بـــ ع ــتهــم و " اشتــريـــك }~

[بعتهم واشتريتك]

بنات ماعلية بداية البارت 4 انا كتبتها ومادرى ليش انمسحت نطرونى كلها دقايق وانزلها

 

[بعتهم واشتريتك]

رد: بـــ ع ــتهــم و " اشتــريـــك }~ قصة كويتية واقعية

Bart4

وجا ثانى يوم المغرب بعد مارتاحت سارة ونامت لها جم ساعة
اتصلت على خالد
سارة:الو مرحبا خالد
خالد:هلا وغلا بروح خالد
سارة:هلا فيك شلونك وان شاءاللة نمت امس عدل
خالد:شلون مانام عدل وانتى اخر صوت سمعتة امس الا نمت وحلمت بعد فيج>
وتمو يسولفون ويسولفون وكل واحد يقول لثانى عن اطباعة ويتكلم عن شخصيتة
وخالد حيل تعلق بسارة واهيا بعد وكل هذا يرجع لاسلوب سارة معاة ككانت ادلعة حيل واطيع كلامة وادراية





وبذاك الوقت كانت ام سارة واخوانها دايم يروحون لجدتهم لانها فى فترة الحداد الا سارة نادر ماكنت تطلع من البيت وتنتهز كل فرصة عشان تكلم خالد
وتطورت علاقتهم حيل مع بعض وخالد صاار يحبها لدرجة الجنون واهيا تموت علية
وسألتة
خالد انت مو ندمان لانك تجاوبت معاى وكلمتنى
خالد:امبلا انا ندمان على كل لحضة وثانية عشتها بدونج انتى نورتى حباتى خليتى لها طعم ثانى انا احبج
سااااااااااااارة

واللة احبج

وقعد يصاار خ بأعلى الصوت واللة احبج واللة واحبببببببببببببببببببببببببج

سارة:خلودى بس بس فضحتنا لا يسمعك احد
خالد:خلهم يدرون بحبى لج وغلاتج عندى الحب مو عيبب ولاحرام



وكانت سارة كالعادة لما تزور بيت جدها

خالد يحااول يمر ويشوفها ومن بعيد كون مجتمعهم محافظ فكان يروح وييرد بالممر لعل وعسى يلمحها واهيا بعد اطالعة من بعيد لبعيد


ويتعذر يقول لخالتة لطوف خالة مالة داعى سايقهم يجى انا اوصل خالتى ام ثامر انا رايح رايح فيهم وبلياهم

ولما كان يوصلهم سارة تقعد بالكرسى الى وراة بظبط وطول الطريج العين بالعين من المنظرة يطالعها واهيا بعد
والام طبعا ماتدرى شسالفة ومحد كسبان غير سارة وخالد



سارة:خلودى اللة يعينا قربت الامتحانات واللة يستر
خالد:اى واللة الة يستر عاد شدى حيلج نبى تقدير حلو لاتفشلينا

سارة:افا عليك انا قدها وقدود وخلودى مو اذا رحت الكلية اطلع منى مناك
واللة يويلك منى
خالد:انا مثل المسبة لامنى ولامناك ماشوف غيرج ولا احد سكن القلب غير سويرة بس شسوى واللة البنات يحبونى ويتحاذفون على من كل صوب
سارة:اى بس لاتصدق عمرك محد عطاك وجة ول احبك غيرة
خالد:وش ذنبى دامنى جذااب
سارة:ابية لا من صجك من قص عليك بس انا اللى مبتلية فيك اللة بلانى بحبك
خالد:هههههههههههههه اللة يحلاتج احلا بلوى





اليوم كملت علاقتهم شهر بظبط



خالد:سارة اللة يمسرع الايام اليوم تصدقين كملنا شهر صج الايام الحلوة بسرعة تمر


سارة:اى واللة حبيبى عقبال مانبقى طول العمر مع بعض


خالد:امين حيااتى
بدت الامتحانات كانت سارة تسهر للفجر تدرس وتكلم خالد وتدرس شوى وهااذى حالتها طول مدة الامتحانات

