بليز .. زراعة و علاج الشعر .. خصوصا مقدمة الرأس .. $نرجس$ .. لحقيناااا

[LaDantel]

السلام عليكم

تعبت وانا ادور دكتور حق علاج تساقط الشعر الشديد :eh_s(16):

ابر الميزو ثيرابي .. اذا هديتيهم يطيح الشعر

ابي دكتور زين حتى لو يسويلي زراعه بصيلات من نفس شعري من ورا

بليز بنات اللي عندهم خبره بهالقسم

خصوصا نرجس ماشاء الله بمواضع التجميل سبااااقه بالمواضيع الحلوه و الردود اللي تبرد القلب

بليز قولولنا منو احسن دكتور و شنو استفدتوا منه

واللي سوت زراعه عند منو ؟؟


تنبيه وملاحظه :

دقيت على عيادة دكتور عادل قطينه .. الرسبشن قالوا انه مايعالج حريم و حده مشغول متفرع للعمليات بس .. و حطت لي موعد عند اخصائية شعر اسمها رولا حسني !!

ماعمري سمعت عنها ولا سمعت احد مجربها :eh_s(16): ابي دكتور عادل بس رفضت قالت لا مايعالج .. شسوي بنات

 

[مملوحه الفال]

يعطيج العافيه حبيبتي

حبوبه بالنسبه لي انا ماعرف بصراحه بالكويت بس شفت شوفت عيني ناس مسوينها في تركيا برخص التراب تقريبا 5000 ريال

وايد رخيص وبصراحه شغل ماشاءالله ممتاز ويقولج هناك 90 بالميه خليجين اللي مسوين من شباب وبنات اذا بغيتي ممكن اجيب

لج بيانات الدكتور

 

[LaDantel]

حبيبتي ماقصرتي والله

ممكن اعرف اللي مسوينها .. شلون الطريقه ؟؟

انا ابي زراعه بصيلات يعني ياخذ من الشعرر اللي ورا و يزرع جدام

او شلون الطريقه اللي سووها بالنسبه للناس اللي تعرفينهم ؟؟؟

 

[$نرجس$]

هلااا والله قلبي اسفه توني اشوف الموضووع شوفي احمدي ربج انج ماارحتي وسويتي عنده لان عادل قطيينه فااشل واتقطيين افلوس على الفاضي لاااا بالكوييت ماافييه متخصصيين احسن شي تركيااا خبره بالسواالف هاااذي وتلقيين عرررب وخليجيين زحمه اهنااك وفي ايراان بس في نااس ما تقدر اتروح اهنااك واذاا ما تقدريين على تركياا ولااا ايراان عندج بالسعوديه وااحد اسمه احمد التركي في مستشفى ادمه وواحد اسمه بسااام الجبااعي هذول الاثنيين الي علييهم مدح بس لاا اتروحيين عند غيرهم

 

[$نرجس$]

حبيبتي ماقصرتي والله

ممكن اعرف اللي مسوينها .. شلون الطريقه ؟؟

انا ابي زراعه بصيلات يعني ياخذ من الشعرر اللي ورا و يزرع جدام

او شلون الطريقه اللي سووها بالنسبه للناس اللي تعرفينهم ؟؟؟

اي يااخذ من الشعر الي ورااا بطرييقه تجمييليه ماا اتبيين والافضل الشريحه وفي بالاقتطااف بس احسن النتاايج الشريييحه في دكااتره فااشليين باخذ الشرييحه احسن اثنيين بالسعوديه اهم احمد التركي وبساام الجبااعي بس لاازم بعد عملييه الشرييحه ترفعيين رااسج لان الدواا الي رااح يسبب انتفااخ بالوجه مأقت حااله حاال اي عملييه ويعطوونج ادويه ورااح يشرحوونلج بالتفصييل :eh_s(17)::eh_s(17):

 

[$نرجس$]

رااح احطلج احسن المرااكز لزرع الشعر بتركيااا وتجاارب الي سوو العمليه

وتجارب الي سوو عند احمد التركي وبسام الجيباعي يمكن باجر

 

[LaDantel]

حبيبتي نرجس ماقصرتي والله

انزين منو احسن دكتور يعالج تساقط بالكويت ؟؟؟؟

هلا قلبي دانتيل والله بالكويت ماعندي معلومات كاافيه

 

[قطوه شماليه]

