بكريه وما عندي خبره

[الا انــــــا]

السلام عليكم يا احلى كروشات

شلونكم؟؟؟


هذي اول مره اكتب فيها موضوع بس اتمنى استفيد من خبراتكم

انا بكريه وما عندي خبره ابد وما عندي خوات كبار اسئلهم

انا الحين بالاسبوع الرابع والثلاثين يعني تقريبا بقي كم يوم واخلص الثامن بس امس جاني عوار نفس الم الدوره بس على خفيف يعني نفس التقلصات بأسفل البطن هذا الشي طبيعي والا لازم ارجع دكتورتي



ولكم كل شكري مقدما:fun:​

 

[ام طلال]

رد : بكريه وما عندي خبره

حبيبتي اذا الانقباضات متكرره روحي لدكتورتج احسن

 

[غنوة ستايل]

اذا تكررت معاج اكيد لازم تروحين للطبيب .
عادي ياقلبي لا تخافين كلنا معاج

 

[الا انــــــا]

رد: رد : بكريه وما عندي خبره

حبيبتي اذا الانقباضات متكرره روحي لدكتورتج احسن

لا يا قلبي اهي مو متكرره يعني بس امس بالليل بعدها ما حسيت بشي حتى اليوم ما حسيت فيها كلش

 

[الا انــــــا]

اذا تكررت معاج اكيد لازم تروحين للطبيب .
عادي ياقلبي لا تخافين كلنا معاج

الله يهون عليج ياعسوله ويوسع لك دنيا واخره والله ما حطيت الموضوع الا لان حسيت ان البنات على قلب واحد وينصوحون بعض كانهم خوات واكثر

يعني افهم انها عادي بس اذا تكررت شي مو طبيعي لان انا كنت فاهمه انه عادي يعني مقدمات لان قالو لي ان البيبي بيحاول يسوي طريق عشان يطلع بعدين بالتاسع

 

[حرم يوسف بيك]

رد : بكريه وما عندي خبره

لا تخافين شي طبيعي ان اتيج هاذي التقلصات يسمونها تجاديم مثل الطلوق الخفيفه وحطي نفس هالطلوق دبلات هذيً الولادة الصجيه خخخخخخ الله يسهل عليج يارب

 

[بـاسي قــوي]

رد : بكريه وما عندي خبره

عادي حبيبتي اذا الالم مو قوي و مو متكرر

 

[غير كل الملآ]

عااادي حبيبتي هذي سبحان الله تهيئه لج وللبيبي عشان الولاده واذا العوار ما كان كل نص ساعه عادي واذا تقدرين تتحملينه عااادي الله يهون عليج يارب

 

[_Pure_]

هذي تجاديم الولاده ان شاءالله
الرحم ينفتح شوي شوي بس مو طلق

الطلق يصير متكرر و يزيد مع الوقت

العوار هذا عادي ان شاء الله

 

[ملكه الحطب]

الله يسهل عليج ياااااااااااااااارب

 

[نواره 22]

الله يهون عليييج وعلي ويسهل علينا وكله سهلات من رب العالمين

 

[الزيـــــن]

رد : بكريه وما عندي خبره

اختي هذي تقلصات عاديه تصير من الشهر السابع بس مو دايم لانها تهيء الرحم للولاده ولان الرحم قاعد يتمدد لان البيبي بدا يكبر

بس اذا استمرت مع عوار لا يحتمل روحي الطبيب لا تسكتين على عمرج

وماتشوفين شر والله يهون علينااااا

 

[حرم_طيار]

رد : بكريه وما عندي خبره

هذي تجاديم

الله يهون عليج ان شألله

 

[shrouq]

رد : بكريه وما عندي خبره

الله يهووون عليييييييييج حبيبتي ويفرحج بضناج بين ايدينج بصحه وعافيه

 

[خبيرة اعشاب]

رد : بكريه وما عندي خبره

لا عادي حبيبتي العوار اصلا شي طبيعي بنهاية الثامن لان الرحم يكون ضيق على الجنين

 

[دآنة آلرشآيده]

الله يهون عليج يارب
انا مثلج بجر ماعندي فكرهـ

 

[دلولي]

حبيبتي اذا رجعت عليك شوفي الطبيب احسن لك

 

[كـ غلا ــلي]

اذا كانت انقباضاتج متكرره ومنتظمه لازم تراجعين دكتورتج لانها من علامات المولاده

 

[twinsmam]

حبيبتي هذي تجاديم و الله يسهل عليج انشالله

 

[.،:"$الـعـوبــــة$":،.]

مثل ماقالولك البنات ،
اذا العوار مومستمر ومو منتظم ، معناته هذي التساليف ،،
أما إذا كانت منتظمة أو نزل منك إفرازات لأ لازم تراجعين المستشفى أحسن وأضمن ،،
وعسى الله يهون عليك إنشالله ،،​