بناااات فيدونا الله يعافيكم

[aseman]

السلام عليكم جميعا

بنااات وخصوصا الامهات عندي سؤال يفيدني ويفيد غيري من الامهات اليدد ياريت الكل يشاركنا
باختصار شديد بنتي عمرها سنة ونص الله يحفظها لما تسوي شي غلط ما اعرف اتعامل معاها اقولها لا حبيبتي واحاول اكون هادية معاها لكن مرات تعاند وتطالعني تضحك وتقولي نو نو وتسوي الشي الغلط ومرات واهي تتعبث بالاشياء الغلط مثل الكهربا وغيره اكلمها واناديها تطنشني ولا ترد علي شلون اتعامل معاها واعلمها الصح والغلط بدون اسلوب همجي وزف وطق :eh_s(2):
ابي الطريقه الصح الي تخليني اتعامل معاها ماشاء الله حركية وعنيييده

 

[شادن33]

الحل اتكونين وراها وراها
ولازم أتكون عندج طريقه تفهمها انج موراضيه عن تصرفها
وطريقه للتنبيه تعرفها مثل تبطلين عيونج حيييل او تاشرين بصبعج من غير كلام راح تفهم وتبعد وماتسويه
ويكون لج طريقه للعقاب خاصه بعد يعني ياتحرمينها من اكله تحبها او لعبه او رسوم متحركه تحبه فتره معينه لين تتادب
والله يعينج

 

[aseman]

مشكوره حبيبتي شادن عالرد لما احاول اعاقبها تصيح بشكل يخوف ثاني شي اهي للحين ما عندها اكل معين تحبه والمشكله لما اقولها لا تعاند

 

[aseman]

احس التعامل مع عمر سنة صعب وايد

 

[عسل حدي]

رب لا تذرني فردا وانت خير الوارثين

 

[aseman]

عسل حدي شكرا على المرور

 

[متواضعة]

اذا مثل كهرباء بدال ما تقولين لها نو وانتي قاعده روحي لها واخذيها وشيلي عنها الكهربا وقولي لها ممنوع تلمسين الكهربا خطره بعد عنها الاشياء الخطره

 

[M!SS.LOBY]

الله يخليها لج البنوته الحلوه
بس شوي شوي عليها راح تفهم مع الايام

 

[الأميرة جوري]

صغيره خلي عينج عليها لان سنه ماتفهم وايد علي سنتين ممكن

 

[aseman]

اذا مثل كهرباء بدال ما تقولين لها نو وانتي قاعده روحي لها واخذيها وشيلي عنها الكهربا وقولي لها ممنوع تلمسين الكهربا خطره بعد عنها الاشياء الخطره

مشكووووره حبيبتي انا اول مره اقولها لا وانا قاعده بس بما انها تعاند اقوم لها وعقب شوي ننسى السالفه ترد حق نفس المكان

 

[aseman]

الله يخليها لج البنوته الحلوه
بس شوي شوي عليها راح تفهم مع الايام

الله يسلمج حبيبتي ومشكوره عالمرور ورفع المعنويات

 

[aseman]

صغيره خلي عينج عليها لان سنه ماتفهم وايد علي سنتين ممكن

مشكوره حبيبتي عالمرور

 

[M!SS.LOBY]

حبيتي سألت دكتوره عن التعامل تقولي بالسنه هذا تعاملي معاها بالأشارات لا تصارخين عشان تستوعب أكثر وما تخاف من داخل منج

 

[متواضعة]

مشكووووره حبيبتي انا اول مره اقولها لا وانا قاعده بس بما انها تعاند اقوم لها وعقب شوي ننسى السالفه ترد حق نفس المكان

انا بعد بنتي نفس الشي اتسوي اشوي شوي بتفهم ربي يحفظها ويخليها لج

 

[aseman]

انا بعد بنتي نفس الشي اتسوي اشوي شوي بتفهم ربي يحفظها ويخليها لج

يااارب الله يحفظ لج اياها ويساعدنا ونربيهم صح

 

[أمـ مبارك]

لا حبيبتي التعامل موبهالسهوله


اذا كهربا شي خطر اذا تعاندج بتروح لها


عطيها طقه مؤلمة على ايدها عشان تبتعد عن هالشي اهيا صغيره واذا حست بلسعة طقتج راح تعرف ان هالمكان خطر وماراح تتقرب له . . .


اما اذا تقوليلها خطر وبعدي عنه وتفاهم عمرها ماراح تعرف ام سنه ونص شلون يفسر معنى خطر بياخذها على لعبه ويشد الانتباه

وربي يعقلها ويخليها لج