بلييييز بنات الي مطيحة بالشهر الاول تدش

[أبلـه بيبيات]

السلام عليكم
بنات بسالكم سؤال
الي طيحت بالشهر الاول تنطر ثلاث شهور حق الحمل الثاني؟
لان انا طيحت من قبل وكان عمره شهرين
وقالت لي نطري ثلاث شهور
الحين بهالحمل طاح بالاول
وقالت لي الدكتوره لا تنطرين وحاولي مره ثانيه؟
صج ماله داعي انطر؟
اخاف موزين منو صار معاها مثلي ومانطرت وثبت حملها؟
بليييز فيدوووني ترا حدي خايفه
وبعد في سؤال ثاني
قالت لي الدكتوره اول ماتعرفين انج حامل
اخذي بيبي اسبرين؟
منو يعرف حق شنو وشنو فايدته
قريت انه يسوي سيوله وخايفه اخذه
صج يفيد الجنين ويثبته؟
ومنو جربته ونفع معاها
بليز طمنوني:yaaaaaarb:​

 

[هلوكيتي]

الله يقسم لج الخير وأحسن ثلاث شهور بس اذا الدكتوره قالت عادي استغلي وقتج ليش التأخير وبالنسبه للبيبي اسبرين مرت حماي دكتوره صيدلانيه تقول علشان لايصير جلطات بالمشيمه والله أعلم

 

[أبلـه بيبيات]

يعطيج العافيه حبوبه عالرد
وتشكريلي من مرت حماج
مشكورين

 

[tmtmt]

بالعكس اذا طيحتي بالاشهر الاولى
يقولون فرصة الحمل تكون اسرع واكبر بالشهر الي وراه

انا مانطرت والدكتور نصحني ان ما انطر بس ماحكلت بعدها على طول بس هم ماطولت الحمدالله

وخذيت بيبي اسبرين
دايما يعطونه حق الي عندهم اجهاض اهوا مسيل للدم وجنه مثبت بعد

الله برزقج ان شاءالله

 

[أبلـه بيبيات]

الحمدالله والله يتمم عليج
لاني خايفه صاير لي اجهاضين فـ وايد تعقدت من الحمال
والبيبي اسبرين لان قريت وصفته لقيت ان ماتاخذه الحمال عشان جذي شكيت
وبغيت اعرف شفايدته
مشكوره حيل ريحتيني والله يوفقج

 

[@ام يوسف@]

الله يرزقج الحمل الثابت والذريه الصالحه

 

[الأميرة جوري]

انا اول بيبي علي شهر حملت بعده بعد سنتين........ثانى اجهاض بعد 3شهور حملت

 

[ذهبيه مرصعه بألماس]

والله ماادري بس انا طيحت على اول شهر و حتى ما كنت ادري اني حامل و سألت الدكتوره و قالت نطري شهرين لثلاث شهور لأن معاي سكر

انتي وضعج يمكن يساعد على الحمل بعد الاجهاض على طول

استخيري و توكلي على الله

 

[بنت_ابوها]

انا طيحت بالاسبوع الثامن وقالتلي الدكتوره انطري من ٣ شهور الى ٦ شهور
واحملي
لانه سبحان الله الرحم عقب الاجهاض مايتحمل يمسك بويضه الحمل ف الافضل انج تنطرين عالاقل شهر زياده

و الله يعوضنا يارب

 

[ريانا]

الي تنطر اعتقد الي مطيحه بعد الثاني وتنظيفات اما اذا بدون جذي ليش التاخير نصيحتي لج وعن خبره سوي تحاليل شااامله للاجاض المتكرر اخاف تكون عندجاجسام مضاده لاسمح الله او تجلطات وغالبا او دايما الي يةجهضون بالشهور الاولى ياخذون اسبرين لازم انا تخيلي اجهضت بالرابع وودي اخذه

 

[أبلـه بيبيات]