اي والله تكفون ساعدون انا صلعت من جدام وباجي شعرررري خفيييييف والحين صار لي اسبوعين مسويه تكميم وشعررري يطيح حرام والله نفسيتي تعبت يعني اقرررع ابي ازرع بس اسعارهم غاليه ماعندي خلفيه اذا تعرفون علمونا

 

[دلوول 2006]

أي والله يا ليت

 

[LaDantel]

uuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuuup

 

[بكيزة هانم]

مشكورة نرجس

 

[$نرجس$]

بسم الله الرحمن الرحيم
بداية اشكر القائمين على هذا المندى واوجه الشكر الى جميع من قام بطرح تجربته للاستفادة منها

بدأت معاناتي مع تساقط الشعر في ال 2006 في عمر ال 23 ، وزادت معاناتي بعد انجابي للطفل الثاني
جربت جميع المنتجات والزيوت والادوية وللاسف تكون النتيجة وقتية فقط

ماتركت ولا دكتورة جلدية ولا وصفة شعبية الا وجربتها

ملييييييييييت وقررت انو لازم حل نهائي
خصوصا انو لايوجد صلع في عيلتنا نهائيا، لا ذكور ولا اناث
فكان شعري حكاية الكل في العيلة

بفضل من الله وجدت هذا المنتدى وكنت ازوره بصورة يومية تقريبا وهو ما شجعني على موضوع الزراعة
في البداية كانت نيتي اني اعملها بالهند عند الدكتور مادهو ولكن زوجي رفض وبعد الاقناع والمحاولات وافق للذهاب الى تركيا

الحمد لله بعد توفيق من الله والاستخارة والاستشارة تمت عمليتي لزراعة الشعر عند الدكتورة مليكة في مركز ترانسميد

تمت العملية امس في الساعة 10:15 الى الساعة 4:00
عدد الجرافتس 1743 وكانت الزراعة في المنطقة الامامية

في البداية ارسلت صوري عن طريق الايميل وتم الرد مباشرة من قبل المركز، تم التواصل معي من قبل منسق يتحدث اللغة العربية وكانت هذي هي اول خطوة

وصلنا اسطنبول وشافتني الدكتورة يوم الاتنين واقترحت علي اولا علاجات للشعر وقالتلي الحل الاخير هوا الزراعة

طبعا بالنسبة الي كنت مليت من الادوية والتجارب فكنت مقررة مسبقا اني اسوي الزراعة

خبرتني اني اول فترة بالنسبة لزراعة النساء بتكون صعبة لانو نسبة 50% من النساء بيسقط الشعر المجاور مع الشعر المزروع وبعدين كلو بيبدأ بالظهور بعد الشهر الرابع بعكس الرجال فقط 5% منهم بيسقط الشعر المجاور مع الشعر المزروع

قلتلها مش مشكلة اللي استنى 5 سنين بيقدر يتحمل هالسنة

المهم دفعت 300 دولار كعربون وقالولي المبلغ المتبقي قبل العملية

دفعت 4650 دولار، 4050 دولار سعر الزراعة و600 دولار سعر علاج تاني( بياخدو عينة دم وبصفوها وبيرجعو بيحقنوها بالراس، هذي اختيارية) بس عشان كان عدد الجرافتس المستخرج قليل فعملتها

بالنسبة للعملية لايوجد ابدا ألم يذكر خلال العملية ولله الحمد ما عدا ابرة البنج اللي في مقدمة الرأس

المشكلة اللي واجهتها هيا اللغة، بس الدكتورة بتعرف تحكي بالانجليزي اما باقي المساعدات شيء بسيط جدا اللي بيعرفوه يعني كل شوي يسألوني how are you

بعد ما الدكتورة انتهت من عملها بدؤو المساعدات بغرس البويصلات الصراحة وقت طويل وممل والتلفزيون الموجود ما في قنوات بتفهم عليها يعني احسن الواحد يجيب معو اي وسائل للترفيه

بعد نصف مرور الوقت بيحكولك في فترة راحة عشان تتغدى طبعا انا ما رضيت وقلتلهم بس خلصوني لانو الواحد بحس روحو بدها تطلع من الملل


بعد ما انتهيت غسلولي الشعر من تحت عشان كان في دم واجتني وحدة بتتكلم الانجليزية بطلاقة (الحمدلله) وشرحتلي شو لازم اعمل وشو لازم ما اعمل وكانو مكتوبين على ورقة باللغة العربية واعطوني ادوية مضاد حيوي ومسكن الم ومانع للورم وشامبو سيباميد ومرهم

