بليز تجمع للمصابين بالقولون وامراض واضطرابات المعده والجهاز الهضمي

[al7noona]

حبيبتي الحنونه لاتخافين على زوجك اهم شي خليه يخفف على قد مايقدر اكل الاشياء اللي فيها زيت وفلفل
وبيصير زين والقهوه بعد لايكثر وترى قشر الرمان مره طيب ​

اهوا ادمان قهوه عربيه عادي يشربها ولا يأثر عليه؟؟؟؟
والككاو والغازات والحلويات والعيش عادي ولا تضره؟؟؟؟:68_asmilies-com:

 

[روروو]

الحنونه قلبي هو مايحرم نفسه مره وحده بس لايكثر عشان مايتعب واهم شي المقليات بالليل القهوه حاولي تخففينله الهيل عشان مايتعبه​

 

[f.7oor]

بنات تكفون معدتي تعورنيييييي حيييييييييييييييييييييييييييييييييييييييييييييييييييييييييييييييييييييييييييييييييييييييييل بموت منها ابي دكتور زين مجرب بليز جاوبو؟؟؟

 

[الاسطورية]

الحنونه اهو مرض يسمونه صديق الانسان لانه لزقه ههههههههههه مايروح بس ان شاءالله كلنا امل نطيب حتى لويخف بس الحمدالله

رورو انا مرضت لان لندن كانت الدرجه عندهم 20 برررد بس حلو مايمرض
لكن بس وصلت الكويت الدرجه 50 سحت فجاه انقلبت ومرضت هههههه الحين احسن

 

[الاسطورية]

حور من متى تعانين صارلج فتره ولاتوج

 

[f.7oor]

والله ما اقدر اثقل بليل كلللللللش واليوم كليت بطاط برقلز شبت علي معدتي مو طبيعيه عوار وانتفاخ وغازاااات والم معنى قبل 9 شهور سويت منظار قالو لي ماكو شي فا مستغربه وانا حامل صار فيني حصو وايد وشلت المراره؟

 

[f.7oor]

طبعا انا الحين مو حامل هالحجي لما شلت المراره قبل سنتين

 

[كويتيه بالغربه]

شلووووووووووووونكم خواتي
انشاالله بخير
تصدقون يوم قريت مواضيعكم ارتحت حييييييييييل وخف القولون لانكم ريحتوني
بقولكم حالتي وفيه احد نفسي
تكفون انا بغربه وحيل تعبت نفسيتي من هاعوار اللي فيني
اسمعواااا انا من تقريبا كم شهر احس بعوووووووووار بجنبي اليمين ونص ظهري يعني من عند خصري اليمين وانتفاخات موطبيعيه وكرشي طلعت وانا ضيعيفه ورحت للمستشفى اللي عندنا وسوتلي تحاليل وقالت عندج جرثومه بالمعده بس بصررراحه ماصدقتها وهي عطتني مضاد حيوي لمدة 3 اسابيع وشكثر ادويه معاه قبل وبنص وبعد الاكل يعني حيااااتي كلها ادويه ؟؟؟؟؟؟؟
اقولكم ماصدقتها لاني فتحت كمبيوتري العزيز ودخلت على اعراض الجرثومه وطلعت مو نفس اللي فيني انا اللي يعورني جنبي اليمين والمعده بجنب اليساااار؟
المهم واخذت وصفه بالنت حق علاج جرثومة المعده وهي لمدة 3ايام اكل ثوم على الريق وبعدين اعيد الفحص لان الثوم يعتبر مضادحيوي؟؟؟؟؟؟؟؟ المهم ورحت للدكتوره ثانيه وعدت التحاليل بدون مااقولها اني مسويه تحليل من قبل:tomato2:
وقالت كل اللي فيج اعراض قولون؟؟؟؟؟؟؟؟؟
الحين ياخواتي تكفون ريحوني انا بغربه ومالي الا انتم تكفون بليزززززززززز
انا اعراضي عوااااااااااار بجنبي اليمين ومن عند خصري صوب الكلى اليمين وغازات وانتفااااااخات وامساك دايما ؟؟؟
وبنص بكني احس منتفخ من فوق وظهري من يمين بس
هذييييييييي قولون ولا لا؟ منو نفس اعراضي تقول لاتبخل على
والله تعبت تعبت بس الحمدالله على كل حال

