدرات عشان انقبل..
انا نجحت فيهم بس مو بنسبه عاليه..
يعني مثلا ادش دورة انجليزي بالصيف..لان انا موشي بالانجليزي..واللي اعرفه انه كل المواد بالهندسه بالانجليزي..شلون بفهم؟؟
في بنات هني مو متذكره اساميهم..قالو عادي مولازم الانجليزي..بس مادري احس شلون بفهم..
وبعد شنو لازم اسوي عشان انقبل..لان صراحه ماافكر ادش شي ثاني غير الهندسه..
وايد يقولون الهندسه صعبه..بعرف شنو الصعوبه فيها ..هل انتي ماتقدرين تكملين ولا انج ماتقدرين تيبين امتياز..
بس انا مقتنعه انه اللي حاب الهندسه ماراح تكون صعبه عليه ان شاء الله..
ادري طولت وايد ..بس بعد اخر شي عندي سؤال..شنو اكثر تخصص مرغوب عند الطلبه وليش..انا ودي مدنيه لاني حابه هالشغله بس سمعت انه ذبح مذابح عليه..
ومشكوره السن الازرق على الموقع
وسوري عالطواله

 

[Layz]

Wawie ..
لازم تييبين معدل بالقدرات ( الرياضيات + الإنجليزي ) .. و الكيميا نجاح ..
و يكون معدلج المكافئ = 89 أو أكثر .. أو حسب اللي راح يحددونه السنة الياية ..

أنا بعد قالوا لي إنه وايد طلبة ما يكملون بالهندسة :s !
بس مثل ما قلتي ( انا مقتنعه انه اللي حاب الهندسه ماراح تكون صعبه عليه ان شاء الله.. )

 

[!!wawie!!]

Wawie ..
لازم تييبين معدل بالقدرات ( الرياضيات + الإنجليزي ) .. و الكيميا نجاح ..
و يكون معدلج المكافئ = 89 أو أكثر .. أو حسب اللي راح يحددونه السنة الياية ..

أنا بعد قالوا لي إنه وايد طلبة ما يكملون بالهندسة :s !
بس مثل ما قلتي ( انا مقتنعه انه اللي حاب الهندسه ماراح تكون صعبه عليه ان شاء الله.. )

عاد تدرين شنو القهر..انا يايبه اعلى درجه بالكيميا ..
القدرات وايد ينزل من المعدل..89 واايد..انا سمعت جنه 85 او يمكن اقل اذا الكورس الثاني..لان احنا نظامنا يديد وماكو نسب سنعه
مشكوره layz..والله يوفقج ان شاء الله
بنات سؤال ..جم كانت نسبتكم لما تخرجتو من الثانويه وجم صارت مع القدرات ؟؟

 

[Layz]

الفوري كان 89 علينا بس جنه أقل نسبة قبلوها 84 .. حسب المتقدمين ..
و أنتوا إذا شافوا على قولتج ماكو نسب سنعة أكيد بينزلون النسب حق الجامعة ..

بس شدي حيلج و إن شاء الله تييبين نسبة ..

 

[آلآرجـُوآنْ]

شخباركم بنوتات