شوفي يمه كلامج اللي قلتيه حلو ومافيه شي من باب الحذر والحرص وانج خايفه علي البنات لا يتعرضون لاي مكروه لاسمح الله الا معاهم احد هذا شي طبيعي حيل وكلام منطقي بس الديره حلوه وماتخرع والامان بكل مكان يقول المثل لا تبوق لا تخاف
هاللي طاحت من البلكونه قالوا سالفتها انها بشقه وقافل عليها الريال الباب وسكرانه وقطت عمرها انتحرت والثانيه اللي انفضخ راسها نصين هذى يقولون طليقها ذابحها وياعلم صج والا جذب وماكو جريمه الا وراها دوافع واسباب بس اذا البنت ماشيه بطريجها وخايفه ربها ومومسويه شي غلط لا والله تروح وترجع ولها رب يحميها ماعليها الا العافيه
بس اللي تلف وتدور وتمشي مشي بطال هذى ربي يسترها مره ومرتين وثلاث بس مودهر لابد اييها يوم وتطيح بشر اعمالها وتنفضح
والدين يوم حرص علي ان المره ماتطلع مكان الا معاها محرمها لحكمه يبيها رب العالمين سبحانه وهالشي في صون للمره وكرامتها واذا ماعندها احد يطلع معاها بمشاويرها من الرياييل مايمنع تطلع مع حريم ثقه من اهلها وربيعاتها واذا ماعندها احد فاضي يروح وياها وفي مجال انها تأجل مشوارها خل تأجله واذا الوضع مايتحمل تأجيل تروح وماعليها الا العافيه "
الكويت ديرة امن وأمان بكل حين وزمان "
