بــــنـــاااات لــحــقوونـي ..

[miss_classy]

قطــوتي طلعت من البـيت وما ردت

هذي مو اول مره قبل طلعت بس ما طولت ردت قعدت جم ساعه برا وردت ....بس الحين طلعت وماردت وانا متأكده احد بفريجنا اخذها لانه الياهالووه بفريجنا واايد

والمشكله الكل يقولي كلها قطوه عادي تشترين غيرها ...بس انا تعلقت بقطوتي واااايد :0bee2e8d89: ومابي الا اهيا

عطوووني حل شسوي ...

 

[al_gardenia]

ما ابي امالج بس يمكن تنحاش منهم وترد لج لان مو متعوده على بيتهم اذا اهيه شايه الطريج واهيه ماخذينها

انشالله اترد لج يارب

 

[M!SS CHARISMA]

ان شاءالله ترد لج بس الله يهداج لاطلعين قطوتج برا موزين لها ولكم تنقل امراض من قطاوه الشارع او تعور وخصوصا البلديه هالايام قامو يحطون سم بالزباله تكرمون عشان الفيران وقطاوه الشوارع

انزين انتي زارعه فيها شريحه (المايكروشيب)؟ اذا زارعه روحي للبيطري وقوليله ان قطوتج ظايعه واهما بيدورون بكل قطوه يفحصونها يمكن الي بايقها يوديها للبيطري ويجكونه

 

[lojeeen]

الله يردها لج سالمه الحين موسم تزاوج القطاوه فأكيد راحت تبي تتزوج و يمكن ترجع بعد كم يوم

بس اول ما ترجع سبحيها عدللللللللللل و وديها البيطري يزرعون فيها مايكرو شيب مثل ما قالت chocolate90
و لاا تخلينا تقرب من اي باب احبسيها بالبيت حتى ما تجيب لكم و لنفسها العدوى أو تاكل سموم من الزباله هل ايام حتى قطاوه الشوارع اشوفهم مسدحين مراضى

 

[miss_classy]

ثــــانكــس بنـوتااااات لقـــيت قطوتي طلعت عند البيت الي يمنا بس الياهالووه خذوها وامهم يابت القطوه لنا وحدها متفشله ....
لا تشــوفووني اول ما لقيتها حدي مستانسه والكل يضحك علي لووول
الحين سبحتها عدل وعطيتها اكل وخليتها تنام وصكرت عليها بالدار وخليت الجو هدوء
واخيررا بنااام اليوم وبنتي يمي على قولت ماماتي لووول
خلااااص توبه اخليها تطلع من البيت ومن داري بعد لانه صج حدي تعلقت فيها وما اتخيل حياتي من غيرها
ادري تقولين تبالغين بس هذا الصج ...
والله يا بناات من بعد ما كتبت لكم انها ضاعت بعد ربع ساعه امي يتني واهيا معاها واقالت لي شصار
وانا اسويلها شور ياني احساس انها حامل بروح اجيك عليها بالبيطري باجر انشالله ..

ثانكس حبايبي

 

[teeky]

الله يعينج والله حتى انا قطوتي راحت وماردت بس هذا طبع لقطاوه كله ياكلون ولما يكبرون ينحاشون حق قطاوة الشوارع بس هم انتي دوريه يمين يسار وان مالقيتيه بعد خلاص الله يعوضج بلي أحسن منه

 

[catloverq8]

عذرا بنات بس إنتو غلطانين ،،، القطوة نداء الطبيعة عندها أقوى من أي شي ثاني لما تبلغ سواء ذكر أو أنثى فتطلع للتزاوج و المفترض اللي يبي قطوة عنده بالبيت يسوي لها عملية صغيرة سواء ذكر أو نثية حتى يستمتع بوجود القطو بدون نداء التزاوج و للعلم ماكو فرق بين الذكر و النثية إذا بلغوا و ما سوينا لهم العملية يتحولون إلى إزعاج مستمر ،،،
و إذا كان القطو صغير و طلع من البيت ايضا إهمال منا ،،،، لأن القط بطبعه فضولي بس من تجربتي أقول لكم القطاوة جبناء و يخافون من المجهول لذلك ما يباعدون عن البيت إذا طلعوا إلا إذا أحد أخذهم
ديروا بالكم على عيالكم القطاوة ،،،،