 

[روروو]

ماتشوفين شر ياكويتيه
حبيتي القولون متقلب كل مره يالم بجنب اما اعراضك بالظبط ماقط مرة عليه
انتي انتبهي لنفسك الالم متى يجيك يمكن من اكل معين
والبنات ان شالله مايقصرون معك ​

 

[الاسطورية]

حور اعراضج تشبه القولون بس انتي ليش ماتجربين تروحين لطبيب شاطر عشان يعرف يعالجج
وبعدين برنجلز حده ثقيل انا ماتحمله لاتاكلين شغلات ثقيله وكثر ماتقدرين خلي اكلج صحي

شلووووووووووووونكم خواتي
انشاالله بخير
تصدقون يوم قريت مواضيعكم ارتحت حييييييييييل وخف القولون لانكم ريحتوني
بقولكم حالتي وفيه احد نفسي
تكفون انا بغربه وحيل تعبت نفسيتي من هاعوار اللي فيني
اسمعواااا انا من تقريبا كم شهر احس بعوووووووووار بجنبي اليمين ونص ظهري يعني من عند خصري اليمين وانتفاخات موطبيعيه وكرشي طلعت وانا ضيعيفه ورحت للمستشفى اللي عندنا وسوتلي تحاليل وقالت عندج جرثومه بالمعده بس بصررراحه ماصدقتها وهي عطتني مضاد حيوي لمدة 3 اسابيع وشكثر ادويه معاه قبل وبنص وبعد الاكل يعني حيااااتي كلها ادويه ؟؟؟؟؟؟؟
اقولكم ماصدقتها لاني فتحت كمبيوتري العزيز ودخلت على اعراض الجرثومه وطلعت مو نفس اللي فيني انا اللي يعورني جنبي اليمين والمعده بجنب اليساااار؟
المهم واخذت وصفه بالنت حق علاج جرثومة المعده وهي لمدة 3ايام اكل ثوم على الريق وبعدين اعيد الفحص لان الثوم يعتبر مضادحيوي؟؟؟؟؟؟؟؟ المهم ورحت للدكتوره ثانيه وعدت التحاليل بدون مااقولها اني مسويه تحليل من قبل:tomato2:
وقالت كل اللي فيج اعراض قولون؟؟؟؟؟؟؟؟؟
الحين ياخواتي تكفون ريحوني انا بغربه ومالي الا انتم تكفون بليزززززززززز
انا اعراضي عوااااااااااار بجنبي اليمين ومن عند خصري صوب الكلى اليمين وغازات وانتفااااااخات وامساك دايما ؟؟؟
وبنص بكني احس منتفخ من فوق وظهري من يمين بس
هذييييييييي قولون ولا لا؟ منو نفس اعراضي تقول لاتبخل على
والله تعبت تعبت بس الحمدالله على كل حال

الله يعينج هالالم وبغربه انا كل اهلي يمي وهم احس بوحده والم شلون انتي لان الواحد مايقدر يشتكي وايد

الامساك والانتفاخ من اعراض القولون لكن الم بالظهر مومن اعراضه بس يمكن يكون هوا

وشفيهم دكاترتج كل واحد كلمه ليش ماتسوين منظار وترتاحين بالمنظار كل شي يبين سواء جرثومه ولاغيره واذا ماطلع شي بالمنظار يعني قولون فانا اقول سوي منظار عشان تشوفين الشي بعينج

ومن الاشياء الي تريحج بالقولون شربي نعناع يريح القولون
وابتعدي عن الدهون والبقوليات

وخلي عشاج وريوقج خفيف بس فتره الغدا اكلي عدل

وطمننا عنج
نصيحتي لج سوي منظار

 

[<<لمار>>]

انا فينى القولون العصبى ودايما اىىن مع العصبية والزعل والتوتر بس الحمد الله اخف من اول بوايد من قمت امارس الاسترخاء وبرد نفسى شوى وقويت علاقتى بربى لان بالذكر تطمئن القلوب بس اذا تعبت اخذ حبة ليبراكس ومرات بوسكوبان ويخف الحمد الله

 

[f.7oor]

ترشحوني حق طبيب شاطر منو ؟؟ اروح له؟؟؟

 

[ام محمد العنزي]

