بقة جنطه

[ملاك الغيد]

السلام عليكم ورحمة الله وبركاته






الله يسلمكم وبيت مكه يوديكم انا الاسبوع اللي طاف رحت محل من محلات الافنيوز واقاعده اجرب جنطه من جناط هالمحل


المهم الجنطه عجبتني وظليت شايلتها ويا الاجياس اللي معاي جني حمالي لووول

وقلت اجرب الثانيه عشان اقارن وقررت شابوق لوووول اقصد شاخذ لا حرام انا مو بواقه الله يبعده عني

وطبعا اختكم في الله راحت وخذت ثانيه يعني خلاص بروح الكاشيراحاسب. المهم حاسبت على الجنطه وطلعت من المحل وطبعاً وانا دايسه. بلحق عندي شغل وصج يوم تذكرة شكلي وانا امشي جني حراميه منحاشه

وصلت السياره واقط اغراضي ولا فيه جنطه شايلتها مع الاغراض ولا اقول شفيها جنطتي شيلتها برى الجيس عبالي طاحت من الجيس بالسياره



وافج الجيس ولا نفس الجنطه :bbbiu: صارو عندي ثنين وحده بالجيس وحده برى مع اغراضي اللي شايلتهم


اتاريني مارجعت الجنطه اللي قاعده اجربها



انا مستغربه يوم اطلع من المحل ماطلع ذاك الصوت اللي يفظح الحراميه ياوحده من الثنتين ياخربان يا من الازعاج ماسمعته وحتى لوطلع ليه مالحقوني اللي يشتغلون



الحمدلله الله ستر علي ذاك اليوم ولا ماتخيل شكلي يتلوني ويقولولي تعالي شبايقه يماااه



الزبده من الهذره الطويله ادري صدعت روسكم



الجنطه عندي بالجيس اللي خذيتها مع فاتورة الجنطه اللي شريتها بالحلال. وبردها بس للحين مافضية وتاخرة


واخاف اردها ويشوفون تاريخ فاتورتي ويقولي اتاي قاصده تبوقينها :bbbiu: ويكتبون عني باجرايط حراميه شريفه


لووووووووةل


ولا يتلوني لشرطه والله صرة اوسوس. بقطها براس بعلي بخليه يردها لهم عشان اتجنب الماسئالهةلوووول






ررائكم ياصبايا بسالفتة صارلت لكم من قبل هالموقف شتسووون اعذروني جان الكلام موب منظم وفيه اخطاء لا ال ايباد غثيث جني امشي على رمل

 

[Tom ♥ Jerry]

.


عادي ودي الجنطتين وياج و الفاتورة
و الافضل بسرعه خلال هاليومين
و اذا ما صدقو كيفهم اخذي الجنطتين و امشي ههههه

 

[تحت ظلك]

هههههه ضحكتيني

رديها عادي ماراح يقولون شي.

 

[black rose BH]

هههههههههاي

عادي تصير وايد

رديها واذا مارضو دفعي فلوسها

عشان لا يصير بذمتج شي

وخلاص ^_^

 

[∫ ∫ ∫ ∫ جــوان ∫ ∫ ∫ ∫]

جان رديتيها بنفس الوقت احسن لا تعنين مره ثانيه

بس الحين خلاص رحى ومعاج الجنطتين والفاتوره وقولى انتو غلطتو وعطيتونى ثنتين علشان لا تنحرجين او انهم يفهمونج غلط

 

[ملاك الغيد]

انشالله بردها

بس حتى لو اقولهم انتم عطيتوني ثنتين يمكن ابلش اللي حاسب واكون ظلمته

 

[Confused Girl]

اخذي الثننتين معاج وقولي الصج

قولي جربتها ونسيت اردها وتأسفي منهم .. ماراح يقولون شي اكيد

 

[غلآ نوآف]

لاتقولين هم الغلطانين
تبلشين المحاسب بعدين وتصير بذمتج

قولي لهم الصدج
خذي فاتورتج وشنطتيج الي شريتيها
والشنطة الي راحت بالغلط معج ههههههه
ولاتطولين
يعني منتظرة لين متى

 

[أحترت أعبر]

