بفصخ الحجاب ..

[آلحؤؤؤله]

السلام عليكم ..
(الي يبي ينتقد برا الموضوع الي فيني مكفيني :rgewrg: )

انا توني ماكملت 17 باقي 20 يوم واخر سنه ثانوي ..
اتكلم عن نفسي لبست الحجاب مغصوبه قبل 4 سنين يوم كان عمري 12 ..
امي لبستني غصب عني الانه كانت ما تعرف تتعامل معاي الانه طبعي غير اختي شلون ؟ انا اقول اختي لما بلغت راحت مستانسه حق امي و قالت بلبس الحجاب وكان عمرها اكبر من 12 بختيارها ..
انا لما بلغت قالت لي اعطيج 200 دينار و لبسي الحجاب انا قلت اوكي اخذ 200 و اقول بعدين مابي .. وامي ما تعرف تتعامل معاي وقامت طقتني ولبستني الحجاب ودخلتني محلات وشرت لي غصب عني وكنت ابجي ما اهتمت وانا من يوم كنت صغيره ما نويت البس حجاب لي هاليوم ..
من اول مالبست الحجاب كرهت السوق ولين الحين ما اعرف البس واختي كله تنقي لي ولما ابي اطلع شكلي يصير امبهدل واختي تذلني لما اقول لها عدلي حجابي .. راح تقولون شدعوا بس انا ما احب اللبس الخبه احب السمبل والي يكون الوانه فاتحه وهاذا مايصلح مع الحجاب مايطلع اوكيه ..
الحين انا محتره قلت بعرف حق لبس الحجاب وشريت لي 4 بدلات عيد من ذوق اخختي واحد منهم نفنوف .. طبعا النفنوف من ذوقي وفوقه عبايه حق اول ايام العيد بس الباقي 3 ماعرفت لهم واختي كانت مشغوله مالها خلقي ما اللومها وطلعت طول ايام العيد ابعبايه احتريت شفت بنت عمي مو لابسه حجاب ومتكشخه و كل رفيجاتي صادفتهم مناك كرهت شكلي واختي تقول (جنج مره حامل من اللفه الحجاب ) والله حاولت اقتنع بالحجاب بس صارت فيني عقده اكره الطلعات ولازم يقولون لي قبلها بيومين عشان اجهز نفسي والبس قبلهم بساعتين وامل والبس عبايه .. امي رضت وحست انها ظالمتني بس لما كلمت بنت خالتي عصبت وصارخت علي حييل .. صكيت الموضوع
بس اختي كلمت امي وقالت بفصخ العبايه وامي وافقت حييل محتره ..

وقريت بالنت انه البنت لما تفصخ الحجاب حق الشباب بس والله الحجاب مسؤوليه ماابي اكون لابسته و مو محترمته احسن شىء ثقيل علي بس وجهة نظر الناس شىء ثاني ما ادري عن شنو يتكلمون ادري حرام بس الله حرام اللبسه وما احترمه

ساعدوني :eh_s(16):
​

 

[njoy]

اشرايج ان انا عمري 13 ومتحجبه من كيفي واختي عمرها 15 مو متحجبه
ترا الحجاب حلو والله مافيه شي وبعدين ربي يرضا عنج

بس نصيحه لا تفصخيينه

 

[مـهـرة]

حبيبتي انتي مثل اختي الصغيره ولاتزعلين مني
ترا محد ضامن عمره ومافي شي اسمه مسؤوليه ومااقدر على الحجاب هذا كلام الشيطان
وبعدين ياما بنات محجبات ومافي اكشخ منهم
وتذكري(( من ترك شيئاّ لله ابدله شيئاّ خيرا منه ))

 

[وردة الكاميليا]

تعوذي من ابليس

 

[موج-البحر]