انا معاي تقرحات بالقولون تعبــــــــــت حيل كرهت عمري كله اخاف اطلع اي مكان والسبب المغص والاسهال تكرمون فجأه
ذبحني الكرتزون جربت بنتاسا توني سويت منظار انطر العينه
مت مادري وين الدكتور الزين
كرهت الدوام الطلعات حياتي كلها واقفه على هالمشكله
اذا بطلع اليوم كله ما اكل شي اخاف - ومرات ماقدر حتى امسك بنتي اسمعها تبجي وانا بالحمام تكرمون وذبحني المغص معقوله مافي دكاتره زينين؟
ياليت اللي مجربه علاج زين تقولي وبدعيلها طول عمري والله
اتمنى اي مرض الا هذا
مايحس الا اللي يجربه -اقعد ابجي بروحي دايما وادور علاج
توه معطيني رايسك بجرب يمكن يهدي شوي
انا اعالج عند د . عبد الكريم خاجه بالاميري
والحمد لله على كل حــــــــــال :eh_s(16):

 

[faith09]

انا معاي تقرحات بالقولون تعبــــــــــت حيل كرهت عمري كله اخاف اطلع اي مكان والسبب المغص والاسهال تكرمون فجأه
ذبحني الكرتزون جربت بنتاسا توني سويت منظار انطر العينه
مت مادري وين الدكتور الزين
كرهت الدوام الطلعات حياتي كلها واقفه على هالمشكله
اذا بطلع اليوم كله ما اكل شي اخاف - ومرات ماقدر حتى امسك بنتي اسمعها تبجي وانا بالحمام تكرمون وذبحني المغص معقوله مافي دكاتره زينين؟
ياليت اللي مجربه علاج زين تقولي وبدعيلها طول عمري والله
اتمنى اي مرض الا هذا
مايحس الا اللي يجربه -اقعد ابجي بروحي دايما وادور علاج
توه معطيني رايسك بجرب يمكن يهدي شوي
انا اعالج عند د . عبد الكريم خاجه بالاميري
والحمد لله على كل حــــــــــال :eh_s(16):

عزيزتى أم محمد ،،،،

أنا أعانى من تقرحات القولون صار لى سنوات ، الحياة وايد صعبة مع هالمرض المزمن ، لكن خلى أيمانج قوى برب العالمين . أنا أحاول أتأقلم مع هالمرض بكل الطرق . المرض مزمن . الهدف من الأدوية اللى أنا وانتى نأخذها أن نوصل لمرحلة السيطرة على الأعراض. على فكرة حبوب الأموديوم زينة حيل فى السيطرة على الأسهال . بس سألى الدكتور عنها . أذا تبين أى أستفسار أنا فى الخدمة .

 

[ldy-cute]

السلام عليكم ورحمه الله وبركاته
في البدايه انا قريت عنوان الموضوع وكل هذي الاعراض لها علاج طبيعي وآمن باذن الله انا كتبت موضوع عنه اللي اهوه عصير النوني مورينزي وفي فطر ايضا يسمى فطر الريتشي و هناك ايضا قهوه بديله لمدمني القهوه تحتوي على فطر الجوندريما لمدمني القهوه هذا بديل صحي هذي مو أدويه عباره عن مكملات غذائيه اثبتت فاعليتها في علاج كثير من الامراض وبالتحديد مشاكل الجهاز الهضمي والمعده وايضا علاج القولون عن تجربه الي تبي معلومات اكثر تراسلني عالخاص
ربي يشافي الجمييييع بنات انا دخلت بس عشان افيدكم وادعيلكم :tek:

 

[سجى]

السلام عليكم ورحمة الله وبركاته

الله يشافينا جميعا يارب
اولا يا بنات أنا يمكن أكثر وحده أعانى من القولون العصبي واول ما حاشنى ما كنت اعرف شنو قولون عصبى وماكان أحد يعلمنى وينصحنى ويهدينى لانه كان توه جديد علينا هالمرض

بس الحمد لله بفضل الله سبحانه وتعالى تغيرت حالتى مليون درجة وبقولكم عن تجربتى

انا حاشنى القولون يمكن من 12 سنه تقريبا
وكان فجاة اسهال ومغص وامساك وتقبلات بالجهاز الهضمى واصوات غريبه بالبطن ونفضه وبروده ورعشه بجسمى حتى اسنانى ترتجف وتصك على بعضا واصوات فيها شى يخرع والله

