بلاك بيــــــــري من وراي !! بليـــــــــــــــــــــز دشوا !!!!!

[سموو الأميرة]

امبيــه شنو هذا ؟!!

نصيحتي خليهـآ تواجهه وتـسأله وتقوله كلام يجمد على الشارب بس بهدوء ..

لازم تكشف شخصيته في الخطبه قبل لاتملج ..

الله يعنيـهـآ هذا من اولهـآ جذيه شلون عقب المفروض توه خـآطب يندفع لهـآ ويحاول يتقرب لهآ مو يصكهـآ بلوك لا ويكذب بعد

 

[ام الهاله]

يعني ليش مايقول اذا عنده ماراح يسير شي والله أمره غريب هالانسان . الله يعين اختج اذا من اولها جذيه ينعاف تاليها

 

[[[ عيون جابر ]]]

اذا هذا اوله ينعاف تاليه والله

 

[shak!shoka]

ليش يجذب
اكيد عنده بلاوي

خليها توريه كل شي
صورة البي البي و الاي فون و حساب تويتر

لا تسكت
شحادها تسكت و تلوع جبدها واهيا بفتره ملجه
احلا فتره

و هذا معطيها بلوك و يلف و يدور

تصارحه و تقعد معاه و تطلع الي بقلبه كلللللللله

و تقوله اذا انت مو مال زواج ، مع السلامه !

لا ادوخ راسها و تضغط ع نفسها



باجر تتزوج و تتمشكل معاه و كل يوم جاكته *

 

[أم غيثة]

لا حول و لا قوة الا بالله الله يعينها توهم بالخطبة تدرين المفروض اختج تقيم علاقتها فيه زين يعني تشوف ايجابياته و سلبياته و تحط احتمال و هالاحتمال اكيييييييييييد انه في سلبيات و ايجابيات اكثر بتطلع بعد الملجه و بعد الزواج فخليها من الحين تشوف و تقارن اذا ايجابياته اكثر من سلبياته و تفكر اذا راح تقدر تتحمل سلبياته بعد الزواج و الا راح تتعب بعدين اذا تقدر تتحمل كان بها و خليها تطنش احسن و تريح عمرها و لا تحن عليه و اذا ما تتحمل خليها تنفصل عنه دام انها بفترة خطوبة احسن ما تتوهق بعدين و تنفصل و هي حامل او عندها ياهل
و الله يكتب لها الي فيه الخير و ييسر امورها و خليها تكثر من الدعاء و تصلي الاستخارة

 

[سكوتي بذوقي]

من حقها تعرف كل شي

بعدهم على البر

الله يهديه

 

[عاشت بلادي]

بخصوص التويتر عادي يضيفونه بنات مايعرفهم بس اهم شي ان لايضيف بنات ضايفينه لانه بيكون بينهم رسائل خاص
اما عالبي بي والوتساب البنات يفيدونج

 

[OM-TURKY]

واااااي الرياييل مو مال زواااج !! استغفر الله ياخي تبي تتزوج اترك عنك هالسوالف بس لي متى جذب ولف ودوران وانا مالومها اذا عصبت !! اشكره يجذب وخاش عنها سوالف !!

انا لو منها احط النقط عالحروف واذا استمرت سوالفه افل الخطبه !! اشحادني ؟؟ ماكو بهالبلد الا هالولد؟؟ اهم شي سعادتي وراحتي او هذا زواج مو لعبه ..

الله يوفقها ان شاءالله وخليها تستخيييييير

 

[ضحكتي ماركة ]

لاحول ولاقوة الا بالله

 

[عسل سل]

خل توواااجهه هذا من الحين جذي!!!!
وشكو ومعطيها بلووووووك خل تواجهه تكسر عينه
ماينفع معاهم الا جذي انا لو مكانها انجلط شكو بلوك معطيني!!!!! وغيري لا هذا الدليل اني مو مهمه <هذا رايي بصراحه واهي كيفها بس خل تقرا ردودنا
والله يعينها بس صراحه شي ماينسكت عنه والله احتريت

 

[ـــــParisـــــ]

ــــــــــــــــــــــــــــــــــــــــــــــــــ ــــــــــــ

آنا استغرب من اللي تقول
شحقا تنبش من وراه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
ها عيل اتظل على عماها أحسن
و إلا تنطر لين تتزوجا بعدين
تسأل إذا الرييال مضبوط أو لأ
....
لا حبي مدام هذا أولها ينعاف
تاليها
من أولها جذب
واختج مو طايحا بجبد نفسها
باجر يستانس عليها على أبو
انها تطوف له
خل يضبط نفسا من الحين



ـــــــــــ
..

