بليز تجمع للمصابين بالقولون وامراض واضطرابات المعده والجهاز الهضمي

[الاسطورية]

موانا اول يوم تسبحت مادري واي احباط حدها واقفه ووبطني كله هوا

 

[روروو]

الاسطوريه اجل الله يعينك بس اشربي القرفه وان شاء الله ترتاحين ومره ثانيه لاتتروشين اول يوم حتى انا لاتروشت تقطع بس قدماتقدرين اشربي اشيا دافيه وتحركي
طمنيني عليك ​

 

[شندوخه]

الاميري اخاف منه احس وايد جراثيم وايد صعايده وغير جذي زحمه
بغيت خاص بس قوليلي شنو الدوا الي يريح ابر ولا درب؟

اللوعه عندي قويه مومشتهيه اكل اول مره تيني الدوره جذي

انا ماروح للباطنيه اروح للجراحه ويعطوني اللي ابيه ومرات اتشرط معطيني ويه حدهم



فيت
بالعكس ليش نضحك هذي ماتعور المعده بس اكلي حبتين مو حبه عشان تعطيج النتيجه الكافيه


روروو
احنا لازم ناكل فيتامينات لان مرضى القولون اعضمهم فيهم نقص امتصاص فلازم فيتامينات

 

[طـالبة]

انا ما فيني شي بالقولون

بس فيني قرحة بالمعده

من زمان معدتي تذبحني والالم مو طبيعي
لدرجة اني احيانا اقعد من النوم بسبة هالالم

ومرت فترة قمت ارجع دم
طبعا كالعالدة المستشفى نروح لهم يعطونا دريبات وابر وحبوب وخلاص روحي بيتكم


ليما مرة سويت منظار حق المعده وطلع فيني قرحة بسبة القهوه والضغط النفسي

المهم عطوني ادوية وقالوا لان القرحة فبدايتها فراح تتشافى بسرعه

ومنعوني عن اغلب انواع الاكل لفترة شهر

والحمدلله الحين مافيني شي ومعدتي ما تعورني والالم اختفى

 

[الاسطورية]

رورو اي والله مره ثالنيه بخيس ولا اتسبح هههههههه

طالبه الله يعينج ماتشوفين شر


انا ودي اسوي فحص يديد لكل الجهاز الهضمي بس مومتهياه نفسيا الدوره ليلحين تقطع موصج اول مره بحياتي جذي وشريت قرفه وقاعده اشربها

 

[روروو]

ههههههههههه الاسطوريه ريحتك تهبل لو ماتتروشين شهر
شندوخه ياقلبي تاخذون فيتامين معين او اي فيتامين عادي ؟؟
انا عندي نقص حديد بس عمر الدكتور ماقالي اني محتاجه فيتامين بس انا مره طلبت منه حبوب الحديد من نفسي​

 

[بنت الديك]

السلام للجميع انا صارلى جم يوم قاعده بالبيت من العوار والدوخه ذابحتنى طبعا لو اتكلم محد يحس فينى غيركم لان اعراضى تقريبا مشابهه حق اعراضكم والله يعينا جميعا ويشافينا ويشافى مرضى المسلمين بغيت اسالكم يمكن بتضحكون على بس صج مانى عارفه شنو كرونز يعنى قولون عصبى وله شى ثانى وشنو اعراضه ودى اعرف نفس اعراضى وكون شاكره لكم

 

[مطيرية متواضعة]

يمكن فيكم السرة شوفولكم وحده تفحص السرة

وماعليكم من كلام الاطباء حجي بحجي

 

[الاسطورية]

رورو حبيتي تسلمين
بنت الديك سلامتج حبيبي ان شاءالله لما نعيد نعيد بدون تعب

شنو يعني السره؟






انا طايحتله دارسين

 

[faith09]

الأسطورية شخبارج . تبين نصيحتى متابعة الجهاز الهضمى يعتبر ضرورة فى حالة أنه أساسا فيه مشاكل مزمنة . بعدين حتى المنظار فى فترة زمنية محددة وبعدها لازم ينعاد . عشان الدكتور يتأكد من تطور الوضع فى الجهاز الهضمى . فلا تهملين الموضوع .