واذا ماقدرت اتكلمة تروح لغرفة ابوها وتاخذ موبايلة من دون لا يحس واطرش مسجات لخالد







خالد:سارونا مايصير جذى انتى لما تشتاقين تتصلين وانا انزين لاشتقت شسوى واللة مرات ودى اسمع صوتج بس ماباليد حيلة شسوى
لازم تشترين موبايل قولى حق امج عشان اقدراكلمج على راحتى ليل ونهار محد يزعجنا تكفين سارة حسى فينى
سارة:حبيبى واللة لوبيدى مافارقتك اكلمك ليل نهار بس ان شاءاللة خلنا نخلص الامتحانات وانجح وبعدها اتشرط على اامى عشان تشتريلى موبايل بعد شتبى
خالد:متى يجى هاليوم سارة:قريب ان شاءاللة قول اميييييييين


خلصت الامتحانت

واليوم النتايج


سارة نجحت وجابت تقدير حلو
سارة:يما انا نجحت صح
الام:اكيد عيون امج قايلة شى جديد
سارة:يمة مو وقت طناازة انزين شلى عندج ابى الهدية
الام:امرى يما لج عيونى
سارة:تسلم عيونج يما انا ابى موبايل حالى حال رفايجى
الام:بس مالة داعى يما باجر اتخرجيب وتفظين لهسوالف اخاف تعطلج عن دراستج ولا شى
سارة:لايما وعد انى ماخلى الموبايل يلهينى عن دراستى وراح يرتفع معدلى بعد
الام:ان شاءاللة يصير خير وتستاهلين يما
سارة:يما اليوم نروح ونشترى
الام:بس ا نا اليوم عازمتكم بمناسبة نجاحج انتى وااخواانج
سارة:خلاص يما مشكورة نمر السوق قبل لانروح الالعاب
وجا وقت الطلعة ومرو السوق واشترت سارة الموبايل كانت طايرة من الفرحة مو مصدقة ان خلاص خلودى متى مابغاها طرشلها مسج ولا كلمها

واول رقم اتصلت علية خلودى
سارة:الوو....خالد:منو معاى
سارة:خلودى شفيك انا سارة ماعرفتنى
خالد:امبلا بس استغربت الرقم انتى من وين تحاجينى
سارة:خلودى باركلى فتحت موبايل وانت اول رقم اكلمة وتر انا نجحت اليوم انشغلت ماكلمتك
خالد: صج مبروك حياتى مابغينا واخيرا اقدر اكلمج براحتى وانا بعد نجحت وجبت جيد جدا
سارة:اى حبيى الحين على راحتنا اوكى حبى الحين بقولك باى لما ارد البيت اكلمك
خالد:باى ديرى بالج على عمرج اوكىسارة:تامر امر حبى

بالليل ردت سارة البيت واتصلت على خالد تمو يسولفون للفجر
ومرت الايام بينهم كل يوم احلا من الثانى


خالد:سويرة ماشاءاللة باجر العيد>>>>طبعا عيد الاضحى
سارة:اى حبيبى ينعاد علينا بالخير يارب


خالد:باجر انتى اول وحدة تعايد على مو بكيفج غصب ترا
سارة:مايبيلة حبى اكيد اصلن انا بزعجك من الصبح
خالد:اللة فديت ازعاجج ويبختى واللة


الحين صباح عيد الاضحى,,,..
سارة طرشت اول شى مسج لخالد صباح الخير حبيبى
خالد رد عليها بسرعة صباح الانوار يانور عينى انتى


قامت سارة واتصلت بعد ماتأكدت ان خالد قاعد من النوم
صبااح الخير حبيبى
خالد:صباح النور يقلب خالد انتى

