بكـــل بساطــه لاعت جبدي ابي اعيش مثل ما الحريم عايشات !! حرام يعني ؟؟

[Tejan]

عادي قوليله .. انا وحده اقول حق زوجي لان الرياييل ساعات ما ينتبهون
اقوله حبي جنك معرق لا تطلع جذي او اقول قطوتي يبيلها شور <-- حده يستحي و يوسوس عقبها كل ساعة يشم عمره
عادي لا تخلينه موضوع كبير ..

و شيئ ثاني ترى في ناس عنده مرض مهما يتسبحون و يتعطرون سبحان الله الجسم نفسه يطلع ريحه مو حلوة
في هالحاله لازم يروح طبيب غدد و على اللي اعرفه ان في ابره يغزونها للغده يعني الموضوع ابدا مو صعب

و عسى الله يوفقكم و يجمع بينكم بالخير

 

[الأميرة جوري]

حرام تتعبين والمشكله وحلها بايدج قوووووووليله عادي بس بطريقه زينه وشوفي ردت فعله

 

[نور الكوثر]

جربتي تسوين شغلات احم احم يعني مساج بالحمام وتدليك وتفرك اذا سويتيله جذي يمكن يعشق الحمام لانج انتي بدشين معاه وتفركينه

 

[الحب لك وحدك..]

روحي تحبه غصب كلامها صح 100% انا معاها لاتدخلين احد بالموضووع

 

[JaDeL]

الله يعينج حبيبتي

 

[lovely jojo]

امبيه مو صج في جذي ؟؟
صارحيه حبيبتي

 

[ســكره ورديه]

عاد الرجال اذا طلعت منهم ريحه تطلع بأماااااااااااااااااااااانه اففففففففف اذكر اخو صديقتي على انه صغير كان يلعب كوره ويرجع اوووووووووف ياريحه

بس انتي حبوبه لو هي منك الريحه صدقيني مايسكت قولي له مثل ماانا اتجمل لك واجب عليك انك تسوي المثل يعني صعبه عليك حبوبه اذا طلع وشموه الناس ترالعالم ماترحم يقولون زوجته مهمله ولا متزوج وريحته خايسه اكيد من الزوجه

انتي كلميه قولي حبيبي من حقي اشوفك اجمل الناس ادخل نادي رياضي عشان صحتك قبل كل شي
وهالكرشه شكلها غلط عليك

وعلى الريحه مثل ماذكرت لك فوق وترا سمعت فيه مشروبات سبحان الله تخلي افرازات الجسم برايحه طيبه اتوقع انها الليمون مع اليانسون على مااظن مااذكرها بس انتي سوي لها بحث وشربيه كل يوم

واذا هو رجال ماتعدل عاد كلميه بالقوه يعني صعبه هذي حياه بتتوقف بسبب اهماله بنظافته الشخصيه قولي له هذا الشي جالس ينفرني منك شوي شوي تعدل يااخي>>عصبت :bbbiu:

والله يعينك :yaaaaaarb:

 

[هجووورة]

والله انا بقولج عصارة خبرة شفتها عند وحده عزيزه علي
كان زوجها من هالنوع والبنت فوق الطيبه يتيمة يعني غصب طيب لازم ترضى فيه يييب الماحي بمعنى الكلمه
قامت على شوي شوي يافلان الماي اليوم اشحلاته قوم اسبح طااااااف يسوونها ياخذ يومين ماتسبح طااااف
المهم ما ييأس ضلت تحن وتييب من هالبودرة وتحط معها شبه وفوق هذا اهيا فيها دين تدعي بالهدايه
وذاك اليوم دش جارهم الدوانيه كان يقول من غير شعور واااااااااي ريحة صنان ماينقعد في هالدونيه
ومن يومها تغير كل ماطلع تسبح اذا برووح مشوار تسبح والبودرة صارت اهم من الماي عنده
يعني ريلج يبي صبر شجعيه وتقوي بالكلام مثل فلان ذاك اليوم المكان اللي انت فيه كله ريحتك مو حلوه بحقك وترا الملايكة تنفر من الريحة الشينه
اذا بغيتوا شي قوليله بدلع عفيه تسبح وحط هذا
والله وياج

 

[فوفه 82]

رد : بكـــل بساطــه لاعت جبدي ابي اعيش مثل ما الحريم عايشات !! حرام يعني ؟؟

غريبه يعني اشلون يصلي؟

 

[^^المهره^^]

واي الله يعينج الموقف وايد محرج والله
حطيت نفسي مكانج صراح هماعرفت شلون اتصرف
اقتراحات البنات وايد
شوفي اللي يناسب شخصيتج و سويه

 

[غلاتي غلا]

كلميه ماضن فيها شي ابد
صج انه موضوع حساس شوي بس شي ماينسكت عنه
اذا منتي قادره تقولين له اكتبي له رساله مسج اي شي بس لاتسكتين

 

[أو عبوش]

انا اقول عيب تدخلفين احد بخصوصياتكم
دخليه الحمام وفركيه تفرك وعقبها حطي له البدي مست والديودرنت وبودره
وقوليله ابي كل ماتتسبح تسوي جذي عشان تكون نظيف وريحتك حلووه ياقلبي

 

[((shoOoshoOo))]

صارحيه !
قووليه الفتره الاخيره .. امبيه والله احسها صعبه

انزين قووليله فلااااان شفيك متغير قبل تتسبح يوميا والحين لأ اخاف كبرت .. يعني بضحك قوووليهاا

