بكشف لكم الاسرار الي تميزني عن غيري

[البسمه العذبه]

رد : بكشف لكم الاســـــــــــــــرار اللي تمــيزني عـــــــــــــــتن غــــــــــــــ

وينج ياراعيه الموضوع .......... شوارفسكيه لالالالا قطيتينا علي صخر لالالالازم تتابعين معانا

 

[&موناليزا&]

رد : بكشف لكم الاســـــــــــــــرار اللي تمــيزني عـــــــــــــــتن غــــــــــــــ

رفع

 

[تفداج روحي]

رد : بكشف لكم الاســـــــــــــــرار اللي تمــيزني عـــــــــــــــتن غــــــــــــــ

انا انا انا بقوووول الللي يميزني


من زمان بخاطري اشارك بالموضوع بس احس كلللل شي عادي الطور والميك اب وهالسوالف


بس اللي يميزني ابتسامتي طبعا الحمدلله ما تفارقني يمكن لاني قنوووعه ويمكن لان قلبي طيب حتى لو ازعل ارضى بسرعه


واللي يمزني اني دايما جاهزه حق الطوارئ يعني ممكن مايخطر على بالكم ان هالحزه ممكن تحصلون هالشي بس عندي كل شي موجود وبأي مكان دايما معاي كلللل احتياجات الطوارئ

تبين مقص عندي
تبين ابره وخيط عندي
تبين بلاستر عندي
تبين كوتكس عندي طبعا بنات الجامعه عارفيني ودالين الطري حق اي طارئ لوووول

تبين بندول والا ستربسلز مال البلاعيم والا معقم جروح والا كريم الحروق والا كثرتي اكل وحاسه بلوعه وتخمه عندي الحل اينو يريحج


تبين شنو بس قوليلي مبرد ومقراضه اظافر عندي



توهقتي وتوصخت هدومج عندي احسسسسسسسسن كلينكس رطب دييييتووووووووووول وحده بوحده

لووووول اكثر شي يطلبونه مني ورقه وقلم وحبيب الكل كووووووتييييييكس

تصدقون من كثر الشغلات اللي حاطتها مادري شنو عندي بعد

 

[تفداج روحي]

رد : بكشف لكم الاســـــــــــــــرار اللي تمــيزني عـــــــــــــــتن غــــــــــــــ

اي اي وعندي الله يسلمكم

تبون فرشه ومعجووون حاااطه احتياط

تبون مشط وشباصات وماشات وجلاليب عندي الوان واشكال طبعا بنت اختي اكثر وحده مستفيده

 

[أثورة]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

روووووووعه
يعطيكم العافية
لي عوودة

 