مادري اختي

اتمنى تراجعين نفسج , حطي سلبيات وايجابيات الحجاب وسجليها بورقة

وقبل كل شي ترى الحجاب فرض علينا وغير هذا ستر وغطا للبنت

استخيري ربج وتعوذي من ابليس لاتخلينه يوسوس لج
​

 

[Bnt tmeem]

في اشياء احنا نسويها نبتغي فيها رضى الله و رضا الوالدين
انا فاهمتج وحاسه فيج ،، انا رفيجاتي بالكليه شافوا صوري من غير حجاب قالوا لو منج افصخ الحجاب لانه شعري اشقر وناعم وطويل ،، وادري لمن افصخه بعصي الله لانه شعر المرأه فتنه وعوره تذكري احنا نسوي هالشي عشان نطيع الله مو عشان نطيع الناس وبالنسبه للبس حاولي تختارين ملابس تناسب جسمج وعمرج ،، قبل لا تفكرين بالوانها وشكلها ،، اهتمي باناقتج ومظهرج خلي كل شي يكون متناسق،، وديري بالج تختارين شي عالماشي لمت تختارين شي لبسيه بغرفة التبديل وشوفيه عليج، وبالنسبه للملفع لبسي القبعه وحطي شباصه بس مو الكبيره حيل اللي تيي وسط وحطي دبابس هالاشياء تساعد ع تثبيت الملفع وتظهره بشكل مرتب وحلو ،، وتدربي يومياً ع طريقة لبس الملفع لمن تضبطينه وصدقيني ساعتها بتشيلين فكرة انج تفصخين الملفع ،، وبالنهايه تذكري انج لمن تلبسين الملفع قاعده تطيعين ربج وترضينه وتاخذين اجر ع هالشي وان ماسويتي هالشي بيصير العكس ف لا تستهينين بهالشي وموفقه حبيبتي*

 

[طـير7]

اول شي ادعيلج بالصلاح والهدايه

ترى الحجاب فرض يعني مو شي اختياري لأ!

شي اجبااااااااري

والمفروض البنت مكلفه ومحجبه وتصلي وتصوم من عمر 9سنواااااات

يعني انتي تأخرتي بلبس الحجاب بس الحمدلله الله يثبتج عليه

انا تحجبت بــ 2ابتدائي يعني عمريتقريبا 7او8سنين

 

[سوسو^_^]

عيب علييييييييييييييييييييييييييييييييييييج شفيه الحجاب ها
روحي نامي وباجر روحي السوووق واشتري لج ملافع سنعه
يلا بنات اخر زمن

 

[مُخملْ]

آنتي تبينْ تفصخينه لان مضآيقج شكلج فيه ؟
يآحبيبتي ، انتي آللي تفرضين احترام غيرج لجْ ، بالعكس
آذآ انتي متحجبه هالشي يزيد من قدرج عند النآسْ مآينقصْه !
والاهم من هذآ كله ، يرتفع شآنج عند ربجْ ، لآتفكرين بفلان
ولا علان شراح يقولونْ ، فكري بنفسج لان محد بينفعجْ ،

آلحجآبْ ستر لجْ ، بالعكس هذآ آحنآ نلبسه وشحلاتنآ مرتبينْ
وكشيخينْ بعد!

مب معناته انج محجبة يعني شكلج مآرآح يطلع حلوْ ، حتى
ولو لبستيه غصب ، مب عن قنآعه ، لكنْ هذا الشي مب بيدج!
هذا شي كتبه ربجْ لجْ ولآزم تلتزمين فيه مثله مثل الصلاة ، فرييضة علليج!

آنتي من اول مالبستيه وانتي قاعده ترسلينْ لمخج آيحاءات سلبية عن الحجابْ
لككنْ لو غيرتي نظرتج شوي ، وشفتي االموضوع من نآحية غير ان غصبوجْ
عليه ، بتحسينْ آن اللي انتي تسوينه هو آلصحْ .

