بليز بنات ابي مشورتكم

[engineerh]

بقولكم عن شغله اواجها ومادري شنو اسوي او ارد عليهم اعتقد فيكم الي تمر بهالشي

المهم ما اطول عليكم

ساعات في اليمعات وحده تقولي فلانه بقولج في حريم يتأخرون بالحمل بسبت الغدة وفي بنات بسبت مادري شنو وفي وفي ..ولا تقعد تقول روحي حق الدكتوره الفلانيه ترا يمدحونها ولاتقول سوي هالشي ترا يساعد على الحمال


يمكن اهي تقول هالاشياء بطيب نيه بس انا بصراحه انزعج وايد ما احب اسلوب الشفقة ...انا بهالحال اسكت واقولها اي واي وبس ..بس ودي شي يصكر هالمواضيع تهقون شلون ارد عليها بليز ريحوني ابي كلام يجعمها بس بسلوب حلو




ربي يرزقنا بالذرية الطيبة المباركة وبصحة وعافية ... والله يابنات بعد ماقمت اشارك بهالمنتدى وااايد حسيت بنفسيتي تغيرت صرت غييير وللأحسن طبعا كل هذا بفضل ربي ثم مواضيعم الحلوه الي تعطي انسان دافع للأمل والثقة بعطف ولطف رب العباد

بليز ردو علي بسرعة لان اليوم عندي يمعه واعتقد بتفتح هالمواضيع...مابي كلام يحسسها اني محتره من انها حامل لأن ربي يشهد اني مو محتره ومستانستلها ومتمنيتلها الخير بس تدرون اهي ماقالتلي انها حامل وقالت للكل فمادري شنو المقصد من هالشي مع اني وايد وياها وكل اسرارنا لبعض بس من ماتزوجنا والنقوس للأسف تغيرت

 

[ماي الورد]

حبيبتي لازم تتقبلين هالموضوع هالمكان بتلقينه عند اعز الناس ما بالج بااهل البرى تحملي وامسكي اعصابج لان هالكلام مافي مفر منه انا حاسة فيج لاني مثلج بنفس المعاناه اعانيها وقت ما اروح عند الناس عاد لمن احد يدعي لي يقول الله يفرح قلبج على طول ام عبااااس تشرف بنفس اليوم

 

[زهـــر]

تدرين
انا قاطعت الكل اهل ريلي
رفيجاتي
لا عزايم
و لا مواجيب
اللهم زوارة بيت اهلي يوم اليمعه
بس عشان ما اسمع هالحجي
و نفس هالموقف مر علي
سويت روحي مادري و لا بطلت حلجي
و لما صار المحجي جدامي يوم خالتي باركت لها بصوت عالي جان اقوم من كرسي و احبها على خدها و ابارك لها و ادعلي و لها و رديت مكاني وما طولت الموضوع ولا قلت شي اكثر ولا اقل

 

[engineerh]

والله ماي الورد تعبنا من هالموضوع وتكراره ناس ماتفهم شنسوي يااختي

زهر الحبيبة ليش كل هذا بالعكس طلعي استانسي في ناس ماتحب الا المغثة جذي يستانسون بغيظج وفي ناس بطيب نية

ليش ارضي بقسمة ربج وصدقيني ربج كريم

 

[زهـــر]

انا من اول بيتوتيه و ما اطلع وايد
و اول جم شهر زواج بالتحديد اول 4 شهور غيرت روحي 180 صرت حيل اجتماعيه
بس ماقدرت اتحمل كلللللش
قلت ارد مثل اول احسن و اريح
و جد الحين وايد مرتاحه
بس تدرين هم و انا بعيده ما يخلوني بحالي

 

[ماي الورد]

تصدقون اخواتي حتى ريلي بطل يطلع قالي شنو من اروح ديوانية يسالوني الشباب انا ودي اعرف وين تودون فلوسكم انت وزوجتك هذا سؤال ينسال يعني احنا وين بنوديهن الفلوس مثل التراب تتطاير على العيادات والتحاليل والروحة والردة لا تقطعون الناس عادي روحوا زياراتكم مارسوا حياتكم طبيعي الناس بيتكلموا لو مو باليمعة حتى بتلفون لمن يدقون عليج

 

[زهـــر]

بالضبط ماي ورد
حتى بالتلفون انا من جذي صرت من ادخل البيت احول تلفوني مغلق الي ابيه ارد عليه و الي مابيه اطنشه بس اذا طلعت اخليه على الوضعيه العاديه

 

[ms_royality]

