بلييز بنات شالحل مع طيبتي الزايده

[ga6wa90]

قوه بنات

راح أدخل بالموضوع على طول أنا فيني طبع بصراحه حيل مضايقني اني حيل طيبه زياده عن اللزوم و وايد مأثره على هالشغله


يعني مثلا إذا تضايقت من أحد على موقف جايد بسرعه أنسا و أسامح بدون مبالغه يعني عادي بعد الموقف ب 5 دقايق ينكسر خاطري و ييني إحساس اني أنا الغلطانه معنا اللي أخذت منه الموقف غلطان علي 100% بس مأكو فايده

دايما يانبني ضميري بسرعه واحط أعذار للي غلط علي أدري بتقولون بالعكس الطيبه صفه حلوه بس أحس هالطيبه زايده عن حدها أوفر الصراحه وايد تعبتني هالسالفه كل ما أقول لا بتعدل وبعامل الكل نفس ما يعاملوني أرد اتحسف بنفس الوقت و أكره نفسي ليش فكرت هالتفكير وللأسف وايد ناس مستغلين هالطبع فيني


مادري شنو الحل دائما اقط اللوم على نفسي لو شنو تكون السالفه ما اطلع اللي جدامي غلطان أو أكل حقي
مادري اللي عندها حل تفيدني لأن بصراحه مليت يغلطون و يجرحوني بالكلام و أروح أراضيهم ولا جنه شي صاير
أدري الشي إذا زاد عن حده ينقلب ضده بس مادري شيصير فيني إذا أحد تضايق مني مأكو أشخاص معيني بالعكس أنا مع الكل طبعي جذي

و سوري إذا طولت عليكم

 

[دلع العتبان]

والله العظيم صار الطيب يبيله حل الحين خخخخخ والشرير زين والناس تقول ياحظه

بوطبيع ماييوز من طبعه ماتقدرين لو شنو تتغيرين واحسن لج الطيبه تاخذين حسنات واجد

عليكم مشاكل حلوه

 

[ga6wa90]

حبيبتي مو حاطه الموضوع عشان تستخفين دمج

لي جربتي اللي أتكلم عنه بتحسين

 

[دلع العتبان]

لا عيل تعالي اعطيج على افاج اشوفج تسامحيني ولالا ؟؟

الله يهديج بس

والله انا طيبه وشوفولي حل احمدي ربج ياقلبي

 

[amal ksa]

حبيبتي دلع ماقالت شيء عشان تزعلين
واذا عن طيبه انا نفسك بضبط ويمكن اكثر عمري 24 وكل اللي حولي يقولون من طيبتك نحس انك امنا هههههه صديقتي عمرها 27 وتقول احس انك امي من كثر مو قلبك طيب بس انا مشكلتي ليه مااحب ازعل احد اخاف يموتون وماتصالحت مع اللي احبهم مدري احس اني بحاجه لدكتور نفسي انا مره طيبه واسامح بس اذا قررت اكره خلاص اكره بس اهلي وناس المقربين مره مستحيل ازعلهم
مادري كاني قلبت الموضوع وصار لي هههههه

 

[دلع العتبان]

امل صحيح الطيب مهما كان تحبينه لو انتي تخدعينه انتي من داخل نفسج تحبينه او تستحقرين نفسج لانه اهوه اطيب منج

استمري حياتي وهالشي حلو بالعكس

 

[amal ksa]

امل صحيح الطيب مهما كان تحبينه لو انتي تخدعينه انتي من داخل نفسج تحبينه او تستحقرين نفسج لانه اهوه اطيب منج

استمري حياتي وهالشي حلو بالعكس

مشكور حبيبتي :eh_s(7):

 

[بنت حظوظ]

الطيبة ما تنفع صديفني

 

[الأوركيدة]

انا نفس حالتج اللي ربا على شي مايقدر يغيره

 

[سحـورة]

وين المشكله ؟
يعني تبينا ندخل داخل أجزائج ونغير خصائصج ..
رفعي ايدينج للسماء و قولي " اللهم لك الحمد حمدا كثيرا مباركا عظيما "

 

[حبيته من قلبي]

جنج قاعده تتكلمين عني بالضبط : )!

 

[روانتي 12]

​

عآآآدي حبيبتي .. ـأأحسن لج طيبه إأبرك من ـآآلعكسس .. و ـآن دل دل على ـإخلاقج و تربيتج .. فهالشي حلوو .. وياليته موجود بالكل ..,*

 

[هاديه احمد]

بالعكس اختي الطيبه نعمه ونعمه عظيمه جداً
اشكري ربك انه اكرمك بها

 

[miss-farah]

شوفي يالغالية يقول المثل لا تكن يابس فتكسر ولا لين فتعصر خليج وسط بالطيبة ومع من يستحقها وغيري شوي من شخصيتج وخليج واثقه من نفسج ولا تعتذريين على شي انتي ما غلطتي فيه خلي لج شخصية جدام الطرف الثاني والطيبة الزايدة خليها في بيتكم مع امج وابوج الي يحبونج اما غيرهم لهم تعامل ثاني طيبة بس مو توصل إلى السذاجه وضعف الشخصية

كلمة : أن الفارق بين الطيبة والسذاجة شعرة دقيقة .. من لم يُراعِ ذلك الفارق يجني على نفسه .. ويُهينها .. ويُسلمها إلى من لا يخاف الله فيستغلها أبشع استغلال ..