بقولكم انا شنو ودي نقدم لاهالي الجهرا الحبيبة

[ام سعود ديكسون]

وانا من قلب معاكم ... بتروحون بتحاططون .. وياكم

اقترح زيارة المرضى بالاول ..

ونشوف اذا في منهم عندهم بنات نشوف شنو يحتاجون .. ونعطيهم اللي نقدر عليه .. سواء ماديا او نفسيا ..

خصوصا اني سمعت ان في وحدة توفت وبناتها الـ 3 .. واهي اللي المعيل .. وتركت 3 بنات ايتام من ام وابو ..

الله يرحمهم ويشافيهم

واي اقتراح تشوفونه يصلح بلغوني حتى لو برسالة خاصة

خوش بنات اشكرج علي التفاعل انتي وكل خواتنا ما قصرتوا احنا من سكان الديرة ما عندي مانع نتجمع نزور المرضي خلينا نتفق ع العام او الخاص نشوف منو من البنات حاب يزور المرضي اللي حالتهم تسمح بالزيارة او الاهالي اللي ما يمانعون الزيارة او العزا

 

[ام سعود ديكسون]

وانا ماعندي اي مانع وقت ماتبون اتروحون بلغوني

احنا بيتنا بالديرة ما ادل الجهرا اللي عندها اقتراح للتجمع وزيارة المستشفي او الاهالي بالجهرا خل تدز من خلال الموضوع او بالخاص وياليت وحدة تدل الجهرا او تعرف اهل العزا شخصيا وانا حاضرة

 

[يمّه مني]

وانا بعد بالدبره
اذا تبون انتيمع ابوقت معين عند المستشفى
واذا حق اهالي الضحايا هم جذيه انتيمع ابوقت معين وحده من اهل الجهرا اتبرع اتودينا بيوتهم

شوفو شن تتفقون عليه وبلغوني انا وحده ماعندي اي مانع

 

[rawan22]

حبيبتي هالمبره موجوده

نبيل العوضي اعلن عنها بالوطن

اتوقع مكانها بالجهرا ..

جزاااه الله خير هالشيخ والله يكثر من امثاله

وجزاكم خير بنات

 

[بتبوتااا]

اي والله ودي نروح لهم ونزورهم هنااك شووي نخفف عليهم مصيبتهم !

 

[Desert-Girl]

upppppppppppppp
وياج ومعاج

 

[TWEETY]

الله يجزاكم الخير

 

[ريووم]

يزااااااج الله خيير ما قصرتيي

 

[ام سعود ديكسون]

مشكورين العضوات يمه مني و بتبوتااا وديزيرت غيرل ما تقصرون اقترحوا حبايبي متي بتروحون قبل او بعد الفطور خاصة ان باجر بيحل علينا الشهر الفضيل وحددوا اليوم ان شاء الله ما يتعارض مع واجباتكم الاجتماعية وانا بالشوفة و الباجي يا رب تسمح لهم ظروفهم وكله بميزان حسناتكم

 

[ام سعود ديكسون]

بنات ما تقصرون نبي نركز علي عدم تسييس القضية مانبيها قضية راي عام كل من يدلي بدلوه فيها من صحافة ومن افراد وتزيد الاشاعات نبيها قضية عادلة قضية انسانية مانبي نضر مشاعر الضحايا ونحكم قبل ما يحكم القضاء الكويتي العادل
نبي نخفف وطء الماساة علي الاهالي up up لعيون الجهرا الحزينة

 

[نبتة غلا]

ماشالله عليكم
فيكم الخير يابنات الكويت

 

[ام النايف]

ماشاء الله تبارك الله والله اكثر موضوع حسيت راعيته تفكيرها عاااااقل الله يحرسك يارب
انا سعوديه وليت اني بالكويت واوجب معكم واساعدكم .. انا اقترح عليكم تسوو تجمع لاهل الضحايا كلهم افطار وصلاه المغرب والتراويح سوا وبعد الصلاة يلقي احد المشايخ محاضرة عن الصبر على البلاء ... وطبعا اللي تقدر تحضر منكم تحضر توقفوا معهم وتصبروهم ... عندنا عاده في السعودية اذا توفى احد اول يوم برمضان واول يوم بالعيد يجتمعوا الاقارب كلهم واهل الحي من الجيران يفطرون معهم ويقضوا اليوم معهم عشان يشغلوهم ومايحسوا بالوحده ... كان الله معكم جميعا ويحفظكم من كل شر حكومه وشعبا

 

[ام سعود ديكسون]

ماشاء الله تبارك الله والله اكثر موضوع حسيت راعيته تفكيرها عاااااقل الله يحرسك يارب
انا سعوديه وليت اني بالكويت واوجب معكم واساعدكم .. انا اقترح عليكم تسوو تجمع لاهل الضحايا كلهم افطار وصلاه المغرب والتراويح سوا وبعد الصلاة يلقي احد المشايخ محاضرة عن الصبر على البلاء ... وطبعا اللي تقدر تحضر منكم تحضر توقفوا معهم وتصبروهم ... عندنا عاده في السعودية اذا توفى احد اول يوم برمضان واول يوم بالعيد يجتمعوا الاقارب كلهم واهل الحي من الجيران يفطرون معهم ويقضوا اليوم معهم عشان يشغلوهم ومايحسوا بالوحده ... كان الله معكم جميعا ويحفظكم من كل شر حكومه وشعبا

فديتج الله يحفظ اهل السعودية من كل شر ما قصرتوا الله الشاهد
صدقيني ام النايف ان اهل الجهرا عندهم عادات وتقاليد البدو الزينة وعندهم ترابط وعندهم سنع وكرم مو طبيعي اكيد جيرانهم واهل الفريج وقرايبهم بيعودونهم رفيجتي تمدح بسنع جيرانها البدو لما تولد ما يتركونها كل يوم وحدة من جاراتها تتكفل بمساعدتها وما تدخل وحدة وايدها خالية من الاكل والا القهوة والا الحلو
بس لان احنا بعيدين جغرافيا عن الجهرا نحس بالذنب وبخاطرنا نواسيهم