المفروض من البدايه ما تعطينهم مجال يعرفون شي عن الموضوع ... بس صار اللي صار الحيين ... و انا اشوف اللي مايستحي منج لا تستحين منه ... يعني اذا يابتلج طاري قوليلها.. عادي وي مو مستعيله ... و اذا لزمت و جنه المشكله مشكلتها قوليلها بعرف ليش مهتمه اكثر مني!! على ضحك.. و جذي ابتندقر و اذا فيها شوية حيا ماراح تفتح الموضووع وياج ... و الله يعين الجميع على لقافه هالنااس

 

[عيمية^والقلب^كندري]

الله يرزقكم يارب انا بنت خالتي تزوجت 2001 ولين انا تزوجت مع بنات خالتي وخالي بنفس السنة 2005 وحملنا كلنا واهي مسكينة نفسيتها حدها تعبانة عاد لم ولدت تذكرت اللي تطلق دعائها مستجاب واقعد طول المدة ادعي لها بعد جم شهر بنت خالتي حملت والحين يابت الثاني فلاتيئسون رحمة الله واااااااااااااسعة والله يرزقكم يارب

 

[ماي الورد]

الناس تسال عشان بس يعرفون الاسباب العيب من منو الزوجة او الزوج من شان كذا يحلون ويفتحون هالموضوع

 

[engineerh]

والله صاجه حتى الرياييل يسألون ريلي يشتغل في بنك تخيلي حتى العمله يسألونه ...مالنا الا الدعاء


شكلي بسوي مثل ماقلتي مس روياليتي ...يعطيكم العافية بنات على ردودكم

 

[ماي الورد]

الناس يطلعون الواحد من طوره

 

[المهذبه]

أذا أحد كلمكم بس كلمه وحده تردين عليهم فيها وراح يسكتون ((( الله كرييييييييييييييم )))

 

[bintq8]

لاتيأسون من رحمة رب العالمين والله يرزقنا انشالله

 

[Snow-White]

حبيبتي لا تعطين مجال لكل من كان يسألج عن هالمواضيع...شسالفه يعني بكل يمعه يفتحون موضوعج.. خلصت السوالف ولا شنو؟ خليج قويه وخلي ردج عليج حاسم (مو نجره ولا صراخ ) بس بشكل يفهمون منه انه stop

ودايما خلي ردودج الحمدلله مافينا شي او مشاكل بسيطه تصير حق كل الحريم يعني عطيهم حجي عام عشان لا يصير لهم مدخل يطولون بالسالفه...طلعي واستانسي وروحي يمعات ولا تحسين بروحج ناقصه عنهم اكيد انتي عندج اشياء وايد اهما حاسدينج عليها

الله يرزقج جريب ان شاء الله

 

[Emanova]

لناس ماكو فايده فيهم انا من اول زواجي يبت حمودي الله يخليه و يشافيه ... كانوا يعلقون علي ما مداج شميتي الريل !!!!!

يعني عيب ينقال هالكلام .... و صار علي 6 سنوات و ما حملت و يناجروني و يخشون خبر حمالهم عني و يخشون اعيالهم عني يخافوون اني احسدهم

و لما يقولولي انتي ليش ما حملتي ؟!؟!؟! اقولهم الله ما رزقني

تدرين شنو يردون؟؟ ليش الله ما رزقج؟!؟!؟!؟!؟ بالله عليكم هذول شنو ارد عليهم ؟!؟!

و الحين عقب العلاج و الاذيه الحمدالله اكرمني ربي بالحمل ...بس يشوفوني انتي شنو فيج بنت و لا ولد؟!؟!؟!

و ارد اقولهم ما ادري يقولون لي عيارتج !!!!!

فقمت ازف و ادقر ...

اختي اصغير 21 و تزوجت يوم عمرها 19 و طالبه و دايما يناجرونها ليش ما حملتي ...تقول لهم ريلي ما يبي و انا ادرس يقولون لها لا الله يرزقج مسكينه ؟!؟!؟!

يعني حملتي ما حملتي الناس ما راح تفتكين منهم يبتي ولد احسدوج يبتي بنت هم احسدوج ... لقافه و بلاغه شف و لو انتي عاملتيهم بالمثل راح يزعلون

 

[عروسه 99]

والله كرهت الجمعات والسبه هالشي وما اقول غير كلمة الله كريم وتو الناس لاحقه على اليهال

 

[اختكم بالله]

نفس الشي

الكل يستهزء بس الحمدلله رحمة الله وسيعه وما اقول الا الله كريم


تعوددت انا بالذات مو مرقعه لامن عايلتنا ولا من رفيجاتي والحين اهل زوجي

الله يرزقنا يارب ونسكر هالقسم

 

[نف نف22]

الله كريم