[دلوعة ريلها]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

انا بصراحة متابعة الموضوع من البداية واااايد حلو ويشجع اني اكتب مع اني ما اكتب ردود في المنتدى وايد
مبدعات يا الكويتيات ما شاالله تبارك الرحمن ... استفدت منكم وايد وبحاول افيدكم....
اللي يميزني ...
1. متفوقة في دراستي من أولى ابتدائي لي الجامعة والحين الحمد لله متفوقة ومبدعة في شغلي بعد.
2. ستايلي باللبس جدا محتشم وعالموضة دايما والكل يسألني عن لبسي ( مع اني والله العظيم حتى لو أشوف قطعة حلوة عند المحاميد آخذها يعني بصراحة ما يهمني اذا القطعة غالية ولا لأ المهم الذووووووق )
3. شقتي مع انها صغيرة وبسيطة بس مبدعة بالديكور وكله شغلي وافكاري ( والله يا بنات مع ان حمولتي اهل خير واااايد ويقطون هالفلوس قط عالماركات والاثاث اللي من برا ... يستغربون من ترتيبي ونظافة بيتي وبناتي )
4. طباخي الحمد لله وبشهادة الجميع ابداااااع وما أزور احد الا ماخذه وياي صحن حلو وصحن مالح وطبعا دلة الشاي والقهوة وعلى فكرة بقولكم على طريقتي في عمل الشاي والقهوة اللي صج الكل يألني عنها وبكل قعدة ينطرون اييبلهم الشاي والقهوة.
5. بعد الزواج مادري ليش صرت نباتية من غير قصد أسوي ملة عودة سلطة كل شي تتخيلينه سويته سلطة عودت ريلي وبنتي عالسلطة والشوربات كأساس للوجبة .... واذا شفت متابعة وردود حلوة منكم بقولكم على انواع السلطة اللي سويتها وبدعت فيها.
6. لبس بناتي من ولادتهم واستقبالهم ليما الحين ابداع مع انه فعلا بسيط واللي موجود بالسوق بس باضافات بسيطة اخليهم متميزين عن اليهال
7. طريقة عنايتي بنفسي ....
* ما اسبح الا انا حاطة شي على شعري ( كريم براشوت الذهبي - زيت دابر املا الذهبي مع حلبة مطحونة - روب وبيض وجرجير ومايونيز - خلطة زيوت انا مسويتها .. وانتي ماشية)
* اغسل شعري بشامبو Vitchy طبي وصج عجيب مع الكوندشينر ماله من الصيدلية فعلا فعلا حلو
*جسمي اغسله أول شي بشاور جل لايف بوي علشان اتخلص من البكتيريا 100% واذا ما كان عندي استخدم منتجات Tree Oil صج عجيبة وطبية وريحتها فعلا منعشة استخدمها لي ولبناتي (شامبو وشور جل ومرطب بعد عجيب جربوهم وادعولي لا تحاتين حساسية ولا جفاف ولا تساقط وفعلا عن تجربة)
* اسوي سنفرة لجسمي من بودي شوب او كاب او سنفرة المشمش العادية وساعات الصابونية فعلا روعة شوية عليها لان سر الجمال يا بنات وعن تجربة هو السنفرة حتى اوبرا بحلقتها امس استضافة اخصائية تجميل مشاهير النجوم لما اسالتها شنو سر النضارة الدائم قالت السنفرة حتى الكريمات اللي تسخدمينها مفعولها يصير احلى اذا تعودتي عالسنفرة ، بعد السنفرة اغسل جسمي عادي وبعدين استخدم شاور جل اللي ايي مع العطور وياكثرهم ...
*انشف جسمي عدل مدل وادهن بطني واردافي بكريم التشققات وكريم التنحيف من Vitchy بعد لان صارلي خمس شهور والدة ضعفت وايد بس بستمر عليهم حلوين ليش ما كمل
* احط على شعري تونيك سورسير عالفروة وعلى الاطراف والفروة بعد تونيك ذيل الحصان والفه بالفوطة واخلي ينشف براحته
* بعد ما اخلص جسمي وشعري نيي الحين للويه اغسل ويهي بغسول Vitchy وبعدين ارش عليه رذاذ ماي معقم من Vitchy واخليه لمن ينشف بروحة ووقتها البس ملابسي ولا الروب واسنفر ويهي مرتين الى ثلاث مرات بالاسبوع واحط الماسك واطلع اخليه ربع ساعة واغسله وارش ويهي بماي ورد وبعدين المرطب بعد من .....Vitchy :
سوووووووري بنات اكمل بعدين انا بالدوام الحين وعندي اجتماع بعد ساعة لازم ازهب شغلي ... اكمل الباجي بعدين وابي ردودكم الحلوة واعذروني توني عليمية بالمنتدى ... القاكم على خير

 

[تالا_الحلوة]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

عنجد موضوع بيعئد


ثانكيو شوارفسكية حبيبتي


انا اللي دايما بيميزني دايما بيسألوني عن ملابس بنتي من وين بجيبها واللي بيميزني لما احط كحل أزرق جوا عيوني (طبعا الماركة مكياجي) كتير كتير حلوة نصيحة جربوها في منا قلم تخين وفي منا قلم ضعيف والتنتين حلوين
واللي بيميزني لون عيوني لأنهم فاتحين لونهم عسلي فاتح طبيعي فدايما بيفكروني لابسة عدسات وووووووووووبس

دلوعة ريلها بليز حطيلنا طريقة القهوة والشاي ؟

 

[•°أنـــفْــِـاسِ اَلِــــوُرَدِ°•]

رد : بكشف لكم الاســـــــــــــــرار اللي تمــيزني عـــــــــــــــتن غــــــــــــــ

موضوع متميز شوشو ,’
الله يعطيك العافيه والله يجزاك خير يارب ,’

 

[المخملية]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

وين اللقــاهأ ماركة vitch بالصيدلية أو الأسوآآق؟؟
وشنو أحسن منتجاتهم ..؟
وكريم التنحيف حلوو ؟ يعني أهو اللي نحفج أو مسويه ريجيم وياهـ ؟؟:eh_s(22):

