بليز دخلو

[بنوته الدوحه]

السلام عليكم

اشلونكم ان شاء الله بخير يارب

طبعا انا جديده لكن من فتره كنت اتجول فالنت ولقيت منتداكم واصراحه شدني حيل

وكنت بطرح موضوع في اول يوم سجلت فيه بس ماكانت عندي الجرأه لكن الحين

لازم اقووله :

بنااات بليز ابي مساعدتكم في تغييري :eh_s(22):

بنات انا بنت وحيده بين اربع اولاد والدفاشه وعدم الاهتمام كان من طبعي وماكنت اهتم للاستايل

وامي متوفيه " الله يرحمها " من يوم انا ياهل

بنات انا حف الشوارب وغيره توني اكتشفه :eh_s(11): وصراحه مفتشله وناويهه اغير نفسي

خصوصا بعد كلام خالتي لي اني بنت ولازم احافظ على مظهري واوقف عن الصراخ

والركيض والملابس الصبيانيه لان على حسب ماسمعت

ان في ناس يفكرون فيني :eh_s(7): بنات انا وزني 52 حلو وعمري 18 وقريب بدخل ال 19

بس قبل يوم اتولدت كنت بيضه

الحين صرت سمره حييل مادري ليش + بشرتي دهنيه حيل:eh_s(16): وايد مضايقني هالشي


بليييييز بنات ابي نصاايحكم انا من فتره استخدمت اشيااء اعرفها واشياء لا بقولكم الي ماعرفها


1- اشلون اقدر افتح بشرتي بسرعه ويكون House made لاني ماقدر اطلع من البيت وايد

2- بنات انا استخدم صابون " ديتول " شكل هاذي

لما استخدمها بشرتي تنظف من الدهون لكن انا ملاحظه ان بشرتي اتجففف وانا افضل الجفاف
على الدهون طبعا استخدمها تقريبا في كل صلاه " اتوضأ " واغسل وجهي بهاا عدل

وساعات اذا كنت طفشانه ..

* ممكن بعد فتره بشرتي تخترب ول لااا وشنو انسب حل :bbbiu:

بليزز بنات لاتققولون لي شوفي الموضوع الفلاني لان ماقدر اشبك كثير + مابي حد يدري اني

ماعرف في هالامور + انا حافظه الرابط لهلموضوع عشان اشوف بين فتره وفتره

والله يعطيكم على قد نيتكم انطر ردودكم

 

[آمول~]

لي عوووووده .~

 

[بنوته الدوحه]

انتظر عووووووووودتج =)

 

[رهــKSAــــف]

وعليكم السلام
بالنسبه للحف إذا كان كثير وواضح شيليه اما يكون خفيف ومو باين انصحك
لا تقربين له
بعدين ترا الاهتمام سهل بس يبيله مدوامه وإنتظام
انصحك بكلين اند كلير ينظف بشرتك من الدهون
وبعدها حطي عليه كريم مرطب من دون عطر
وان شاء الله البنات يفيدوك بالباقي

 

[جوانا2010]

شوفي هالخلطه للاخت انل دايم تنزل خلطات وماتقصر ماشاءالله وكل خلطه احلى من الثانيه
بس هذي الخلطه كثير جربوها ويمدحونها مرررره وانا ان شاءالله توني باديه استخدمها....
مكوناتهاااا..........
فنجان واحد من زيت اللوز المر
وكريم جلسوليد الاحمر وسط
4_ليمونات تعصرينها وتذوبين فيها
2_اقراص من فيتامين سي الفوار
وتخلطينها مع بعض زين وتحتفظين فيها في الثلاجه عشان ماتخرب
وبعد اسبوع تسوين وحده ثانيه لانها ماتكفي الا لاسبوع واذا طولت عن اسبوع تخرب....
وتحطين منها بالليل وخليها والصباح غسليها........

 

[جوانا2010]

نسيت اقولك انصحك تستخدمين سنفرة كاب مره حلوه.........

ولازم بعد ماتتسبحين وتنشفين تحطين لوشن ترطيب خذي
لوشن جرجينز فير اند سوفت........او لوشن فيتامين سي..........
وفيه خلطه صوابين للاخت انل والاخت مزيونه وشقره شكلها مره حلوه
لي رجعه ان شاءالله وانزلها لك.........