 

[أمواج^الكويت]

رد : بكـــل بساطــه لاعت جبدي ابي اعيش مثل ما الحريم عايشات !! حرام يعني ؟؟

الله يعينج والله عاد مشكلة سالفة الريحة .. أنا بالنساة المسكين مع إن مافيه ريحه بس مكرهته نفسه فما بالج إنتي اللي الريحه صاكه بخشمج 24 ساعة .. الله يكون بعونج حبيبتي
بس هم لازم تعودينه على إن ياخذ شاور كل يوم الصبح قبل لايروح دوامه علشان يصير هالشي بالنسبة له طبيعي ولا تتقبلين إن يقرب منج إلا إذا دخل الحمام وفرك عمره وتعطر .. أهوه ماشاف منج ردة فعل قوية علشان جذي الموضوع بالنسبة له عادي ..

اخذي موقف صارم منه عل وعسى يتأثر وتصير السباحة شي مهم بحياته

وانتبهي >> كلش لاتدخلين طرف ثالث بالموضوع ولا حتى تسولفين حق امج وخواتج وتييبين طاري لأهلج عن هالشغله علشان لايطيح من عينهم ..

الله يهديه إنشالله .. وبشرينا شنو يصير وياج

 

[كيم كارداشيان]

بالاضافة لطرق البنات


شو رايج انتي تسبحينه ؟؟

دخليه الحمام وفركيه .. على أساس مسويه له الحمام الكبير

هاتي أمواس وخليه يحلق الشعر <<< الروايح تتكود من الشعر

ودايما انتظره عند باب الحمام بالديو درنت والباودر

وبخصوص الرياضة .. فهميه انه يوم كان رشيق كنتي تستمتعين معاه أكثر بالاحم احم .. بيركض يسوي رياضة

 

[فانتا ستروبري]

بكل بســـــــــــــــــــــاطه وبكل سهوله
خلج ذكيه
زهبيله حمام وحطي ورد وشموع وفناتق ومعطرات
وسويله جو رومانسي عساس يحط اباله انها مجرد جوله رومانسيه
وسبحيه وفركيه وعطريه
وقوليله يا سلام شهالريحه وتلصقي فيه وقوليله كل يوم بسبحك بهالشور جل او ابيك كل يوم تغسل جسمك فيه
ولا تقولين لاخته او لاحد ترى فشله ومو حلوه بحقج ولا بحقه

مثل كلامها

والله يوفقج يارب ​

 

[رحيل المرافيء]

رد : بكـــل بساطــه لاعت جبدي ابي اعيش مثل ما الحريم عايشات !! حرام يعني ؟؟

انا اقوول صارحيه
قوليله يافلان بقولك شي بس لاتزعل مني
انت فيك ريحة مو طبيعية
ليش ماتتسبح تتعطر وكيت وكيت وقوليله عن الوزن الزايد صراحة حاولت اسكت بس مو قادرة اخااف اكرهك
وعشان ما ابي اخسرك قلت لك لاتفهمني غلط ولاتزعل
بعدين هو فيه ريحة ولا مايتسبح؟؟؟ فيه ناس طبيعة جسمهم جذيه حتى لو تنظفوا وتسبحوا

 

[نشيج الروح]

حبيبتي أول شي هذي مشكلة ممكن تنفرج من زوجج بس ما تخليج تكرهينه ....

أما عن الريحة قعدي معاه قعده ومدحي فيه ليما يقول بس بعدين قولي له بقولج شغله وعبري فيها عن رايج ... وأبيك تكون جذي ... وشنو النظافة بالاسلام ... وليش النظافة ... وشنو موقفه و .......إلخ

بعدين قولي الحمد لله على كل حال ... ممكن البنات يقولون عن العطور وسوالف الروايح بس ما يقولون مشاكلهم ... ومشكلتج أبسط بوااايد من مشاكل غيرج .. فهونيها تهون*

 

[ديانا سبنسر]

لو تحبينه صج جان قدرتي تغيرينه واحس وايد مبالغة بالموضوع جربي تسبحين معاه انتي تلبسينه انتي تعطرينه هو ريال ودفش انتي وين لمساتج كانثى اسفة اذا كان كلامي قاسي

 

[أوكسجين]

صدقيني وايد رياييل قبل الزواج لبسهم عفسه مايتعطرون ومايهتمون بشكلهم(لانه عادي عندهم)
وتلاقينهم بعد العرس تسنعوا وكله بفضل المره واسلوبها في تغير الريال
مولازم تقولين له البس دشداشه ثانيه عشانها معفسه(انتي بدلي الدشداشه وحطي له النظيفه المبخرة والمعطره)
ملابسه الداخليه بعد ماتغسلينهم عطريهم وحطيهم بالكبت
واشتري له عطر هديه وقولي له احب ريحته عليك وانت لامني (قوليها بدلع وحيا وصدقيني تلاقينه دايما يتعطر )
ودايما جهزيله الحمام اول مايدخل (شموع وروايح معطره وعبي البانيو ماي وحطي رغوه معطره ولبسي مايوهات او شورتات)
(يمكن الريال مايشم وماعنده حاسة الشم)

انتي تقدرين تغيرينه من غير ماتجرحينه
وخليج حنونه معاه بالكلمه الطيبه

معاها