بنااااااات مشكلة مستعصية طحت على رفيجتي

[قلب أخوها]

شوفي غلاتي لازم تنصحينها بس بطريقه مو مباشره يعني تذكرين بيوم القيامه بالجنة وبالنار يعني بهالاسلوب

 

[دلوعة المنتدى]

انصحيها والله يهديها

 

[الغلا كله لبوي]

انصحيها يمكن تتوب وتاخذين الاجر من رب العالمين


عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن


لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم

 

[Tom ♥ Jerry]

,،

دآم آهيه رفيجتج الروح بالروح المفروض تبينين لها آنج خآيفه عليها !
شوفي يا قلبي .، أول شي حآولي تقربينهآ منج و من ربها ,،
يعني اشتركوآ آنتي وياها بـ مراكز دينيه !
تحفيظ قرآن .، و سمعيها جم قصه عن هالـ آفلآم
و عن عقاب الي يشوف مثل هالـ آفلآم
يعني جنج تقولين لها بس بطريقه مو مباشره :|
من يآذن على طول دقي عليها أو قوليلها يلا صلاه .، خليها تقرا قرآن
و بعد فتره .، > صبري عليها !
اذا مآ تعدلت يعني فتره طويله عشان هالسالفه يبيلها صبر
خصوصا اذا اهيه كآنت متعوده من زمان تشوف هالسوالف صعب تقطعهم مره وحده !
قوليلها بـ طريقه مباشره ! قوليلها عيب الي تسوينه و انا نصحتج عشان آحبج
و ابي لج الخير .، و و و من هالكلآم

عسى الله يهديها يارب ؛*******

 

[صآعده تحت}..]

الله يهديها

بس يمكن جايها رابط وبطلته وهي ماتدري عن محتواه

لاتظلمينهــاا .. انصحيها احسن

مثلا قولي سمعت عن وحده وصارلها كذا كذا وخوفيها

وتكلمي عن عقوبه هالشئ بس بدون تجريح واذا كانت فاتحته من رابط

اكيد بتقول لج لانها بتكون اول مره تبطل هالاشياء

ومن كلامها راح يبين اذا تايد هالشئ او تكره

 

[غداً القاك]

الله يهديها يمكن تحب تشوف كذا مو معناتها شاذه او تمارس هالشي

 

[دموع الوادي]

الله يهديها

 

[♥ SWeeRa ♥]

الله يهديها ان شاء الله

 

[تحـدي]

شوفي حبيبتي بكلمج بكل صراحه
احتمام يكون مجرد فضول مثل ماقالوا البنات
يعني مو شرط تكون شاذه
ومره في حلقه عن هالسوالف بالتلفزيون
ان ممكن الناس يتخيلون بس مو شرط يسوون
يعني في امور كثيره ممكن يشوفونها الناس مو شرط يسوونها
ولا جان كل اكثر الناس مريضه وشاذه

هاذي نقطه ويمكن فعلا شاذه
واذا شاذه راح يبين عليها من تصرفاتها
تعاملها من البنات

لكن اذا لقيتيها طبيعيه معناه فضول مو اكثر

انا اقول لا تقولين انج شفتيه لكن عطيها النصيحه بشكل غير مباشر
ان مثلا مقاطع الفيديو غير انها حرام مضره صحيا يعني
ممكن الانسان يشوفها بعدين يطبقها ممكن تاثر على سلوكه
انتي سوي اللي عليج

والموضوع بسيط انشالله

 

[عاشقة الاسلام]

الله يهديها انشاءالله
اللهم امين

 

[نـور الكوويت]

يمكن فضول وشافت مقطع مو شرطط انها تتابع افلااااااام
او شي تأكـدي

بس حبيبتي لازم تنصحيـنهآ بس ديري بآآآلج مو تقولين انا شفتج وجذي لاااااااااااااااااااااا

انصحي بطريقه غير مبآآشره ارسلي لهآ ايميل او بالتوتير اكتبي عن حكم الافلام وتأثيرهآآ

وبس ​

 

[فتوشه كويتيه]

ياقلبي بما انها رفيجتج من سنين لاتتخلين عنها نصحيها وحاولي اتغيرين هالشي فيهااا

لكن ان استمرت وما استجابت لنصيحتج وان شفتي عليها شي كلش مو زين او تصرف منها مالج غير تتركينهاا

