بكرية وموعارفه شلون اجهز للبيبي helpp :(

[glitterr]

السلام عليييكم بناات

الله يعافييكم احتاج مساعدتكم بكرية و موعارفة شلون طريقة التجهيز يعني مثلا ششتري حق البيبي سوالف الملابس و العدد

يعني من 0-3 شاخذ؟؟ جم بجامة جم تبانة ,جم مهااد ؟؟ و 3-6 ؟ تقريبا يعني و خصوصا الحين سنتر بوينت تنزيلات.


و المميات شنز احسن ماركة؟ و جم وحدة و الاحجام ؟ والفوط و كل سوالف التجهيزز.

و ويين في نفانيف بنات حلويين كشاكش دانتيلات حق التصوير انكشخها شوي هيهيهي :eh_s(6):

وشكراااااااااااااااااااااااااااااااا

 

[شوكة رنانه]

اب اب

نفسج بجريه ومتوهقه امس رحت السوق وماخليت شي ماخذيته ههههههههههههههههههه

نبي احد فاهم بهالشغله ههههههههههه

الله يتمم عليج حبوبه وعلينا كلنا قولي اميين

 

[أحـلام * ورديـة]

رد : بكرية وموعارفه شلون اجهز للبيبي helpp

وااااااااااااي عاد انا اموت على السوالف

شوفي حبوبتي

البيبي اول ما ينولد يكون صغيروووووون يعني اشتري له 6 نيوبورن اوفر اول

وتبانات داخليه نيوبورن

قبعات 3

مهاد 6

مميات ماركن بجن

ثلاث صغار حق الماي وحق الاعشاب

والكبار لي رقم 120 عدد 4

كفر قطن

وكمبل

وسرير

لفة اللي فوق المهاد ما ادري شسمها

وجيسة الياهل

دلاغات اذا شريتي له بجامه

تسوس عشان لا يشمخ ويهه

معقمه حق الممات

مشط حق شعره اذا عنده شعر

وايبس يعني كلينكس مرطب للحفاظ

لوشن

شامبو

بودر

شاور جيل حق الياهل

فوط صغار حق وقت الرضاعه

فوطة للحمام وانتي بكرامه

واذا ذكرت شي اقولج

 

[حــــزن]

رد : بكرية وموعارفه شلون اجهز للبيبي helpp

آنا بجرية مثلكم بس ما خبصت بصراحة لأن البيبي اسم الله عليه بسرعة راح يكبر فلا تكثرون
طبعا شريت تبانات من مذركير من 0-3 تقريبا 20 حبة أدري بتقولون وايد بس آنا جذي أحب أبدل للبيبي كلما ما توصخ ومابي اتوهق حزتها يكونون كلهم وصخين
حتى جربت جم قطعة غسلتهم علشان أشوف النوعية بصراحة ممتازين أحسن من اللي خذيتهم من سنتر بوينت الخام ما أحسه ينمط
وشريت مميات ماركة فيليبس 4 صغار و 4 وسط لأني برضعه طبيعي إن شاء الله يعني ما كثرت

طبعا البنات بفيدونكم اكثر مني بس بحب أقول لكم ملاحظاتي :
- الفنايل الداخلية البيضة اللي تتسكر من تحت خذيت 12 حفر و12 نص جم
- المهادات خذيتهم من عيد النصار وغسلتهم بعد علشان اجربهم بصراحة روعة لأن مذركير ما عندهم
- يعني كنت آخذ حبتين من كل شي واجربه بالغسيل إذا كان تمام رحت وشريت منه بهالطريقة سويت لي جدول يههههههههبل وافتكيت من الملل وقدرت كل معاش أشتري جم شغلة يعني ما ضغطت على حالي عالراااااااااااااااااحه خاصة إني بنص الرابع
بس قلت بخلص من الشغلات الخفيفة والمهمة اللي إهي الملابس واتفقت مع ريلي الشغلات الثقيلة بتكون عليه مثل السرير والأجهزة وغرفة البيبي
- طبعا شريت كبابيس قطن بالألوان الأساسية تنفع لكل اللبس
- نصيحة لالالالالالالالالالالالالالا تشترون بجايم اللي قطعتين لأن ريوله بتم مكشوفة التبان وااااااااااااااايد احسن له وأدفى

لي رجعة بس مضطرة أطلع الحين ..................

 

[glitterr]

حبايبيي والله كلكم ماقصرتو انشاله باخذ هالنصايح الحلوة و ربي يعطييكم اللي في بالكم

 

[لوكي 22]

لاتكثرين نيوبورن حرام لان الياهل بسرعه يكبر
وحق اول اسبوعين خليها تلبس مثل الثوب الطويل عشان ترتاح مو شرط بجايم وكثري من 0-3
واكثر شي التبانات والرضاعات اخذي ماركة افنت ممتاااااااازه اخذي وحده للاعشاب والماي ام 50 م والحليب 120 م
ولاتنسين دسوس ايدين وكبوس واشتري فوطتين ووحده وسط
واذا تبين تعرفين من - الى سوي بحث بالنت بتلقين وايد لستات مفيده

 

[om-3abodey]

يالله نبي الخبرة من الي جهزوا
انا مو بجرية بس في بجري ما عرفت شنو اجهز وجهزت كل غلط
مجهزة اشياء وايد ما احتاجها والي احتاجها موشاريتها

 

[LiL MaMa]