شنو السرة ؟؟


بنت الديك : حبيبتى عسى الله يبعدج عن الكرونز . ومعنى الكرونز chronic انه المرض المزمن اللى يصيب القولون بأعراض عضوية وليست متعلقة بالعصبية . يعنى القولون العصبى مرتبط بنفسية المريض وينعكس فى شكل أعراض عضوية بس أذا الدكتور سوى المنظار ما يشوف شى الا تقلصات وأنقباضات والتحاليل العينات والدم كلش نظيفة ما فيها شى . الكرونز غير فى أنه مو مرتبط بنفسية أو عصبية المريض أهو مرض عضوى بس زيادة العصبية تزيده بس مو هى السبب فيه . وأذا الدكتور سوى المنظار يشوف التقرحات والنزيف داخل الجهاز الهضمى . وتحاليل العينات اللى يأخذها فى المنظار فيها خلايا نشيطة حق المرض . وتحاليل الدم وكريات الدم تبين وتأكد الشىء هذا .

لا تخترعين ترى والله المناظيير ما تعوربس هدى أعصابج بالقران وتركى الباجى حق الطبيب وكونى متعاونه معاه ولاتستعسرين عليه فتتعبين . وأن كان على التحليل غزة أبرة ما تعور .

رورو: أنا مثل شندوخة فينى كرونز وفيتامينى Centrum ,وأنا عطانى أياه طبيبى بس أهو عادى بس يحتوى على كمية فيتامينات مفيدة .بس أنا قاعدة أغش وأبلع فيتامين اليهال المضغ اللى بطعم التوت لأنه أخف وأحلى

 

[شندوخه]

ههههههههههه الاسطوريه ريحتك تهبل لو ماتتروشين شهر
شندوخه ياقلبي تاخذون فيتامين معين او اي فيتامين عادي ؟؟
انا عندي نقص حديد بس عمر الدكتور ماقالي اني محتاجه فيتامين بس انا مره طلبت منه حبوب الحديد من نفسي​

رورو ياقلبي انا لان مستأصله قولوني الطبيب دايما يحرصني عالفيتامين واهو من نفسه يكتبه لي وكل شهر لازم اسوي فحص حديد لان فيني سوء امتصاص بس انتي قولي لطبيبج ابي تحاليل نسبه الفيتامين بالدم وابي اعوض النواقص واحسن بعد لو تروحين طبيب مختص بالتغذيه والدم

الأسطورية شخبارج . تبين نصيحتى متابعة الجهاز الهضمى يعتبر ضرورة فى حالة أنه أساسا فيه مشاكل مزمنة . بعدين حتى المنظار فى فترة زمنية محددة وبعدها لازم ينعاد . عشان الدكتور يتأكد من تطور الوضع فى الجهاز الهضمى . فلا تهملين الموضوع .

شنو السرة ؟؟


بنت الديك : حبيبتى عسى الله يبعدج عن الكرونز . ومعنى الكرونز chronic انه المرض المزمن اللى يصيب القولون بأعراض عضوية وليست متعلقة بالعصبية . يعنى القولون العصبى مرتبط بنفسية المريض وينعكس فى شكل أعراض عضوية بس أذا الدكتور سوى المنظار ما يشوف شى الا تقلصات وأنقباضات والتحاليل العينات والدم كلش نظيفة ما فيها شى . الكرونز غير فى أنه مو مرتبط بنفسية أو عصبية المريض أهو مرض عضوى بس زيادة العصبية تزيده بس مو هى السبب فيه . وأذا الدكتور سوى المنظار يشوف التقرحات والنزيف داخل الجهاز الهضمى . وتحاليل العينات اللى يأخذها فى المنظار فيها خلايا نشيطة حق المرض . وتحاليل الدم وكريات الدم تبين وتأكد الشىء هذا .

لا تخترعين ترى والله المناظيير ما تعوربس هدى أعصابج بالقران وتركى الباجى حق الطبيب وكونى متعاونه معاه ولاتستعسرين عليه فتتعبين . وأن كان على التحليل غزة أبرة ما تعور .