الله يعطيكم العافيه على ردودكم
انا قلت حق دكتورتي ماعندي مشكله انطر وريلي هم عادي ينطر
بس قالت لي مامنها فايده النطره لان البيبي صغير عشان جذي خفت وحبيت اسال
بالنسبه حق التحاليل اهي خوش دكتوره بس قلت لها بعرف سبب الاجهاض تقول
في كتب كثيره عن اسباب الاجهاض ماقدر احدد لج سبب معين
وودي حيل اعرف لاني ماسويت ولاشي يتعبني او كليت اكل يجهض البيبي
بس سبحان الله الله ماكتب
ويعطيكم العافيه مره ثانيه

 

[زين ودلال]

الله يعوضج يارب

انا اجهضت كان لي 5 اسابيع

عقب دم الاجهاض يتني دوره وعقب هالدوره حملت الحمدالله يعني شهرين وحملت..الدكتور قال متى ماتبين تحملين حملي عادي

وخذيت بيبي اسبرين ودوفاستون مثبت..وليلحين اخذ البيبي اسبرين

الله يتمم على خير ياااارب وكنت خاااااااااايفه حيل اني اجهض بعد بس الحمدالله الله عوضني

 

[زين ودلال]

وعن الاجهاض قال من ربنا مافي سبب طبي

بس الحيوان المنوي يكون مشوه من جذيه ينزل بروحه حتى لو كنتي مرتاحه

 

[عيون ملكيه]

انا توني حصل لي اجهاض

و الدكتوره قالت لي اريح من شهرين لثلاثه عشان بطانة الرحم تتقوى


وبس !

 

[عيالي ذيابه]

انا مطيحه شهر ٤ وكان لي شهر
وللحين ماحملت مدري ليش
ومن شهر ٧ ماجاتني الدوره وحللت ماكو حمل
ليش مادري يمكن من الإجهاض

 

[MisS Z]

انا اجهضت 3 مرات .. وآخر مره سويت تنظيفآت وقآلتلي لازم آنطر فترة

والله يتمم عالكل .. ويرزق كل محرومة بالظنى المعآفى

 

[.،:"$الـعـوبــــة$":،.]

اللي تنطر من ثلاث ل 6 شهور هي اللي مسويه تنظيفات بالمستشفى،

لان بطانة الرحم تكون ملسا من داخل فماتنغرس فيها البويضه عدل وتثبت ،

بس اللي يكون تسقيطها عادي وشافت بالسونار ان الرحم نظف من اي بواقي للاجهاض ،،

تقدر تحمل عادي باذن الله مع متابعة طبيه افضل احتياط بس ،،

واذا كان الاجهاض متكرر انصحكم تروحون لدكتور ماجد الشمري او العرف للحين هم من بين

الدكاتره الافضل والاكثر خبره بهالمجال ،

وعسى الله يرزق الكل ياربي اللهم امين ،،​

 

[ثلوج الصيف]

انا اجهضت وكان لي 5 اسابيع
يعني شهر واسبوع
وماقالت لي الدكتورة عن الفترة المخصصة للحمل مرة ثانية
من بعد الاجهاض مباشرة اخذت حبوب فوليك اسيد واهتميت بأكلي
وانتظرت تجي الدورة وبعد الدورة صار الحمل

 

[أبلـه بيبيات]

يعطيكم العافيه عالرد

زين ودلال
انا نفسج قالت لي اول ماتعرفين انج حامل تاخذين مثبت وفولك اسيد وبيبي اسبرين
والحمدالله الله يتمم عليج ويزرقج الحمل السليم المتعافي يارب ولا يضيع لج التعب


عيون ملكيه
انا نفسج صار فيني لما حملت اول مره قالت لي دكتورتي انطر ثلاث شهور بعدها اخذ فولك اسيد شهرين واحمل
بس هالاجهاض غير قالت لي لا تنطرين وعسى ربي يهون عليج ويعوضج يارب


عيالي ذيابه
يمكن الهرمونات صار فيها لخبطه شوي ميخالف متى ماربي كتب لج بتحملين باذن الله
وعسى ربي يرزقج يارب​