سارة:عيدك مبارك حبيبى
خالد:ايامج سعيدة واللة ياسارة هالعيد غير اول مرة احس ان العيد لة طعم ثانى هسنة غير لانج موجودة معاى طبعا حياتى
سارة:تسلم حبيبى وانا بعد العيد هذا احلا عيد يمر بحياتى خلودى الحين روح صحصح وبدل ملابسك وانا بروح اشوف ثامر يبينى ابخرة وازهب ملابسة
خالد:لا واللة وانا مو يبخرنى ويكشخنى ليش الظلم بس ثامر
واللة اليوم راح احقد على ثامر لما اشوفة بديوان جدى
سارة:هههه>>>>>انت بالقلب حبيبى وياليت كنت اقدر اكشخك بنفسى وازهبلك ملابسك بس اللة كريم لا وبعد بقولك تذكر هذاك دهن العود اللى قلتلك شريتة من الشايع الى اسمة خالد

خالد:اى اذكرة

سارة:بحط لثامر منة واذا سلمت علية شم ريحتة
خالد:لا واللة بزنط اخوج مو اشم ريحت عطرة >>>>>>>ههههههه
سارة قوللى امين
سارة:امين حبيبى
خالد:ان شاءاللة يجى اليوم اللى تكونين فية حلالى يارب
سارة:امين يارب
طبعا سدو الخط وكل واحد راح يتزهب



نفس اليوم الظهر س2
اتصل خالد الوو حبيبتى شلونج شخبارج
سارة:هلو حياتى تمامو
خالد:واللة يسويرة اليوم لما شفت ثامر كشخة ثامر قلت بقلبى اللة يبختك باللى كشخك
مو انا مسكين
سارة:انت مسكين ليش حبيبى انت الى ساكن بوسط القلب محد سواك


وسولفو شوى وجان خالد يقول؟؟؟؟؟
خالد:سارة حبيبتى
سارة:هلا
خالد:احنا خلاص لازم نترك بعض ونقطع الاتصالات الى بينا
سارة:هى انت مجنون ولاشنو شتقول من صجك
لاخالد قول غير هالحجى وبدت تبجى وتنوح لا خالد انت ليش جذى وو....................
خالد:سارة شفيج واللة اضحك اتغشمر معاج يبا هاذى مسرحيات العيد
شسالفة الواحد مايضحك
سارة:عبالى بعد واللة قلت لو صج السالفة راح اذبحك راح اموتك
خالد:وانا اقدر اسويها وابعد عن نور عينى
واللى نورت كونى وخلتلة طعم ثانى ثانى يوم العيد اتصل خالد
هلا حبيبتى شلونج
سارة:هلا حبى تمامو انت اخباارك
خالد:بخير حياتى صج سويرة ابوى بيرد من الحج واكيد لازم اروح اشوفة كلها جم يوم وارد ماراح اطول
سارة:اكيد حبيبى بس واللة مادرى شلون بصبر بدونك ومادرى شلون بتمر الايام
خالد:حياتى لاتحاتين كل يوم راح اكلمج
سارة:اوكى حياتى اوعدنى ماغيب عن بالك
خالد:انتى اللى بالبال والقلب وماشوف غيرج بهدنيا



ثانى يوم الفجر الساعة 5


اتصل خالد بيودع سارة قبل لايسافر
خالد:صباح الخير حباتى تدرين بعد بعد شوى بمشى قلت اكلمج خصوصا انى بسيارة ماراح اقدر لانى مو بروحى معاى خالتى لطوف


سارة:اى حبيبى دير بالك على نفسك ولاتسرع ولاتنسى اطمنى عليك وتتصل

@@@لان بذيك السنة 2004 ماكان في شى اسمة تجوال لما الواحد يتعدى حدود الديرة ينقطع الارسال فكان خالد اما يكلمها من احدى كبائن الاتصال او ياخذ موبايل ابوة لان اهوا ماعندة خط سعودى لانة استقر ويدرس بالكويت



وقعد اسبوع بالمملكة كل يوم يكلمها ويتطمن عليها واهيا هالاسبوع مر عليها جنة سنة حيل فقدت خالد وكل مايتصل تحن علية حبيبى متى ترد واللة اشتقت لك


