بلييييييز لا تخذلوني من جد متوهقه :(

[ليال88]

السلام عليكم ..

جمعه مباركه ع الجميع

لو سمحتوا بلييييييز ساعدوني .. انا طالبة ميداني

ويوم الاحد ان شاء الله عندي درس ربط العدد عشره بمدلوله وطبعا خبرتنا بلدي الكويت

وهالاسبوع راح يكون عن الكويت قديما

بيني وبينكم انا ضايعه ومو فاهمه شي للحين

ابيكم تساعدوني الله يرضا عليكم

شنو طريقة الدرس بالضبط ,, وشنو عندكم افكار للمسابقات وللمنبه اقدر اقدمها



بانتظاركم وان شاء الله ما تقصرون معاي

 

[ليال88]

افاااا

من امس محد رد

 

[الماس حر]

هلا حبيبتي شلون يعطونج ربط من اول شي ؟ صعب عليج
الربط غير عن يتعرف الربط راح تاكديلهم على العدد اهما يكونون ماخذين العدد من قبل و كله مسابقات
المنبه تحطينه عن الشي اللي بتصنفينه حبيبتي اذا الكويت قديما صنفي اعلام الكويت القديمة عدد 10 عدد كبير مجموعه وحده
تحطيلهم عشر اعلام معاهم عنصر مخالف اول شي يصنفونهم داخل المنحنى المغلق يعني يطلعون العنصر المخالف بعدين يردون يطلعون العناصر من المنحنى المغلق ويعدونهم داخل المنحنى من يديد وتكونين حاطه العدد 10 عاللوحه او بالصف باي ركن عشان اييبونه وتخلينهم يقرونه جماعي بعدين تبلشين مسابقات
مسابقة بين طفلين تحطيلهم طوقين مثلا ويمه رقم 10 تقوليلهم من يحضرلي 10 حيوانات من الفصل مع الموسيقى
مسابقة بالشفافية تكتبيلهم الاعداد وعالسبورة توجهين الشفافية يحطولج دائرة على العدد 10
مسابقة عاللوحة تسوين اعلام الكويت القديمة وتغلفينهم وتحطين معاهم عنصر مخالف عددهم 10 وتحطين يمهم عدد 10 وتقوليلهم عاللوحه (تكونين حاطه منحنى مغلق بس) ابيكم تحطولي 10 عناصر متشابهه ورمز العدد 10 هذي مسابقة جماعية
مسابقة عالسماط الابيض تكتبين اعداد ويوقفون على العدد 10
والله يوفقج حبيبتي هذا اللي اعرفه واللي احنا نسويه

 

[ليال88]

شفتي شلون يا الماس من اول شي عطوني ربط

بس ما ألومهم انا لو يجيني احد ضايع جذي بعطيه الصعب وافك عمري هههههههههه

حبيبتي ما قصرتي والله
الله يجزاج الجنه انقذتيني من الوهقه

اعجبتني فكرة لسماط حييييييل

شكرا بحجم الكووووون .. الله يعطيج العافيه

 

[●° يآإ حِ‘ـبنيً ليَ . . ! «]

الله يوفقج
كلنا متوهقآت هههههههههههههههههه
الله يعدي هالكورس ع خيـرر ..!

 

[ليال88]

يا حبني والله حسيت ان دراسة الجامعه ما منها فايده كلششششش
ولا تنفعنا بالميدان ابد

يعني مادري شنو الحكمه منها .. كأن احنا ندرس علم نفس مو رياض اطفال


عسى الله يوفقنا جميعا

 

[●° يآإ حِ‘ـبنيً ليَ . . ! «]

انشششهد ..
اصلا صج قالوها الجامعه غير والميدان غيرررر .!!
حساافه ع الدراسه بس

 

[الماس حر]

La y'9eg 5lgkom lady klna twhgna nfskom awl shy b3den 3ady la t7aton tt3lmon shwy shwy

 

[ليال88]

ابشركم عددددت على خير

والحمدلله كان الدرس حيييييل حلو بس اكيد فيه بعض الانتقادات كونه اول درس لي

لكن بشكل عام جدا ممتاز ربي لك الحمد

مشكووورين حبايبي ما قصرتوا بس ترا راح ازعجكم معاي

باجر ان شاء الله عندي لاصفي واخترت المطبخ

وودي اسويلهم تمريه يعني اكله قديمه ومن التراث

بس مادري شلون الطريقه فيه منبه بالمطبخ؟؟؟

واذا فيه منبه عطوني اقتراحات بليييييز

شاكره لكم