بليز علموني اشلون ... ادخلوا وراح اتعرفون

[راعية الذيب]

السلام عليكم

اشلونكم


انا بصراحه بناتي يحنون يبون قطوه وانا ما ودي احط ببيتي اي حيوان الله يعزكم لانه اي شي يصير ع الحيوان راح يصير لي ذنب فيه

حاولت بكل الطرق اني اقنعهم انه مو زين نشتري قطوه لكن دون فايده

ابي طريقه اقنعهم بانهم ينسون اني اشتري لهم قطوه


وشاكره لكم​

 

[ســكــّر]

عليكم السلام


والله مادري شقولج اليهال مشكله اذا تعلقوو بشي الى يبونه
اذا كانو صغار حيل
ممكن تجيبين شي بدال القطوه اذا خايفه عليهم مثل العصافير او سلحفاء بريه مافيهم خوف عليهم

 

[راعية الذيب]

انا عيالي ما بين 7 و18 سنه يعني كبار

وانا ما ابي اي حيوان يدخل في بيتي

اشلون اقنعهم او شنو اسوي طريقه علشان اخليهم يقولون يماه ما نبي

 

[мššααšαα]

لــيش شــفيهم آلقــطاوه يهبلوون ..!

وعلى ــآآ حسب بنــآآتج يعني صغـآآر ولا لا

اذا يعني صغــآآر لا تشتريلهم يعذبونهـآ

واذا لا اشترييلهم وآلله يتعلموون آلمسؤؤليه

وتضييع آلوقت .. وآشيــآآء وآآجــد

 

[سكارف.فوشي]

والله يا قلبي عيالج كبار مشالله عليهم واتوقع لما تيبين لهم راح يتحملون مسؤلية القطوه ويهتمون فيها
هههههههه بغيتينه عون صرنالج فرعون

 

[Kawaii GiяL]

حرااام لا تكسرين بخاطرهم عسى الله يجبر بخاطرج ^_^ اشتريلهم مو صغار عشان تخافين على اثم القطوة

كبار قادرين يشيلون مسؤوليتها و يربونها و يقومون فيها منها يتعلمون المسؤوليه و يشتغلون من تربيه و تنظيف و مصاريف خفيفه

و شغل وقت فراااغ ^_^ انا من قبل كنت احن احن احن احن على امي والله مابقى شئ ما سويت

قلتلها يما بتوصلني هديه قطوة ,, و سويت نفسي ما احاجيها ,, و سويت نفسي انا المسكينه و بحاول اكسر خاطرها ,, طنقرت عليها ,, قطيت نقزات
حنييييييييييييييييييييييييييييييييييييييييييييييت بشكل مو طبيعي صدتني مليون مرة و زفتني جم مرة هههههه

بس كنت صج صج ابي قطوة ,,, ليييين قالت لي اذا يبتي النوع الي احبه و بسعر زين راح ارضى بنسبه 1- 2 %

بس انا ما احب النوع اللي اهي تبيه اهي تبي بو شعر انا احب المملط من غير شعر عشان لا يحت شعره

و بس عقب ما رضت انا عاف خاطري , الحين بشتري وبر و ماراح اقولها و راح احطها بالامر الواقع

هههههههه ,,,, دامهم مو مربين من قبل بناتج ,,, راح يصدعون راسج بالحنه ,, و راح يرق قلبج عليهم بعدين

فا اختصري الطريج و اشتريلهم ,, و انتي بنفسج راح تحبين القطوة ^_^

 

[حنونة المزيوونه]

بالعكس والله ونااسه تربيتهم وصدقيني انتي راح تستانسين ع القطاوه مثل ماأبووي استاانس اللي كاان رااافض وجوود قطووه بالبيت

وبالعكس القطووه له فووايد لان تعلم الواحد على تحمل المسئوولية

 

[بــدويه]

حبيبتي اشتري لهم قطوه شبتسوي هالقطوه يعني ترى ما تضر ولا شي بس تونسهم ويآخذون اجر منها ,,