اليوم عندي غسيل الشعر على الساعة 3 ان شاء الله وحيشرحولي كيف احمم شعري

المواصلات من الفندق للمركز ذهاب واياب الى المطار ذهاب واياب كانت مؤمنة من المركز

الصراحة الناس اللي شغالين في المركز محترمين كلهم ومرتبين

الدكتورة مليكة جدا رائعة ونزلت استقبلتني وسلمت علي وشرحتلي كل شي بأمانة
وحكتلي نسبة التحسن بتكون من 60 ل 70 بالمية (ادعولي انها تكون 70% او اكتر ان شاء الله)

وهذه قصتي مع زراعة الشعر

دعواتكم بنجاح العملية وان يتمم لي الشفاء وان يرجعني الى اطفالي بالسلامة ومايخربولي العملية


منقوول للافاااده​

 

[$نرجس$]

وقررت عمل العمليه ومع الاستفسار اشير الي ان اجعلها في اجازة الصيف بحكم اني موظفه ,, ولكن عندما رأيت الكم الهائل من الموظفات اللتي قدمن ع الاجازه الصيفيه وان الاولويه لمن يقدم بالاول .. قلت ما بدهاش يا متحمسه
واكلم مستشفى ادمه واروح للدكتور احمد التركي استشاره وقالي وش بيسوي بالضبط طبعاً انا كنت رايحه استشاره وابيه يسوي لي اقتطاف بدون اخذ شريحه , بس شرح لي الوضع وان الشريحه للمراه افضل من الاقتطاف والنتائج احسن وبدال ماقول له مع السلامه مابي بالعكس قررت اسوي العمليه ,, ومريت ع ريما لأخذ موعد للعمليه قالت لي مافيه الا بعد اسبوعين مافيه لا الاسبوع اللي يجي ولا اللي بعده .. وراح اكلمك لو فيه مجال .. رحت وعطيتها رقمي واخذت رقمها .. وازعجتها اقول مادقيتي علي قالت ان شاء الله اذا احد كنسل راح اكلمك .. ويوم من الايام مريت ع مديرتي بالمكتب وقلت لها ان في راسي ندبه من بعد حادث وراح اسوي عمليه زراعه لها ,, ماقصرت تفهمت الوضع وقلت لها قولي للحريم بالدوام انها ظروف عائليه

قالت ماعندك مشكله ,,
المهم بعدين دقت علي ريما على الاسبوع الثاني ع طول وحددت لي الموعد الاربعاء اللي المفروض اليوم
وقبل كم يوم كلمتني وقالت لا صار الثلاثاء وتعالي حاسبي وهاتي التحاليل
وجيتهم وحاسبت ولا سحب الا عشرين الف والأربعه قالت يوم العمليه الصبح تدفعينها ويدخلونك العمليه ,, طبعاً الساعه 6 ونص وانا بالمستشفى ,, وانتظر الكاشير ,, ولما جا دفعت لهم ووداني بغرفة العمليه وفيها ممرضه قامت تقيس الضغط .. وعطتني حبوب .. وجلستني ع الكرسي وحطت لي مغذي ,, قال لي الدكتور هذا المغذي ان شاء الله مايخلي ينزل دم ,,بعد شوي جا الدكتور وقعد يشوف راسي ويرسم عليه رسومات مكان الزراعه ..يشوف الملف والتحاليل وبعدين قال يالله بنرسم الشريحه .. ودخلت راسي بالفتحه وقام يرسم ويشرح ويقول انه راح يخدر بطريقة المساج وجاب جهاز زي المساج يحركه ع راسي المهم انا احس بشيء موب طبيعي في راسي وهو كل الوقت يقول ارسم واخطط وانا كنت احس انه اصلا يطلع الشريحه خخخخخ بس طبعاً ماراح تحسون فيها وفعلاً كنه قاعد يرسم وبعد شوي قال لي ترا خلصت العمليه وخيطتها قلت داريه لاني اصلا كنت احس بعد ان فيه خيط يتحرك وكنت ادري انه يخيط هههههههههههههه
سألني تبين شاي ولا قهوه وجابو لي كوفي وبعدين قال انا رايح شوي وبدا دور الممرضات في الزراعه ثلاث ممرضات وحده يمين ووحده يسار ووحده من وراي
وانا جالسه ع الكرسي ومريحين راسي بالمخده والتلفزيون قدامي والايباد معاي والجوال ,وجابو لي غداء << اهم شيء وتغديت وعينت من الله خير ,وكملوو الزرعه , بس والله اني كل شوي انعس ماني يم احد يعني مافيه احساس بالآلم يذكر ,,حتى جاني الدكتور وقال تحسين بشيء وقام شد له شعره قلت شوي ومادري وش حطه ع راسي ورجعت ماحس فيه , وكنه قال لي ان البوصيلات زادت عن العدد اظن بدال ماتصير 2400 صارت 2600,, ولما كان هو يقوم بالعمليه ويشوف شعري كل شوي يقول منتاااز منتاااز على قولة الشيبان ههههه,
هنا طبعا بعد ماانتهو الممرضات من الزراعه قالو كلمي السواق يجيك وكلمت سواقنا وجا وعطوني مخده وادويه وقالو تعالي بكره الساعه 10 غسيل ,,
بس من جد كان الدكتور احمد قمه في الاخلاق والادب ولا يشعرك بأنك في عمليه بل يسولف عليك ويمازح ويعلق ع الممرضات كـ يقومو بعمل جيد ,,
شاكره للمنتدى الغالي ,, وشاكره للدكتور احمد التركي
اتمنى اني قلت كل ما لدي
طبعاً رجعت للبيت ابي نام ونمت من بدرري وصحيت الساعه 12
لقيت ريما داقه علي مارديت عليها وانا نايمه ومرسله رساله تقول حابه اتطمن عليك
حتى وانت طالع من المستشفى يدقون يتطمنون عليك
وطبعاً قام علي الصداع بس بعد مااكلت المسكن تخدرت ورجعت نمت
<< والحين تبي تفطر وتاكل الحبه المسكنه قبل يصدع راسها

