بنااااات بليييييز انصحوني بنجن

[كياني المجروح]

انا ما اقدر اروح له على غفله يعني امريكا مب صغيره وانا ما ادل فيها شي ومابي اتخيل شنو رده فعله .واهو بيرجع في رمضان ان شالله بس انا كارهته من تصرفاته والمشكله يتصل يسولف عادي ولا كانه مقصر في شي

 

[Om eL'3aLe]

اختي يمكن قاعد يدرس وماوده يقولج عشان ماتقولين انج تشغلينه عن دراسته والله شي زين انه يتصل فيج الحمدلله وماشاءالله انا زوجي لي سافر خير شر مايدق الا بس مره

 

[كياني المجروح]

بس انا مب مرتاحه واحس وراه شي قلبي ناغزني زوجي واعرفه

يارب صبررني

 

[JANAA]

لا حول ولا قوة الا بالله العلي العظيم

حبيبتي طولي بالك وحاولي انك تعرفي منه ليش في تغيير يمكن مشغول او عنده مشاكل ما بدو يتعبك معه او في شي تاني ليش على طول التفكير راح لشي بعيد اتمهلي واتكلي على الله وفكري بهدوء وان شاء الله مافي الا كل خير

ربي من عنده يفرج همك ويجمعك مع زوجك على الحب والموده

 

[miss_uk]

نصيحه لج فهميييها عدل

ما ابي الف وادور
انتي حاسه
صارت مواقف تشكك
شايلج من البيبي
رجعج الكويت
ما يكلمج وايد
ماكو مشاعر شوووق

واضح في تقصير مهما كان السبب

الحل:

مثل ما تصرفاته جننتج وخلتج تحوسين وتشكين بس ما تقدرين تسوين شي

سوي نفس الشي من يدق الضحكااات والوناسه لوو من ورا قلبح

اول مرة يدق لا ترديين عليه نطري ساعه بعدين كلمييه
خلييه يفكر وينج ليش لاهيه ليش ناسيته

اتزيدين اهتمامج واهوا مو فاضيلج راح تنقلب عكسي

نصيحه خليج مثله تمامااا وراح يحس بحركاته

لا الهواش ولا الكلام ولا النجرة تنفع بالهمواقف

 

[كياني المجروح]

انا من امس مطنشته لاني دقيت عليه كذا مره ولا رد فيوم رد قلتله وينك ما ترد الا عصب وصرخ وقالي اذا ما رديت خلاص مشغول .
عاد بط جبدي وانا حاقرته من امس وقلت بطنشه اشوي بس نفس الوقت قلبي يحتررق احس مستانس ما وراه رقيب ولا حسيب وبيقول فكه

 

[شجون المحبة]

أحسن حل اتروحين معاه لحد ما يتخرج
الله يسخره لج انشالله​

 

[قلبي سلومي]

ما ادري

بس يعينج الله

 

[Tom ♥ Jerry]

،


ان شاء الله مآفيه الا العافيه و مآكو الا كل خير يارب !
و الله مآدري شقولج (=
بس ادعي ربج يخلص دراسته على خير
و على طول سئلي عنه ؛) بنفس الوقت لا تصيرين لزقه
تدلعي و زعلي بس الدلع الي يحبونه الرياييل
مو الدلع الماصخ ؛*

 

[ذكرى الايام]

الله يسخره لج ويصرف عنه ماحرم
استودعيه الله وان شاء الله ما يكون الا كل خيييييييير

 

[الـزين و الجـود]

الله يسخره لج

 

[momoqatar]