ع فكره توقيعج رهييييييييييييييييييييب هههههههههههههه من ويين صايده الصوره ؟

 

[sweet cake]

والله رايي من راي البنات.. يعني عيالج اسم الله عليهم كبار وبالعمر المناسب للتربيه وتحمل المسؤوليه .. انتي اذا تبين اشتريلهم وقسمي المسؤوليات بينهم يعني كل واحد له شي يكون مسؤول عنه من شغلات القطوه وشوفي ابوي نفسج ما كان راضي والعائله كلهم مو عاجبهم.. بس من صارت عندي الكل يسأل عنها ويلاعبها.. حتى عمامي اللي مو مناصرين القطاوه صاروا يلعبون معاها والكل يدلعها..

بس ان شاء الله ما عليج اثم دام انهم يفهمون .. بس اذا ماتبينهم يربونها .. قصي عليهم قولي القطوه يبقى عليها وصاخه بعد ماتروح الحمام لازم انتم تنظفونها والخدامه مالها شغل بالقطوه ولا تقرب لها.. قولي نفس امي .. امي تقول خداماتي ما يسوون شي لقطوتج ولا يخدمونها.. بس ترى ماراح تندمين اذا شريتيها .. تخيلي العائله كلها الحين عاجبتهم ..

 

[Kawaii GiяL]

صح كلامهم انتي جربييي ,, ما راح تخسرين ,, اذا ما يازلج الموضوع ^_^ بيعيها ,,,

عاد تصدقين الحين لما هونت عن القطوة و مابيها من عقب كليوم احن احن

الحين

توه اليوم عمي يقولي راح اييبلج قطوة هديه هههههه قلتله و امي قالي موافقه ^_^

استغربت بس عقب شنوووو بس الحمدلله العوض و لا القطيعه

 

[ابي قطوة ميوووو]

اي صح اشتري له ورااح تحبينها صدقيني
والفااااااااال لي امي ترضى اني اشتري
هي هي هي

 

[ام البنين2000]

بنات تري انا بعد مشكلتي مشابهه لمشكلة الاخت راعية الذيب بس الفرق انه انا موافقه اشتري قطوه لأن انا اصلا اموت عالقطاوه بس المشكله عقب ما قريت بالمنتدي عن الامراض اللي تسببها لقطاوه للأطفال من فطريات وصلع وجرب مع العلم انه انا قبل ما اتزوج كان عندي 7 قطاوه بس عمرهم ما يتهم هالامراض وانا اكثر واحد خايفه عليه ولدي اللي عمره سنيين انا بسألكم في احد فيكم عند اخوان او عيال صغار كبر ولدي وما اثر فيهم وجود القطوه بالبيت
عفيه ابي احد يرد علي لأن رفيجتي قطوتها ولدة وعيالي كل يوم يحنون عليها يبون واحد من عيال قطوتها واهي وعدتهم عقب العيد تعطيهم وحده وراح اكون شاكره لكم
اخني راعية الذيب سامحيني اذا دخلت عرض وتقبلي مروري

 

[sweet cake]

انا عندي اختي صغيره عمرها الحين 3 سنين وبنت خالتي على طول عندنا بالبيت وعمرها سنه وولد عمي الصغير توه عمره 9 شهور وما صار فيهم اي شي من القطوه..
اذا انتي حارصه على القطوه ونظافتها وانها ما تطلع برا للشارع خلاص ماكو مشكله ان شاء الله..
اختي ما يأثر وترى القطوه متاذي الصغار حتى لو اذوها.. تخيلي اختي الصغيره تموووت بقطوتي ومن تشوفها تركض تحضنها حيل وتمشي وهي حاضنتها.. والله القطوه كللللش ما تسوي لها شي ولا حتى تخرعها.. يعني لو احد من الكبار شال القطوه وهي ماتبينا نشيلها تدزهم برجولها حيل لما ينزلونها بس لما اختي الصغيره تشيلها تسكت وماتدزها.. وبنت خالتي عمرها سنه تلم قطوتي وتنام عليها والقطوه تسكت ماتسوي شي تنطرها تهدها.. بس لما تشوفهم من بعيد تنحاش وتنخش عنهم بس اذا صادوها ماتسوي لهم شي كللللش..
اذا تبين اثبات على كلامي دشي يوتيوب وشوفي الفيديوات اللي فيه .. اطفال صغار ينتفون شعر القطاوه والقطاوه ما يسوون لهم شي..