وبعدين وراي الساعه 10 غسيل

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

 

[$نرجس$]

هلا بك طبعاً وصف لي البخاخ minoxidil 5% طبعاً من قبل العمليه واستمر عليه حتى مع العمليه وبعدها
ونتيجه للتحاليل طلع عندي فقر دم بسيط واعطاني فيرومن حبتين باليوم لمدة 4 اشهر
ودهان للجرح
غير المضاد والمسكن وشامبو الاطفال

ع العموم عدد البوصيلات 2400 وتكلفتها 24 الف
وطبعاً قال لي الدكتور انها زادت وصارت 2600 والمفروض ياخذ حق الزياده بس صارت مجانيه

 

[$نرجس$]

طبعاً طلعت من بدري وحاولت انام وعيا االنوم لا يجيني
الحمد لله لم يكن هناك احساس بـ آلم ولا شيء
وجهي احس اني مسويه فيه تنفيخ يعني صاير مدور بس مو مرعب
يعني طالع شكله حلو هههههههههه
من خلال هـ الوقت اللي انا افكر فيه واحاول النوم تذكرت موقف صار لي بالعمليه
طبعاً كنت كل شوي انعس واغيب عن الوعي للحظات وارجع اصحصح
في مره من المرات لاحظت احد الممرضات كانت بعيده مو معاهم وكانت تسولف
توقعت انها كانت تسوي شيء وبترجع طبعاً طال الانتظار وهي تسولف لاحظت انها
ماكانت تسولف مع الممرضات بل كانت ع الموبايل فـ قمت وقلت للي عندي خليها تجي تخلص شغلها
وطبعاً حسيت انهم نادوها ونبهوها وأشرو لها طبعاً ماعندي عين سحريه بس حسيت ان اللي ع اليمين
اشرت لها قامت الاخت وقفلت وجت وكملت شغلها
بس من ذاك اليوم وانا احس ان الجهه اللي هي تشتغل فيها اقل كثافه من الجهه الثانيه
وانهم محددين الوقت ع الساعه 4 خلاص ينتهون من العمليه يعني كيف بتصير نفس كثافة الجهه الثانيه
وهي كانت مشغوله في مكالمه بالجوال ؟؟ وانتهو بنفس الوقت ؟؟
بس حبيت انبهكم لهذا الموقف اللي صار
وتراها الدبدوبه القصير اللي لابسه نظاره طبيه وترا يدها قويه حتى المغذي يوم دخلته لي حسيت بألم
يعني فيه ناس يدهم خفيفه ماتحسون بشيء يعني آلم المغذي كان اقوي علي من العمليه كلها والجهاز حق قياس الضغط تضغط عليه بقوه لدرجة انه علم بجلدي من شدته ومرتين اللي تسويه <<صح النوم توها تتذكر اللي صار ههههه
بس حبيت انبه الدكتور احمد انه لا يصير طيب مع هالاشكال تراهم ماينعطون وجه ​

