بقع دمويه على الجلد

[omneyaty]

ولدي الصغير عمره 6 سنوات اي طيحه بسرعه بقع جسمه وصارت زرقه



ادري بتقولون كل اليهال يطيحون ويبقع جسمهم هذا بزياده وساعات الاقي


بجسمه بقع زرقه مو اماكن طيحات مثل بفخذه من وراء تاخذ ايام وتروح


انا بوديه اسوي له تحليل بس اللي عندها فكره عن هالشىء تقولي


يقولون نقص الصفائح وصراحه الدكاتره اذا رحتي وما عندج معلومات ما تلاقين


اهتمام ما عندي مانع بخاص حكومه اي مكان لان قلبي قام يفكر بأشياء


مو زينه







ارجو منكم خواتي اللي عندها معلومات عن تبقع الجسم تقولي


اي معلومه

 

[omneyaty]

مشاركة: بقع دمويه على الجلد

??????????????????????????????????????????????????????????????????????????

 

[yasmina]

مشاركة: بقع دمويه على الجلد

حبيبتي ما عندي فكرة عن موضوعج بس لا تحاتين ... ولا تستهينييين ودي بأسرع وقت وطمنيني

 

[شهدQ]

مشاركة: بقع دمويه على الجلد

لاتحاتين حبيبتي انا مره وشكبري يبقع جسمي من غير شي وبقع زرق وكبار ومن زمان معاي هالحاله

 

[الفرحه]

مشاركة: بقع دمويه على الجلد

انا خدامتي يتلها فتره طلع لها جذي

ووديتها الحكومه وسوولها تحليل
وعطوها فيتامينات

بس ماقالو من شنو

والحين ما اشوفها اشتك مره ثانيه


-------------------------------------------


انا اذا احتريت من شغله تطلعلي مرات طقه زرقه ابريلي او ابزندي


وتروح

----------------------------------------------
شغله عاديه انشاء الله
انتي ودي وسويله تحليل وانشاء الله تطمنين


------------------------------------------------------------

 

[شهدQ]

مشاركة: بقع دمويه على الجلد

انا اذا احتريت من شغله تطلعلي مرات طقه زرقه ابريلي او ابزندي


وتروح

صاجه يمكن ينام على زعل

 

[مشمشانه]

مشاركة: بقع دمويه على الجلد

وديه الطبيب شتنطرين الله يهداج

 

[سارا ديور]

مشاركة: بقع دمويه على الجلد

مايشوف شر وليدج

وتوه على هالبقع

أنا من فتره بسيطه ولغاية الأن كل يوم تطلع لي هالبقع

وبكل مكان

في الأونه الأخير كنت بمشكله وحدي كنت متضايقه

فقامت تطلع لي هالبقع بشكل كبير

سويت تحليل على الكبد ومشاكل الدم والغدد

الغدد سليمه والحمد لله

إما تحليل الدم تبين إن عندي نسبة التجلط مرتفعه واااايد

وإن عندي مشكله بالكبد ولازم أسوي سونار بس لغاية ألحين ماسويته

لا تسكتين على وليدج حرام

 

[nono78]

مشاركة: بقع دمويه على الجلد

خرعتونيييييييييييي


انا جسمي يبقعععع وخاصة ريولي من وراااا بقع بنفسجيه لمن اكون متضايقه


بعدين مع الوقت يروح



بس حبيبتي روحي الطبيب وان شاء الله مافي الا العافيه

وطمنينا عليه

 

[omneyaty]

مشاركة: بقع دمويه على الجلد

اولا اشكركم خواتي وايد وايد ما تدرون انا اشكثر مخترعه من هالسالفه قلبي مقبوض


من زمان سويت له تحليل دم عفسني وصرخ صراخ ما تتخيلون فعمليه التحليل مو سهله معاه


بس مع هذا بوديه بس خايفه خايفه ترى اكتب لكم ودموعي بعيوني من كثر خوفي عليه


خايفه اوديه ويطلع فيه شىء حدي مخترعه من كثر هالكلام اللي اسمعه



من ناحيه انه زعول بصراحه اي كله يندقر وينطق من ابلاته ومن الصبيان لانه ضئيل


من ولدته كانوا حاطين بالشيشه


بصراحه خواتي محتاجه مساندتكم ادعوا لوليدي انه ما فيه الا العافيه


على فكره اخر بقعه طالعه بفخذه من ورا الله يستر عليه ويخليه لي

 

[nono78]

مشاركة: بقع دمويه على الجلد

من ناحيه انه زعول بصراحه اي كله يندقر وينطق من ابلاته ومن الصبيان لانه ضئيل


عورتي قلبييييييييييييييي


من صجججججججج ينطق من ابلاته وتسكتييييييييييييييين

وين قاعدين اي قرن احنااااااااااا

لو مكانج ما اسكت واروح اشتكي عليهمممممم

شنو هالأبلات قطععععععععععععععععع

مخرعين الصبيييييييييييييي

 

[b6o6a]

مشاركة: بقع دمويه على الجلد

البقع تكون نقص في كريات الدم والصفايح !

بس تأكدي وما يشوف شر

 

[omneyaty]

مشاركة: بقع دمويه على الجلد

مشكورين خواتي سويت التحليل سهاله من الله خوش بنات كويتيات ما عوروه


وقالت لي الدكتوره ان كريات الدم البيضاء بمعدلها الطبيعي


طيب والطقات قالت باين عليه واد شقي وبيخبط كثير قلنا الحمد لله دام الدم طبيعي


اسكت احسن ولا اشرايكم

نونو يا عمري مشكوره على مشاعرج شكيت ليما قلت بس لدرجه قلت لهم اهملوه بس لا تطقونه


ماااااااااكو فايده

تصدقين بيوم انطق من كل الابلات حتى الرسم والسبه انه ما يعرف يقعد على الكرسي


يحب يدور ويطنش بس اسم الله عليه ذكي

لو وحده من الابلات صديقتي جان يمكن يدارونه
الله المستعان ما بيدي حيله

 

[b6o6a]

مشاركة: بقع دمويه على الجلد

انا انصحج تتأكدين لاني دارسه هالشي شقال عن الصفايح ؟ ...


واذا مدرسته مو زينة غيريها ووديه خاصه يهتمون فيه ...