بليز ابيكم توقفون معاي

[om '3ala]

السلام عليكم

انا كنت مخطوبه قبل فتره من شخص احبه و ماصار نصيب و فلينا

و الحين في ناس يايين الثلاثاء يشوفوني انا وايد خايفه و تجربتي اللي قبل مأثره علي وايد

و فوق هذا احس نفسي مو عارفه اتصرف شبقول شنو بسوي امه طالبه تشوفني بدون حجاب اول بعدها البس حجابي و اهو يدش

احس امه ماراح تتقبلني لأني صغيره و شعري اشقر قصير احس ااغلب الامهات يفضلون الشعر الاسود الطويل

للعلم احنا ما نعرفهم الام لما دقت على امي قالت احنا سامعين عن بنتكم

بس انا احس ثقتي بنفسي راحت خصوصا بعد ما خطيبي السابق اهو اللي طلب نفل مو انا حسيت انه محد يبيبي

اسفه اذا طولت عليكم بس من التوتر مو عارفه ارتب افكاري :eh_s(2):

 

[طلة برنسيسه]

حبيبتي سؤال واحد بيختصر كل شي :

لو كنتي تمشين وطحتي ! بتمين بالأرض ؟ أو بتقومين وتكملي طريقج ؟

يا قلبي ان شاء الله مافي إلا الخيــــر بس انتي كوني واثقة من نفسج ومن رب العالمين انه بيختارلج الخير .. والشعر طويل قصير أسود أشقر ترى ما يهم أهم شي كوني مرتبه نفسج عدل بطريقة سمبل وتحلي بالابتسامه والكلمة الطيبة وبــس..

 

[om '3ala]

حبيبتي ما قصرتي و الله يريح بالج و يرزقج باللي تتمنينه عاجلا و غير اجلا يارب

 

[iLLuMinaTion]

الله يريح بالج

 

[Mrs Al-Nasser]

خلج واثقه من نفسج حبيبتي
وخطيبج القبلي اذا بغى تنفصلون هذا مو شرط انج ماتكونين عاجبته
وايد اسباب وهذا النصيب

وبعدين يعني امه ما بتحبج او ما بترضى فيج بس عشان شعرج قصير واهيا تحب الطويل ؟
لا حبيبتي بالعكس
اهم شي الثقه بالنفس :rerrerek:

تكشخي وتعدلي وخلج واثقه انج بتعجبينها
والله يوفقج حبيبتي

 

[om '3ala]

امين يا رب
يزاج الله خير على الدعوه

 

[om '3ala]

حبيبتي انا احس شعوري ملخبط مو قادره اوصفه و اتمنى اني اكون مرتاحه و ابيكم تدعونلي
انا ادري ان كل شي بيد الله اذا مكتوب لي باخذه و اذا مو من نصيبي ربي بيرزقني اللي احسن منه
و الله يفرج عني و عن كل وحده مهمومه و تحاتي هاليوم

 

[لمى الهاجري]

توكلي على الله وسالي عن الولد واستغفري بعد كل صلاة 200 مرة

 

[om '3ala]

ان شاء الله و يزاج الله خير حبيبتي لمى

 

[قلبهـ 86]

الله يكتب اللي فيه خير لج

 

[شوشو ..]

الله يريح بالك يابعد عممممري ، وخليييك واثقه من روحك البسي وتشيكي أهم شي الثقه

الله يكتب اللي فيه الخير لك يارب

 

[black rose BH]

يووو حبي لاتحاتين ولا شي

ولاتشيلين ببالج

كل شي الله كاتبه لج بصير واكيد رب العالمين بيختار لج الزين

توكلي على الله وريحي روحج حبيبتي

والله يكتب لج الي فيه الخير

 

[ga6wa90]

بالعكس حبيبتي مو معناته الأولي طلب تفلون انج مو زينه وايد في أسباب تخليه يغير رأيه

ما تدرين شنو الخيره و خلج واثقه من نفسج يا قلبي و الأم أكيد عارفه عمرج و إذا على شعرج إذا تقدرين

تصبغينه صبغيه لأن في ناس ما يعجبهم الأشقر أو يأخذون فكره

والله يتمم عليج ؛*

 

[(*ام عهــــد *)]

الله يوفقج ولعلها خيره
وربي يعوضج باللي احسن منه ان شااءالله​

 

[مـآلي شبيه~]

الله يوفقج ويريح بالج

 

[Patcholli]

توكلي على الله ولاتحطين هالامور فبالج نصيبج بتاخذينه فماله داعي تتكلفين او تبالغين بتاخذينه بتاخذينه واذا مو نصيبج ماراح تاخذينه لو شنو تسوين لاتعورين قلبج وخليها على الله

 

[om '3ala]

ما قصرتو حبايبي الله يستر من باجر

 

[لآلئ وردية]

السلام عليكم و رحمـة الله و بركاتـه

حبيبتـي

أول شسء مبـروك مقدماً

يا ربي يتمم لج و يكتـب لج اللي فييه الخيـر

حبيبتي

اذا النصيـب جه

مافي شيء اسمه شعـري ما شعـري

خلييج واثقه من نفسـج و ما علييج قاصر ما شاءالله تبَـارك الله

اقري اذكارج و دخلي بثقـه

و ان شـاءالله نشوفـج جريـب تبشريننـا هنيـه

و تجهـزين لعـرسج يا رب

 

[اميره بعيونه88]

الله يوفقج حبيبتي وقالها حسين الجسمي للعثره جولات وكل انسان له فرصه ثانيه والاول ماكان لج من البدايه ومو الله كاتبه لج وما يستاهلج وتستحقين واحد احسن منه وماعاش من يهز بنت ويقلل من ثقتها من نفسها

 

[om '3ala]

تسلمون حبايبي ان شاء الله بحاول اكون واثقه من نفسي