انتي مشكلتج كلها فانج ماتعرفينْ تضبطينْ شكلج باالحجآبْ ،
آلبسيلج عبآية منآسبه للمكآنْ ، ولفي شيلتجْ عدلْ وبسْ
ولو تبين تتعلمين اللفه دشي يوتيوب بتلاقينْ آللفه المضبوطه ،
صدقييني تقدرين تكونين مرتبه ومتحجبة فنفس الوقتْ ، آلحجآب
مآيمنع الترتيبْ ، آنتي اللي تخلين نفسجْ مبهدله !
رتبي نفسج واذا رحتي زيآرات للاهل تقدرين تاخذين عباه حلوة
ولفي شيلتج بطريقة ثانية مثلاً ، آهم شي ثقتج بنفسج
آذآ انتي مب واثقة في نفسج الناس نفسهم مابيتقبلونجْ ،

حكمي عقلجْ قبلْ لآتقررينْ ،
لاتخلّينْ آلناس تأثر على عباداتجْ ، وتذكري
آن عمره الحجآبْ مآنقّص من قيمة ولآ جمال
البنت ، بالعكسْ تكونْ فيه ملكة بحجآبها وآلتزآمهاْ ْ
آللي تفرض على الكل ان يحترمها ْ

آلله يهديج ويوفقج للخير حبيبتي

 

[є 3 τ и α q]

آنتي تبينْ تفصخينه لان مضآيقج شكلج فيه ؟
يآحبيبتي ، انتي آللي تفرضين احترام غيرج لجْ ، بالعكس
آذآ انتي متحجبه هالشي يزيد من قدرج عند النآسْ مآينقصْه !
والاهم من هذآ كله ، يرتفع شآنج عند ربجْ ، لآتفكرين بفلان
ولا علان شراح يقولونْ ، فكري بنفسج لان محد بينفعجْ ،

آلحجآبْ ستر لجْ ، بالعكس هذآ آحنآ نلبسه وشحلاتنآ مرتبينْ
وكشيخينْ بعد!

مب معناته انج محجبة يعني شكلج مآرآح يطلع حلوْ ، حتى
ولو لبستيه غصب ، مب عن قنآعه ، لكنْ هذا الشي مب بيدج!
هذا شي كتبه ربجْ لجْ ولآزم تلتزمين فيه مثله مثل الصلاة ، فرييضة علليج!

آنتي من اول مالبستيه وانتي قاعده ترسلينْ لمخج آيحاءات سلبية عن الحجابْ
لككنْ لو غيرتي نظرتج شوي ، وشفتي االموضوع من نآحية غير ان غصبوجْ
عليه ، بتحسينْ آن اللي انتي تسوينه هو آلصحْ .

انتي مشكلتج كلها فانج ماتعرفينْ تضبطينْ شكلج باالحجآبْ ،
آلبسيلج عبآية منآسبه للمكآنْ ، ولفي شيلتجْ عدلْ وبسْ
ولو تبين تتعلمين اللفه دشي يوتيوب بتلاقينْ آللفه المضبوطه ،
صدقييني تقدرين تكونين مرتبه ومتحجبة فنفس الوقتْ ، آلحجآب
مآيمنع الترتيبْ ، آنتي اللي تخلين نفسجْ مبهدله !
رتبي نفسج واذا رحتي زيآرات للاهل تقدرين تاخذين عباه حلوة
ولفي شيلتج بطريقة ثانية مثلاً ، آهم شي ثقتج بنفسج
آذآ انتي مب واثقة في نفسج الناس نفسهم مابيتقبلونجْ ،

حكمي عقلجْ قبلْ لآتقررينْ ،
لاتخلّينْ آلناس تأثر على عباداتجْ ، وتذكري
آن عمره الحجآبْ مآنقّص من قيمة ولآ جمال
البنت ، بالعكسْ تكونْ فيه ملكة بحجآبها وآلتزآمهاْ ْ
آللي تفرض على الكل ان يحترمها ْ

آلله يهديج ويوفقج للخير حبيبتي

كلآم سليم :rerrerek:

واللي تقولك اني عرفت الحجآب من كنت 14 سنه ؟!