اول دكتور رحت له هو الدكتور سامى آمان وسوا لى منظار وقال لى معاج التهاب بالمعده وقولون
وعطانى حبوب دغيوماتيل ( اعتقد هذا اسمها ) وصرت كل ما اتعب اخذهم حتى لما يصير شى فجاه مثل مرض احد من الاهل او لما توفى ابوى على طول اصرخ عطونى حبتى واخذها وارتاح

بصراحه صرت مدمنه عليها وما اقدر استغنى عنها وبعدين زوجى اكتشف انها حبوب للنفسيه ومهدئه للاعصاب بس
ومنعنى منهم وحلف ما تدخل البيت وخليتهم صج تعبت بالبدايه بس الحمد لله ارتحت منهم

المهم بعدها زاد الالم على وتغيرت اماكن الالم صار على الجنب الايمن والجنب الايسر وبالسره يؤيؤيؤ السرة ألم فظيع
وحسيت انه معاى مرض خطير ببطنى وقمت اوسوس بالمرض الخبيث بسم الله علينا

المهم نصحتنى وحده من اهلنا بقراءة سوره البقرة والله يجزاها خير استمريت يوميا على سوره البقره وتقربت اكثر من ربى والتزمت وامتنعت عن الاعراس والحفلات وصالات الافراح اللى فيها الموسيقى وابتعدت عن كل شى بمجتمعنا يغضب الله بس مو معناها انى ما اطلع ولا اسوى الواجب بالعكس اروح وابارك واهدى الناس والله انى لما ابى اروح مكان واركب السياره يجينى شعور انى لازم ارد البيت وما اكمل المشوار وفعلا ارجع للبيت

والحمد لله تحسنت نفسيتى حيييييييل وصرت احسن من قبل وخف الوسواس
لكن الالم للحين موجود وكل مره يتغير الالم وصار ترجيع وغازات وانتفاخات والام فظيعه بالسرة وحوالينها
ورحت للدكتور محمود محمد عمر بالمواساه وسوا لى منظارين من فوق ومن تحت ولقا معاى تقرحات بالاثنى عشر والتهاب بالمعده وقولون عصبى وعطانى حبوب الباريت قبل الريوق بنص ساعه وحبوب الموتيليوم قبل الاكل بربع ساعه 3 مرات بالبيوم والديسيتيل اثناء الاكل 3 مرات باليوم وعطانى مضاد حيوى للاتهابات والحمد لله خف الالتهاب والتقرحات معاى
وللحين مستمره على العلاج بس بدون المضاد هالعلاج صار لى 3 سنين اخذه للحين بس مو يومى بس وقت الالم اخذه
وبعدها عطانى حبه النعناع colpermin بصراحه هى اعشاب بس روووعه تهدى القولون والتقلصات والحمد لله الحين احسن من قبل
ب
س بقولكم على شى يا بنات

مو الحبوب اللى تهدى بروحها انا صرت اقرى بالنت عن القولون والمعده وعرفت انه مو انا بس مريضه بهالمرض العالم كلها تشتكى منه حتى الصغار وعرفت ان القولون واللى يعيش معاه بدون ما يكافح يموت نفسه تدريجيا
ولازم نتحدى الحياه والمرض لانهم قالوا لى كذا دكتور انه مثل مرض السكر والضغط مرض مزمن وعلاج القولون عند الشخص نفسه

فبعطيكم هالنصايح من تجربتى والله يشفيكم يارب

1- القرآن الكريم يوميا يا بنات لازم تقرين لج على الاقل 4صفحات وانا بصراحه اقرى البقره يوميا بعد ما اصلى العصر مباشره لان هالوقت مستحب يا بنات وحطى البقره بالبيت وخلى المسجل يشتغل على طول وخصوصا من فتره العصر لين المغرب

2- لا تنسين أذكار الصباح والمساء وخصوصا وانتى بالسياره رايحه لدوامج تعلمى تقرين الاذكار والادعيه واول ما تطلعين من البيت قولى (بسم الله توكلت على الله ولا حول ولا قوة الا بالله )وقولى (بسم الله الذى لا يضر مع اسمه شى فى الارض ولا فى السماء وهو السميع العليم ) واقرى المعوذات وايه الكرسى واخر سوره البقره 3 مرات بعد كل صلاة