 

[بنوته الدوحه]

امول : للحين انطر رجعتج


رهف : بالنسبه للحف انا اصلا ماطرا على بالي بس خالتي هي اللي قالت لي ليش ما احفهم قلت لها موفاضيه بعدين احفهم
وانا من داخلي انقههرررت احرااااااااااااااااااج
بالنسبه لكلين اند كلير وين احصله + اسم كريم مرطب لاني والله مماعرف في هالامور ماعرف الا عطر والمنطقه وتحت الذراعين
وكلهم بالشفرات بعد حتى المناطق فيها سواد يقههههر ماعرف شلون اشيله
وسوالف الصالون اسويهم بين فتره وفتره وشعري ووجهي مايزخونه انا مابي
حتى مكياج ماحط كلش
جوانا : احس هالاشياء اقدر اسويها بس الجلسوليد وين احصله

يعني احصل هالاشياء بالصيدليات ولا اقدر احصلها بالصالونات ؟؟

بلييييييييييييز ابي ردووووووووووووود ( اب \ اب \ اب )

 

[Ḿƨ ţǾŎfỷ̇]

خذي مقشر نيتروجينا من الصيدليه
يفتح ويشيل الحبوب السوداء بالوجه

 

[بنوته الدوحه]

مس توفي : يسلموو وسجلت اسمه

* كل شي ينكتب اسجله عشان اروح اشوفه بس ياريت تكتبون طريقة الاستعمال ولا عادي اسأل من المكان اللي بشتري منه

 

[بنوته الدوحه]

بناااااااااااااااات ويينكم


اب



اب




اب

 

[بنوته الدوحه]

بناااااااااااااااااااااااااااااااات



وييييييييييييييييينكم اشدعوه حتى امول مارجعت

 

[بنوته الدوحه]

وييييييينكم بنوتاتت

 

[بنوته الدوحه]

اب

اب


اب


سبحان الله وبحمده سبحان الله العظيم

 

[مرا دلع]

شوفي هالخلطه للاخت انل دايم تنزل خلطات وماتقصر ماشاءالله وكل خلطه احلى من الثانيه
بس هذي الخلطه كثير جربوها ويمدحونها مرررره وانا ان شاءالله توني باديه استخدمها....
مكوناتهاااا..........
فنجان واحد من زيت اللوز المر
وكريم جلسوليد الاحمر وسط
4_ليمونات تعصرينها وتذوبين فيها
2_اقراص من فيتامين سي الفوار
وتخلطينها مع بعض زين وتحتفظين فيها في الثلاجه عشان ماتخرب
وبعد اسبوع تسوين وحده ثانيه لانها ماتكفي الا لاسبوع واذا طولت عن اسبوع تخرب....
وتحطين منها بالليل وخليها والصباح غسليها........

الخلطه هذي روووعه انصحك فيها
بالنسبه لوجهك استخدمي صابونه اكني ايد تصفي الووجه وتشيل الحبوب وتنفع للبشره الدهنيه
وللتفتيح استخدمي خلطه كريمات اللي هي
كريم افوكين اوو تقدرين تستخدمين بداله كريم الدوكين وتخلطين معاه كريم اكروتين السماوي
انتبهي كريم اكروتين فيه منه سماوي وفيه كحلي انت حطي من السماوي
اول شي غسلي وجهك بالصابونه ونشفيه عددل وبعدين بيدك حطي شوي من كريم اكروتين وحطي شووي من كريم الدوكين واخلطيهم بيدك ووزعيه بوجهك ونامي اذا قمتي الصباح غسلي بصابونه البابايا

 

[caramella <3]

بنت الدوحة اولا حياااااااااج الله بمنتدانا الجمييييييل و ثانيا : أنا بعلمج كل اللي تبينه و لا يهمج بس خطوة خطوة عشان نغطي كل احتياجاتج حبيبتي و لي عوووووووووووودة

 

[caramella <3]

بالنسبة حق الويه ------>> ما راح اقولج اشتري منتجات و صوابين فيها مواد كيماوية لاني اساسا ما اعرف .. بس نصيحة اذا انتي شوي سمرة و تبين يفتح لونج و بنفس الوقت الدهون تخف استخدمي صابونة البابايا هالصابونة شنو خطييييييييييرة و تقريبا نص عضوات المنتدى اذا مو اكثر يستخدمونها و تنباع بالحواي ( العطار) مادري شتسمونه و الله !! ؟؟ و انا ساعات اشتريها من الجمعية .. و و طبعا هالصابونة لازم تداومين عليها عشان تبين النتيجة عدل و عقب ما تغسلين ويهج فيها جيبي قطنة و رشي عليها ماي ورد و ينباع بالحواي و الجمعيات و نصيحتي بماي الورررررررد لانه يرطب ترطيب خفيف و يعطي نضااااااارة مو صج و معروف انه يخلي الويه وردي نفس البيبي !! هذا حبيبي ما استغني عنه لا تتركينه ابدا كل شوي حطي على ويهج و اذا ما نفعج صدقيني ما يضرج ..

و بالنسبة حق الحف ------>> حفي بس منطقة (الشوارب) أما الحواجب فمسألة حفهم يرجع للشخص نفسه (عن الحلال و الحرام) و بالنسبة لحف الويه انتي حبيبتي بعدج صغيرة و تو الناس لانج ان حفيتيهم راح تتهيج المنطقة و يطلعلج شعر اكثر من قبل !! اذا لابد منه انا اقووول ليزر احسن من الحف ...

