السلام عليكم
بنات بدون مقدمات انا وايد متضايقه و منغمت صدري بشكل مو طبيعي
احس بضيقه مو قادره اتجاهلها ..
عشان تفهمون اكثر بقوكم السالفه على السريع و اهيه اساسا صارت و خلصت يعني مافي حل لها بس ودي افضفض
من فتره تعرفت على 3 بنات معاي في الجامعه و بسرعه تأقلمت معهم
يعني عرفتهم في شهر 2 بس رحت بيوتهم و يااو بيتناا و نطلع و نروح و انيي كله مع بعض و بيناا عيش و ملح و اهمه معاي في كذاا محاضره ..
كل شي اعرفوا عني و كل شي عرفته عنهم يعني اسرارنا عند بعض
وحده منهم بسميها بحرف ال (أ) تبي تضبط واحد معانا في الجامعه
بيتهم في نفس منطقتناا
راحت كلمته بس برنامج كييك باكاونت مزيف
لمن سالها وين بيتكم راحت شسوت
دلته بيتنا !!!!!!!
الصبي عقب جفته يفتر عند بيتناا
و جاف سيارتي و انا معاه في الجامعه ف حط في باله اني انا الي اكلمه
رحت قلت لها الموضوع ضاايقني و لازم تعدلين الي سويتيه
اول شي مارضت بس لمن قلت لها انج بتمشكليني مع بيتناا اعترفت له
و في هالفتره كنت دايماً اقول اللهم اجعل كيدهم في نحرهم
الا يايتني تقولي عرفها !!
يعني البنيه كانت ناويه علي نيه قشره
الموقف الثاني وحده منهم بحرف (ف) هم تبي تضبط واحد معانا في الجامعه
يوم راحت كلمته على كييك سالته انت في اي جامعه قالها انا في الجامعهم الفلانيه
راحت قالت لي انا رفيجتي معاكم في الجامعه
قالها من رفيجتج قامت قالت له اسمي !!!
و عقبها كلمته من اكاونتها ال صجي و تضبط معاها بس راحت تعاتبه و تقول انت تعرف فلانه و مكلمها على كيك ( قصدها الاكاونت ال فيك باسم لولو ) قالها لا انا ماعرفها قالت له امبله فلانه الي اهيه انا تقول انك انت مرافج لولو ف الصبي حط في باله ان اطلّع سوالف و حجي عنه و اح حقد علي و قالهم انا هاذي بتهاوش معاها
انا هني عصبت عليهم
و اتصلت حق الي بحرف ال أ و وقفتها عند ححدها باسلوب عصبي بس ماغلطت
الكلمه الوحيده الي غلطت فيها قلت لها انتوا مو كفو و انا من اول ماعرفتكم و انتوا تدخلوني في سوالف الصبيان و راحت (ا) و تتصل حق (ف) و يستلموني عقره
المهم انياليوم الثاني اعتذرت على اسلوبي حق (ا)
امس كان عيدميلاد (ا) و طلعت من الساعه 3 اجهز لها لانا كنا بنسوي لها سبرايس
مع ان اهلي من قطر و بنات خالتي يايين هديتهم و طلعت عشانها
تيمعنا في المطعم انا رحت الحمام دقايق رديت
الا اهمه طالين لهم كلهم و ماعطين الفليبينه المينو و انا و له جني موجوده
طوفتها
بس اخت (ا) قالت لي عقب انتي ليش يايبينج ويانا جنج خدامه و مرافق !!!
انا هني ماقدرت اتحمل
و (ف) اوردي كانت تعاملني من طرف خشمها جني مزهريه و له جني موجوده
قمت اتصلت حق ر فيجتي و ياتني
و رحت وياها و له حتى قلت باي
و عقب نص ساعه اتصلت (ا) تقولي ها وينج قلت لها خلاص مشيت قالت لي ليش قلت لها بس متضايقه قالت لي على هواج حبيبتي
يعني كلش ماكانت مفتكره
كلمتها في البيبي قلت لها اسبابي كتبت لي على راحتج حبيبتي
انا انقهرت من برودها ف سويت لها دليت و سويت حق اختها و سويت حق (ف)
اتصلت لي الثالثه و قالت لي تعالي و له تخربين العيدميلاد قلت لها ماقدر و قلت لها اسبابي قالت لي انتي كبرتي الموضوع و ماله داعي
المهم اني سكرته منها و انا متضايقه و مقهوره و ابجي عند ر فيجتي
ر جعت البيت امي سالتني شخبار العيدميلاد قلت لها الي صار
و قامت تتصل حق (ا)
جان (ا) سكرته في ويه امي و له عطت امي مجال تتفاهم و قالت لها بنتج قطت علي كلام في البيبي مع اني و الله ماقلت لها شي
اليوم (ا) يات بيتناا تتفاهم مع امي
و صار بيني و بينها نقاااش حاد و صراخ
و كان جيب بيوصل للطق
اختها طوّلت لسانها علي و قالت لي كلام ماله داعي
تقولي انتي اصلا خطر تكونين برع لازم تدشين المصح النفسيه !!!
جدام امي تغلط علي
اانا عصبت ف قمت قلت لها محد يبي له المصح غيرج و محد بيدخلج المصح الا امج
انا ماغلطت على امها بس امها تطردها برا البيت و ميننتها ف قلت لها انتي الي بتدشين مصح من وراا امج
قامت تصرخ و تقولي بدوس في بطنج جدام خوالي و ضيوفنا !!
قبلها (ا) قالت انا يايه اتكلم بلسان كل البنات احنا نبي نسطح علاقتنا مع بعض
قلت لها ااصلا انا من البدايه ابي اسطح علاقتي وياكم لاني ماجفت من وراكم الا المشاكل
و بعدين الثالثه انا مابيني و بينها شي بس تخيلوا ليش تبي تسطح علاقتها
قايله لان فلانه الي اهيه خربت العيدميلاد عشان جذي مابي اكلمها
في ايهل من جذي !!!!!
الي مضايقني الحين و عقب كل هالسالفه اني كل يوم بجوفهم في الجامعه وعندي معاهم محاضرات اكيد راح يسوون حركات تقهرني او تطفرني و اهمه 3 و انا 1 يعني ماراح اقدر عليهم و احس اني بكره الدوام بسبتهم ف مو عارفه شلون اتصرف
الشي الثاني الي مخوفني اني اح احس بالوحده مع اني افضل الوحده على جوهم اهمه بس و لو انا محتاجه صداقات في حياتي و محد يقدر يعيش بدون صداقات ف الي قاعده افكر فيه اني شلون بتأقلم مع وضعي اليديد !!
و بالمناسبه اهمه ماكانوا على قلب كل وحده تكره الثانيه و يعقرون على بعض عققققره مو طبيعيه بس ينافقون بعض عشان و له وحده تبقى بروحها في الجامعه و انا ماقدر انافق مثلهم !!!
ف انتوا شرايكم شلون اتصرف معاهم اذا ر حت الجامعه و جفتهم
و شلون املي وقتي خاصه اني كنت 24 ساعه وياهم مابي احس بالوحده و هلشي وايد احاتيه
و في النهايه انا غلطانه و له معاي الحق !!
