بموووووووت من الوجع###%%%%

[عاشينه]

بموووووووت من الوجع الله يعافييكم من المرض .......... عندي انزلاق غضروفي في الرابعه والخامسه من سنه وهاذي السنه بدايه في الثانيه والثالثه .........نصحوني بالعلاج الطبيعي وتعالجت لكن ماكو فايده لازم عمليه بس انا خايفه قبل العمليه لازم توقعين يمكن يصير شلل ..........وشو رايكم للعلاج المانيا والا امريكا ؟؟؟ الله لا بلاكم ما اقدر انام ايادي ورجولي ثقيله مثل الحجر وصرت ما اقدر على شغل البيت ..........تنمل والاااااام شديده ............ومنكم الاستفاده

 

[%ورد طايفي%]

سلامتج ماتشوفين شر وانصحج اذا عزمتي تسوين العمليه تروحين المانيا ولازم ترتاحين وماتشتغلين بالبيت

 

[صعبة المنال]

تعوذي من ابليس واحسني الظن بالله سبحانة وتعالى وان شاء الله مافيج الا العافيه

انا دشيت وماحبيت مارد عليج

ماعليج شر ان شاء الله

 

[عاشينه]

مشكورين ونسأل الله العفو والعافيه

 

[حرم الحوت]

ماتشوفين شر يالغاليه واجر وعافيه انشاءالله

 

[كووثر]

الله يعافيج اختي وادعي ربك وكلا الدولتين الطب وايد متقدم عندهم

 

[كلي تواضع]

أجر وعافيه ان شا ءالله

والله يشفيج ياااااااااااااارب

اذا ع العلاج المانيا يمدحونهاااا افضل احس من امريكا

 

[عاشينه]

الشر يخطاكم بصراحه يقولون امريكا افضل بالعلاج في كل التخصصات وانشاالله خير

 

[DooLy88]

ماعليج شر حبيبتي

 

[متشخصه]

هلا حبيبتي في واحد اردني في حولي يعالج يمدحونه ..... مرت اخوي راحتله امس عشان تعالج .... اذا تبين رقمه انا حاضر

 

[أم الدكتورة]

سلامتج حبوبه وأجر وعافيه ,,, والله يمن عليج بالشفاء العاجل شوفي عمري أولا عليج بالدعاء وقراءة سورة يس وايد زينه وثانيا أنصحج بألمانيا أنا خالي مسوي عملية ديسك عندهم ما شاء الله صار زين وهم فرنسا شطار تذكرين الحادث الي صار حق شريهان وتكسرت عظام ظهرها راحت فرنسا وردوها مثل الأول وسوت الفوازير , طبعا الحين اهيه معتزله ,,,,, حبوبه عاد طمنينا عليج وشنو راح تقررين ديري بالج لا تشتغلين بالبيت وايد وريحي حالج .

 

[Miss Moma]

سلامتج حبيبتي وماتشوفين شر ما اتوقع العلاج الطبيعي بهالحاله يفيدج لازم عملية وبعدها علاج طبيعي طبعا من ناحية الديرة شي طبيعي المانيا بعد مايبيله بس اذا تكلفه العلاج كبيرة عليج سمعي نصيحتي روحي المستشفى السعودي الالماني راح يطلع عليج ربع التكلفه او نصها طبعا مو شوية ادري بس فرق عن بره وكلهم دكاتره ثقه وعملياتهم جايده اصلا انتي لما تروحين تشوفين بنفسج العمليات النادره الي مسوينها وسفره حق لاسعوديه ماراح تكلفج شي روحي يمكن ترتاحين حق المستشفى

 

[قهوة برية]

حياتي انتي
ماتشوفين شر
واجر وعافية
والف لاباس عليج

 

[توتا5]

ماتشوفين شر

 

[عاشينه]

جزاااااكم الله خير على وقفتكم وياي ..............متشخصه حبيبتي طرشيلي الرقم .........ام الدكتورة يعني فرنسا افضل من امريكا والمانيا بحاول اطرش تقاريري لفرنسا واشوف ردهم مشكووووورة حبيبتي ..........ومشكوووورين كل اخواتي اللي ساعدوني

 

[om_Hadi]

حبيتي اخوي سوا العمليه بدار الشفاء عند دكتور هشام الخياط و الحمدلله صار له سنه و نص و العمليه ناجحه و تراها عاديه ماكو داعي لكل هالخوف و توكلي علي الله و اقولتش اخوي كان الانزالاق مسبب ضغط علي الاعصاب الي كانت رايحه لريوله و ماكان العوار بظهره و كانت حالته جدا متقدمه و انا بعد ظهري ظل يعورني سنه كامله و سويت أشعه الرنين المغناطيسي و طلع فيني دسك نفس الي عندتش بالفقره الرابعه و الخامسه و قام اسوي علاج طبيعي صار لي 4 شهور و الحمدلله متحسنه جدا جدا و لازلت مستمره بالعلاج بس صرت بدل لا اروح بالاسبرع مره اروح كل 3 أسابيع و كله يعتمد عليتش بالعلاج لازم تسوين تمارين بيلاتس خاصه لتقويه عضلات البطن و الي عطتني اياهم الي تعالجيني و اسوس التمارين كل يوم مرتين و حبيبتي يبيعون أشرطه دي في دي في أمازرن بالانترنت تمارين بيلاتس خاصه حق الام الظهر و الاحسن تشوفين مدربه يوجا و بيلاتس تدربتش لان مو كل التمارين زين لتش و احسن تتأكد ان تسوينهم صح انا اعرف مارسيا كانت قبل 5 شهور في معهد فلكس مادري اذا لا تزال هناك و اذا بغيتي بعض التمارين دزيلي ايميلتش علخاص و انا بطرش لتش تماريني و مواقع امازون جربي يمكن ما تضطرين تسوسن عمليه بس خلي الهمه عاليه .

 

[عاشينه]

جزاج الله خير عالمعلومات المفيده بس انا سويت علاج طبيعي وماكملت ومن بعدها زاد الوجع وزاد الانزلاق وصار ضغط على الاعصاب برجولي وايدي مااقدر امشي مسافه طويله والنوم صار ازمه كله على ظهري ومخده طبيه بعض الاوقات مااحس فيهم الحين صارلي ثلاث سنوات لان بالبدايه كان بسيط واهملت الموضوع والحين هاااااي النتيجه تعالجت بمستشفى خاص ورحت تايلند والحين بالاجازه انشاالله يا امريكا او المانيا مشكوووووووره حياتي وما قصرتي

 

[EnG. BellA]

أجر و عافية يا قلبي

ما تشوفين شر يا الغالية ،، ربي يشفيج و يخليج و يهون عليج العلاج و ما تتعبين انشالله

و اذا انتي مسافرة بالصيف ،، تروحين و تردين بالسلامة يا الغالية ،، و قلبي معاج

هالله هالله بعمرج ...

 

[الجوهرة الغالية]

ماتشوفين شر يالغاليه ،،،، عسى الله يشافيج ويعافيج ان شالله