اهم يقولولج اخذيه لأن "الولد ما فيه شي... بس نقص اوكسجين"، و "عادي شنو نقص اوكسجين... اصلا هذا صار يوم كان بي بي توه طالع من بطن امه".
ولكن هذا فهم خاطئ.
يمكن عبالهم لسانه ثقيل، او تفكيرة مختلف. وما يعيب الريال اللسان الثقيل، او اي مشكلة ثانية بسيطة (يعري، عور... الخ) طالما انه صاحي واعي وبعقله. يعني بس عشان انتي عندج مشكلة صحية واهلج فكرو ان ميخالف تاخذ واحد بعد عنده مشكلة صحية... هذا مو معناته تخذين واحد يمكن مشكته كبيرة.
لازم يفهمون مشكلة الريال صح... اهم فاهمينها صح؟ ماعتقد فاهمينها لانهم لو فاهمينها يمكن ما جادلوج وايد.
انتي لا تحسسينهم ان انتي البنية المتعلمة المتثقفة من جيل الانترنت تبي شاب من هالشباب وغيرة... لأ. خل يفهمون ان مو هذي مشكلتج. انتي قلتي يوم شفتيه عقله كان نفس عقل ياهل، وهذا مو لانج انتي ناضجه اكثر منه او انتي متربية في بيت يختلف عن بيته... لأ، هذا يمكن مؤشر لمشكلة اكبر من جذي. عشان جذي قلت لج فهموا عدل يعني شنو نقص اوكسجين.
وهذا رابط يشرح لج
نقص الاوكسجين عند الولادة اختناق وليدي - ويكيبيديا، الموسوعة الحرة
وانا حطيت خط تحت الولادة لان مع الاسف الناس ممكن بس يقولون نقص اوكسجين ويسكتون ويوحون لكم ان المشكلة شيء ثاني خطير بس يأثر عالقلب والرأه وغيرة ومو شرط يكون الشخص عقلة مو صاحي.
اهلج اكيد يبون مصلحتج واذا فهموا سبب الرفض انه مو مجرد عناد او تفلسف راح يقدرون موقفج. إلا اذا الشاب حمار فلوس فهذا موضوع ثاني!!
