بقى 3 ايام واخلص التاسع وراس البيبي مانزل بالحوض

[موني^^]

السلام عليكم

خواتي انا بقى 3 ايام واخلص التاسع
ومافي اي طلق ولا الم ولا شي زهقت مليت ابي اولد
وراس الجنين مانزل بالحوض

انا اللي اعرفه ينزل قبل موعد الولادة باسبوع
وانا لحين مانزل:eh_s(2):

ولا بعد قالت لي الدكتورة بآخر سونار ان وزن البيبي 3 ونص كيلو
هذا يوم الاحد اللي راح سويته
خايفه يكون وزنه كبير ويعذبني بالولادة
بس هي طمنتني
تقول عادي
وتوها والد عندهم بالمستشفى حرمه وزن البيبي 4 وشوي ماشاء الله

وتقول لاتخافين انشاظ الله تولدين طبيعي
:eh_s(2):

حدي خاااايفة

للعلم معاي سكر حمل امشي عالحمية فقط
ولا آخذ ابر

 

[الأميرة جوري]

عادي حتي لو ما نزل الطلق ينزله ولاتحاتين من وزنه السهالات من الله وان شالله تولدين بالسلامه يارب

 

[M!SS.LOBY]

تولدين بالسلامة ان شاءالله

 

[أم حسوون]

السلام عليكم ، لا تحاتين إن شا الله بينزل راسه ، وبعدين وزنه طبيعي أنت بآخر التاسع ، وترا لما تولدين يمكن وزنه يكون أقل لأن السونار يعطيج وزن تقريبي ، والله يهون عليج.

 

[Aloe Vera]

مثل ماقالت الاميرة جوري

الله يسهل عليج يا رب

 

[سونه20]

ان شاءالله سهالات من رب العالمين لا تحاتين انا بالتاسع كان وزن بنتي ثلاث كيلوات ونص وعقب يوم اطلعت فشت

 

[((غلاي))]

الله يسهل عليج ياقلبي

 

["*آآآنؤؤؤقهـ*"]

ينزل وقت الطلوق

وبما انج بتخلصين التاسع روحي راجعي شوفي امورج

يعطونج طلق سناعي يولدونج الله يسهل عليج

 

[موني^^]

شكرا حبايبي طمنتو قلبي

انا بس خايفة من الوزن الحين

لان اذا زاد بيقولون على طول قيصري

من فيكم ولدت طبيعي وهي بكر ووزن البيبي اكثر من ٣ ونص

 

[ريتاج_90]

حبيبتي لاتحاتين والسهالات مٍـٍْ♡̨̐ـِْْنْ رب العالمين
ٱ‏​نـِْ♡̨̐ـِْا ماكان نازل رأس البيبي بالحوض
وبوقت الولادة سبحان الله نزل
وكان وزنه ٣ كيلو وشي بِــ̯͡سّ
ماعليج موكبير البيبي بيطلع نتفه
وانا كنت بجر وولدت طبيعي الحمدلله
وانتي ادعي مٍـٍْ♡̨̐ـِْْنْ الله يهوون عليج
والله يهووون ويسسهل عليج

 

[احبس دموعي]

الله يهون عليج يارب وعلينا

 

[متفائله بالحياة]

الله يرزقج بالولادة السهلة الميسرة ياااارب

 

[موني^^]

الحمد لله رب العالمين ولدت بالسلامه

والبيبي طلع حدددده نتفه صغيروون

صج اللي قالو السونار دايما يزيد

زيد وزن البيبي ٣٠٠ جرام

بعد قلبي هالنتفه

 

[نكتار 2010]

مبروك حبيبتي الف الف مبروك يتربى بعزك ان شاء الله

بنت والا صبي وشنو سميتوه

 

[نكتار 2010]

صدقيني فرحتلك مع ان ما اعرفك بس شفت انك خايفه دعيت لك من قلبي والله

 

[حبيبة اهلهاا]

و عليكم السلام حبيبتي

الف مبروك و الحمدلله ع سلامتج

بشرينا

انتي بجر ؟؟ و متا نزل فالحوض ؟؟؟

ريحيني الله يريحج

 

[موجة ~ بحر]

الله يسهل عليج

 

[ام فوااز]

لاتحاتين ينزل راس البيبي قبل الولاده بيوم او اثناء الطلوق الله يسهل عليج

 

[مذهلة2013]

الف مبروك حبيبتي

 

[!! شوق !!]

روحي دكتور محسن طلبه يلف لج راس البيبي اختي من يومين والده وكانت نفسج اهو لفلها الراس الامر هين لاتحاتين