واليوم اتصل وقالها بر باجر ان شاءاللة


سارة طارت من الفرحة مو مصدقة لا خالد بيرد اللة يخلودى واللة اشتقت لرقمك يطلع بشاشة موبايلى متى حبيبى متى تردجد اليوم الثانى ورد خالد واتصل عليها لما وصل السالمى

سارة: رن تلفونها الوو........بأعلى صوتها تصرخ هلا هلا حبيبى تو مانورت الكويت اشتقت لك اللة يحلات رقمك من زماان عنة
خالد:اللة ياسارة كل هشوق بقلبج من صجج
سارة:واكثر واكثرر انام شتاقتلك موت موت حبيبى
خالد:وانا اكثر واكثر واكثر الحين قلبى بقولج باى ولما اوصل البيت ان شاءاللة اكلمج
سارة:اوكى حياتى دير بالك على نفسك




وخلص بارت 4

بس فى مفاجأة بالبارت الجاى
احداث غريبة حييل :68_asmilies-com::68_asmilies-com::68_asmilies-com:خالد من السفر......اذا تفاعلتو نزلت البارت الجاى بأقرب وقت

 

[بعتهم واشتريتك]

بنات البارت ونزل كامل يالة ابى تشجيع ورايكم بصراحة ويسلمو لكل من قرى القصة

 

[بعتهم واشتريتك]

صبااحو بنات
:33_1185028183:
البارت الجاااى
قريب بنزلة

 

[Sara.M]

نآآآطررررررررررررينج

 

[بالحيل مختلفه ..}]

ناطرينج

 

[Jro7 Al.nass]

وااااااااااااااااااااااااااااااااااو القصة جنااااااااااااااااان روووووووووووعة
ناطرينج بليز لاتطولين

 

[بعتهم واشتريتك]

سارة
بالحيل مختلفة
عاشقة بدر
يسلمو حبايبى على مروركم ولعيونكم بنزل اليوم البارت 5



بس نطرونى شوى اظبطو وراح ينزل على
طول

 

[بعتهم واشتريتك]

:dddds:

 

[بعتهم واشتريتك]

bart5
وصل خالد لكويت وبعد مارتاح اتصل على سارة بتحديد س 7 مساء
ورن تلفون سارة
سارة:الو........حبيبى هلا وغلا بأمير الروح>>هذا اسمة بموبايلها
اشتقتلك
خالد:هلا فيج حياتى اعذرينى طولت عليج بس على ماريحت قلت اكلمج
سارة:لاعادى حبيبى راحتك بدنيا عندى
خالد:تسلمين حبيبتى
>>وتم يسولف معاها وشكثر مشتاق لها وشلون مرت ايامة هناك
سارة:واللة يخلودى اليوم كان يمر سنة بدونك اشتقتلك لك موت
خالد:كانى رجعت لعيونج عسى اللة لايحرمنى منج
سارة:امين يارب
وبعد السوالف سد خالد لتلفون عشان بيروح ينام
خالد:سارة حبيبتى الحين باى لانى بروح انام واريح شوى تدرين الروتين هناك معفوس
سارة:اوكى حياتو نوم العافية
وصحتك عندى بدنيا
ونام خالد وسارة هم بعد راحت تنام


ثانى يوم الظهر س 2
سارة:تتصل على خالد محد يرد حاولت مرة واثنين وثلاث بس ماكو فايدة وخاافت حيل وقامت تحاتية ياربى تعبان فية شى او يمكن للحين ماقعد من التعب
ونطرت للعصر وحاولت مرة ثانية
وهم نفس السالفة
وقامت طرشتلة مسج
>>>>>خلودى حبيبى طمنى عنك تعبان فيك شى واللة قاعدة احاتيك



وبعد تكرار محاولاتها اتصالات ومسجات واخيرا رد خالد
سارة:هلا حبيبى فيك شى قاعدة احاتيك
خالد:>>>يرد بنفس لا ماكو شى بس ابوى اليوم جانا
سارةكابوك جا عسى ماشر اكو شى انت توك امس جاى منهم
خالد:ماكو شى بس ولد رفيجة البوم عرسة وجاى يباركلهم
سارة:الحمداللة دام ماكو شى
خالد:سارة الحين انا مشغول بااى ويمكن حتى بالليل مارح اتصل تدرين راح اكون لاهى مع ابوى

