هالرد لازم أكتبه من زمان بس متعيزة أو الأصح أنا عادتي اني ما أشارك وايد بالمنتدى أحب أقرا بس ..
المهم قبل سنة وشي تقريباً كنت أدور بالمنتدى عن الكيراتين وكل ماشوف وحدة تمدح صالون أو بنت تييي البيت وتسويه أدزلها رسالة وأسألها وبصراحة احترت تلقين بنات يمدحوا صالوان وبنات يذمونه وبنات يتكلمون عن بنات اييون البيت يسوون وبنات ثانيين يقولون عنهم نصابين .. وقريت عن الحنة العجيبة هني وبمنتدى ثاني بعد وهم راسلت العضوة هني وكلمتني عن الحنة وبس نسيت السالفة ..
وقبل جم شهر اختي قالتلي انها بتسوي حق بنتها كيراتين وقالتلي ادور صالون زين .. فقتلها عن الصالونات الي مدحوها بنات المنتدى وعن الحنة العجيبة ووريتها المواضيع فقالتلي شهالكلك معقولة حنة تنعم الشعر ومن أول مرة بعد .. المهم قرينا ردود البنات فقلت حق اختي جربي اول شي الحنة كلها عشر دنانير مو خسرانين شي وكلها مواد طبيعية واذا ماضبطت نسوي كيراتين ..
دقينا عالعضوة الذوق كله واخذنا منها 3 علب وكان تعاملها راقي معانا وأذيناها باتصالاتنا مرة انا داقة عليها مرة اختي وخذيت منها رقم الي تييي البيت وتسويه لنا وقالتلي اقدر اسويه بروحي بالبيت وهي تعلمني بالتلفون بس قلت لا خل تي الهندية تسويه احسن ..
ويت وسوتلنا انا وبنت اختي واتبعنا الخطوات بالضبط بس طريقة العجينة هي عجنتها نفس الوقت وقالت عادي مايأثر .. المهم عقب ماغسلته أحس شعري عادي ماتغير وايد .. مر يوم يومين دقت علي بنت اختي وقالتلي شلون شعرج قتلها عادي ماتغير الا بنسبة 30% تقريبا قتلها شكلها أي شي الحنة:bbbiu: ويمر اليوم الثالث والرابع لااااااااااااااااااااااااااااااااااا الشعر تغير وصار نـــــــــــــــــــــــــــــــــــــــــاعم بس عاليمين من تحت مو حاطتلي اياه عدل فظل نفس اول من تحت عاليمين كيرلي وكل الشعر ناعم فطلبت حنة ثانية وسويت مرثانية وقالتلي العضوة الذوق كله ترى بيصير شعرج وايد ناعم نفس الفلبن .. فقلت ميخالف وهالحجي كله قبل عيد الأضحى بجم اسبوع والحمد الله شعري للحين يهبل واغلب الوقت فالته :eh_s(9): وعلى فكرة بما اني مسويته مرتين فما أحتاج سشوار كلش ومرتين رحت عرس بدون لا استشوره لانه صاير ستريت
طبعاً اختي تشجعت وسوته وبنتها الثانية سوته واختي الثانية مع بنتها سوته وقلنا حق مرت اخوي وهم سوته هي واختها
اييي تذكرت شغلة ثانية اختي فيها شيب قبل اسبوعين او ثلاث ردت شرت حنة وحطت لأن هي ماشاء الله شعرها بسرعة يطول والجذور بدا يبين فيها الشيب فقالت بدال لا أصبغ واتعب شعري احط الحنة احسن
الذوق-كله
يعطيج ألف عافية والله شعري تغير وايد
