بليز ابي رايكم

[Emanii]

بنات انا عندي بنوته توها مكمله شهرين اسم الله عليها و قبل لا اييبها صارت وايد مشاكل بيني وبين ريلي مع اني اموت فيه و ادري انه يحبني وايد بس مادري شلون صارت هالمشاكل المهم ريلي قعد يقولي خنسافر اسبوع بس نغير جووو شوي عقب الاجواء الكئيبه وانا ودي اسافر لاني جد تعبانه نفسيا ومتازمه:eh_s(16): و انا ساكنه بيت اهله و خالتي قالتلي خلي البنيه عندي و روحي و خالتي تموت فيها و لمه اروح الجامعه اخليها عندها و لمه ارجع الاقيها مشربتها حليب و ممشطفتها و نايمه يعني مو مقصره بس مشكلتها لنها تناشب خدامتي وايد وانا اخاف تطلع الحره فبنتي مع اني زينه معاها و اهي بعد زينه بس هم اوسوس وخالتي كبيره ماقدر اقولها لا تزفين خدامتي بعد المهم رفيجاتي قالولي لمه خالتج تزف الخدامه من صوب روحي انتي ساحليها من صوب و قوليلها ماما كبير ميخالف و من هالحجي و للعلم خدامتي هنديه و عندها عيال و مرات اقول بلاها هالسفره و خلاص بس اشوف زوجي يبي يسافر لانه جد مل من الوضع ماعندي وقت حقه الصبح جامعه وارد اجابل البنيه و ماشالله عليها حنااانه لين تنام مهدوووووود حيلي ومسكين اهو يكون نايم بعد:eh_s(2): شرايكم شسوي شورو علي ،،،، و حبيت اقول اخر شي انه ماعندي مكان ثاني اخلي بنتي فيه غير عند خالتي و بنتي ماترضع مني

 

[روحي محمد]

حبيبتي الوضع ترا طبيعي خالتج مرة كبيرة وتلقين حتى الشغاله عاذرتها
وانتي كل الي بتروحينه يومين ثلاثه
استودعي بنتج الله الي رزقج اياها بعينه الي ماتنام
وروحي استانسي مع زوجج غيروا روتين دام بنتج للحين صغيره
ترا زوجج له حق عليج
والله يخليكم لبعض ويهدي بالكم

 

[روحي محمد]

وبالنسبه لشغالتج قولي لها هذي ماما كبيره اذا قالت شي قولي اوكي وحاضر وعطيها هدية قبل السفر
وقولي لها اذا رديت بجيب لج هديه بعد بس شوفي بيبي زين وسمعي كلام ماما لما ارد

 

[زوجة عزيز]

الحمدلله انتي مطمنه على بنتج عند خالتج سافري استانسي ليش اتضيعين على روحج هالفرصه وان شاء الله بنتج في امان الله ورعايته واهي عند خالتج يعني ماعليها خوف ان شاء الله

 

[شطانه طفله]

نصيحه مني سافري غيري جو لازم زوجج له حق عليج لاسمح اله باجر اذا اهملج او تغير تكونين انتي السبب الريال لاتهملينه بسرعه تلاحقي عليه دام يبي يسافر توكلي على الله وسافري معاه واستاااااانسي وردي عروس وتجهزي تجهيز عروس بعد زوجج محتاج تغيير جو والله يوفقكم ويهنيكم يارب

 

[نـعـومـه]

دام متعوده تخلين بنتج وتروحين عادي سافري لانج متعوده

 

[M!SS.LOBY]

سافري وغيري جو الحياة الزوجية تحتاج للشئ هذا

 

[منال $]

سافري ومادام بنتك عند جدتها وانتي بنفسك بتقولي انها بتحبها ومهتمة فيها روحي مع زوجك وغيري جو

 

[فوولي]

ساااااااااااااااااافري وساحلي خدامتج واستوودعيهاا الله

 

[مذهلة2013]

حبيبتي روحي وغيري جو والبنت ماعليها الا العافيه وساحلي الخدامه انتي

 

[روح المطر*]

استخيري حبيبتي

انا بعد نفاسي طلعت اغير جو مع زوجي في مدينه ثانيه فالسعوديه وخليت ولدي نونو عند امي وليتني ماخليته
تعب امي وسهرها ولا ذاقت النوم والراحه وتقعد معاه لصبح حسيت بتأنيب الضمير انا افلها واستانس وامي حايسه مع ولدي
وقعدت يومين ورجعت من القلق والتفكير
واخواتي نكدوا علي ارجعي اخذي ولدك تعبنا سهرنا ازعجنا

 

[شــــــــــــــوقــــه]

توكلي على الله كسري روتينكم كلها جم يوم

 

[امـ خــزامـى]

مع البناااااااااااات

وسفره سعيده ان شاءالله

 

[احلى ديما]

حبيبتي سافري والخدامة سايسيها قوليلها ديري بالج على بيبي انا ماكو.خوف عشان اهيا عندج انتي انتي واجد زين خخخخخ وقوليلها انتي شنو تبين من هناك انا يجيب حق عيالج يعني من هالحجي الطيب

 

[سلاسل ذهبيه]

راي من راي البنات

 

[بكيزة هانم]

روحي بالسلامة ولا تدققين

 

[Tom ♥ Jerry]

,


توكلي على الله و سافري
و قبل لا تسافرين وصي خدآمتج لا تقرب صوب خآلتج وآيد
يعني خل تكون بعيده عنها طول فتره سفرتج :*