 

[$نرجس$]

مواضيع منقوله لتجارب المرضى مع زرع الشعر

 

[$نرجس$]

اللي سمعته انه يزرع عند طريق الاقتطاف بس لما جيته اقنعني بالشريحه
ولانها الانسب لي كأنثى
بس اكثر الشباب هنا يفضلون ويشجعون ع الشريحه اكثر من الاقتطاف

وانت لك الخيار او الطبيب هو الاعلم بأيهم انسب لك

لكل من يخاف من الشريحه
وانها تكون واضحه
واخص بالطبع النساء
ابشركم
امس رحت اقص شعري
وطبعاً شعري مو بتلك الكثافه يعني خفيف
وطبعاً مع القص لازم تبلل الشعر
وتعرفون الشعر لا صار مبلول يبان كل شيء فيه
الكوافيره كانت تقص شعري وتفرقه فرقات للقص
والله العظيم انها ماشافت مكان العمليه ولا انتبهت له

بس حبيت اطمنكم وبالتوفيق يارب ​

 

[$نرجس$]

[SIZE=+0]السلام عليكم ورحمة الله وبركاته ...

الحمدلله الله وفقني وسويت زراعة شعر هالاسبوع في تركيا .. في مركز ترانسميد عند الدكتورة مليكة

وما شاء الله تبارك الرحمن .. ما حسيت بالم ابدا الا شوية وجع خفيف لما بنجت المنطقة اللي اسفل خط الشعر الامامي بقليل ..

وطول العمليه وبعد العملية ما حسيت بالم .. طبعا للحين راسي في حديد لانها ما خيطت لي .. قصت الجلدة من اذن الى اذن ولحمتلي اياه بالحديد مثل ما تقولون كانت تدبسهم .. بس الحمدلله ما حسيت فيهم

بس هاليومين احس فيهم يوم انام .. ولازم اشلهم بعد 10 ايام من العملية

بخصوص الطريقه : fut

التكلفه : 4250 دولار شامل الادوية والمواصلات .. تقريبا بما يعادل 16,700 درهم

الدكتورة : اسمها مليكة

درجة الالم: طول العملية 2 من 10 ولله الحمد

عدد القرافت: انا دفعت ل 1800 بس زرعولي 1750 لانهم ما قدرو يطلعون اكثر


وانتظر النتايج بعد سنه ان شاء الله .. وما زال املي ف الله كبير


ادعولي واذا محتاجين لاي استفسار او سؤال سالو وفالكم طيب ..

ابدا لا تترددون وتحتارون فالعملية .. جدا سهله وليست مكلفة البته .. 25,000 للعملية والتذكرة والفندق حلت لي ازمه سنين

والمركز جدا ممتاز ونظيف والدكتورة جدا ماهرة .. انا صارلي اسوي بحث عنها في الانترنت من 8 شهور .. وسبحان الله بالاسخاره الله وفقني


السموحة .. [/SIZE]​

 

[$نرجس$]

السلام عليكم ورحمة الله وبركاته
تحيه طيبه اوجهه لاعضاء المنتدى الي عن جد ماقصرو في طرح تجاربهم وارائهم
واستفدت كثير والي لهم الفضل بعد الله في اتخاذي لقرار زراعة الشعر


راح أطرح لكم تجربتي من ألف للياء عشان الكل يستفيد وماأبي منكم الا دعوه حلوه ..
أنا مشكلتي بدت من سن البلوغ جاني فقر دم حااااد ومن بعدها شعري بداء يتساقط للحظه هذي أهملت نفسي وكل مال شعري في ازدياد وفروتي تبين أكثر أخذت حقن الميزو وقفت التساقط ولما تركتها شعري تساقط أكثر من أول ""
نفسيتي تعبت وألي تعبني أكثر أن عمري في بداية العشرينات أجل لوصكيت الثلاثين وش حيصير فيني بصــــير بلاطه

..
المهم عملت بحث في النت عن الزراعه وأنوه هو الحل النهائي الأدويه مؤقته أو تستمر عليها طول حياااتك في الأخير وصلت منتداكم وبصراحه فادني كثير لاحظة أنو الأغلبيه يمدوحون دكتور بسام توكلت على الله وعملت موعد استشاره الكلام هذا قبل 6شهور

