بموت من ضيقتي

[بس خلاص]

السلام عليكم ...
بنات حيل حيل متضايقه...
صار لي كم سنه اخذ منشطات واتبع التبويض ...كنت لما اتابع يكون فيه تبويض زين بس مايصير حمل ..
وهالسنه الاخيره للاسف اخذ منشطات والتبويض مو زييييييين ابدددددددددددددد
ريلي ماله خلق يعالج وهو عنده مشكله اللزوجه وضعف الحركه ...
ويكره اييب طاري الحمل والمراجعات
قمت تابعت التبويض واخذت منشطات بدون مايدري ...لانه مثل اللي يعاند مايصير جماع اذا قلت له اخذت ابره تفجيريه
رحت وانا كلي امل ....لاني اول مره اخذ كلوميد حبتين +3 ابر جونال اف 75
وحسيت بالام تبويض ...
وقلت بس ان شالله هالمره تبويض ...وخططت و وو و و
ويوم رحت للمتابعه ..قالت لي التبويض حييييييل ضعيف حجم البويضه5
بغيت ابجي بنات ..
وهالالم اللي احسه ؟؟والامال ؟؟
حسيت كل شي مسكر بويهي ...ريلي عنده مشكله وقالت لي مايصير حمل طبيعي ابددددددددد الا بالتلقيح ...لانه الحركه عنده 20% بس
والحين انا بعد ماكو تبويض
يالله رحمتك يارب

 

[نف نف22]

لا يضيق خلقج كل شي بالقناعه يصير اقنعيه حني عليه واااااايد وابجي جدامه يمكن يحس واكلي شي يقوي المبايض عندج واخذي من معجزة الشفا عسل يقوي المبايض والله يكوووون بعونج ومافي شي مستحيل وان شالله ربي يرزقج

 

[eng.q8]

ريحي جسمج بين كل كورس ابر ترى الجسم يتعب
عند منو تراجعين؟؟ليش ما تفكرين باطفال الانابيب؟

 

[bintq8]

الله يعينج بساقري قرآن وادعي وكثري الاستغفار مافي شي بعيد عن رب العالمين والله يرزقج انشالله

 

[اضوى]

حبيبتي الله ايهديه لج ادعيله جربي انج تاخين 5و6و7 الدوره حليب معاه قفشتين جوز وطحون وعسل بعدها تشربين كوب مراميه صبح علي الريج وبالليل قريت انه زين للتبويض والله يرزقج ولا يحرمج يارب

 

[بس خلاص]

الحمدلله على كل حال ...
انا كاسره خاطر نفسي ...كنت حييييييييل متأمله ...
العسل والله كان يساعد على التبويض وممتاز ...بس للاسف قطعته لي مده يمكن هذا اللي خسبقني ..
الله يهديه ان شاالله ...
بجرب التلقيح الصناعي الشهر الياي ...ان شاالله ..
طفل الانابيب الله لايحوجني له يارب بخليه اخر العلاج
يارب ارزقني وارزق كل من ردت اللي تتمناه

 

[اضوى]

جربي طريقتي ماراح تندمين قريتها مره وجربته زين طبعا من الله وتكلي علي الله

 

[بس خلاص]

ان شالله بجرب يااضوى يزاج الله خير ياعمري ..
بس الجوز شنو اهو ؟هو نفسه عين الجمل ؟؟<<<ترا من صجي مااعرف حق المكسرات وهالسوالف ...
ومن وين اخذه ؟الرفاعي ؟؟مملح ولا عادي ؟؟؟مطحون ولا انا اطحنه ؟؟
واسفه على كثر اسئلتي من حر مافيني والله

 

[++The DuchesS++]

الله يرزقج ان شاء الله
كل شي يبيله صبر خصوصا هالشي

 

[chanel N22]

عسى الله يرزقج ويفرجلج يارب

 

[q8nina]

الله يرزقج ..

 

[om-s3ood]

الله يرزقج ياااااااااااارب

 

[eng.q8]

ليش اطفال الانابيب اخر شي
كل ما كنتي صعيره كان احسن
!

