بليز بنات الشريعه والاداب لا تقصرون فيدوني قبل لا يبدأ التسجيل:(

[غلا،،]

:eh_s(17):السلام عليكم :eh_s(17):


بلييييز بنات الشريعه والاداب فيدوووني :eh_s(22):

انا تخرجت ونسبتي ما تدخل غير شريعه واداب

ومحتااااااره حدي بين الشريعه والاداب..:eh_s(11):

تكفوون بنات الشريعه فيدوني شرايكم بالشريعه بأمانه صعبه ولا سهله..وشنوا نظام دراستكم بالضبط يعني اول سنه لي شنوا ادرس بالضبط؟؟؟؟؟؟؟وبالنسبه لحفظ السور جم صفحه بالاسبوع تحفظون لاني سمعت ان كميه كبيره ومع تجويد هذا الي خوفني لاني انا مو حيل بالتجويد:eh_s(11): مع اني كنت حابه شريعه وكنت اطمح لها



وبالنسبه للاداب نفس السؤال بأمانه صعبه ولا سهله وعن شنوا تدرسون بالضبط اول سنه؟؟؟؟؟
انا الي اعرفه اول سنه من غير تخصص يعني تدرسون كل شئ وبعدين تتخصصون..الي بعرفه اذا انقبلت بالاداب على طول ادخل التخصص الي انا اخترته مثلا ابي اداب تاريخ على طول ادرس تاريخ ولا ادرس كل المواد بأول سنه :eh_s(11):بلييييييز لا تقصرون..

ساعدوني قبل لا يبدأ التسجييييييييييييل


ومشكورييين مقدما..

:eh_s(7):

:eh_s(7):

:eh_s(7):

 

[غلا،،]

افاااا ويييييييييينكم

 

[بلا وجع قلب]

بالنسبه للشريعه ماعندي اي فكره بس انا بالاداب بالعكس حلوه الاداب والتاريخ اتوقع صعب شوي
مانتخصص اول سنه لا اول شي ندرس المواد الي تخلينا نتخصص وحسب التخصص الي تبينه

مافكرتي بااداب انقلش؟ ترى مستقبلها قوي وحلو

 

[KelyAmanii]

وبالنسبه للاداب نفس السؤال بأمانه صعبه ولا سهله وعن شنوا تدرسون بالضبط اول سنه؟؟؟؟؟
انا الي اعرفه اول سنه من غير تخصص يعني تدرسون كل شئ وبعدين تتخصصون..الي بعرفه اذا انقبلت بالاداب على طول ادخل التخصص الي انا اخترته مثلا ابي اداب تاريخ على طول ادرس تاريخ ولا ادرس كل المواد بأول سنه :eh_s(11):بلييييييز لا تقصرون..

ساعدوني قبل لا يبدأ التسجييييييييييييل

انا اداب .. بـ العكس اداب وايد حلوهـ .. واذا انتي حابه تخصص التاريخ دشي تاريخ ،

مستقبلج وبيدج انتي .. شي حابه دشيه ،

اول سنه تحضيريه مو تتخصصين فيها على طول ،

تاخذين مواد اجباريه ومادهـ او مادتين من التاريخ ، عادي عشان تخصص التاريخ

 

[الجميلـة]

مستقبل الشريعه احسن من االاداب

استخيري

 

[مس روبنز]

آنا أقول دا إنج حابه الشريعه وتطمحين لها فادخليها وإنتي مرتاجه لأنج بتبدعين فيها عكس لما تدخلين كليه مو حابتها​

الشريعه حلوه وكافي نفسيتج تكون مرتاحه فيها غير عن دراستها ودكاترتنا
أول كورس تاخذين 5 مواد​

- علوم قرآن (حيل سهله) عن سور القآن المكي والمدني والقراءات​

- تجويد القرآن وحفظه (1) تحفظين الجزء الأول ونص الجزء الثاني من سورة الفاتحه إلى نص البقره وعلى حسب كل دكتور يحدد كمية الحفظ​

- فقه (1) حيل سهله عن الطهاره والوضوء والصلاة​

- عقيده (1) على حسب كل دكتور لكن مواضيعها حلوه عن الإيمان بالله والتوحيد​

- تاريخ التشريع ( حلوه وحييييل سهله ) تتكلم عن المذاهب والأئمه وبداية ظهور الإسلام بعد الديانات الباطله​

أتمنى أكون أفدتج ولو بالقليل وتكون معلوماتي صحيحه لأن الذاكره لج عليها كبرنا >> مس روبنز سنه رابعه شريعه​