 

[دلوعة ريلها]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

حبيبتي تالا الحلوة ( أم عيون عسلية) طريقة الشاي اهي كالآتي:
أولا المكونات ( ماي حار - شاي الربيع اكسبرس عدد ثلاث مغلفات - حبق سعودي- شوية ماي ورد - عدد أربع حبات هيل صحيح ) وبس )) حطيهم في مطارة الشاي وتتهنين فيه وبالعافية.
طريقة القهوة العربية طبعاً ... ( المكونات: بن محوج ويفضل من محل الصباح - ماي مغلي - ثلاث حبات مسمار - ماي ورد - زعفران- هيل صحيح عدد أربع حبات- خلطة السبع حوايج وتلقونها في محلات التمور بالشويخ ) أول شي احط خمس ملاعق قهوة في الغوري مع الماي المغلي واخليهم يغلون على نار حامية أول غلوة وبعدين اخفف النار عليها واخليها تطبخ عالجولة مدة عشرين دقيقة عالاقل وبعدين اجهز دلة القهوة واحط فيها باجي المكونات اللي ذكرتها واشخل القهوة وبس راح تذوقين احلى قهوة وادعيلي كل ما تقدمينها ويا الحلو واتحداكم اذا مافي احد سالكم عن قهوتج وشايج وعليكم بالف عافية يارب

وحبيبتي المخملية ... ماركة Vitchy تلاقينها بالصيدليات فعلا عجيبة مع الاستمرارية وتقدرين تلاقينها بالافنيوز بعد حاطيلهم محل عود في نص المجمع يفحص البشرة ويقولج مشاكلها وكل شي عندهم منتجات البشرة والجسم والشعر بعد وتتهنين يارب.
أما سؤالج عن كريم التنحيف وايد حلو وكريم Strech Marks مع الاستمرارية عجيب بس انا اصلا عودي ضعيف يعني الحمدلله بعد ولادتي ارجع على جسمي ووزني قبل لا احمل بس مشكلتي كرشة الولادة اللي تبط الجبد بصراحة بولادتي الاولى كانت موحلوة اما الحين بعد ولادتي الثانية الكل يسألني مسوية رجيم وانا حشى عمري مافكرت بشي اسمه رجيم بس نصيييييييحة لكل البنات عليج بشغل البيت والحركة ولاتصيرين ربادية حتى لوعندج خدامة فعلا رياضة تخفف الوزن انا هذا سري ( شغل البيت) عمري ما اتكلت على خدامة كل شي بيدي والحمد لله على العافية ( قولوووووا ماشاالله )

بنات بقولكم عن سر استخدمته وابهرتني نتايجه راح اقولكم اياه بس امانة كل من تقراه تدعيلي اييب توم صبيان معافين تامين الخلق والخلقة

شغلة عجيبة كترطيب ورونق للبشرة وطبية 100% لا تحاتين ولا تخافين من استخدامها وسعرها همن وايد معقول مقارنة بالكريمات اللي نشتريها من الماركات العالمية وتتفاجئين ان مفعولها عادي
كريم الترطيب هذا اسمه Mustella اهو كريم خاص للبيبيات يعني مامنه مضرة دام استخدموه للاطفال ، انا بنتي الكتكوتة ( شروفه ) اول ما نولدت بويها مثل الاكزيما الخفيفة بصراحة ماكان ودي اعابل فيها بكريمات فيها كورتيزون وخرابيط واضرها اكثر مما انفعها الحمد لله وتبارك الرحمن مرتين بس حطيته لها واقسم بالله العظيم يابنات اللي كان عبالي اكزيما تقشر واختفي واحمد ربي واشكره ولاجنه موجود الحين بس استخدمه لها للحماية والترطيب ... لما شفت نتايجه الحلوة صرت استخدمه لي ولبنتي الكبيرة بعد فعلا فعلا عجيب ويعطيج ترطيب طول اليوم نصيحتي استخدمية قبل الميك وللدوام قبل الحماية شوفوا نتيجيته وادعولي وعن تجربة وفيه عندهم كل المنتجات الخاصة بالبشرة والشعر... على فكرة تلاقونه بالصيدليات وسعره سبع دنانير وشي أما كريم الترطيب الثاني اهو أولوفيرا جل سويت ليزر وقالولي استخدمة ثلاث ايام وبس فقلت حسافة عليه دامه طبي اكيد له استخدامات ثانية فصرت استخدمه كترطيب للويه عجيب وتشربه البشرة بسرعة واذا تخافون سالوا الدكتور اللي بالصيدلية وحزتها ادعولي وسعره 6.150 بس!
بشوف تفاعلكم واكمل مسيرة تميزي ..... ( حدي واثقة )

