بلييييييز قولولي شنو اسوي في ريلي

[A7la q8tya]

يا رب ارحمني يا رب و ارحم بناتي قبلي ، يا رب انا مالي غيرك الجئله و انت عالم في حالي و داري باللي يصيرلي

و يا رب يهنيكم في حياتكم و يعطي كل واحده فيكم اللي في باله و يرزقها السلف الصالح و يفتح عليكم من ارزاقه


امين يا رب العالمين

 

[om-HaSsoOon]

يااااااارب تدشين تبشرينا انج حامل بووولد عاجلا غير اجلا

 

[برنسس كاتي]

الله يهدييه ان شااااء الله
واذا الله لا يقوله تزوج عليج ان شاء الله يجيه منها 7 بنات قولي امييين

 

[لورا2008]

الله يرزقج بالولد يارب

 

[انثى استثناء]

اهما على بالهم احنا حريم اول ما نعرف ان تحديد الجنس من الريال مو المرة ,,,, حرام حريم اول كلشي كان على راسهم
واستمروا ب التفكير التعبان هذا ما دروا ان المرة صارت تفهم و توعى حق كل شي

روحي قوليله انا ابي اطلق لان انت ما تيب اولاد ,,,, لا جد و ين عايشين ب اي زمن هذا اسمه تخلف

 

[Zaina-al-zaina]

جانها طالعه من قلبي

الله يرزقنا وياج بالولد

صج ترى الانسان احيانا

ماقدر يعصم نفسه من التفكير

باللي يببه ،،، اللهم اغفر لنا

وارزقنا بالذريه الصالحه ياقيوم

السماوات والارض ،،، قولوا امين

 

[دلــــــــــع!]

حبيتي فهميه وقولي له أن اللي يحدد الجنس سواء ذكر او أنثئ
من الحيوانات المنويه للرجل ،، هالشي أنا دارسته بماده الأحياء
المره عندها بويضه واهي دايماً تكون x
أما الرجل حيواناته المنويه تكون اما x أو y
فاذا كان الحيوان المنوي x،، فانه يتحد مع بويضه المرأه
اللي اهي دايماً x,, فيصير النوع xx اللي اهو جنس الانثئ
اما اذا كان حيوان الرجل y,, فيتحد مع بويضه الرأه ويصبح xy
يعني الجنس يكون ذكر،،،
أتمنئ فهمتي ،،
يعني الزبده ان اللي يتحدد الجنس هو حيوانات المنويه
للرررررجل فقط!!

وربي يا سامع يامجيب الدعاء
ياارب يرزقج بتؤام صبيااان ياارب
ياااارب ويهدي زووجج

 

[دلــــــــــع!]

اذا ما فهمتي قولي لي افهمج أكثر
واتمنئ اني فدتج ولا تنسين تفهميه!!

اذا تعرفين احد عنده كتاب أحياء للصف الحادي عشر
بطليه وخليه يقراا<< أهم شي خخخخ

شسوي بس من الحره ،، حسبالهم ان السبب من المره
وهي مالها شغل كله منه

يارب يااارب ازقها يااارب وأملي بيتها كله صبيان
ياارب ازقها ياارب

 

[فوولي]

شهالتكفير انا امي جاابت 5 بنات عقبهاا جابت وولد خووووووووووووووفيه
من الله قول انت تعترض ع نعمه الله شهالتفكيررررررررررررررررررررررررررررررررر


الله يعينج حياتي

 

[A7la q8tya]

والله اني ادري انه تحديد الجنس منه و كل ما اقوله جذي يقولي زلفي نامي عند بناتج و يعارني فيهم و يسبني و يسب اهلي
وانا اسكت و اكل تبن علشان بناتي و اتصدقون انه حتي ما يلعب ولا يشيل بناته و يقول انتي بليتيني بهالمصايب

و شوفي التخلف يقولي لو بإيدي جان سويت وأد البنات صج حيوان و لما احاجي خالتي هم تزفني وتقولي لج عين بعد
مو كافي مبتلي فيج

حسبي الله ونعم الوكيل

 

[مـهـرة]

يابنت الحلال
ربج ماسك قلبه ويقدر يتحكم فيه قولي يارب سخره لي
لاتلجأين للعباد روحي لرب العباد ادعيه في الثلث من الليل ادعي فيه ربج وقوي ثقتج فيه
الله يسخره لج ويحنن قلبه عليج

 

[A7la q8tya]

والله يا حبيبتي انا صرت اصلا ما انام الليل من التفكير و كله اصلي و ادعي ربي علي الفجر

بس تدرين شنو المشكله انه ما عندي احد يوقف معاي انا صرت وحيده بعد وفاه امي و ابوي مالي ظهر


صرت تحت رحمتهم حتي اللي طلعلي من ابوي خذاه و قالي خسرته يعني ما عندي شي اتكل عليه

حسبي الله علي الظالم و المتجبر علي الضعيف

 

[Miss Chanel]

البطن الي جابت البنت بتجيـــــــــب الولد

والدنيـــــــا تطورت الحين روحي الطبيب يعطيج ابره مادري شنو لتحديد جنس الجنين
وعسى ربي يرزقج الولد وبرزق كل من تتمناه

 

[A7la q8tya]

احدد جنس الجنين احس اني مو راضيه باللي الله قدره لي و لا برزقي من الله

خليه يزلف مراح اكفر علشانه و ربي مراح يخليني

 

[Vouge]

في عمليات تلقيح يتم فيها تحديد الجنس

 

[Vouge]

أرخص و أوفر من إنه يتزوج ثانية

 

[كادى الحب]

اللة يرزقج بالولدالصالح

 

[Lédy LoOlà]

وااااي الله يعينج و عليج بالدعاء وقيام الليل
الله يرزقج الولد يااارب . . ~

 

[last-moon]

الله يعينج علية

 

[همس الانوثه]

الله يهديه ويسخره لج ويرزقج الولد الصالح
ذكرتيني بسالفة وحده مثل قصتج بالمستشفى والد وجايبه بنت وقاعده تبكي سألها الدكتور الله يكثر من امثاله وقالت انا جبت بنت يعني راس طلاقي وقال ابوها درى قالت للحين قال هاتي البنت بوديها الحضانه واذا سألج وش جبتي قولي رح اسأل الدكتور وخلي الباقي علي ولاتشيلين هم
وجا الريال وسأل الدكتور وردعليه بنبره حزينه إنا لله وإنا إليه راجعون ياخوي المسلم مبتلى وعليك بالصبر
انهبل قال خير ان شاءالله وشفيه يادكتور قاله تعال معي اوريك وش جابت زوجتك
وداه لولد داخل غرفه زجاجيه معاق وكل سلك مركب فيه وحوله عشرات الاجهزه قال هذا ولدك
قعد يصيح وحط يدينه على راسه ويقول يارب سامحني كله مني ضغطت على المسكينه بشي مالها يد فيه
يارب لا تعاقبني وتركه الدكتور ربع ساعه وهو على هالحال
وقاله تعال زوجتك تبيك ودخل عندها وبحضنها بنوته بكامل عافيتها وقالت اقتنعت يابو ساره اننا بنعمه هذي بنتك واللي قبل شوي مقلب من الدكتور سجد لله شكر وقال عشر بنات متعافيات ولا ولد مريض لان من صج عاش الموقف
وماعاد جابلها طاري الولد ان شاء الله اعجبتج القصه
شكل ريلج يبيله مثل هالدكتور بس ان شاء ماتحتاجينه ويرزقج الله الولد بكامل صحته وجميع المسلمات
تقبلي مروري​