وإذا محتاجه أي شي وأي استفسار حياج الله بتجمعنا​

وإذا حابه تعرفين أكثر عن التخصصات ​

ومجالات العمل لخريج كلية الشريعة:​

* وزارة التربية ( مدرسة - إدارية )
* وزارة العدل ( قسم التوثيقات الشرعية - قسم البحوث والإعلام - قسم التباليغ - قسم المتابعه والتنسيق - قسم الإرشاد الزواجي وإدارة خبرة المنازعات الأسرية "إصلاح ذات البين" - إدارة الكتاب - إدارة الاستشارات الأسرية )
* وزارة الأوقاف والشئون الإسلامية ( دار القرآن: مدرسة أو إدارية - داعيه - السراج المنير - الأترجه: محفظه - إدارة مسجد الدوله الكبير - إدارة الدراسات الإسلامية )
* وزارة الشئون الاجتماعية والعمل ( للقصر والأيتام )
* وزارة الداخلية ( ضابطه ) :krkrkr: تاخذين دورة بعدين تصيرين ملازمه ووو تترقين
* وزارة الإعلام ( مراقب شرعي للبرامج الدينية - معد أو مذيع للبرامج الدينية - إذاعة القرىن الكريم "بالرادو" )
* مجلس الأمة ×
* جامعة الكويت ( معيده - مساعد مرس - مدرس مساعد - دكتوره - استاذ مشارك - إدارية بالتوجيه والارشاد أو بالعماده )
* بيت الزكاة ( مدقق شرعي )
* الهيئة العامة للتعليم التطبيقي والتدريب ( معيده - مساعد مدرس )
* البنوك والمؤسسات المالية الإسلامية ( مراقب شرعي أو باحث شرعي بالبيوع والمعاملات: بيت التمويل أو بوبيان )
* المحاماة ( اللي تخصصه أصول فقه يفتح مكتب محاماه على حسابه بعد ما ياخذ له دورات )
* إدراة الفتوى والتشريع ( باحث قانوني )
* الديوان الأميري ( اللجنة الاستشارية العليا للعمل على استكمال تطبيق أحكام الشريعة الإسلامية برئاسة د. خالد المذكور )
* اللجان الخيرية ( صندوق إعانة المرضى - جمعية إحياء التراث الإسلامي - جمعية الإصلاح الاجتماعي - لجنة التعريف بالإسلام - لجنة التكافل الاجتماعي - الهيئة الخيرية الإسلامية العالمية )​

 

[غلا،،]

ما قصرتوا يالغاليات واسفه عالازعاج
ومس روبنز ما قصرتي كفيتي ووفيتي بس بسألج اول سنه بس تحفظين الفاتحه ونص البقره يعني؟؟؟ والباجي بالسنه الثانيه؟؟؟

ان شاءالله بستخيير والله يكتب الي فيه الخير

ومشكورين مره ثانيه^ـ^

 

[ورور92]

على اني مو شريعة


بس اختي قبل كانت اداب انجليزي و حولت شريعة



بس بقولج


دشي شرييييييييييييييييييييييييييييييييعة وانتي مغمضة

يكفي الاجر اللي بتاخذينه ^_^

و مجالات التوظيف حييييييييييييييييييييل واسعة و بمعاشات قوية

واستخري
الله يوفقج يا قلبي :**

 

[غلا،،]

تسلمييييين عالمرور وان شاءالله عاد يقبلوني

 

[KelyAmanii]

غلآ ،،


حبيبتي انتي موفقه

 

[مس روبنز]

ما قصرتوا يالغاليات واسفه عالازعاج
ومس روبنز ما قصرتي كفيتي ووفيتي بس بسألج اول سنه بس تحفظين الفاتحه ونص البقره يعني؟؟؟ والباجي بالسنه الثانيه؟؟؟

ان شاءالله بستخيير والله يكتب الي فيه الخير

ومشكورين مره ثانيه^ـ^

حاضرين للطيبين بالعكس لا إزعاج ولا شي

لا حبيبتي غلا مو جذي أول كورس تحفظين اللي قلتتلج بعدين عندج تجويد 2 و3 و4 وكل واحد منهم تحفظين فيه جزء ونص تكمله على اللي قبله ومو شرط تسجلين التجويد ورا بعض إنتي بكيفج متى ما تبين تسجلين بس أول كورس لج مجبوره تاخذين تجويد (1)

فهمتي علي؟؟


وأي سؤال آنا حاضره فيه وإذا حابه تستفسرين أكثر عن كلية الشريعة حياج الله بتجمعنا لأني أخاف أنسى وما أرد لموضوعج


موفقه حبيبتي​

 

[fri2010]

شوفي اذا دخلتي كليه الاداب واي تخصص كان ماعدا الاعلام

على طول بعد ما تتخرجين يوظفونج بوزاره التربيه تدريس

واذا رفضتي هالوظيفه يقطونج اما بالصحه او بالشؤون

انا تخرجت من الاداب وتخصصي تاريخ توا نادوني شهر 5 عشان اصير مدرسه تاريخ وثانويه بعد

 

[غلا،،]

تسلمووووووووووووون يالغاليات الي ردوا وما قصرتوا ربي يوفقكم