بناااات انا بمنطقه ليدز leeds

[black_arno0oBa]

قووووه بنات شلووونكم انا بمنطقه ليدز ببريطانيا ضيقت خلق وطقت جبدي ابي اتعرف على بنات نطلع مع بعض ونروووح ونييي بس مجابله ريلي وحاطه حيــــــلي فيه وكل يوم:j013: ابي بنات نسولف مع بعض واحنا حريم ونفهم بعض منو موجوده عندنا ولا يمنا

 

[black_arno0oBa]

احنا ببريطانيا واسم المنطقه ليدز:gathering: وانشالله القى صديقات وايد يارب

 

[dalal]

ان شالله تلاقين بنات بنفس منطقتج وتتعرفون على بعض ...

انا والله مو من هالديره بس حبيت اسلم عليج

 

[black_arno0oBa]

حبيبتي انتي ما تقصرين

 

[dalal]

هلوو ارنوبه اشلووونج ؟؟؟

منطقتج الظاهر ماكو احد فيها... حطي اعلان بالشارع عن منتدى كويتيات يمكن وحده تلقطه :dddds:

 

[CuTiE PiE]

لووووووووول دلال بدعتى

ارنوووووبه حبيبتى ان شاء الله تلاقين احد من منطقتك

 

[black_arno0oBa]

يعطيكم العافيه انشالله القى احد

 

[فجر الغلا]

مو شرط حبيبتي اتعرفين على عرب بس بالعكس اتعرفي على بريطانيين او اي جنسيه ثانيه هالشي راح ينفعج والله يوفقج حبوبه

 

[:::جرحك وفي:::]

الله يعينج حبيبتي

ويردكم بالسلامه ان شاء الله:ggdw:

مو شرط ترا المسن هم مرات يونس ويضيع وقت:gathering:

 

[sun light]

الله يا حلو ليدز هدوء وطبيعه فيها سعودين ممكن تتعرفين عليهم

 

[black_arno0oBa]

بنات المشكله محد يعطي ويهه واكوا وحده سعوديه انا رزيت ويهيي وكلمتها وعطتيها رقمي ولا دقت ولا شيء والاجانب ما ادري يعني اهمه نظامهم غير عنه ما ادري شلون احس ما نلبق

 

[محلبيه بالهيل]

اختى انا تغربت اربع سنين فى امريكا كنت اصيح كل يوم ابى امى والكويت ولما رجعنا الكويت ارتحت بس بعد مرور عشرين سنة تمنيت اعيش هناك وابتعد عن المجتمع والتطفلات اللي فيه والتشره والحش ! ويا حلات الهدوء والبعد عن القيل والقال والبساطة وتحسفت على كل دمعة نزلت مني ! واحلى شي تعلمته من الغربة الصبر والتحمل والاعتماد على النفس وشوية لغة مع اني كنت رايحة وولدي عمره 40 يوم ! ربيته بروحي بدون ما احد يعلمني ! انصح بنات هالزمن اللي يروحون مع رياييلهم للدراسة يتحملون ويصبرون ولاحقين على الكويت ماراح تطير خل يعيشون حياتهم ! هناك الحياة حلوة بس من يفهمها

 

[black_arno0oBa]

الله كريم محلبيه بالهيل...وعلى فكره نكج حده شوقني اسوي محلبيه عاد انا اموووت على المحلبيه وهيل زياده بعد يم يم

 

[محلبيه بالهيل]

اختى ارنوبة اشكرج على الرد ابى اسسا لج كم تبعد لندن عن مدينتج بالققطار-انا راح اسافر لندن اول شهر 8 -احاول ازوركم انشاللة واشوفج فى احد المجمعات-اوكى=

 

[q82q8]

حدج عورتي قلبي وبنفس الوقت خوفتيني لاني انشالله خلال جم شهر ريلي بروح ليدز بيدرس وانا بعده بفتره بلحقه

ودي تقولين لي عن ليدز وطريقة المعيشه هناك ؟؟ وشنو نجتاج نودي معانا

مشكورة وااايد وانشالله هناك نكون ربع

 

[رفييف]

انا بستارسبورغ ينفع لوووول

ووالله رفيجتي جنه بليدز بس اهي تروح و ترد وايد و اذكر قالتلي ان المنطقه متروسه كويتين و خليجين !!! غريبه مو لاقيه احد !!

انتي شتسوين هناك !! روحي الاماكن اللي ممكن ان الطلبه قاعدين يتجمعون فيها ! الجامعه و جذي

و بيني و بينج انا ما ارتحت الا مع الاجانب .. لما يت كويتيه صار الوضع غثاثه شلابسه و شحاطه و شلون شقتج و شلون مادري شنو ://

 

[درة أهل الطولات]

امممم الله يعينكمــ على الغربــة

 

[bambena]

لييييييييييييييييييييدز

احلا سوووووق

سوقها اينن احلا من لندن بوايد بس صخه

الله يعينج

 

[الجعده]

صح لسانج يا محلبيه بالهيل ووودى اقول حق اختى المغتربيه مع ريلها انا اتمنى اعيش بره او بالاحرى اهاجر بس العينن بصيره واليد قصيره ريلى مو مساعدنى وحتى مو مخلى بنتى تدرس بره واروح معاها او اهو يكمل دراسات عليابس الله كريم ان شاء الله يلين وتتغير الاحوال ونشيل شلايلنا ونقولكم باباى

 

[3aboora]

حبيبتي انتي تدرسين بليدز ؟

ترى وايد في بنات كويتيات هناك و انا 2 من رفيجاتي هناك و هم بعد في خليجيين وااايد غريبة ما تعرفتي على أحد .. و إذا ريلج يدرس بجامعة ليدز أكييييد يعرف طلبة كويتيين و الطلبه و الطالبات هناك كلهم يعرفون بعض فا خله يقولهم ..
و بعدين وايد في مناطق حلوه قريبة منكم مثل مانشستر و يورك و ليفربول .. حاولوا تروحون لها بالويك اند عشان لا يضيق خلقج ..

و اذا محتاجة اي شي لا يردج الا لسانج