 

[تالا_الحلوة]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

شكرا دلوعة ريلها على الرد حبيبتي



ثانكس

 

[دلوعة ريلها]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

حبيبتي تالا قولولي خل استفيد منج من وين تجيبين ملابس بنوتك الله يحفظها ..

 

[alreem]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

مشكور دلوعة ريها

يالله بناااات



لا يوقف

لايوقف

 

[زوجي توأم روحي]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

الموضوووع روعة

أنا اللى يميزنى أكثر شئ كحلى لانه سواده فاااااااااااااحم حيل حيل وكل ما أروح أى مكان يسألونى عنه
اهوا كحل هندى اسمه ( kajal ) اوصى وحده هندية اتييبه لى من الهند رووووووووووعة وبارد على العين

ثانى شئ يميزنى نعومة جسمى والسر بكريم زبدة الكاكاو من نيفيا

ثالث شئ يميزنى ميلك شيك الفانيليا وأسويه على الطريقة التالية :

بالخلاط
2 حليب كى دىدى فانيليا
2 أيس كريم فانيليا كى دى دى القواطى الصغار
4 بسكوتات اوريو
وذوقى زوجج أحلللللللللللللللى ميلك شيك

وكل ما ذكرت شئ بحطه لكم

حاضرين للطيبين

 

[دلوعة ريلها]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

مادري اشفيه الموضوع طفت ناره يالله يابنات همتكم بالردود الحلوة ... نبي تشجيع وتواصل
حبيبتي alreem حياج وتستاهلون يابنات المنتدى

 

[اسيرة زوجها]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

موضوعج عجيييييييييييييييييييييييييييييييييييييب

 

[ماكنتوشه بنفسجيه 12]

رد : بكشف لكم الاســـــــــــــــرار اللي تمــيزني عـــــــــــــــتن غــــــــــــــ

مشكوره حبيبتي


سبحان الله وبحمده


سبحان الله العظيم

 

[صوت المطر؟]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

تسلمين شوارفسكيه عالموضوع الحلو
مشاءالله دايم مواضيعج وردودج مميزه وتلفتين انتباهي .....

اول مره اشارك بموضوع لج....

اقولج شنو يميزني عند زوجي...

احب لما يقوم من النوم ويروح يغسل وجهه علي مايرد الغرفه إلا انا اكون بسرعه شغلت الفواحه

ورتبت الفراش واجهز على طاولته الشاي بالحليب وعلبة زقايره ولاعته الريموت وتليفونه وقلاس ماي

ما اخليله مجال يطلب شي يلقى كل شي يمه قبل لايطلبه (اهو مايحب ياكل اول مايقعد عشان جذيه بس احطله شاي بالحليب)

طبعاً قبل كل هذا انا اكون حاطه ميك آب خفيف يعني مسكره قلوس

ولما يطلع من البيت حق دامه لازم مسج حلو صباحي

واحب بعد لما يجي البت تكون ريتحه حلوه ومسويته بروش كله(طباعً البروش تخصص الخدامه) حتى القناه اللي يحب يشوفها اكون حاطه الــtv عليها

طبعا انا قبل هذي الشغلات كلها اكون مضبطه نفسي عشان كل يوم افتح نفسه

انا اشوف ان هالشغلات تميزني


اتمنى اكون فدتكم....

لي عـــوده,,,,,​

 

[صاحبة الجلاله]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

ليميزني عن غيري الثقه بالنفس عاليه جدا:flower:
احب نفسي وايد وايد وايد يمكن انانيه بس شسوي طبعي جذي :23_asmilies-com:
احب البس والاناقه وما احب احرم نفسي من شي مهما يكون :eh_s(9):

 

[حصووونه]

رد: بكشف لكم الاســـــــــــــــرار اللي تمــيزني عـــــــــــــــتن غـــــــــــــــ

عليكم بالعافيه
والله يزيدكم تميز يارب