------ تحملوني جالسه أعطيكم قصة حياتي -----

كشف على شعري وطبعا شعرتي ضعيفه والمنطقه المانحه خفيفه
والمقدمه خفيف الشعر مرحلة الصلع عندي الثانيه حدد لي 1300بصيله
وقالي عشان تبين نتيجه أفضل راح أركز على المقدمه وراح تغطي الجوانب لأنو لو وزعناها على المقدمه والجوانب ماكأنا عملنا شي
وأعطاني خيار ثاني قالي الجوانب نستعمل أدويه أو يزرع لي بعد سته شهور
وقالي أنشاء الله ماتلجأي لزراعه
طبعا تكلفة العمليه 14ألف و800
ولأن زوجي موظف حكومي عملو لي تخفيض الى 10ألآف و600 شامل الأدويه



طبعا بعد الشرح الواااااااافي

راح أقولكم عن موعد الزراعه ... كان موعدي أمس الأثنين الساعه 9صباحا
قبل الموعد أتصلو علي من العياده وأعطوني تعليمات تنام منيح وتفطر قبل لاتجي للموعد وتغسل شعرك
دخلت غرفة الكشف قاسو ضغطي أعطتني حبوب تقولي عشان الجسم مايتحسس
نقلوني لغرفه ثانيه غرفة الزراعه معقمه حتى المرافق مايدخل معاك
اها نسيت أقولكم أعطوني لبس زي حق العمليات
حدد الدكتور المكان الي بيزرع فيه بقلم والمنطقه الخلفيه وضع لي كريم مخدر لمدة عشر دقايق
يقول عشان ماأحس بوخز الأبره بعدها حقن المنطقه بالمخدر
بعدها بدا الأكشن جتني دوخه قال ارتاحي شويه لاتخافين ماراح تحسين بأي ألم
والدوخه هذي ماسكتني من زمان في النهايه قالي الدكتور راح نغير الوضعيه
على قولته وضعيت الخوافين زي وضعية الي يعملو مساج حسيت اني ارتحت أكثر جلس يعقم المنطقه قص الشريط ههه حلوه قص الشريط صار افتتاح معرض
من اول وأنا خايفه من الصوت المقص ولما يسحب الشريط أنا كنت مرتاحه بس جالسه اتخيل الموقف بعدها أحس الدنيا جالسه الدور وأحس بترجيع ولا من أول حاطه الجوال والسماعات جمبي عشان أول مايبداء احط السماعات منشان ماأسمع شي
وكل شويه اقوله بديت ماابغى اسمع الصوت وماشاء الله عليه في دقايق الا وهوه خالص ولاسمعت شي ارتحت خيط المنطقه اخذنا برك نصف ساعه ماقصرو جابولي شاي روقت شوي

تعبت من الكتابه راح اختصر زرعو الصيلات العمليه من 9 الى 3ونص العصر
بصراحه ماقصر الدكتور كان معايه على طول والمريض معاه يجس براحه يهتم في مرضاه
بعد ماخلصنا أعطوني ابرتين في ايدي مادري ليه اظاهر عشان التورم كان استقبالهم راع ووجبة الغداء كانت عندهم اعطاني الدكتور تعليمات من ظمنها النوم مايكون على البطن واغلب وقتك منسدح الرياضه ماتمارسها الابعد 10 ايام ادوية الاسبرين ماتستعملها اعطاني ادويه من ظمنها بنادول ودواء ثاني لمدة اسبوع وحبوب تساعد على التام الجرح اعتقد تسعه ايام وشامبو وكان اليوم موعد علشان يغسلو شعري وموعد فك الغرز بعد 10 ايام باذن الله
بعد العمليه تحس فروة راسك مشدوده مكان الجرح حقان بسيط
نومي نمت تمام بس انا كنت اخاف من الغرز اضغط عليها وأنا نايمه يعني كل شوي اتقلب

هذي تجربتي وانشاء الله اشوف نتايج مرضيه عندي أمل كبير في الدكتور بسام والمعذره
اذا فيه اخطاء في الكتابه اوعدم تناسق الأسلوب في البدايه لغه عربيه بعدين عاميه
السموحه لاني جالسه اكتب وانا منتهيه
وراح أوافيك بالجديد اذا شاء الله مرحلة العلاج والأدويه الي راح يعطيني اياها
وانشاء الله نشوف نتائج حلوه وكل الي عملو العمليه ومع ألف سلامه ....​

 

[$نرجس$]

هاذا موقع دكتورهندي شفت تجربه واحد عنده خليجي وقلت ادورعلييه

Dr.Madhu:::Hair Transplant Images