فى بنات يا دعاء عجيب لما تروحين لاحد او تزورين احد او حفله او عرس قوليه قبل ما تدخلين عليهم حتى بالدوام
( دخلت عليكم بالله لا إله إلا هو وألجمت أفواهكم بلاحول ولا قوة اللهم اكفينى بهم بما شئت ) وبعدين ادخلى عليهم هذا الدعاء يسكتهم مره وحده وما يتكلمون عنج ولا يحسدونج باذن الله

3- اكثروا من الصدقات يا بنات حتى العمال اللى بالشارع لو تشترين بطول ماى او عصير واكياس خبز ووقفى وعطيهم والله يا بنات بتحسين بشعور غريب وتحسين بالعافيه بعدها وتحسين انج فعلا بصحه وعافيه وانج احسن من غيرج

4- دوم شوفى الناس اللى حواليج ولما تشوفين مصايب الناس تهون عليج مصيبتج والحمد لله يا بنات مافينى امراض خبيثة اللى فينا مرض عادى جدا نقدر نتغلب عليه بارادتنا وعزيمتنا

5- حاولى تبتعدين عن اى شى يثير اعصابج يعنى اى غلط يسوونه عيالج او اخوانج جدامج لا تتنرفزين بسرعه اخذى نفس عميق واذكرى الله وقولى الله يهديكم يارب وحاولى تحلين المشكله بكل هدووووء معاهم

6- اطلعى على الاقل بالاسبوع 3 مرات من الييت طبعا غير الدوام حاولى تغيرين روتين حياتج انا عن نفسى غيرت حيييل من روتينى وتاقلمت حييل وارتحت والله قبل على طول بالبيت ما اطلع الا الخميس لاهلى الحين الحمد لله اطلع مع رفيجاتى ونتجمع واطلع مع زوجى وعيالى واروح زيارات للاهل والارحام

7- صله الرحم يا بنات لا تنسونها واى وحده من زمان ما كلمت احد من قرايبها او زعلانه منها حتى لو كانوا هم الغلطانين دزى لهم مسج حلو يوم الجمعه ومو لازم يردون عليج بس انتى سوى اللى عليج وكل جمعه دزى لهم دعوات وصدقينى بتشوفين اشياء عجيبه وما راح تصدقين وبترجع القلوب لبعض واحسن من قبل

8- لا تنسون الاستغفار على طول بالسياره بالبيت بالدوام والباقيات الصالحات سبحان الله والله اكبر والحمد لله


( لا تنسون الرساضه يا بنات خصوصا رياضه البطن والمشى شى عجيب والله ويغير النفسيه ميه مره ))


9- ممنوعات الاكل ( المقالى * البهارات الحاره * البقوليات كلهااااااااا ** الحلويات ( عادى لو شى صغير ما يضر ) المشروبات الغازيه ** الحليب ** الادويه المسكنه مثل البونستان وغيرها عالجى نفسج بنفسج .

10- الاكلات المرغوبه ( العسل * النعناع * الروب خالى الدسم قبل النوم * العيش الابيض * المشويات )

الادويه اللى جربتها اقصد ادويه من برا

1- عشبه المعجزة روووووعه اللى لونها ابيض مثل جوز الهند شكلها تلقونها بالجمعيات عند رف معجزة الشفاء بكرتونه شوفى التعليمات وجربيها بصراحه انا جربيتها صح تسوى لى مغص بس على طول اروح للحمام وارتاح يعنى مو مسهل بس منظم ومنظف للامعاء والبطن اقروا التعليمات اللى فيها وما تضر ابدااا حتى كبار السن

2- قطر الزعتر جابته لى رفيجتى من جده وهو موجود باليمن بس ومثل الماى بس طعمه مر شوى وحار بس روووعه لمغص البطن ويهدى بسرعه واذا تبونه اسالوا اى عطار يمنى وقولى له اذا يقدر يجيبه لج من برا اسمه (قطر الزعتر)

