بليز ساعدوني

[Miss-Hummer]

السلام عليكم

انشالله الاسبوع الياي راح اسافر ماليزيا وهذي اول سفره لي بحياتي ( طبعا عقب ما تزوج )

وراح نقعد 13 يوم

وانشالله راح تكون رحلتنا كوالالمبور بعدين بيننج بعدين نرجع مره ثانيه كوالالمبور

بلييز اللي رايحه تقولي شنو الاماكن الحلوه والسياحيه هناك

واذا في وحده جربت لسبا هناك تقولي وين راحت لان يمدحون مساجهم

بلييز لا تبخلون علي بردكم

ثانكس

اختكم

Miss-Hummer​

 

[om MaRyooM]

هلا حبوبة ..

بصراحة وايد ناس مدحون ماليزيا بس لما جربتها للامانة ماعجبتني حييل .. قعدت فيها 10 ايام وحسيتها واايد

واحلى شي بكوالالمبور السوق والمجمعات عنده مفناتك واشيا حلوة ..

ليش ماتقسمون هالاام 5بوكت والباجي ماليزيا .. والله بوكيت تينن ورح تستانسين فيها وماكو وجه مقارنة بين سباهاتهم وسباهات ماليزيا..

وبالنسبة للاماكن الحلوة بكوالالمبور في مجمعات نفس ماينز ومجمع سوريا كل أل سي سي .. ورحلة afamosa وايد حلوة فيها حديقة حيوان وعروض وهالسوالف ..
ورحلة genting مدينة ملاهي صاير فوق الجبل الجو شوية بارد ويونس هالمكان . .


وانشالله تستانسين والبنات يقدرون يفيدونج اكثر

 

[sweetkoko]

هلا حبيبتي وانشااللة تكون احلا سفره لج
بالنسبة لكوالالمبور وين انت ساكنة؟
عموما كل المنتجعات والملاهي والمصايف وغيره ماتبعد ساعة بالكثير وانشالله افيدج بكوالالمبور المناطق السياحية:-
الاكواريوم - صن واي لاجون فندق ومدينة مائية ومجمع وايد حلو وعود مايحتاج تباتين فيه لانه نص ساعه من كوالا بس الفندق حلو كديكورات - مايننز بيتش - وجولدن هاوس المنظر الفندق من بره خيال بالليل خاصة وهم نفس طريقة صن واي لاجون- حديقة الفراشات والطيور والزهور يم بعض بس انا ماحبيتهم مافيهم زود- مرتفعات جنتغ فوق الجبل تقريبا ساعة الاربع طريجها اذا تخافين من التلفريك كملوا ليفوق بتكسي العاب وملاهي داخلية وخارجية وفنادق بسها زيالرة اعتقد والجو باااارد بس عيبها مافيها مكان للتمشي والقعدة بس العاب وفيها محلات شويه وفي فنتازيا شو عندهم لايطوفج والسبا بالفندق حلو -في عندج بعد مرتفعات هايلاند مزرعة الفراولة والشاي - شلالات - كهف باتو ماانصحج تروحينه فيه اكبر بوذا بس مافي شي- بتر فلاي عجيبه ياخذونج بقارب بحيرة صناعية امواج وسولف وتشوفين اضائة الفراشات والاجواء جنها غابة حبيتها - أفاموزا مدينه كامله سفاري واكوابارك طيران شراعي رمي ركوب قوارب سيارات غولف احصنه عروض كوبوي وتمثيليات فانتاسيا العاب ناريه وكرنفال وااايد سوالف بس بعيدة شوي ورطوبه -.......... وااايد سياحة بماليزيا
الاسوقة بكوالالمبور: ستار هيل يم الماريوت وووايد كشخة وماركات - لوت 10 - ببي بلازا - ورد كارتون - بافليون راااقي وجديد - ومحلات ومجمعات من فندق الماريوت ل فندق فيدرال يعني بطول شارع العرب - تايمز سكوير فندق ومجمع وااايد حلو للهدايا والتشري والعاب - وبظهر الماريوت وببي بلازا في بعد مجمع نسيت اسمه وطبعا بطول الشارع محلات المساج - ميجامول مجمع عوود وفيه كل شي - مجمع سيريا بتونز تور كششخة وااايد ومنوع غالي ورخيص بس رااقي ملابس السهره والناسبات والعيد والاكسسوارات والماركات والسبورت كل شي والقعدة بره تهبل والمطاعم واايد ومتنوعه وفيه مطعم هندي وبوفيه وااايد حلو - سوقوا منوع وحلوه اسعاره - ذا مول - ون اوتوماه مجمع كبيير وحلو بس مو بنفس شارع المجمعات وااايد مجمعات بتشوفينهم يم بعض عندج بعد مصنع الشكولاته جريب من ماريوت وااايد حلو كاكا غريب وبعد مصنع الجلود والجواتي والشنط وايد رخيص ومنوع - تشاينا تاون اذا لج التفرفر و التنبش تحصلين فيه اشياء للبيت هدايا اكسسوارات سوالف مطبخ صغيرونه كريمات زيوت عطريه وشاي رجيم واعشاب للبهارات وشاي اخضر سوالف البف والورد والتيجان والشموع يعني بس المكان لج عليه وحر وفيه التقليد والماركات المقلدة بس لاينزلج من صوب الاكل والمطاعم الريحة وااااي تبط الراس - اندارا وايد شعبي بس رخيص واايد
المطاعم بكوالالمبور:-
نصيحة لاطوفين العشا ببرج كوالا صج خيال بوفيه ب9 دنانير الشخص بس المكان راقي ورومانسي القعدة حلوه والبرج يدور - الطربوش - ناب - ناندوز - المجمعات كلها مطاعم وااايد فيه المطاعم العربيه منها النظيف لاتحاتين الاكل بكل مكان وحلاااال.