الله يستر عليها ويهديهااا ويهدينا اجمعين
تحيااتي

 

[yasmeen_q8]

انا بقولج تجربتي وانتي حكمي

كان لي صديقه من ايام المتوسط ما هدينا بعض ابد رغم اللي اشوفه منها ما كنت ازعل ولا اهدها ولا ابينلها زعلي منها وكنت ارجع البيت وابجي بحضن امي وامي اول ما شافتها قالت مو مرتاحتلها وانا اقولها لا حرام هذي دينه وما تطلع الا بعباة وما تسمع اغاني

تخيلوا بنات وصلنا للجامعه وخذيت ماده بكليتها عشان بس اكون وياها
فجأه بيوم كنا نسولف وشفتها تشوف فلم اباحي عبالي بس جذي

مره وبالغلط وخلاص وصار ضحك وجذي فقلت اكيد عادي الوضع
مع الايام صرت اشوفها يوميا تطالع جذي سوالف !!

يوميا ً صارت ادمان
وانا صرت اتضايق حييل وكل ما شفتها سوت جذي قمت وهديتها باي عذر
مره بتمشى
ومره متضايقه
ومره بروح اييب اكل

عاد بيوم وصلت حدي
دزيتلها مسج قتلها فلانه حبيبتي انا اختج وصديقتج وانا حيل قراب من بعض
انا في شي واايد مضايقني منج
وبقولج اياه بصراحه يضايقني انج تشوفين هالسوالف
ومو هامح غيرها
سوالفج ضحكج اخلاقياتج كل شي تغير ليش؟! والله حرام ودي ترجعين نفس قبل
حرام تخربين على نفسج وترا البنات اللي يضحكون بويهج يتكلمون عنج من وراج
وانتي تطالعين هالسوالف بالجامعه لو احد شاف ماراح يصير زين جامعة الكويت ما ينخش فيها شي

لا تشوفين شسوت فيني ثاني يوم امها داقه تصارخ وتقولي ببلغ عنج الشرطه
وانتي وانتي
وانتي كل يوم مع واحد وانتي وانتي وانا @@ منو الواحد اللي بكون معاه ؟!
ومنى ؟! اي شي !! وصلت نطلع حجي جذب ونتبلى على بعض وليش كل هذا ؟!
عشان خايفه عليج ؟!!!

و تقولي لو ما دقيتي طيبتي خاطر بنتي الاقيج عند المخفر وانا قريت الرساله اللي دازتها حق بنتي وغلطانه عليها
وقايلتلها اني ما عرفت اربيها وانها وصخه وكلام قوي يعني !!! والله ما طلع مني كلمة من اللي قالتها عني !!

ويوم امي كلمتها تبي تفهم شالسالفه قالتلي اهدي ولا تصارخين اخذي التلفون وفهميها شالسالفه لان البنت مالفه على امها ومو قايلتلها شي عنها قايلتلها كلام غلط

ويوم كلمتها وفهمت وسكتت الام عني ووخرت

دقت عقبها البنت علي تقولي ما توقعتج تقولين هالحجي حق امي توقعت اللي بينا اكبر ؟!!!! من صجها هذي ما شافت اهي شقالت عني ويا ريت صجججج وقتلها قتلها الحين اتبلين علي ويايه بتوصلينها لمخافر وانتي الغلطانه وكل ذنبي اني خفت عليج ونصحتج وتبيني اسكت متوقعه شنو ابوسج واعتذر على شي ما غلطت فيه ؟!


ومن يومها قطعت علاقتي نهائياً بهالبنت
وتدقدق علي واطنشها وتدزلي واتس اب احاجيها بنفسيه واصكها بلوك

وتدز مسجات مشتاقتلج واطنش لان مو اول قرصه منها بس صج احساس الام ما يخيب والواحد الاحسن يبعد عن الشر ويغنيله

 

[Ameera*]

مثل ماقالوا البنات بطريقه غير مباشره واذا حصل لج تفتحين جوالها بدون ماهي تدري جيكي وامسحيهم و لازم تقولين لها قصص عن عاقبه هالشي وتخوفينها