انا بقولج موقف مشابه مع اختلاف التفاصيل ...
كنت في محل ماك , وشريت اغراضي وحاسبت ورديت بيتي ...طبعا بسطت بالصاله اطالع في الاغراض وابطل كوارتينهم , والا اشوف بلاشر زايد عندي , عصبت عليهم وبطلت الفاتوره علشان اشوف رقمهم واتصل ازفهم , ليش يحطون لي شي انا ما طلبته , والمفاجاه لما دققت بالفاتوره اتضح انهم اصلا ما حسبوه ولا له اي اثر , يعني الموظفه حطته مع اغراضي بدون حتى ما ما تممره على الجهاز اللي يطلع البار كود ....
ثاني يوم المغرب رحت لهم , وخبر ت الموظفه الثانيه لان اللي حاسبت لي كانت مشغوله مع زبونه ...تدرين عاد والله ثم والله ان الموظفه تقولي ان البلاشر كان موجود على الطاوله جمب الكاشير لان زبونه طالبته بس ردت صوب التسترا تجرب اللون مره ثانيه , وزميلتها حطته لي مع اغراضي من غير ما تحسبه ...الظاهر كانت تبي تهديني شي وما لقت الا هذا:eh_s(10):
وفي الاخير ما سمح لي الوقت اني ازف الثانيه لانها خلتني ارد المجمع على غلطه مو مني :rgewrg:
لانها مشغوله مثل ما ذكرت , وهم انا كنت مستعجله...
وطلعت عقب ما دفعت حساب البلاشر .....الصراحه لونه عجبني وخساره ما اشتريه


أنتي رديها عادي ولا بيسون لج شي ...اصلا بيشكرونج ترا مو كل الناس عندها ضمير وتخاف الله ...:eh_s(17):

 

[ملاك الغيد]

المشكله طلعتي صعبه ماقدر كل شويه اطلع وارد من جذي للحين مارحت السالفه الحين صارلها سبوعين بس موقاصده اتاخر الخميس انشالله بروح

 

[عسل مرت قيمر]

هههه ياحياتي حسيتج على نياتج


عادي ياقلبي روحي وقولي الصج ماتدرين بلغلط


ماراح يقولون شي

 

[عادت ذكرياتي]

رديها لهم وقولي الصج لووووووووول

الصدق منجاة

 

[ملاك الغيد]

والله اني على نياتي

 

[نعوووووومه]

ههههههههههههههه الله يعينج

 

[انونا]

وي حبيبتي

اول شي الله يكثر من امثالج ومن ضميرج الحي

بس نصيحه بسرعه رجعيها


لان حرام يسون جرد واذا انعرف ان الجنطه ناقصه راح يصير للموظفين مشاكل وتحقيق او ينفصلون من الشغل

فكل ما سارعتي كان احسنلج


والله يوفقج يارب ويسعدج ويرزقج من حيث لا تعلمون

 

[قطوة@@]

عادي رجعيها و قولي شنو صار معاج بالضبط لا تبلشين المحاسب و اهي غلطتج

 

[Patcholli]

عادي وديهااااا

 

[granted]

حليلج موضوعج كله بدليات حتى العنوان
على العموم بسيطه رجعيها قبل مايسوون جرد للمبيعات ويطابقون الفواتير ساعتها بيقطونها براس الهندي مسكين

 

[ملاك الغيد]

مشكورين بنات لتفاعلكم معاي وانتو صاجين ماابي ابلش اللي يشتغلون وياي واهيا غلطتي

وبالنسبه للي ركزة على البدليات انا اكتب من الايباد وياختج مالي خلق اعدلهم بس الله لايهينج عدليهم لي ويمكن بهالرد بعد فيه بدليات هم على دربج شيكي وعدلي لووول فراغه

 

[@ كويتيه @]

بكل بسآطه روحي للمحل مع الفاتوره واخذي الجنطه اللي بالغلط جنطتج الثانيه اللي شاريتهآ بالحلآل على قولتج

وقوليلهم هذي جنطه زايده بالغلط وسسسكتي .. لا تقطين السبه على راس المحآسب ولا تحسسينهم انج غلطآنه

وبس