بناااات أنا بين نارين زوجي وأمي تعبت وربي تعبت انصحوني

[حبيبي مالكني]

الله يهدي النفوس
حبيبتي انتي ارضي امج
وارضي ريلج
مو شرط انهم يتوافقون مع بعض
المهم انتي تكون علاقتج معاهم زينه

 

[منال $]

الصراحة انتي من البداية غلطانة انة كل كبيرة وصغيرة بنتقليلها لامك
لحد ما عملتي عداوة بينهم

 

[سمراء كويتية]

مو ضروري اعتذاره

ومو ضروري رضاها

بالوقت الحاضر

المهم

لا تجيبين طاريها عنده
ولا تجيبين طاريه عندها

بالوقت الحاضر


وبعد فتره تهدى النفوس

وكل من يراجع حساباته

والامور رح تتصلح منهم مو منك

الاهم هو عدم نقل خصوصيات الزوج للام والعكس

فوفو

كلام صحيح :eh_s(15):

 

[السماء والارض]

إذا كنتي متوافقه مع زوجك ومستقرة في حياتكم الزوجيه من الخطأ الغير مبرر أن ينتقل ما يدور في بيت الزوجيه إلى أي شخصاً سواء الام أو الاب ولكن عليك المحاولة في تقريب وجهات النظراً وعدم اجبار الزوج والالحاح عليه بالاعتذار بشكل مستمر وتمسكي بزوجك وببيتك وهذا الامر سينحل مع مرور الايام ولا تجعليه مشكلة في حياتكما الزوجيه .
القرآن الموجه الحقيقي لنا في التدخل وإفشاء الاسرار الى الاهل لحل المشاكل الكبيرة فقط التي من الممكن أن لم تنحل يتم الطلاق .
قال تعالي (وإن خفتم شقاق بينهما فابعثوا حكما من أهله وحكما من أهلها إن يريدا إصلاحا يوفق الله بينهما )
الحذر ثم الحذر من تدخل الاهل أو إفشاء الاسرار لهم

 

[خشف العذارى]

الله يعينج

 

[brettey]

ماعليه بكون قاسيه معاج بس لمصلحتج غلطااااااااااااااانه انتي الغلط منج مايصير تتكلمين عن مشاكلج مع زوجج عند امج الا اذا المشكله كبيره وايد اوووفر مثل خيانه او بخل او مايصرف او يمد ايده او يطول لسانه او مهمل بواجباته معاج
لكن تقولين لها كل صغيره وكبيره غلط ترى الاهل يحقدون عالزوج على اقل كلمه لا يغرج
الحين صعب الوضع يتصلح بس مالج الا الدعاء
ومو لازم يعتذر لامج
بس لاتكررينها باجر ترى ممكن يدور غيرج بيقول هذه مو امينه على اسراري
انا احذرج لمصلحتج ترى

 

[أم عزيـز]

الحمدالله انج معترفة بغلطتج وعارفه ان المشكله بدت من يوم ما قلتي حق امج عن كل صغيره وكبيرة تصير بينكم
والامهات مرات من حبهم حق بناتهم وحرصهم يتصرفون غلط ويتدخلون بحياة بناتهم من غير ما يعرفون ويمكن يخربون بينهم

فالأفضل انج من اليوم ورايح اذا امج سالت عن زوجج كله مدحيه جدامها وقوليلها انه سال عنها ويسلم عليها
دايما حاولي تقولين الاشياء الايجابيه اللي في حياتج
وتخشين الأشياء السلبيه حتى عن اهلج وامج بالذات
علشان ما تتركين حق احد مجال يتدخل في حياتج ويعرف اسرارج او يمسك الزله على زوجج
خاصه اذا قادره تحلين مشاكلج بنفسج من غير تدخل اي طرف
وانتي بنفسج قاعده تمدحين زوجج وانه مو مقصر معاج وطيب وحنون
الله ديم المحبه بينكم ويهدي النفوس

 

[انجل قطر]

الله يهديها اصلا مافي داعي ان اسرارج الزوجيه تقولينها لحد لان انتي وزوجج تتصافون وامج بتتم شايله في قلبها عليه

 

[just meee]

الله يصلح حالك

 

[صمت المرافئ]

مادام زوجج حاول يعتذر وامج ما قبلت
اتركي الوضع على ما هو عليه
زوجج مو شرط يكرر اعتذاره
وأمج مع الوقت تهدى ومو شرط رضاها على زوجج
و لا تشكين لها بالمرة مشاكلج مع زوجج ...
علشان ترتاحين وتريحين واعتبري اللي صار لج درس
​

 

[خفايا البحر]

ماقصرو البنات

 

[popa]

بصراحه انتي الغلط منج لانج ماتستحين
لانج قارنتي زوجج بامج
الام وحده مو 10
والزوج عادي في غيره
اوكي حبي زوجج بس لو انا مكانج بخليه يعتذر وغصبن عليه بعد رظى امي من رظاي
يروح ويبوس راسها ويعتذر
وعقبها اسامحه
وبعدين اخذه درس ان ما اوصل مشاكلي الزوجيه لامي
لان اذا زعلتي امج بتزعل عليج اكثر منج
وانتي بييج زوجج ويطيب خاطرج بيحبج بيطلعج وبينسيج
بس امج منو بيطيب خاطرها؟ شلون تنسه الي صار فبنتها
وشلون تسمحين حق نفسج تخلين زوجج يكره امج ومايعتذر
اعتقد انتي مبالغه بموظوع ان يبوس ريولها
خل يبوس راسها ويعتذر
لان لو المشكله بينج وبين امه يمكن يخليج تبوسين ريولها مو راسها
اخذي موقف وخليه يعتذر وخل ترد العلاقات وخل يحترمها وكسري شوكه العرور والكبرياء الي فيه
كلامي يمكن مايعجبج كثر ما اهو عاجبني
?