سارة:اوك حبيبى بس طمنى ولو بمسج
خالد:يصير خير باى


***وقامت الافكار تودى وتجيب براس سارة محتارة حييل من اسلوبة وطريقة كلامة اول مرة يكلمها بهطريقة يربى لايكون انا زعلتة من دون لاا اقصد او ضايقتة
وقعدت تحاتى
ومر اليوم بدون مكالمات ولا مسجات بينهم وكان اصعب يوم بحيات سارة


وثانى يوم""""""
تكرر نفس السيناريو تتصل واهوا مايرد

وقامت طرشتلة مسج


((خالد انا اعرفك عدل فيك شى ومنت عارف شلون تقولى
عادى واجهنى تعال لاتتهرب ))


وتمت تنتظر تقريبا ساعة ماوصلها اى منة


وبعدين وصلها مسج من خالد يقول فية
((ظنج بمحلة اى بقولج شى ومانى عارف شلون ابدى بس المهم ابيج تكونين بروحج باخذ راحتى بالكلام معاج اذا اوكى ردى بمسج عشان اتصل))



سارة قامت وطرشت لة انا الحين بروحى ))



واتصل خالد>>>>



سارة:هلا خلودى شلونك شخبارك

خالد:بخير اللة يسلمج>>أسلوبة كان جاف معاها مو مثل اول سارة بقولج شى بس ابيج اذان صاغية
سارة:قول واللة من امس على اعصابى حرام عليك خالد لا تخرعنى
خالد:سارة تذكرين بالعيد لما قلتلج لازم نترك بعض ونقطع الاتصالات

سارة:شنو.......:امبلا!!!!! اذكر... طبعا اهيا مو مستوعبة اى شى مصدومة حييلخالد:ترا هالكلام صج ولازم ننوقف اتصالات وانا طول فترة سفرى افكر افكر شلون اقولج السالفة


والحين جاى اقولج هالقرار عن قناعة:

امانة ياسارة قدرينى واعذرينى
انا لما اشوف خالى اللي ااهوا ابوج احس انى قاعد اخونة
سارة:توك تحس بتأنيب الضمير انزين ليش من البداية توافق وتعلقنى فيك اكثر واكثر

وتمت تصارخ علية وتبجى حرام عليك انت جذى تهدم حياتى حطمتنى حراام.....!!!!!!!!!واللة حرام عليك اللي تسوى فينى


خلاص يعنى هنت عليك بهسهولة حسبى اللة عليك<<<<بالمقابل تم خالد ساكت ماقال ولاكلمة




واخر شى تكلم قال ياسارة انا ماقلت ننهى كل شى لا ....
لا ياسارة حبج بقلبى لاكن الاتصالات اهيا اللي تنقطع وغلاج ومعزتج بالقلب

سارة:والحب وين راح خلاص خلاص انتهى
خالد:لايبا كل شى باقى واذا بينا نصيب راح ناخذة
بس خلينا نتركها للايام وان شاءاللة خير وكل شى باقى بالقلب بس مرات نقول
ليس كل مايتمناة المرء يدركة تأتى الرياح بما لاتشتهى السفن


سارة:وينك قبل ماقلت هالحجى الحين مرء وسفن اللة يدنيا بس ترا احنا لا شتهينا سيرنا الدنيا على هوانا واذا مانبى قلنا سفن ووريااح........>>
ولاتنسى انت بكيفك كلمتنى محد جبرك خلاص خلاص روح دامك اخترت طريققك اللة حسيبك

وخالد تم يقنعها ويهديها واهيا مو سامعتة قامت تصارخ وتحسب ربها وسدت الخط بوجة خالد


واغلقت موبايلها وصكرت غرفتها وقامت تبجى وتصيح ماتقدر تشكى لاحد الا مثول اهيا الوحيدة اللي تعرف