بياننغ
السياحة تكون بنفس الفندق لو فندقكم على البيتش يعني يسولج رحله شخصيه او مجموعه كيفج تصيدون سمك باربيكيو وجزيره للشواذي وياكثرهم بس ودي موز وسبال معاج - برشوت جت سكي بنانا و الانشطه البحريه
مرتفعات بياننغ هيل المكان فوق الجبل تشوفين كل بياننغ من فوق بس برد شوي -عندهم حديقة حيوانات عاديه - التمشي بجورج تاون يذكرج باوروبا القديمه الشوارع البيوت - في مدينه بعيده شوي اسمها بيبانج شي جذي نفس افاموزا بس ساحليه
المجمعات:-
غرني بلازا والكفيهات بره واايد حلوه - ومجمع عوووود عقب الجسر اسمه كونسبي كشخخخه وايد حلو - السوق الصيني والليلي بشارع باتو فرنجي نفس شارع الهولدي ان وشنغريلا
المطاعم:
بحري مطعم شكل السفينه الخشبيه بوم من بره بس وااايد حلو واذا حاجزه قبل وقلتيلهم هاني مون يدلللونج بس المطعم شوي غالي بس صراحة يستاهل وااايد مطاعم بيتزا وعربيه وهنديه بس ماجربتهم احس مو نظاف.

صراحه ماليزيا سياحه ونظافه وترتيب عكس بانكوك قمة الوساخه والانحطاط والقذاره والديره مومتحضره كلش يمكن السوق ببانكوك ارخص بس يفتقر للنظاف والاجواء مزعجه وصعب التسوق فيها مارتحت ولاحبيت بانكوك كلش وبالنسبه لبوكيت يمكن احلا من بينانغ لان رحلاتها اكثر بس مو ارتب وانظف كلش خاصة شارع الباتونغ بيتش وصخ وزحمه وريحه خايسه مادري لامجال للمقارنه بالنسبه لي كفايه بماليزيا تتمشين بالشوارع وانت تنفسين موصاكة خشمج ومغمضه عيونج نفس بانكوك .
وتحياتي واي خدمه انا حاضره واذا ذكرت شي بكتبه بعد