بالنسبة حق الميك اب ------>> اذا انتي من النوع اللي ما تحبين تحطين وايد بس بخاطرج تجربين.. حطي فاونديشن خفيف و كحل داخل العين و مسكرا و قلوس لحمي و يطلع شكلج حييييييل نعوم و بيبي اما اذا ناوية تدخلين بالعمييييييق دخلي على يوتيوب و كتبي make up tutorial و راح تطلعلج فديوات عجيييييييبة تعلمج شلون تحطين من الالف الي الياء ... و عندج قسم المكياج و العطور اهنيي بالمنتدى واااااااااايد مفيد و حلو دشي عليه و شوفي مواضيع العضوات ..

بالنسبة حق الجسم ----->> الخلطة اللي قالو عنها الخوات مالت الجليسوليد و الليمون خطيييييييييييييييييييرة و الجليسوليد و فيتامين سي الفوار ينباعون بالجمعيات اما زيت اللوز المر ينباع بالحواي (العطار) .. و اهم شي الترطييييييب حق الجسم ممكن تشترين اي كريم من الجمعية و داومي عليه يوميا و شوفي الفرق .. و لازم مرة كل اسبوعين تسوين سنفرة حق جسمج ( تخلطين زيت زيتون و شكر اسمر) و تفركين جسمج عدل بالليفة المغربية بس بالعدال لانها خشنة شوي و هالطريقة ما يصير تستخدمينها الا كل اسبوعين مرة عشان جسمج لا يحرج و يصير احمر ...

بالنسبة حق الاظافر ----->> روحي الصالون و سوي بديكير منيكير و فترة الدورة صبغيهم باللون اللي يعجبج و مو شرط يكون اللون قامج تقدرين اتصبغينهم اب لحمي و يطلع شكلهم انثووووووي و حلو و تقدرين اتسوينهم بالبيت مو شرط الصالون ..

بالنسبة حق الشعر ------>> حطي مرتين بالاسبوع زيوت طبيعية على شعرج و نصيحتي لج استخدمي زيت الاملج عجييييييييب للتكثيف و التطويل و النعومة و ينباع بعد عند الحواي و زيت الزيتون وااااااااااااااااااايد زيت و يعطي لمعة مو طبيعية حق الشعر ..

و سوووووووووري عالقرقة و الاطالة و اي استفسار انا حاظرة حبيبتي ..

 

[بنوته الدوحه]

^

ثانكيو كارميلا واايد استفدت منج

( الله يحيج ان شاء الله ) تسلمين ع الاستقبال الحلو مثلج


بالنسبه اختي للحف : انا ماعرف في هالسوالف اصلا وبعدين انا اصلا ويهي اصغير هههه والحواجب عاديه يعني

مثلا مو شبك او غليظه لا عاديه بس سالفة الشوارب اللي ذابحتني وقاهرتني

الميك اب : انا وياه مانجتمع هههههه للحين ماحب المكياج احسه يخرب حلاته طبيعي يمكن بعدين اتعود عليه لكن حاليا
مو مستعده للمكياج ابداا

اما الجسم : انا اخذت الاسامي اللي كتبوها العضوات فوق الجوليسيد مادري شسمه حصلته بالجمعيه وخذته
بس ماعرف اشلون استعمله اخاف استعمله غلط وتكون النتيجه عكسيه ومابي شي يخرب جسمي

والشعر : على قولة خالتي هو شعر امي الله يرحمها ناعم وكثيف وطوله حلو تحت الكتف بشوي قريب نص الظهر
والاظافر : بديت من فتره احط مناكير اوقات الدوره بس قبل ماكنت اعرف والحين بديت اتعلم شوي شوي


وتسلمين حبيبتي ماقرقتي علي ولا شي ههههههههههه

بس عندي سؤال عن الجيلوسيد اشلون استخدمه هو عندي شريته بس ابي استخدمه صح مو غلط

والمفراكه المغربيه وين احصلها ..! احصلها بالجمعيات بعد والصيدليات ولا لازم بودي شوب

واسسفه ع الاسئله الوايده بس لانيى محتاجتكم واايد ابي اتغير على يدكم

 

[caramella <3]

حبيبتي الله يسلمج يا بنت الدوحة ..

الجليسوليد عادي اتفرغينه في علبة بلاستك و اتصبين فوقه فنيال واحد من زيت اللوز المر و تخلطينهم عدددددددل و بعدين اتحطين قرصين فيتامين سي الفوار داخل قلاص عصير ليمون (4 ليمونات ) و تنطرين القرصين يفورون و تصبين العصير على الكريم اللي خلطتيه و بسسس و طبعا هاذي خلطة العضوة النشيطة anl الله يعطيها العافية واااااااايد فايدتنا بالمنتدى ..

 

[نجلا البحرين]

انه بشرتي دهنيه استخدم غسول بوندز روووووعه

 

[بنوته الدوحه]

كراميلا مشكوره ^^

نفذتها بالضبط والحمدلله مشت معاي ماااقصرتوا كلكم ياللي رديتوا

ويعطيكم العافيه