بفضفض لكم اخواتي تأخري ف الحمل وام زوجي وزوجي

[** ام ملك **]

السلام عليكم

انا معي تكيس واعطتني الدكتوره ابر منشطه من خماس يوم الدوره وقالت تعالي بعد الابر مباشره
سؤالي كتى المفروض يتم الجماع بعد الابر ولا بنفس الايام اللي اخذ فيها الابر


تعبانه نفسيا انا اليوم رابع لي لاخذ الابر
وامه خذته يسافر معها يقضي اشغالها ولاتم جماع ابدا بعد هالدوره
واتخانقت معه خناقه لها اول مالها اخر بسببها
تعبت منه ياانه سهران ومافيه حيل يجامع ماينتصب او امه شغلته كعها
تعبت معه حاولت افهمه هالايام يتم فيها الحمل كلم اخوانك السته بدالك
لكن الخوف من امهم الله يهديها يمنعهم يقولون لها لاا او نااجل السفره او او او مستحيل يتعذرون لها
اتعبتني نفسيا
مشكلتي الثانيه ان هو اصلا عنده مشاكل
الحيوانات المنويه السليمه عنده بس 10٪
بسبب الدوالي عنده ضعف حركه ولزوجه زايده ومنها المشوه
شسوي مو عارفه بموت قهر من امه يكفي اني ادخل عليها ولا كانها تشوفني قدام عينه وكانه الحق معها يرد عليومعليه !


اسفه مخربط كلامي تعبانه نفسيا بموت من القهر

 

[** ام ملك **]

هل تنفع تلقيح او حقن لناوهل فيه ادويه للانتصاب لان يعاني منها حاليا
مع العلم عمري ٢٧ وزوجي ٣٤

 

[MissAppleQ8]

ان شاءالله خيره ( وعسى ان تكرهوا شيئا و هو خير لكم )
الله يرزقج الذريه الصالحه

 

[qoot]

قبل ماتعالجين خليه اهو يتعالج ضروري يتعالج عشان يصير حمل ترا الريايل علاجهم مايطول اكثر شيء ست شهور
وبعدين في وايد بنات حملوا وفيهم تكيس انتي قوليله يروح دكتور شاطر يسويله عمليه الدوالي وبعد اربع شهور او ثلاث شهور تبين النتيجه وبالفتره هذي انتي ضعفي نفسج حيل لانه السمنه تسبب تكيس واذا طلعت نتيجة ريلج زينه اخذي ابره تفجيريه
بالنسبه لامه ادعي انه الله يهديها واحتسبي الاجر عند الله ولاتنسين الاستغفار والصدقه

 

[** ام ملك **]

يعني من رايكم مااخذ ابره تفجيريه هذا الشهر؟!لان يقولون ان بعد ابر التنشيط اخذ ابره تفجيريه وانا بصراحه ماعرف بهالامور لان اول مره
ونسيت اسأل الدكتوره اخذ ابره تفجيريه ولا

 

[عسل حدي]

رجعي حق دكتورج يقرر

 

[ربيع_الروح]

حبيبتي مدامج تتعالجين ممنوع الجماع
إلا عقب الإبرة التفجيرية ب 36 ساعه بالظبط


بس كان المفروض قبل ما تاخذين الكورس للعلاج إن زوجج يظبط نفسه بالعلاج
ومشكلة الإنتصاب سهل جداً علاجها
لكنه لازم يحل مشكلة اللزوجة وكيفية زيادة الحيوانات المنوية عن طريق معالجة الدوالي الي فيه


والله يسهل عليج أمورج وتحملين ويقر عينج بشوفه ضناج إنتي وكل البنات الي معانا

 

[عسل حدي]

امين يارب

 

[M!SS.LOBY]

الله يفرجها عليج

 

[عسل حدي]

اب اب

 

[أأأميرة الورد]

الله يسهل عليج امورج وتحملين عن قريب

 

[** ام ملك **]

جزاكم الله خير

 

[عسل حدي]

رب لا تذرني فردا وانت خير الوارثين اللهم ارزق اخواتي في الاسلام الذريه الصالحه المعافاة السليمه وارزق كل محرومه يااارب
((يا من أمره بين الكاف والنون وإذا أراد شيئاً قال له كن فيكون أرزقني وكل محرومه بالذرية صالحة طيبة تقر بها العيون))

 

[M!SS.LOBY]

ربي يسهل عليج

 

[عسل حدي]

اب اب اب

 

[M!SS.LOBY]

ربي يرزقج بالذرية الصالحة بإذن الله

 

[امـ خــزامـى]

الله يرزقكم

 

[عسل حدي]

الله يفرح قلبج

 

[طيشن على جديه]

حبيبتي لاتلعبين بنفسج خليه يتعالج اول ..
الله يهديه لج ويرزقج بالحمل السليم عاجل غير اجل ي رب ..​