بكريه وخايفه :(

[جميله29]

السلام عليكم



انا الحين حامل بشهري الثامن وكثير افكر بالولاده ومتاعبها لدرجه اني مقرره اخذ ابرة ظهر
بس انا بولد بمستشفى حكومي واخاف ماعندهم ابرة ظهر
اخاف بس بالمستشفيات الخاصه


ادعوا لي :eh_s(17):

 

[ناتشوو]

المستشفيات الحكومية بالكويت
في ابرة ظهر
بس ماجربتهم

 

[Jannat]

حبيبتي الله يهون علينا وعلي وعلى كل الحوامل ب حتى المستشفيات الحكوميةفيها ابرة ضهر

 

[latkt7as]

حبيبتي الولاده سهاله من الله

وسبحان الله من تولدين يمسح الله على قلبج


ولا ماجان شفتي بعض الحريم عندهم 10 عيال

 

[latkt7as]

بس بعطيج نصيحه اذا مانفعتج ماتضرج

سوي سيرج عن ادعيه الولاده وردديها

يعني اقري سوره مريم ويس والفاتحه والمعوذات
كثري استغفار وقت الولاده يهوون ربي عليج

مالج شغل بالي تصيح لا بعضهم مو كلهم هالشي عندهم عاده
عبالهم يسهل الولاده

ريحي نفس واخذي نفس عمييق واستغفري وقولي
يارب هونها علي وسهل مخرجه

ونصيحه مني بعد لاتاخذين ابره ظهر اذا طبيعي
امي تطر تاخذها لانها قيصريه
سببت لهت صداع واحيانا تقول ظهري ينمل للعلم
امي اخر ولاده من 10 سنين تقريبا
وحتي حماتي تقول احس من بعدها رجولي تتشنج

خليج عالكمام والله احسن شوفي الاجانب
يولدون بدون شي ولادع طبيعيه تحس بكل شي
الله يهون عليج وحاولي لاتخافييييين

لانه يقولون كثرع الخوف تخلي راس الجنين فوق
والله اعلم

ادري قرقت شكثر بس حاسه فيج

 

[Lédy LoOlà]

الله يسهل عليج وتقر عينج بشوفة ضناج يااااارب

 

[جميله29]

امين الله يسهل على جميع المسلمات

جزاكم الله خير

 

[دلوعه ززوجي]

الله يسهل عليج هههههههه أن بعد خايفه ههههه

 

[iTaLiyA]

لا تخافين حبيبتي الولاده سهالات من الله
أنا سمعت انج إذا بجريه يعطونج إبرة ظهر بالمستشفيات الحكومية نصيحه اخذيها لانها أحسن من الكمام بوايد
و الله يهون عليج الولاده كلش ما تخرع

 

[جميله29]

لا تخافين حبيبتي الولاده سهالات من الله
أنا سمعت انج إذا بجريه يعطونج إبرة ظهر بالمستشفيات الحكومية نصيحه اخذيها لانها أحسن من الكمام بوايد
و الله يهون عليج الولاده كلش ما تخرع

يمكن عندكم بالكويت بس انا بالدمام

 

[نـور الكويت]

الله يهون عليج ي قلبي والتساهيل من رب العالمين

وادعي واكثري من الاستغفار

والله يتمم عليج

 

[حبيبي مالكني]

لا تخافين ربج بسهل عليج

 

[omshosho78]

حبيبتي لا تحاتين في بالحكومه ابرة ظهر وكمام حسب علمي من الحريم ...
بس اللأهم دوري لج واسطة بالمستشفى ايلي بتولدين فيها علشان يتوصون فيج ...
وعسى الله يسهلج عليج يارب ...

أنا معاج بالثامن ....

 

[M!Ss Smart]

لاتخافين الحكومه عندهم ابره ظهر بعدين حطي ابالج ان هذي ولاده راح تتألمين ألم تتحملينه وراح يروح يعني مو ألم دائم مجرد وقت وينتهي بنتيجه حلوه لي شفتي البيبي يروح كل تعبج بالولاده لاتصارخين ترى موزين في حريم يسير فيهم فري من قوه الصراخ واساسا ماراح تستفيدين شي من الصراخ اخذي نفس وطلعيه واستغفري وادعي والسهاله من الله

 

[You FOR Me Only]

كلنا خايفين الله يعين ويسهل ويرزقنا بالولاده الطبيعيه الميسره

بس حطي ببالج لو الولاده شي مايحتمل جان ماشفتي الناس جابو بالخمس والست

مثل ما تحملو احنا بنتحمل ان شاء الله وتوكلي على الله

 

[Aloe Vera]

الولادة سبحان الله اذا طبيعية ة طلق طبيعي وايد اسهل
عليج بالادعية و تمارين التنفس و المشي اثناء الطلق لان يسهل و يسرع الولادة
و ترا الولادة ذكرى وايد حلوة خليج ايجابية و متفائلة و اقري كتب عن الولادة و تثقفي راح ترتاحين ان شاءالله

و كثري دعاء بالسجود ان الله يسهل عليج الولادة

 

[انصاريه قمره]

حبيبتي لا تحاتين انا والده بالحكومه في ابرة ظهر بس تصرين عليهم انج تبينها يعني من عند الدكتو توصين ولا تخافين ترى الابره نعمه والولاده سهالات من رب العالمين انا اول بنتين كلش ما تأذيت فيهم بس اخر وحده شوي تمرمرت يعني السهاله من رب العالمين لا من دكتور ولا سستر ولا مستشفى

 

[я̤̈sτ̅є̲̐єǦ]

اول شي شيلي الخوف منج واعرفي شغله انه امهاتنا من قبل مرو بهالمرحله وتحملو

وهالله هالله بالاذكار والاستغفار وعسى ربي يهون ولادتج ويفرحج بضناج يارب