عجبني رد الأخت اللي قالت بما معناه أنج تعاملينه مثل ما يعاملج لأن بالفعل الرجل ما يحب المرأة اللي تلاحقة بالأسئلة وتكون مهتمه زيادة أنتي جربي أنج ما تهتمين ولا تسألينه عن شيء اذا اتصل سوي نفسج عادي وبالعكس لا تكثرين الأسئلة وين رحت شنو سويت وبتشوفين بعد فتره نتيجة بإذن الله راح هو يحس بالتغير من ناحيتج وراح يركض وراج ثانيا وهذا الأهم قوليلة أبي مصروووووووف ولا تستحين خليه يحس أنه ملزوم يصرف عليج ولا تعطينه الفرصة يتحجج بأي حجة ألزميه يصرف وألزمية بنفقتج كاملة شهريا وهذا مافيها أستحى ويارب يوفقج

 

[الزين اللعوب]

حبيبتي لاتخلين الشيطان يتدخل بحيانك

ترا الوسوسه والشك هي اول طريق للأنفصال بعيد الشر عنك

تعوذي من ابليس وكلما بديتي توسوسين توضي وصلي واقري القران

نصيحه لاتدقين عليه ولاتهتمين فيه طنشيه لمدة اسبوع وقولي لنا شنو النتيجه

الرجال كذا طبعه مايحب البنت الي تلزق فيه 24 ساعه

واذا كلمك لاتسألينه وين كنت ووين رحت

جآوبيه بنعم ولا لما يحس فيك



اشغلي نفسك عنه

اطلعي تمشي استانسي انسيه



آتمنى اكون ساعدتك لو بالشي القليل

 

[جولينار]

دقي عليه انتي ..


مره مرتين ثلاث ..


ولا تتسرعين ...


موفقه حبيبتي

 

[الدلوعه2008]

حبيبتي انتي غريبه والله وزوجج غريب مو قاد المسئوليه

مع ان اعرف وحده

من تزوجت ثاني يوم سافرت لمريكا مع زوجها وقعدت معه 9 سنين هناك يدرس في امريكا ويروحون ويردون الديره عادي واهو مايقدر علي فرقها وحتي العيال عندهم ما شاء الله يخذهم معه ويدخلهم هناك المدرسه ويثقفهم

والحين ما شاء الله عياله كلهم يتحجون الانجليزي ويتحجون عربي

بس انتي لو تسوين مثلها تقعدين معه احسن وانتي ملزومه عليه ولازم تكونين جنبه واذا انتي بعيده عنه اكيد بيسوي شيء من وراج مستحيل مافي رجل ما يبي زوجته تكون جنبه طول وقت الدرسه


فنصحج اذا جاء لج برمضان لازم تتفهمين معه يا الغاليه وقولي له من الحين وقف وظيفتي لمده سنه وروح معك ماقدر قعد بروحي ورجلي علي رجلك وين ما تروح وانت ملزوم علي مصروف العيال خليج ذكيه مثل للي اعرفها


والله يعينج علي رجالج وعسيء تهدي النفوس ودعاء من قلبك بصلاتج
​

 

[ام كوشه منكووشه]

حبيبتي لا تحطين بالج هلافكار يمكن الريال لاهي بدراسته

 

[كياني المجروح]

اختي دلوعة 2008 مشكوره عالرد
بس انا حاولت اروح معاه اشكثر وكل مره اقوله ودنا معاك اساعدك فالغربه واونسك مب راضي شسوي فيه واهله يقوون لي اذا رحتو معاه بتلهونه عن دراسته واقفين فصفه .بعد بالغصب ما بيوديني

 

[كياني المجروح]

ويمكن السبب الثاني انه ساكن مع 3 من ربعه فالشقة ويطلعون ويجون على كيفهم ومستانس هو ومايبي يرتبط في زوجه وولد

 

[كياني المجروح]

بنات اتخيلو توني مكلمته قلتله انا ابي اجي عندك وباخذ اجازة من دوامي
قالي انا مابيج اتجين اهني والحياه اهني غاليه انا بجيكم كل اجازه خلكم مكانكم .ايصرفني مفهومه السالفه .
قمت قلت له انا ابي مصروف كل شهر انت ما تسال اذا احنا محتاجين او ناقصنا شي .وقالي خلاص يوصلج المصروف

 

[كياني المجروح]

بنات وينكم ريحوني الله يريحكم