بليز ردووو علي

[Twinke]

السلام عليكم ورحمه الله وبركاته..

انا صارلي تقريبا 10 شهور من تزوجت بس محاولاتي للحمل صارلها تقريبا 3 شهوور... اول شهر نزلت دورتي وانتو بكرامه بموعدها ...
الشهر الثاني تاخرت ثلاث ايام وباليوم الثالث نزلت:eh_s(14)::eh_s(14):

الحين انا بالشهر الثالث ومتاخره علي 4 ايام وماكو اعراض دورة كلش كلش كلش:eh_s(16):

حللت تحليل منزلي ماكو شي:eh_s(11):
ليمتى انطر وشلون اعرف اذا حامل او لااا :yaaaaaarb:

للعلم انا راجعت عند دكتورة بريتي الي بالهادي وسوتلي سونار داخلي وقالتلي اني ماعندي مشاكل بالحمل الحمدالله:yaaaaaarb:

ادري بتقولون تو الناس بس تعبت من الحجي وخاطري بياهل

بليز الي تدش تحطلي رد يبرد قلبي :eh_s(17):
والله يرزقكم ويرزقني بالذريه الصالحه يارب :eh_s(22):

سلام

روحي اي مختبر و سويتحليل الحمل الرقمي (hcg) و انشاءالله تطلعين حامل . تحليل البيت يطلع بعد تاخر الدوره باسبوع .

 

[بنات حواء2]

ام عبود فديتج عادي انا يوم كنت حامل بزنوب التحليل المنزلي طلعلي خط واحد و ريلي اصر نروح نحلل دم طلعنه رحنه حللنه دم طلعت حامل
التحليل المنزلي مو دقيق بس عمومن صبري ماراح يبين الحين صبري عليها
و انشالله ماتييج و لا تشمين ريحتها و تبشريني ناطرتج على احر من الجمر لا تنسين تبشريني
و الله يرزقج بالذريه الصالحه يارب

 

[بنات حواء2]

حبوب الكلوفاج حق التكيسات يمكن باين عندها ان معاج تكيسات و لا تخافين التكيس الي عندج بسيط و لمن يكون بسظيط مايعيق الحمل و يصرفون لهم هذا العلاج
بعدين اقولج شي دام ان الدوره قاعده تتخربط وياج معناته رحمج تقبل اتمنى تفهميني طبيعيه هذي اللخبطه لانه رحمج و مبايضج قاعده تهيء نفسها للحمل
على فكره الحمل عادي يطول ياخذ معاج سنه على ما تتهيء مبايضج و رحمج فلاتحاتين
و انا قايله لج انسي الحمل لاتحطينه في بالج نهائيا و ربج راح يعطيج طول ما انتي تفكرين و تحاتين راح يأر على نفسيتج و ينعكس على صحتج
كل مافكرتي فيه تذكريني و انتي حياتج بتنقلب سعاده
ههههههههههههههه
العن ام الثقه

 

[أبكاني ذنبي]

حبيبتي انا تأخرت الدورة عليه اسبووعين ورحت حللت دم وطلعت مو حامل

ومانزلت الين صرت 3 اسابيع تعبت موعارفه شنو وضعي وخايفه

حللت منزلي طلع خط والثاني وااايد خفيف

طررت على طول حللت دم وطلعت حامل

ان شاااء الله تطلعين حامل وتبشرينا بس ترى انا كان عندي ضعف وعالجت عند وحده

لان زوجي كان يبيني احمل من اول شهر وقام يأذيني والحمدلله ربي رزقني والله يرزقج ياارب

 

[love love]

اي حبيبتي ٣ شهور طبيعي لانج منعتي قبلها حتى لو مامنعتي بالحبوب

انا اكلمج عن تجربه


وشي ثاني انسي سالفه دوره بتحملين نفسيه تلعب دووور


وهم روحي سوي تحليل هرمون الحليب اذا مرتفع يعطونج ٣حبوب صغار وانشالله بنفس الشهر حامل

 

[مروة الكندري]

لا تفكرين وايد ترا التفكيريتعبج .. تركيها على رب العالمين
واذا لج رزق بتحصلينة ان شاء الله
وفي بنات تبويضهن متأخر ومايبين ألا متأخر
فيارب تفرحين وتطلعين حامل ويسهل عليج

 

[om3abod]

حباااايبي مشكوووورين كلكم ماقصرتوووو فديتكم .. والله قريت ردووودكم عيني دمعت (احبــــــــــــــكم)

انا سوتلي دكتورة مي سونار داخلي وقالتلي كل شي سليم بس اخذي حبوب الي تنزل الدورة والكلوفوقاج لين تنزل الدورة وتعاليلي ..
ماقالتلي عن التكيس واذا حسب كلامكم في تكيس بسيط هذا ياخر الحمل؟؟ اتمنى تفهمووني اكثر بليز
وسويت تحليل هرموني وماكو حمل
الحين صارلها وايد متاخره ولا نزلت حتى مع الحبوب
قاعده اشرب جاي دارسين ابي انزلها تعبت منها بطني متفووخ وكله معصبه واحس بضيقه وبسرعه ابجي مادري شفيني

الله يرزقكم ياااارب بالظنا العافي المتعافي الي يبرد قلووببكم يا رب ويرزقني معاكم بالذريه الصالحه


سالفه التفكير... غصبن علي افكر ... كل يوم تسمعينلج كلمه هاذي حملت وهاذي ولدت ويالله ماكو شي بالطريح ويالله ويالله من هالحجي.. شكثر بطنش؟؟؟
وانا اساسا متلهفه ابييي يااااهل

ادعوووولي لا تنسووني بصلاتكم بليييز

الله يبرد قلبكم مثل ما بردتووو قلبي