كل شى على الرغم من صغر سنها الا انها تفهم اختها حيل وتمت مثول تهدى بسارة وتضمها
وجا الصبح وسارة حالتها حالة نايمة من التعب والبجى وقعدت الظهر وبطلت
موبايلها ولقت مسج من خالد((سامحينى ياسارة بس صدقينى اللي سويتة لمصلحتنا ولاتحرمينى من شى واحد انى اباركلج بيوم ميلادج وراح اعتبرة يوم استثنائى))


سارة:تقرا وتقول اة ...اة..اة ياخالد اللة يسامحك اللة يسامحك
انت ذبحتنى وانا حية مادرى شلون بتكون حياتى بدونك


+++بعد يومين من السالفة بدت المدارس الفصل الثانى+++
وداومت سارة بس حالتها متغيرة لاتسولف ولاتغشمر مع رفايجها
وكلة سرحانة بالحصة ومرت الاشهر عليها وشوى شوى تحاول تنسى وتسلى
لاكن اهوا كان ملازمها بالقلب والروح والفكر بكل شى وتذكر كل كلمة قالها لها وتبجى كل يوم لحد ماتنام من التعب

وكالعادة كانت تروح بيت جدها وتلمحة هناك وتقول بفلبها اة ياليت اقدر احاجيك
ومرات خالد يجب يشعل نار الغيرة بقلبها اذاذ جت بيت جدها ولانة يدرى انا مثول تعرف كل شى كان جدامها

يمسك تلفونة ويكلم بنت يقولها انا احبج مشتاقلج يا قلب خالد ومن هالحجى مثول لما شافتة عصبت حيل وجت تركض لسارة

مثول:سارة...سارة..ابى موبايلج بسرعة بسرعة عطينىسارة:شتبين فية شسالفة
مثول:انتى عطينى وبعدين اقولج
وعطتها سارة وراحت مثول اوقفت جدام خالد واهوا للحين يكلم واتصلت علية عشان تتاكد بس المصيبة رن تلفون خالد ؟؟؟؟؟؟...........قامت مثول وطالعتلة وماتت من الضحك علية واهوا عصب

بس اهيا جت لسارة وقالتلها السالفة وقالت عبالة اهوا بيقهرنى واللة ياسارة خذيت حقج منة وجننتة لج بس انتى لو شايفة وجهة منقص من الفشيلة هههههههه صج مصخرتة

وضحكت سارة>>>وكانت هاذى اول مرة تضحك من قلب


مرت الايام واليوم ميلاد سارة وكانت قاعدة مع اهلها ع التلفزيون وتشوف جلسات الرويشد

الساعة 11.5 ولايجيها مسج مكتوب فية
ياسما وين القمر خلة يبن ابسالة عن واحدن يشبة حلاك .....ماكملت المسج سارة وقامت ترجف من الوناسة معقولة ذكر ميلادى ووفى بوعدة.....


وراحت لغرفتها وارسلت لة جمعت الشوق واهديتة عيونك وكل الحب فى دربك نثرتة وعطرت المشاعر من جننونك وزفيت العمر لك لو خسرتة زمانى ماتخيلتة بدونك وليلى بدون همسك ماسهرتة احبك كثر ماحضك يخونك وكثر ماجابك الحظ وشكرتة


وبعدها لما صارت الساعة 12 بظبط رن موبايلها ولا أمير الروح يتصل

سارة:الو
خالد:كل عام وانتى بالف خير وعقبال مية عام يارب
سارة:ماقدرت اتكلم بس دموع وانت بألف خير
خالد:يابعد قلب خلودى انتى لاتبجين اليوم ميلادج خلينا نستانس ونسولف مع بعض واللة يسويرة انى انطر هاليوم اعد الدقايق

سارة:اة.... ماتدرى ياخلودى شصار فينى وشلون مرت الاشهر على عذاب فى عذاب
اضحك مع الناس والقهر بقلبى
خالد:سلامة قلبج وغلاتى ياسارة انسى اليوم كل شى وخلينا نسولف وننسى كل اللي فات
سارة:تامر حبيبى لعيونك انسى كل شى