رورو: أنا مثل شندوخة فينى كرونز وفيتامينى centrum ,وأنا عطانى أياه طبيبى بس أهو عادى بس يحتوى على كمية فيتامينات مفيدة .بس أنا قاعدة أغش وأبلع فيتامين اليهال المضغ اللى بطعم التوت لأنه أخف وأحلى

فيت ماعليه اصحح لج معلومه
الكرونز اهو مرض متعلق بجهاز المناعه قولونا سليم 100% بس جهاز المناعه متلخبط مو مثل الانسان العادي ويفرز اجسام مضاده تفتت الجهاز الهضمي لانه عبالها الجهاز الهضمي جسم غريب عشان جذي ناخذ ادويه تهبط عمل المناعه

 

[شندوخه]

يمكن فيكم السرة شوفولكم وحده تفحص السرة

وماعليكم من كلام الاطباء حجي بحجي

فبدايات المرض عندي حريم قالوا لامي هالكلام وودتني لمرا قالوا انها تعرف هالسوالف
بس مافادتني بشي وسائت حالتي :0bee2e8d89:

 

[faith09]

فيت ماعليه اصحح لج معلومه
الكرونز اهو مرض متعلق بجهاز المناعه قولونا سليم 100% بس جهاز المناعه متلخبط مو مثل الانسان العادي ويفرز اجسام مضاده تفتت الجهاز الهضمي لانه عبالها الجهاز الهضمي جسم غريب عشان جذي ناخذ ادويه تهبط عمل المناعه

شندوخة كلمج صح 100% chronic ulcertiv Coloitis مرض أساسا يتعلق باضطرابات الجهاز المناعي وتغير تركيب ووظائف مخاط القولون. بس أنا حبيت أن اشرح الموضوع بطريقة مبسطة وأغفلت ذكر هالمعلومة المهمة . السموحة يا شندوخة :tek::tek:
على قكرة كنت بسأل عن ال CT SCAN الدكتور يبىنى أسويها عشان بيشوف مكان العملية يقول شكلى محتاجة حق عملية ثانية وأنا مو راضية " قلتلج أنا عسرة" صراحة وايد خايفة منها بس قالى فى النهاية لازم تسوينها وأنا أتحجج بأنى مو فاضية.....الخ .شندوخة أنتى سويتيها من قبل وهل فىيها أبر ولا هى أشعة عادية ؟

روررو ا مثل ما قالت شندوخة أحنا الفيتامينن نأخذه بتوصية الطبيب لتعويض سوء أمتصاص الحديد وهو وايد مهم لأن أنا أعانى من أنيميا الحديد وصار فينى هالشىء من صار فينى المرض .

 

[*^*يا^عمري^أنا*^*]

السلام عليكمة ورحمة الله وبركاته

شلونكم حبيباتي

انا من فترة اعانية من وانتوا بكرامة ترجيع و اضطراب بالمعدة

ورحت الطبيب الدكتور اياد رويح وانا الحين اراجع عنده

وقالي معاي ارتجاع في المريء و قولون عصبي

الله يشافي الجميع

 

[شندوخه]

فيث
صديقتي الكرونزيه ترى لازم اطخخج لووول
الستي سكان يعطونج سائل تشربينه وفيها ابره بالوريد بس ماتعور سويها اذا مهمه ولا ترى بزنطج
ليش ماتسوين اوراقج وتروحين بره ؟
بسالج انتي حطولج ستوما ولالا ؟

 

[روروو]

فيث شندوخه تسلمون حبايبي ع النصيحه
ان شاالله بروح بس مو الحين الحين عندنا الدوائر الحكوميه بااجازه
عاد هو ساكت لازم انا اساله بس يقوللي كلمتين يطمني ويسكت
اليوم عشان لي كم يوم آخذ حبوب منع الدوره وامس كان السحور دسم شوي مع اني بس لقمتين لما حطيت راسي بنام كل ماانقلب ع جنب افز كانه احد مقومني كل دقيقه ع جنب حبوب منع الدوره تعبت نفسيتي بس اليوم آخر يوم ان شالله​

 

[الاسطورية]

فيث اي والله ودي اعيده اشوف شصار عليه احسه يول ول هههههه

ياعمري انا الله يعينج حبيبتي وطمنينا عنج


انا المخيزيم قالي مره ان القولون ياثر عالدوره وتصير خفيفه اان قبل 7 ايام الحين اول 3 ايام ويالله