ادري قرقت بس والله القطاوه اذكياء ويعرفون ويميزون الصغير من الكبير ويعرفون ان الصغير ما يسوون له شي

 

[ام البنين2000]

تسلمين حبيبتي سويت كان علي الرد صج ريحتيني بس بخصوص الامراض اللي اقرا عنها اذا انا اهتميت بالقطوه ونظافتها وعطيتها كل التطعيمات ما راح يصيبها جري او فطريات
اسفه حبيبتي استحمليني علي اسألتي بس بطمن قبل ما اييبها البيت

 

[sweet cake]

اخذي راحتج احنا هني لخدمتكم..
شوفي اذا انتي حراصه عليها ما يصير فيها شي ان شاء الله.. الحمدلله الحمدلله قطوتي للحين سليمه وما فيها شي.. الشي الوحيد اللي يحكها الجرس اللي حاطته لها.. مالها خلق تبي تشيله..
شوفي انتي اذا عرفتي الاساسيات بالتربيه وقريتي ان شاء الله ما يصير فيها شي..
انتي احرصي على تمشيطها يوميا او تقدرين يوم وترك اذا انشغلتي عنها.. واذا ماتبين قطوه شعرها كثيف اخذي السياميه ترى حلوه ووفيه لراعيها..
انتي اذا عزمتي وقررتي تشترين حياج اقري مواضيع الدليل عندنا واي شي تبين احنا حاضرين ..

 

[ام البنين2000]

تسلمين حبيبتي وما قصرتي وان شاء الله في ميزان حسناتج وتري انا قاريه كل مواضيعكم واتابعكم بصمت
وانا اللي مشجعني انه انا عندي صبيان مو بنات وانهم طالبين قطوه وايد هالشي ونسني لأن تربيت الحيوانات الاليفه تعلم الياهل الحنيه والرحمه ولصبيان بطبيعتهم قاسيين مو نفس البنات فأن شاء الله القطوه تعلمهم العطف والرحمه ....مشكوره مره ثانيه

 

[sweet cake]

الله يخليهم لج وتشوفينهم معاريس ان شاء الله ويطرح فيهم الخير والبركه ويخلي قلوبهم على قلبج.. >> تحسين دعوة عجوز ..

صاجه اخوي الحين يلاعبها وما يقول لها شي ابد مع انه عصبي مرات بس ما يقول لها شي.. مادري حنيه ولا خايف مني اعلم ابوي

 

[ام البنين2000]

تسلمين حبيبتي علي الدعوه الحلوه اللي نفس صاحبتها :tek:
وتري صدقيني الحيوان يرقق قلب الأنسان عموما وهالشي ما تحسينه بالبنيه لأنها رقيقه وحنونه بطبيعتها بس اتحسينه بالصبي اكثر

 

[راعية الذيب]

يعطيكم العافيه ع الردود

بس انا مو اخاف منهم بس انا ما ابي احد من اهلي او اهله يزورونها ويتوثمون في القطوه

وانا كافي اربي عيالي تبون اربي قطوه

وانا بصراحه كل سنه نسافر والعطله نقعد بكل العطله وفي العطله الصغيره هم بعد نسافر
وين احدها لو سافرنا يعني؟

خواتي يقولون لي فكينا من شر القطوه

واخوي عياله صغار وشريين

يعني ما اقدر احطهم مكان

يعني تتوقعون لو اشتريها وين احطها بالعطله؟.

 

[ســكــّر]

لصار وقت العطله
عندج اهني البنات يتبنونها لما ترجعين