ومر الليل واهما ضحك وسوالف كانت احلى ليلة تمر عليها خلص رصيد خالد وانقطع الخط ردت سارة اتصلت وهاذى حالتهم وخلص رصيدها وراح خالد جاب كرت ثانى وكلمها كانت ليلة ولا بالاحلام
وقالها سارة ترا اليوم استثنائى لاتنسين وطلبتة خالد وغلاتى باجر تتصل على قبل لايخلص اليوم
خالد: من عيونى وغلاتج لاتصل باجر
>>اليوم اول مرة سارة تنام بدون تفكير ودموع وذكريات كانت نايمة مو حاسة بالعالم كلش
وطلع الصبح وجا وقت المغرب س 6واتصل خالد وقالها يسويرة انا مثل ماوعدتج اتصلت وسولف معاها لانة اليوم ميلادج وانتى تامرين امر
وودعها واهيا نفس الشى مع السلامة

(((>>مرت الاشهر ووالايام وكان خالد من فترة لثانية يطرش مسجات لسارة واهيا ترد علية

وهاذى حالهم وجا الصيف شهر 6 و7و8 ولحد ماجا شهر 9 وقت السنة الجديدةطرشتلة مسج وقالت خالد انا حبيت شوى ابعد عن جو لكويت ويمكن هشى يساعدنى انى اسلى عنك وعشان جذى قررت اكمل دراستى الثانوية العامة بسعودية


وبقعد هنااك عند خالتى ام حنون



اتصل خالد ووصاها على نفسها ودراستها وقالها وغلاتى ياسارة انج ترفعين راسنا بنسبة الحلوة

واهيا قالتلة اللة كريم لاتنسانى بدعواتك
>>>>>وعلى فكرة بهالفترة الغياب اللى غاب فيها خالد لما اتصل عليها يوصيها نطق اسمها سارة حاف لاحبيبتى ولاشى >>>>>>الايام نستة هالكلمة <<<صج دنيا ماتسوى


زهبت اغراضها وودعت اهلها عشان بتسافر ومثول اكثر وحدة تأثرت لانها شلون بتفارق سارةلأول مرة تبعد عنها



وسارة وصلت المملكة على الرغم انها بين اهلها الا انها حاسة بالغربة حيل وفقدت اهلها اخوانها خواتها

>>>>>>احدااث جديدة بنتظاركم بعد دراسة سارة هناك >>تابعو قصتى وقولولى رايكم بصراحة>>بارت 6 قريب ان شاءاللة بنزلة وكثر ماتفاعلون نزلتة بقرب فرصة

 

[بعتهم واشتريتك]

اشكر كل من قرى هالقصة
ومن رد عليها

 

[بالحيل مختلفه ..}]

سالله كملي كمملي

ناطرتنج

 

[prinss sarah]

كملي عفييه والله قصتك رووووعه بنات موتنسون قصتي انا بعد ساره والعاشق الكاذب تراها صدقبه وربي صارت معاي انا ابي ردودكم عشااان اكمل بليييييييييز

 

[Sara.M]

رووعه .. كملي ناطريييينج

 

[بعتهم واشتريتك]

كملي عفييه والله قصتك رووووعه بنات موتنسون قصتي انا بعد ساره والعاشق الكاذب تراها صدقبه وربي صارت معاي انا ابي ردودكم عشااان اكمل بليييييييييز

:68_asmilies-com::68_asmilies-com::68_asmilies-com:

 

[بعتهم واشتريتك]

ان شاءاللة بقراها prinss sarah يسلمو على مرورج

 

[بعتهم واشتريتك]

_03ba:_03ba:حبيبتى بالحيل مختلفة يعطيج العافية على المرور

 

[بعتهم واشتريتك]

تشكرى اختى sara.m

 

[بالحيل مختلفه ..}]

اتوقعت القى بارت

 

[بعتهم واشتريتك]

فديتج بالحيل مختلفة الليلة راح انزل البارت لعيونج عارفة وقت عيد وتسوق من مجمع لثانى اعذرينى
بس الليلة مايصير خاطرج الاطيب