_

قال تعالى { وَلْيَضْرِبْنَ بخُمُرّهِنَّ عَلَى جُيُوبِهِنَّ… } الآية [ النور : 31 ]


تعوذي من الشيطآن .. ولا تصيرين غافله ^^
الله يحفظك ^^
​

​

​

 

[مفعمه بالحيويه]

الله يهديج بسسس

مو على كيفنا نتحجب ولاء


الحجاب مافيها اقتناع ولا فيها روح وتعال اهوا فرض مثل ما الصلاة فرض .... وتذكري كل شعره ب جمره

والله يهديج ويصلحج

 

[al-shyo0o5]

آنـآ آكبر منج بسسنه و والله ماا كنت آعرف البس الملفع و ارتبه م كآآن حلووو كلشش

بس مع التعوود و المماارسسه كل شي يتسسهل

قمت آشوؤف آي طريقة لفه تعجبني تكوون ذربه و مرتبه و آسوي مثلهآ و آضبطها بعد لانهآ سسهله م يبيلهآ شي ولا فيها صعووبه آبــد

وهذآ آنـأ آلحين منقبــه بعد و كل يوؤم طريقه بالملفع و لفه شكل غيــر

بسسس هــآآآ

محترمه حجآبي ونقابي ولا عمري فكرت آحط الشبآصه الآوفر و الا الميكك آب آلصارخ , لآ كل شي نآآعم

غير هذآ آلرآحه النفسسيه الي تحسين فيهآ و انتي قااعده تمشين بـ شي يرضي ربــج

و حتى لوو رفيجآتج و بنآت آعمآمج و آهلج سسسسفوؤر , بيدخلون القبر معااج !! " بعد عمر ظؤويل انشالله "

بيتحااسبون معااج و الا انتي بتححاسبين معااهم ..؟

بتقولين لـ ربج فلانه مو لابسه و علانه لابسسه

م يحتاااج اقوولج انهم م رآآآآآآآح ينفعوونج لانج عاارفه هـ آلشي و متأكده منه


خلج آنتي النبته الطيبه بينهم

وآلبنت المحترمه الي فيهآ خير

وآثقه بـ حجآبهآ

و طآعه لـ ربهآ و لـ وؤآلديهآ



آتمنى تكوونين شايفه حلقــة " تو الليل " مع كم بنت محجبه

آشكآلهم تبآركك الرحمن تهببببل

وذربآآآآت شـ حلــآتهم

مذيعة الووطن "فآطمه الخبآز" + لآعبة كارآتيه + مهندسسسسه


و فعلــآ آلبنت المحجبه دآيمآ تكووون مميزه فـ آأي مكآآن تكوؤن فــيه

 

[شيوخ ــه]

السلام عليكم ورحمه الله وبركاته

عزيزتي انا بنصج من قلبي

الحجاب فرضه الله عزوجل علينا لما فيه من ستر للمرأه

قالوا العلماء المرأه مثل الجوهره اذا غطيته حفظته واذا تركتها للناس ذهب رونقها

قال الله تعال وما خلقت الجن والانس الا ليعبدون

واحنا ما انخلقنا الا لعبادت الله عزوجل والامتثال بأمره واجتناب نهيه

قال الرسول صلي الله عليه وسلم من ترك شيئا لله عوضه الله خيرا منه

حتي وان لم يأتي العوض في الدنيا يدخره الله لكي يوم القيامه

فيوم القيامه كم احوجنا للحسنه الواحده

​

 

[جوري 2007]

انتي مشكلتج مو بالحجاب مشكلتج بالذوق والهدوم ،، روحي قسم الازياء وشوفي لبس المتحجبات وراح تستانسين

ومن قالج ان الحجاب مايلوق معاه الالوان الفاتحه بالعكس السمبل يلوق مع كل شي ،،

 