3- البرقدوش اللى يجيبونه من البحرين انا مرات اشرب منه بس ما استمريت

والله العظيم يا بنات انى ما قلت لكم الا الصراحه وفعلا كنت يائسه من حياتى وكله بروحى وبس اوسوس وكل يوم طبيب وخواتى ورفيجتى يقولون بسج دكاتره ومستشفيات مافيج الا العافيه والحمد لله سمعت كلامهم وامنت بالله وقدره وعرفت انه فعلا هذا مرض عادى جداااااااااا بارادتى وايمانى اقدر اغلبه وانساه من حياتى والحمد لله مليون مره انا احسن من قبل وااااااااايد وما صرت احتاج انى اسال احد عنه او انى اروح باستمرار للمستشفيات

طبقوا كل اللى قلته لكم وحاولوا تبعدون عن الادويه قد ما تقدورن وانصحكم بدكتور محمود محمد عمر بالمواساه انسان خلوق ويقولج على كل شى حتى قال لى مره انتى مافيج شى ليش الخوف مرضج مرض عادى والكل يشتكى منه

أهم شى يا بنات التفاااؤل والامل بان الله موجود وما لنا غيره والابتسامه والفرفرشه والضحك :dddds:


اتمنى انى افدتكم يا بنات واتمنى انى ما ازعجتكم بكثر الكلام بس كسرتوا خاطرى وانا اقرى ردودوكم وحبيت افيدكم

السلام عليكم ورحمة الله وبركاته :tek:

 

[الاسطورية]

الله يشافيكم يارب كلكم


سجى مادري شقولج لكن فعلا كل الي اكتشفتيه انا قاعده اكتشفه واتوصله بسنتين كل الي قلتيه حسيت فيه بكل كلمه
فعلا الصدقات كثرتها
من الله هالمرض يقربج من الله اكثر تحسين ان الحياه مالها طعم وان النهايه السعاده برضا الله ورحمته وعشان تحسين ان دعوتج تستجاب تتقربين اكثر لطلب الشفاء
الرياضه بس موقادره كلش اخليها شي بحياتي لضيق الوقت
طلعات قمت اطلع بس الكويت ماتونس مهما اطلع ملل عكس السفر صج غير بس هم يخوفني من القولون لايعفسني فجاه
ااذا شب علي القولون احب اكون بديرتي وبغرفتي وبفراشي وحواليني اهلي ادق عليهم متى مابي ماحب اييني وانا مسافره اخاف

كل الي قلتيه صح بس تدرين شنو الصعب
ان انا مثلا انسانه مومنظمه احب اعيش حياتي كل شي فجاه وهالشي مايناسب القولون يبيله تنظيم وقت ووجبات ونوم فلازم احاول اصير منظمه ةهالشي يضايقني


بس طبعا لما اشوف مصايب غيري احمد ربي الف مره

القراااااااااان علاج فعاااااااااال


مشكوره عالمشاركه الحلوه الله يشفينا

 

[الاسطورية]

بنات انا اتفاءل وكل شي بس مرات تييني حالات ياس مخيفه جدا اخاف من نفسي ياس شديييييييييييييد اكره الدنيا كلها واتمنى مانولدت واستغفرربي بس مادري شسوي لاياني

 

[سجى]

بنات انا اتفاءل وكل شي بس مرات تييني حالات ياس مخيفه جدا اخاف من نفسي ياس شديييييييييييييد اكره الدنيا كلها واتمنى مانولدت واستغفرربي بس مادري شسوي لاياني

الحين انتى نزلتى هالموضوع ليش ؟؟؟

مو عشان نحاول نخفف الالام وننسى المرض

معنى كلامج انج ما استفدتى شى من ردودنا وردى انا بالذات

والله العظيم انى نفسج بالضبط ما احب امرض بالقولون وانا بعيد عن ديرتى واخر مره لما رحت العمره تعبت منه وكنت اتمنى ارجع الكويت باى طريقه بس سبحان الله تاقلمت مع الوضع وصار شى عااادى

صدقينى يا الغاليه سوى اللى قلت لج عليه وتوكلى على الله وبتشوفين تغيير غريب وعجيب وحلو

يالله يا الغابيه ابيج بعد اسبوع تقولين لى شنو صار معاج وبنطر ردج باذن الله

 

[روروو]

مشكوره حبيبتي سجى انا معك مليون بالميه سورة البقره تريح مع اني اول مابديت اقراها كانت حيل متعبه لي كنت اختمها باسبوع ومره على مره اخلصها بنفس اليوم بجلسه وحده بس بصراحه لي فتره كسلت والصدقات الحمدلله علمت حتى صاحباتي عليها ويبيله عزيمه ​