 

[SWiiiRZ]

انا من ناحيتي اذا كان ابو الولد زين معاي اكلمه

 

[منال $]

والله مدري ايش اقوووووووووول

 

[sh_mashael]

عادي خليها اتواجها
و ماراح يقدر ينكر
هههههههههه

 

[popa]

تواجهه طبعا

 

[Senora]

هل فعلا اهوا لعوووب ... او من كثر ما شافها تشك وتتحقق باشياء تافهه ... قام يعاند وينكر ... اذا بالبدايه جذي معوره قلبها وتفكرررر .... بعد الزواج شبتسوي (اذا فعلا هو انسان سيء) والزوج ما يتحمل اللي تشك وايد وتحقق معااااه بتنقلب السالفه عليها

 

[دندونه@@@]

والله ماله داعي تشغل بالها بشي تافه
منو من الشباب والا البنات ما عندهم بلاك بيري والا ايفون وسوالف الشباب مع البنات لابد منها وهي بذكاءها تقدر تتخلص من هالسالفه المنتشره بين الشباب بدون لا تنفر زوجها منها لان بضغطها عليه وشغل المخابرات والاستخبارات السريه والتحقيق تخليه يزيد ويصر على الحاله اللي هو عليها واذا اليوم يراعي خاطرها باجر بكل بساطه يحقرها ويهبب جدامها بدون حيا ولا مستحى

اما التويتر طبيعي تصير متابعه من بنات وشباب وهذا ما يعني ان في علاقه خاصه لان احيانا يعجبج طرح الشخص بغض النظر عن جنسه

انصحي اختج تسيطر على غيرتها الزايده لان مافي رجال مغمض هالايام المجتمع صار متفتح الشباب يعرفون بنات والعكس لكن هذا ما يعني ان في علاقات خاصه ولو يحب الخرابيط وسوالف البنات صدقيني ما راح يتزوج وييصك على روحه طريق يستمتع فيه

واخيرا اقولج ان صعب صعب صعب تلقين زوج كامل المواصفات خالي من السوالف مع البنات لانه شر لابد منه لكن هني يجي دور الزوجه الذكيه اللي تخلي زوجها يستغني عن كل البنات ولا يشوف غيرها

والله يوفق الجميييييع:yaaaaaarb:

 

[petita]

انا مابي اخرب بيتها بس اذا هذا اولها ينعاف تاليه دامها للحين مخطوبه خل تكنسل كل شي
لانه لو ما عنده شي ما كان خش البي بي اكيد عنده شي و خاشه عنها و بعدين شل حكمه من انه يعطيها بلوك بالفون ماله ؟
البلزك مراح يمنعها انها تشوف نكاته تره يبين عندها
البلوك عشان اي شي تكتبله ما يوصله

مادري شل حركه هذي

وايد شباب عندهم خرابيط قبل الزواج بس يتزوج يغير كل شي و يعدل طريجه
بس شكله خطيبها يبي يظل على نقس الطريج والدليل انه قاعد يجذب بشي تافه
مافيها شي لو قالها عندي بيبي الكل عنده البي بي الحين
الله يسامحه و يهديه يارب
خل تصلي استخاره و تشوف شنو ترتاحله
يا انها تتحمل و تكمل المشوار معاه و اهي من نفسها تعدله و تغيره
او انها تبتعد و تخلي عايش حياته الفاسده بروحه و اهي انشاءالله الله يرزقها بالي يستاهلها

 

[petita]

مادري ليش تقولون لها لا تشك و لا تنبش و عادي عنده بي بي حق ربعه
واذا عنده بي بي حق ربعه ؟ شل مانع انه يضيفها فيه ؟ ولا ليش يقول ما عندي؟
بتقولون بيدز سوالف شباب و مايبي يدزلها يقدر يسولها ان مارك و وما يدز
بنات لا تقولون تو الناس لما تصيرين زوجته حقيقي معاه
انا مره يالي واحد قبل ريلي و سويت سيرج بالتوتير مشااااااااااااءالله عليييييييييييييييه
قمت المصخره
كللللللللللللله بنات و سواااااااااااالف و بوسات
والله بيفضحه لقيت بيكتبلها بالخاص ولا الاثول ما انتبه كاتبه بالعام بعدها بدقيقتين مسح الكلام
ولا كاتبلها شحلاتج وين بتروحين اليوم ؟
علاااااااا طوووووووووول دليت للعلم ترا كان ياي و شايفني و اول ما طلع من البيت قاال حق امه ابيها
و دكتووور و عايله معروووووووووووووفه حييل و بيتهم بالضاحيه
بس انا ما اشتري كل هذا
انا اشتري ريال يقدرني و يحبني
المظاهر ماراح تفيدني بعدين

االريال لما يا و خطب مفروظ يخلي خياسه كله ورا ظهره
دامك خطبت خلاص مايصير تظل على نفس الطريج

 

[* ليــــدي *]

تنسحب آو توآجها