 

[faith09]

فيث
صديقتي الكرونزيه ترى لازم اطخخج لووول
الستي سكان يعطونج سائل تشربينه وفيها ابره بالوريد بس ماتعور سويها اذا مهمه ولا ترى بزنطج
ليش ماتسوين اوراقج وتروحين بره ؟
بسالج انتي حطولج ستوما ولالا ؟

صديقتى الكرونزية خوش مسمى:ggdw: . لا تلومينى ترى أنا وايد خوافة وقابلة للكسر على قولة دكتورى:eh_s(16): . ....لا تقولين فيها شربة . ما أقدر شندوخة أشرب شى حده قولونى تعبان ما يوقف على طول ...... . بس بس:ssssso: ما راح أسويها بعدين أخاف أروح المستشفى وتحوشنى جرثومة الخنازير . لاتضحكين على أنا حدى وسواسية ..... وبالنسبة حق سؤالج ليش ما أسوى أوراقى برة أنا أساسا وقت اللى صار فينى المرض ما كنت هنى أنا أساسا عايشة مع أهلى فى لندن عشان كنت أدرس فى الجامعة وطحت مريضة عليهم . وشخصوا العلاج وبعدين رحت أمريكا بس ما رحت Mayo Clinic أنا كنت فى شيكاغو وتعالجت وكتبوا لى تقرير بس المشكلة أستمرت وتستمر وبس شبعت من الغربة ما صدقت أتخرج وأرجع ديرتى . .. . وتبين الصج نفس الحجى الى سمعته فى لندن وأمريكا سمعته فى الكويت من لدكاترة.
وسؤالج عن ال stoma لا ما حطولى . بس مكان عمليتى فى الجزءالموازى لل rectum وسبب التلف قوة التقرحات فى هالمكان .

 

[شوشآآ]

السلام علييكم ..


أول مره اشوف هاي التجمع الحلووو ..


آنا أعاني من القولون العصبي من 4 سنين تقريبآ ... لاني تعرضت لضغط نفسي وانهيار عصبي .. وعقبهاا حسيت بألم بالجانب الأيسر وإسهال الله يعزكم .. ولوعه وضعف عاااام .. تميت أعاني فتره وعقب راح عني قمت أشرب ماي وعسل على الريج والله يابناات يريييييح وااايد .. والحين رجع لي من كم شهر والله تعبت واااااااااااايد ... وزني نزل ويهي صاير أصفر

هالاياام مرينا بمشااكل واايد في العائله عشان جذي زاايد علي ..وقاعده أحاتي العرس ماباقي شي عليه .. :0bee2e8d89:

بنات قولولي شسوي



آبي آشفي من هاي المرض موقادره أخلص تجهيزاتي .. وأبي أمتن أبي صحتي ترجع .. بنات إنصحوني بفيتامينات زينه آقدر آخذهاا وماتضر وموجوده بالصيدليه بلييز ..؟؟
اي صح لما أشرب قهوه يعورني .. ولما آكل فلفل وآشرب شاي حليب ..وأي أكله فيهاا دهووون .. وبعد الدونت والليمون والبرتقال .. هاي لحد الآن اشوف إني لما آكلهم يزيد علي قولوني .. والحين جايتني الدوره يعني تخيلو ألم دوره مع ألم قولون وصايدني وسواس وضيقه ...
أدعووووووولي في هاي الايام المبااركه ،، والله يشفينا ويشفي جميع مرضى المسلمين

 

[شندوخه]

روروو
لالاغلطانه تاكلين الحبوب هذي ترا اتعب المعده

فيت صديقتي الكرونزيه نصييييييييحه من قلبي انا والله كنت نفسج كله مابي مابي وخلاص مالكم شغل فيني لم طاح الفاس بالراس وقالولي لازم عمليه لامفر وانا نفسج بالركتم عفيه تكفين روحي اخذي الهيوميرا ترا تصكر القرح لاتسوين نفس غلطتي تكفيييييييييين واذا تقدرين والله بفضل الله المايو كلينك ماخذين المركز الاول في امراض الكرونز والجهاز الهضمي حاولي تسوين اوراقج والله ماراح تتحسفين وين امج وين ابوج اكلمهم حريتيني ترا هههههههه