[FeShinGoOo]

حبيبتي هاذا فرض مو شي مستحب عشان تقولين اسوي او ما اسوي

يعني اهلج لو شافوج ماتصلين او ماتصومين بيخلونج ؟؟ طبعا لا وغصبن عليج بيخلونج تصلين حتى لو انتي ماتبين لان هالشي برقبتهم اول شي وهالشي فرض عليج دامج مسلمه

 

[PO PO22]

احم ترى من عمري ٩ سنوات بلغت وتحجبت <<مشاءالله

ووانا الحين كبرج ومتنقبه

يعني انتي الله اختااارج من بد البنات بانج تلبسين حجاب وفوقها انج تكونين مسلمه شوفي شكثر بنات كبرج بالشارع لاحسيب ولارقيب وضيقة خلق وانتحار ومايعرفون الاسلام ولاشي

ها انتي مسلمه متحجبه شحلااتج وشحلاتنا اسم الله علينا عسى الله يثبتنا ويتقبل منا وكيفها فلانه وعلانه لاتلبس ولاتسوي شي اهيا ماقاعد تشكر ربي ع النعم الله معطينا جسم شحلاته ووجه يفتح النفس ونعم لاتعد ولاتحصى الله طلب منا هالشي ونرفضه ولاصارلنا شي رحنا نتبجبج يااارب ابي الشغله الفلانيه حققها لي انتي كبري واكيد وقت الامتحانات مو صح تروحين تدعين يارب وفقني يارب نجحني يارب سهل الامتحان الحين تطلبين من الله واذا مااستجاب لج تتذمرين وربي كا طالب منج تتحجبين وانتي قاعده تتشكين ،،

الله يهدينا واياج..

 

[شباصـه فرنسيــه]

الله يهديج بسسس

مو على كيفنا نتحجب ولاء


الحجاب مافيها اقتناع ولا فيها روح وتعال اهوا فرض مثل ما الصلاة فرض .... وتذكري كل شعره ب جمره

والله يهديج ويصلحج

:rerrerek:

 

[ضحكة]

الله يهديش...قولي اعوذ باالله من الشيطان الرجيم ...إن الله عزوجل لا يأمر بشيء إلا لمصلحة العباد فتأكدي ان حجابك لمصلحتك انت اولآ....الأجانب كل يوم والثاني مسويين بحوث عن الصلاة والركوع والسجود وغيره من امورنا نحن المسلمين وطلعوا ابحاث عنهم كيف ان الصلاة بركوعها وسجودها الصحيحين خمس مرات باليوم هي بحد ذاتها تمارين وتقي..وتقي...الخ
واكتشفوا ان الماء اذا قرىء عليه اسم الله تنتج فيه بلورة بشكل جميل ..الخ من الأبحاث والحمدلله الذي جعلنا متحجبات بلا واقي شمس بلا خرابيط أنا محجبة من عمري 6 سنوات ولابسه غطاء على وجهي من9 سنين والحمدلله
حجابش يحمي بشرتش وشعرش ماراح اقولش يسترش ومن هالكلام لأن المراهقين مايتقبلون احد يجي له داعية ...لا لبسيه لجمالش انتي...وصدقيني بطلعون بعد بحوث عن الفائدة من الحجاب وحتى الغطاء النفسية والمادية

 

[بنت عطا]

قطيه من ماسكج انتي مابذنح ماي

ترضين نفسج علئ حساب دينج وربج

 

[أمانيQ8]

الحجاب فرض عليج سواء لبستيه الحين والا بعدين والله انا اتمنى بناتي يتحجبون.. بس ماابي اغصبهم وصدقيني ادعيلهم بكل صلاه بالحجاب والستر ياحلوه لي البسوه يبون يصلون والله ان اويوهم تشوووق ...فديتهم بس انا حابه يلبسون على قناعه

والله الحجاب يهبل
نصيحه حاولي تحبينه بزيدج حلات والله