رد : بكرية وموعارفه شلون اجهز للبيبي helpp

- حوض السباحه
- اسفنجه لجسم البيبي
-شامبو الشعر
- شاور جيل او صابون خاص للبيبي
- بودر للجسم
- لوشن للجسم
- كريم حق البامبرز
- كلينكس مبلل
baby oil
مقص للأظافر
فرشه لغسل المميات
صابون ملابس خاص للبيبي
حفاضات
فرشاة الشعر
الاسفنجه اللي تنحط بالحوض مال البيبي

6 اوفر رول نيو بورن
15 اوفر رول 0-3
6 تبانات نيو بورن
15 تبان 0-3
6 قبعات
7 مهادات
4 لفات
20 صدريه
3 جيس للبيبي 1 كشخه و 2 عملي
و مو تنسين تشترين الفوط الصغار اللي كبر كف الايد
فراش البيبي مال الاربعين اللي يكون نفس السله مع ستاند
سرير البيبي الاساسي

شرشف
كفر
مخده
الحاجر الاسفنج
3 او 2 فوطه
2 كمبل
علبه قطن اذون خاص بالبيبي
قطن لمسح عيون الطفل
20 دس للكفوف

دلاقات اذا كنتي شاريه شي مفتوح من تحت
جنطه حق اغراض البيبي
مطاره حق الماي
مصاصه اذا تبين
طاولة تبديل الملابس و في انواع يكون فيها حوض

معقم مميات
و بالنسبه حق المميات انا احب استخدم بيجون
6 رقم 2
و 6 رقم 4


و بالنسبه حق ملابس البنات
روحي شوفي لحظه من فضلك اللي في المهلب
و ماماز اند باباز اللي بالافينيوز
و لغز الاطفال
زارا
امبييه انا امووت على ملابس البنات
و هم تلقين في مذركير و سنتر بوينت

و انشالله اكوون فدتج
و انشالله ما اكون نسيت شي
​

 

[Mednight Rain]

رد : بكرية وموعارفه شلون اجهز للبيبي helpp


up

up

 

[بنوتة رقيقة]

واي ياربي ان شاءالله يسهل عليج ويثبت حمل كل وحده ونفرح يارب ونصيرامهاات

 

[روعة الربيع]

حبيبتي اول ما بيجي البيبي بيكون صغير وبيكبر بسرعة ان شاء الله
جيبيله 4 افرهولات و4 تبانات داخلي دافي

واتمنى هالموضوع يفيدك
http://forum.hawaaworld.com/showthread.php?t=1178833

 

[حــــزن]

رد : بكرية وموعارفه شلون اجهز للبيبي helpp

أب لعيونج

 

[cacaouette-qa]

رد : بكرية وموعارفه شلون اجهز للبيبي helpp

اب اب اب

 

[HADDER]

هاي اشلونكم

انا نفس الشي بجر وكنت متوهقه شنو اشتري الله يعافي خواتي قولولي شنو اشتري وقالولي لا اكثر بالهدوم الا بعد الاربعين لان البيبي يكبر وانا اكثر شي شريت تبانات من صفر لي ثلاثه احسن شي تقريبا 20 تبان وشريت تبان داخلي جم اطويل ونص جم وعلاق طبعا شكلت بالالون وكبابيس ودس تقريبا 10 وطبعا مهايد وكمبل والكمبل الخفيف انا خذيت اللي الحياكه حلو وخذيت فوطتين وفوط اصغار اللي يكون مجموعه مع بعض ملونه وجنطه ادوات حق البيبي ومميات وشريت طقم كامل من جنطه وجيس بيبي نفس كفر وجرجف السرير من ستربويت وايد حلو وروعه وشريت جيس ثاني كتغير وباقي اغراض اللي اشتريهم من الجمعيه مثل شامبو وبودر والخ ....
وان شالله فادكم موضوعي والله يسهل على كل وحده وادعولي الله يتمم حملي لاني حيل تعبت فيه

 

[glitterr]

تسلموووون يا قلبي عالردوود الحلوة صج نفعتوني , السوووق هالايام كله تنزيلات سنتر بوينت و مذركير والله يسهل عالجمييع يارب :***

 

[glitterr]

مميات ماركة بجن ويين أحصلهم ؟؟ مالقيت بمذكير ولا سنتر بوينت

 

[MiiMoo]

رد : بكرية وموعارفه شلون اجهز للبيبي helpp

بيجن تحصلون في الجمعيات العاديه ومركز سلطان انا شايفه ...... وبنسبه حق ملابس الياهل هم انا بجررر وتوني مبلشه اجهززز بس على كلام امي ان مااا اشتري نيو بورن ومن 0_3 وايد جم قطعه بس لان خلال اسبوعين راح يكبر وراح ينقطون ولو تلاحظون تره كل مكااان المقااس يختلف اناا بسنتر بوينت شفت التبان من 0-3 نتف نتفه فديرو بالكم لما تشترون جيكو على المقاسات

 

[LiL MaMa]

رد : بكرية وموعارفه شلون اجهز للبيبي helpp

انا ما احب ألبس البيبي شي كبيير عليه
و النيوبورن يكون قد البيبي
بس من 0-3 يكون كبير اشوي

 

[سوسو حبيبتى]

طيب بالنسبه للاعشاب ؟؟؟؟؟؟ ايش يشرب المولود الجديد وكام مرة