بمناسبة هلا فبراير كوبوناات ببلاش ؟؟

[بـاسي قــوي]

بناات سمعتوا عن شركة العالمية انفست
الحين مسوين عرض اشتراك عضويه ب 20 دينار و فيها خصوماات 20% بمحلات تجارية مثل الراية و غيرها الصراحه ماستوعبت اللي يكلمني شيقول لانه يتكلم سرعه بالتلفون و كوبونات ببلاش لصالوناات و شركة هوااتف و تصميم ملابس و غيره و غيره

الصراحه انا شكيت بشركتهم لانها مو معروفه .. و هم يتصلوون انه بيطرشون مندوب للبيت يجيب الكوبونات

السوال منو فيكم جرب هالشركة و هل صحيح و لا كلا بوووق ببووووووووق ؟؟؟

 

[مها77]

حبوبه نصيحه هذول نصابين

ومن زمان انا تعاملت معاهم من 10 سنين يمكن والخصومات على الطل

يعني اذكر البطاقه قبل ناخذها قالوا الخصومات حق محلات معروفه لما استلموا الفلوس وشفنا المحلات طلعت كلها ما تسوى غير ان الخصم ما يعطونه الا حق اللي البطاقه باسمه مع انهم قالوا عادي اي احد من العايله يستخدمها

شوفي نصيحه محد يعطي شي بلاش اذا اهو مو مستفيد دبلات منج

بالتوفيق حبوبه

 

[ام احمد 85]

هذه الشركات وهميه
انا مره فزت تلفون وخط انترنت لمده سنه مجانا وخط تلفون
وكبونات خصم بقيمه ٢٠٠ دينار
ولما رحت استلم الهديه قاموا يلفون ويدورون وطلع كله جذب
بس ما ادري شنو مصلحتهم *

 

[الأميرة جوري]

واااااااااااااايد يدقون ومن غير المسجات ربحتى وربحتى ولي استفسرت يطلع لازم تدفعين ....ديري بالج منهم

 

[آثار حمده]

نصيحة لا تشترين منهم اي شيء

 

[مرامي ذهب]

رد : رد: بمناسبة هلا فبراير كوبوناات ببلاش ؟؟

انحااااااااااااااشى

 

[ạ7ạśêś ~]

آنآِ صـِآرت ففيني جذي من قبل جم يوم اتصل علي وآحد يقول ان من شركه العاالميه و
ان رقمي ماخذهِـ من ِـآلوطنيهُ,ِ وقال لي مليون شركه اخذ بس اني ادفع لهم 20 دينآر.~
انا بصراحه صدقت بس امي عيت قالت اكيييييد مو صج الان قال لي لج 1000 دينار بس
علىـ شكل كوبون

 

[تويتي 900]

وانا بعد وياكم هذيلا نصبوا علي

 

[emankuwaiti]

طنشي فيهم

 

[كويتيه متعصبه]

رد : بمناسبة هلا فبراير كوبوناات ببلاش ؟؟

وانا بعد دقوا عليا شركه وقالوا لي ربحتي كوبونااات وخصم لمحلات طلع
محلاتهم فاشله مو معروفه وحتى الكوبونااات مو حلوه كلش
وطنشي فيهم نصيحه

 

[مندوبة ام بندر]

حبيبتي الكوبونات مو ببلاش قيمتهم 25 او 20 بس يكثرون من كلمة ببلاش ع شان يشجعون ولما يجيج المندوب يبي المبلغ


شوفي كوبوناتهم فيها خصم بس كل كوبون بمكان

يعني مكياج بصالون بالمنقف

سشوار بصالون بالجهرا

بدلة باتيليه بحولي

جنطه بالفروانيه

جذي يعني

بس للأمانه هي عليهم خصومات بس يحكمونج بتاريخ الكوبون

اتمنى اكون فدتج

 

[بـاسي قــوي]

رد : بمناسبة هلا فبراير كوبوناات ببلاش ؟؟

بعد عمري كلكم ماقصرتوو

الصراحه شفت الكوبونااات تلووع الجبد و المحلااات مو معروفه و جذااابين لا عندهم شركه و لا شي.. بس السؤال مافي رقابه على هالنصااابين و شيسوون بالفلوس اللي ياخذونها من النااس .. المهم لما وصل المندووب صرفنااااااه لووول