بقت كمبيوتر ريلي وشنو لقيت

[جنى الامورة]

الاحسن انج ماتدورين لان راح يلف يلف ويرجعلج لأنج ام عياله ولاتعكرين مزاجج بهالسوالف ولا ترى راح تتعبين

 

[الانثى الصعبة]

الله يخليكم لي والله جني شاكية لامي واختي عسى الله يبعد عن ازواجكم بنات الحرام ويسخرهم لكم امين

 

[احلى من الحلى]

انا حاسه بمعاناتج لانى متزوج زوجى عن حب وكنت شاكه ونزلت برنامج وشفت بلاوى من عقبها احس انه حبه قل عن قبل
واهو السبب
الله يسامحه ويهديه اهو جدامى مايدش الماسجر بس الخوف اذا راح الدوام حسبى الله عليهم اهم الى خربوه
الله يسخر رياييلنا لنا امين يارب

 

[7alawa]

حبيبتي احسن لج و اريح لج انج تصدقينه

لا تدورين و تنبشن الا اذا ناويه تخربين بيتج
و تذكري اهو تزوجج انتي ما تزوج اللي علاmsn
الله يسخره لج و يهدي

 

[جمر بردان...]

عمه بعينهم هالرياييل هابين هبه اللهم ياكافي مادري شفيهم على هالمسنجر والبنات الله لايوفق كل وحده تكلم واحد متزوج والبنات صايرين قليلات حيا ولا يسوون روحهم يغارون بعد حسبي الله ونعم الوكيل حسبي الله ونعم الوكيل حسبي الله ونعم الوكيل لاحول الله ولا قوة الا بالله حقريه وحاولي تسوين لج برنامج انتي معاه لهيه معاج ومع بيتج وعيالج تفنني بمعاملتج معاه كل شوي طلعي له بسالفه وشكل يديد خليه يلهى عن هالزفت الكمبيوتر الله يكون بعوننا وعون الجميع عليج بالدعااااااااااااء وقيام الليل
تقبلي مروري

 

[الانثى الصعبة]

لالحين ماجاوبتوني بالتفصيل اشلون ادخل عاماسنجر احس انه مخبي شي

 

[احلى من الحلى]

لالحين ماجاوبتوني بالتفصيل اشلون ادخل عاماسنجر احس انه مخبي شي

والله انا ماابى اقولج لانه صج ابى مصلحتج والله اذا شفتى شى تكرهينه
خلاص بابنت الحلال طنشى
غيري حياتج
اذا شبك قعدى يمه لاتخلينى يقعد بروحه
والله كريم

 

[الريشة]

لازم يكون زوجك حاط اختيار حفظ الرسايل بالماسنجر ماله لأنه اذا مو حاطه ما راح تقدرين تشوفينهم

جربي دشي على الماسنجر و اختاري ملف
بعدين دشي على إظهار تاريخ الرسايل
و بعدين حطي ايميل الشخص اللي تبينه

 

[***كلي شموخ***]

اذا عندج دليل قوي واجهيه
واذا انتي جااكه وما عندج دليل حتى اذا اهوه مسوي راح يجذب لان اغلب الرياجيل ماكو ضميييييييير عادي .. للاسف هاذي درااسه وتوها صايره ان الرياجيل اغلبهم ما عندهم ضمير عكس النساء الي اكثرهم يكون عندهم ضمير ...


فنصيحتي لج اذا عندج الدليل واجهيه ولا تسكتيييييين ولازم يكون الدليل القوي ..

 

[الانثى الصعبة]

واي وناسة احس اني راح اطيح على شي جايد مشكورين عالتفاعل والله لايوريكن مغازلات الزوج شششششششششششكرا

 

[كلي نظر]

انا نفسج كان يكلم رفيجته ووعن مغامراته بالماضي معاه والمشكله أسمه وعن قصة زواجنا واجهاضي كانو يتكلمون بالموضوع ويحلف مو هووو الي قهرني سالها شلونج قالتله سوده جان يعطيها اسم خلطتي الي دايما يشتريها لي من العطار هذا الي قهرني قالها استعمليها تعدلج ولما شفت وقت المحادثه كان يقولي نعسان ولما نعسني رحت نمت واخرتها جا نام نعاااااااااااااااي وع ذكرتيني والمكشله يحلف والله مو هو


لاتنبشين دام حاط لاب توب بالسياره معناه عنده بلا العمى بعيوووونهم مو تارسين عينهم

 

[عطر الكادي]

لا لا لا تواجهينه .. لانه راح يعتذر ويرد يغلط ويخربط مرة ثانية وثالثة ويمكن جدامج .. وراح تكبر السالفة .. انت صبري وقومي بواجباته وزيادة .. واهتمي بنفسج وعيالج .. وحاولي تشغلينه بطلعات وروحات وحاولي تجذبينه لج وتبعدينه عن بنات الحرام ..بس همن خليج منتبه لتصرفاته .. واذا طحت على ادله خليها عندج ولا تكشفينها الا بوقتها لي صار ما صار .. خليج احسن منه .. بالكلام الحلو والمعاملة السنعة لزوجج واهله .. واهم شي تقربي من ربج بالصلاة تالي الليل والدعاء والصدقات .. وربي ان شاء الله ما يخليج ويعينج ويعينا ..صدقيني ترى مهما خربطوا مردهم لنا ولعيالهم .. قلبي معاج

