بلودان

[نايفه]

سوريا وما ادراك ماسوريا صحيح شعبها لايقدر السائح بمعنى مافيه وعي بالسياحه ولا مافيه احلى من بلودان لارطوبه زي لبنان او حراره عاليه زي مصر ولا مطاعمها ياسلام المهم تسكن بسكن حلو والله مافيه زيها :0bee2e8d89:_03BA:

 

[نايفه]

شكلكم ياجماعه ماتقنعكم بلودان

 

[عسل صافي]

السلام عليكم ابي اعرف

حبيبتي شلون بلودان وشنو الاماكن

الي فيها وناسة وسياحة وكم

كلفتك من سكن ومصرف وحتى السايق

واذا تخدميني في برامج لسوريا لمدة 10 ايام

اكون مشكورة لج بما انج خبرة بسوريا وناطرة ردج

وشكرا لج

 

[غلا الكوويت]

انا دايما في سوريا

واهيا دوله وااااااااااااااااااااااايد حلوة

وفيها وايد اماكن روعه
انا عن نفسي اسكن بالزبداني
و شهر 8 بروح سوريا


واذا عن الاماكن عسل

في نفس العاب في بلودان ومطاعم واهو بلودان الكبير

والزبداني في اسواق و مطلعم

وبليل نصعد على الجبال فووق

برد مو طبيعي ووناسه

اما اللي صج صج صج

رووووووووووووووعه

صلنفه طبيعه و برد و شلالات

و الاسعار لا تخافين لان سوريا مو غالية وايد

وكل شي فيها سعره مناااااسب


وشكرا

 

[نايفه]

طبعا اهم شيء بالسفر ه السكن خذي لك فيلا اوشقه حسب احتياجك وعدد عائلتك بالنسبه للاكل تودين معاك الي تحتاجينه للطبخ ارز. بهار. قهوه مهمه اذا انتي زيي تمر يازينه هناك علشان الجو بارد تقريبا هذا كل شيء المطاعم شكثرها كرم العلالي جدودنا جنة بلودان مانويلا زمان الخير بطريق المطار مادام رحلتك 10 ايام تقدرين تروحين 3 ايام كسب وصلنفه اذا فيه اي استفسار ولا يهمك

 

[شهووده]

والله سووريا ماعليها كلاام ..

والحمدلله صارلنا سنين نروحلها ماشفنا منهم شي ..

وهالسنه ان شالله ناوين نصيف فيها جم يوم وبلبنان بعد ..

عادة نسكن بالزبداني ونصعد بلوودان ..

وننزل الشام ..

ومره رحنا كسب وصلنفا وصافيتا وطرطوس وراس البسيط ..

طبيعه وجوو حلوو وأسعار جدا معقووله ..

 

[نايفه]

الي هناك يقول لي عن الاوضاع مافيه تغير عن الاول

 

[مناير]

هلا اختي ... انا توني رادة من سوريا الصراحة صايرة عندهم موجه حر الشام درجة حرارتها 40 والزبداني 34 بس سكنت صلنفة مو طبيعية عجيييييييييييييييبة روووووعة انصحج فبها اجواء اوربا درجة الحرارة بالنهار 20 والليل 11 . لكن السعار زايدةعن كل سنة وخاصة البنزين دبلات قعدت فيها اسبوعين وبعدها رحت بلودان ما عجبتني زحمة وحارة بس اسواقها حلوة وعجتني فيها تقليد الماركات ارخص من الكويت . انصح بالسفر لصلنفة بس

 

[غدا أجمل]

هلا أختي أنا الحين بالزبداني الجو عجيب قاعدة بالبلكونة وتلحفة ببطانية من البرد جو مو طبيعي ما قادرة أصدق انة شهر ثمانية حديقة البيت فيها كل انواع الفواكة ونعناع وبقدونس وكزبرة وطماط اقطف واكل احلى ما في سوريا الجو والله اقول حق زوجي لو نحط الجو بجناطنا لووووووووووووووول الناس صراحة نفوسهم شينة فرق عن لبنان اموت فيها اهل الذوق والله اكل سوريا اغلبة مشاوي حلو اكلهم بس اسعارهم مو رخيصة مثل ما كنت متوقعة مرينا جنة بلودان تعشينا فية الجرسونات لا تعليق شوي ويحذفونا بالاكل وبلودان زحمة مو طبيعية حفلات فنانين منهم نانسي عجرم ما عجبتني بلودان زحمة حيل الزبداني احلى انا ساكنة في عين الحور والمشترى احلى شي القطنيات والزهورات