 

[Miss-Hummer]

يعطيج العافيه ام مريوم حبطتيني شوي بس يالله انروح ونشوف

واكيد احنا مقسمين الايم بين كوالالمبور وجزيره بيننج

شكرااا

 

[Miss-Hummer]

حبيبتي مشكوووووووووووووووووووووووووووووووووووووووره فدييييتج على هالمعلوماات الحلوه

وكتبت كل شي قلتيه

واهم شي المووز والسبال حق الشواذي خخخخخخخخخخ

يعطيج العافيه

بدعيلج على هالاماكن

 

[العـــائده]

الله يوفقكم ويحفظكم

 

[Miss-Hummer]

داعيه سعوديه

حبيبتي والله ماقصرتي تسلمين

 

[M.H.H]

الله يحفظكم ويوفقكم ..

وللرفع ..

 

[HASB_83]

ان شاءالله تروحين وتردين بالسلامة

بالنسبه لبننج الصراحه ما رحتلها انا رحت لنكاوي

واايد حلووه
بس اكيد بننج فيها رحلات .. وتقدرين تجيكين على الرحلات من الفندق


وكوالالمبور وااي تهبل انا رحت لها قبل سنتين والحين بالعيد بروحلها ان شاءالله

اول شي الاخت ماقصرت ماشاءالله

اشرحت بالتفصيل
انا بعطيج بشكل عام

عندج شارع العرب على قولتهم يبدي تقريبا من فندق ماريوت لييييي اخر الشارع وانتي ماشيه .. مشي بالريل طبعا دار مدارج مجمعات ومطاعم ومحلات مساج


جبال ماريوت تلقين مجمع بافليون طبعا اهواا مجمع يمتلكه بيت التمويل الكويتي
واااايد كبير اينن فيه محلات كشخه وعاديه وفيه مطاعم شكثر وسينمتهم حلوووووه وايد اعجبتني
والمجمع اللي بماريوت فيه الماركات وايد راقي

والمجمعات الباجي بهالشارع وااااااايد عاديه بس تووونس
لان فيها خرابيط اكسسوارات وهدووم تووونس
تلقين تناتيف
وبين المحلات والمجمعات تلقين بوثات فيها سوفونيرز حلوين حق الصووغه
وانتي ماشيه تلقين محلات صغيره ومحلات عوووووووده مفتوحه على بعض وفيها بوثات صغار جنه سوق اليمعه <-- هههه خوش تشبيه

بس فيها خرابيط تهبل
اكسسوارات وتقليد ماركات !!

ومحلات المساج تينن انا كل يوم كنت اروح اسوي مساج حق ريولي
المحلات عاديه مو واااااااااو اقدر اقولج داثره!!
بس عادي بس تسوين ريولج يهببببببل
يعني عقب التسوق والفراره روحي سوي مسااج وارتاحي

وبالنسبه للمساج والسبا الكشخه انا سويت مرتين!
مره سويته بلنكاوي ومره سويته بفندقنا
بكوالالمبور سكنا بفندقين وانصحج تسكنين فيهم

الاول قولدن هورسز اييييييييييييييييييييييييين تحسين انج بعالم ثاني
الفندق 7 نجوم!
السبا خيال
الغرف خيااال
الريووق واللوبي والفندق ككل انا اعطييييه 10 نجوووم

واذا بتروحين السوق تركبين مركب من الفندق يوديج المجمع الوحيد اللي يمه
احنا قعدنا فيه ثلاث ايام ليلتين بس

وبعدين رحنا ماريوت باول شارع العرب



وعلى فكره صالوناتهم تهبل
انا قصيت شعري هناك بصالون بتايم سكوير


وان شاءالله تروحين وتردين بالسلامة

وان شاءالله الاقيج هناااك