 

[بس خلاص]

مشكورين خواتي ...
المشكله ريلي رااااااااااااااافض يا
eng.q8
زين رضى بالتلقيح الصناعي ...وبيسويه من غير نفس بعد ...
شلون لو اقول له سحب وترجيع وبنج وخرابيط ..؟؟
وتعرفين الفكره عند الريايل يمكن يغلطون بالعينه وممكن وممكن ...
يارب تسهل لي ..
امس نمت وانا ضاااااااايق خلقي واهو يسالني شفيج وانا اقول له مرهقه...مايدري اني رحت اسوي متابعه
وقمت من النوم متضااااايقه حدي ...
يارب في ناس تحمل بالغلط ...وعلى حبوب وعلى لولب ..معقوله تبويضي حتى مع الابر مو زين ؟؟؟
مو مصدقه والله ...
انا حملت من اول ....شالسالفه

 

[^noonaa^]

اللهيرزقج ان شاااءالله يرب من غير ادويه ولا شي

 

[دمثة]

حبيبتي حق زوجج اخذي من الصيدلية فيتامين للزوج سبيمان اسمة وحبوب غذاء ملكات النحل وفيتامين هــ وترى يتحسن بالنسبة لج التفكيررررررررررررررررررررررررر وخري عنااااا

لاتفكرين احسن لج عيشي حياتج

 

[Swan]

لازم تريحين فتره من الحبوب والابر لأن جسمج شكله تعود عليها
وسوي حجامه عشان تطلعين كل تأثير الادوية من جسمج وترجع استجابتج للادوية
واخذي عسل مع غذاء الملكات ترى تأثيره نفس تأثير الكلوميد بس مفيد وطبيعي
والله يرزقج ان شاء الله بالذرية الصالحه

 

[madam_cake]

ريحي نفسج مو كل شهر تروحين تاخذين كلوميد وابر تفجيرية ترا الكلوميد له اضرار ويسبب تكيسات على المبايض

حاولي انج تقنعين ريلج بالعلاج ولازم عشان الله يرزقكم الذرية الصالحة وقوليلة ميخالف احنا نسعى ونتعب ولما الله يرزقنا راح ننسى الالم والتعب

يارب يارب يرزقج الذرية الصالحة

 

[بس خلاص]

هلا بنات انا مااخذ كلوميد كل شهر ...
اخذ شهر واوقف شهرين ...جذي يعني ...

 

[كويتيه مذهله 87]

اول شي هالمسأله يبيلها صبر وقوه ايمان:ggdw:

لاتشوفين غيرج هذي حملت علي لوولب وهذي وهذي تري هذولا الله كاتبلهم انهم يحملون

وانتي بعد وقت الله ماكتبلج الحمل راح تحملين حتي لو ريلج فيه ضعف بالحركه

كل شي بيد رب العالمين

اول شي التلقيح ماراح يفييدوكم بش يونسبه نجااحه قليييييييييييييييييييله جدا

قنعي ريلج بالحقن المجهري لا تقولين اخر العلاج تري انتي قاعدين تضيعين وقتج بالكلووميد والتلقيح:0bee2e8d89:

قنعي ريلج مافيها شي اذا سويتي حقن المهم هالبيبي ولدج صح ولا لأ واذا مستعيله علي الحمال نصيحه روحي لفوووزيه القطان وسوي حقن او تابعي معاها العلاج

ريحي جم شهر بعدين عاالجي علشان نفسيييتج ترتااح

صدقيييني الانسان اذا يبي شي مو كل شي بالقوه اييبه فيه شي اسمه دعاء حاجه في شي اسمه قرأن صلاه او الاستغفااااااار
ادعي ربج ليل نهاار ان يرزقج بالذريه الصالحه

حطي ابالج شي ان الله يبتلي المؤمن بشووفه يصبر ولا لأ

وان شالله يااربي الله يرزقج هالشهر بتوأم يفرح قلبكم​