 

[بنات حواء2]

حبيبتي انتي غلط من فوق لي تحت تدرين ليش
لأنج اول شي بواقه اي لانج بقتي لابتوب ريلج من غير اذنه
و شكاكه اي شكاكه لانج اضطريتي تبوقين عشان تطفين نار شكج
حتى لو هو غلطان انتي لبستي نفسج الغلط
لاتزعلين من كلامي يمكن اتقيل عليج بس يمكن يصحيج و ينقذ حياتج من الغرق و ينقذج من الشيب ترى الشك و الغيره الزايده
و انا اختج ما تييب ال الشي و عمات العين و الريال بسرعه بينحاش و بيدورله وحده ثانيه غيرج
خو اهمه يبون الشاره
لا ياحبيبتي
خليج قويه
خليج جبل و يا جبل لا يهزك ريح
تزينيله تكشخيله خليه مايشوف غيرج كلام حلو و كلام غزل و حبيبي و حياتي و انتي رايحه و انتي راده
و طبخيله و حطي جدامه سوي نفسج تعبانه تدلعيله
جذي تاخذين قلب ريلج و تخلينه مايشوف ول ا يفكر بغيرج
و اذا كان يقعد على لانترنت وايد قوليله خله و تعال اقعد معاي مشتهيه اسمع صوتك و اسولف معاك
تتوقعين الرييايل شلي يجذبهم في البنات الوقحات الي بلانترنت خو اهمه لا شافوهم و لا غدى الشر بس الاسلوب الكلام الحلو الي للاسف مو محصلينه في بيتهم يحصلونه عند هلبنات الي ما عندهم لا شغل ول ا مشغله غير ريلج وريل غيرج
بس انتي موجوده في البيت بكبرج على قولتهم بلحمج و بشحمج
تشيطري هله هله بالكشخه السنعه العطور الدهن عود البخور
الكلام الحلو الدلع الحلو مو الحنه
شسويلج حبيبي سنو تبي حياتي
من عيوني
اول مايدش البيت يعطيك العافيه قلاص بارد ييبيله
جذي تاخذين قلبه و تنسينه بنات بليس الي ماهمهم الا خراب البيوت
اما انج تبوقين الابتوب من وراه و هسوالف انا اشوف انج راح تخسرينه وراح تطيحين من عينه
لو كان كلامي قوي عليج بس راح يفيدج و راح تطبقينه
هذي قمة الرضا من جهتي انا و هذا الهدف الاساي من ردي على موضوعج اني اعقلج
و يمكن اذكرج اذا كنتي ناسيه و اتمنى ما اكون ظلمتج
بس هذا كلام العقل و المنطق

 

[GaZoZiYa]

لا تسويين بنفسج جذي.. اهوا مريح عالآآآآآآآآآآآخر وانتي مقهوووورة...

طنشي و صيري زينه معاه دلليه و صدقيني راح يحس بتأنيب الضمير

 

[Anastasia]

لاااا بناااات يستاهل خل تقظبه بشي .. شنوو اهما يسرسرون ويخربون واحنا مغير انزل روسنا وانتصدد يعني ما نشووف ؟؟
.
شوفي دشي حق الدوكيومنتس ********s اكو ملف اسمه سجل محادثاتي مادري شسمه بالانجليزي .. اذا مالقيتيه معناته مسوي الغاء حفظ للمحادثات .. بس اذا لقيته بطليه راح تلاقين ملف للاشهر بطليهم راح تلاقين صفحات ويب باسماء ايميلات .. هذيله اهما المحادثات .. نبشييييهم عدل مدلل وسويلهم كوبي احسن بعد ومااوصيج فيه ..
.

 

[بنات حواء2]

جو جو حرام عليج تخربين بيتها

 

[@ الرسامة @]

لا تتعلمين اريحلج
ترى السالفة وراها تعب

 

[.. مـــلاكـ ..]

لاتعورين قلبج ولاتشوفين شي
ادعي الله يهديه ويخليه لج
وبس

 

[Anastasia]

لا لا لا .. هذا مو خراب بيت ولا شي ..
.
الحين اهو يوم سوا سواته ماخاف من ربه !! ماحشم مرته ؟؟ ماحترم رجولته هاللي بس مطلعها على حريمه ؟؟
.
عيل خل ياكلها .. ليمتى احنا صايرين نعام نخليهم يسرحون ويمرحون واحنا نتصدد ونخش روسنا بالارض اهوا الغلطان مو انتي عشان اقعد احسب الف حساب قبل لا اواجهه المفروض اهوا اللي يخاف
.. ليمتى الريال يسوي اللي يبي وياااويييييلها المرة لاتنفست وقالت ليش سويت .. و
اهيا خل ترفع التلفون ولا تطق السيارة سلف وما تقوله .. يقلب الدنيا على راسها .. ليييش ليييش مو بس احنا اللي انتحاسب .. حتى اهما .. دام اهو جذي عيل ليش يوهق بنت الناس معااه .. اهوا اللي اختار يكون ريل وابو .. خل يكون قدها .. واذا قصرر يتحاسب شنو السالفة مو بس فرااش وخلصناا ..

 

[nice-girl]

حبيبتي من تجربه شخصيه والله
لا دورين وراه دامج شاكه لانه بتلقين شي مايسرج
انا اقووول خليها على الله