بليز وين احصل جيس بيبي ماركه؟

[&جالكسي&]

السلام عليكم ورحمة الله وبركاته

شلونكم حبيباتي

اكيد عرفتو الموضوع من العنوان صارلي فاره ادور جيس بيبي ماركه بس محتاره مادري من وين اخذ وشنو الماركه اللي تنصحوني فيها ووين احصلها وحبيت اعرف محل لحظه من فضلك الافنيو اي صوب افتر راسي ادوره
ياريت اللي تدخل ماتطنش وترد عالاقل برفع

والله يسهل علي وعليكم يارب

 

[آلجفوول ~]

ماادل اللي بالافنيوو

بس روحي المهلب ملوووم وفي محل كل لحظه منزل اجياس تهبل

وملبوس العافيه

 

[&جالكسي&]

الله يعافيج ياروحي مشكووووره

 

[@ الجوري @]

اب اب
لعيونج

 

[english muffin]

فندي
وكفالي
وارماني عندهم

 

[ام اغلى الناس]

اللي بالافنيوز شفته مره
اعتقد عند صالون ارنوب ودبدوب للاطفال
احسن اسالي هناك الشباب اللي يوقفون تابعين للمجمع وهم يدلونج

 

[*+$كويتية$+*]

المهلب مسوين تخفيضات والافنيو


وا صوب المتحجبه

 

[أبله هنوف]

حبيبتي بالأفنو
خلي ماكدنلدز بظهرج وكملي سيده الجهه
المقابله جهة اليمين راح اتلاقينه وتلاقين كذا
محل عندهم ماركات للأطفال

 

[بنت جنيف]

انا ماخذه بربري البيج للبنات يصلح و للصبيان من لحظه من فضلك المهلب وخشيته للبيبي الثاني

 

[madry]

عندج جاكادي اللي بديسكفري وايد حلو شغله
الفيرو مارتيني ماركة الخريطه اللي بالفنار مال اليهال هم عنده و حلوين

 

[LiL MaMa]

بالافينيوز لوقفي عند البوابه رقم 9 و صعدي اخر دور
اهناك لحظه من فضلك و في مكالات وااايد ماركات افتري عليهم كلهم

 

[saron el.noteya]

بالافينيو شفت فيرساجي مو وايد حلو كلش ما عجبني صراحه
وشفت فندي و ديور كلللللللللللش ما دخلوا باالي كللش!!

بس شكلي ودي في بربري بشوف اذا حصل الجيس ولا لا ..

 

[sweeta77]

انا شريت من لحظه من فضلك اللي في المهلب تحت

 

[&جالكسي&]

رحت لحظه وتوني جايه منه ماعجبني شي لقيت عنده روبيرتو كافالي وفندي موشي يصراحه وهمن لغز مالقيت غير فرساتشي وموحلو

 

[ربي ارزقني بيبي]

حبيبتي لحظة من فضلك المهلب انا توني رايحه عندهم حلوين ومخصومين جنه صاير علي شئ وخمسين
يبي ديور عندهم وردي وازرق ورصاصي و جنه بيج نفس النفشه بس الماركة مو مبينة صغيرة حدها علي الجنب يعني يمكن محد بيعرف ان ماركه بس حلو وسعره معقول
وعندهم واحد ثاني بشئ وتسعين بس عادي موحلو
وبعد عندهم فندي و كفالي بس مادري علي جم

وعندج جاكادي الي بديسكفري بس مادري جنه خامتهم موشئ واسعارهم بثلاثين او اربعين

 

[ام فوااز]

لغز الاطفال عنده حلوين بالافنيوز فوق

 

[كتالونيه]

بيبي لوف
وعندج بعد التاجرات
قوليلهم يسووونه لج
وشغلهم حده ذرب